radheef.info
ރަދީފު


ވަރަ
ނ (1) އުދުހޭ އެއްޗެތީގެ ފިޔަ (2) ކެޔޮގަހު ބަނޑުފަތާއި ކަށިކެޔޮފަތް ފަދަ އެއްޗެތީގައި ހުންނަ ތުނިފަށްފަށް (3) މުއިރު (4) ދުނިދަނޑި ލަނބަންޖަހައިފައި ހުންނަ ފަށް (5) މަޑައިގައިޖަހާ އެތިފަށް (6) ފިޔަ
ދިޔަވަރުވުން
މ އޮޑިދޯނިފަހަރު ވަދެނިކުމެވޭ ވަރަށް ދިޔަވަރު ބޮޑުވުން
ދިޔަވަރުގޮނޑުޖެހުން
މ ދިޔަވަރު އެންމެ ބޮޑުވާންވީވަރަށް ބޮޑުވުން
ދިޔަޖެހުން
މ (1) ފެންހެލޭ ވަރަށް ކާށިހަރުވުން (2) އޮޑިދޯނި ފަހަރުގެ ދިޔަވާތަންތަން ފާހަގަކުރުން
ދިޔާވުން
މ (1) އޮލަ ނުވަތަ ތަތް އެއްޗެއް ހުންނަންވީ ވަރަށްވުރެ ދިޔާކަން ބޮޑުވުން (2) ހަރުކޮށް ނުވަތަ ހިކިކޮށް ހުންނަންވާ އެއްޗެއްހަލާކުވެގެން އޭގައި ތެތްކަން އުފެދުން މިސާލު: ބެޓެރީ ދިޔާވުން (3) ބައެއްކަހަލަ ހަރު އެއްޗެއްސާއި ތަތްއެއްޗެހި ހޫނުގެ ސަބަބުން ފެންވުން މިސާލު: )ހ( ތިމަރަދިޔާވުން )ށ( ރަބަރުދިޔާވުން
ދުނބު
ނ (1) ދަނބުގަހާ ވަރަށް ވައްތަރު ގަހެއް (2) މިގަހުގައި އަޅާވައް މިވައްފަޅައިލާއިރު އެތެރޭގައި ކުނަމެހިތަކެއް ކަހަލަ އެއްޗެހިތަކެއް ހުންނާނެއެވެ
ދުނބުރި
ނ (1) އަނބާވައްތަރުގެ ވަކެއްއަޅާ ފަތްބޮޑު ގަހެއް. މިއީ ގެދޮރު އަޅާއިރު މުޑީގެ ގޮތުގައްޔާއި ބިތްގެތުމަށާއި ފުރާޅު ބަނުމަށް ދަނޑިޔަށް ބޭނުންކުރާ އެއްޗެކެވެ މިއީ ވަރަށް އަވަހަށް ހެދޭ ގަހެކެވެ (2) މިގަހުގައި އަޅާވައް (3) މިގަހުގެ ލަކުޑި
ދުނިރުވުން
މ (1) ދުނިދަނޑީގެ ވަރައިގައި ދުނިއެޅުން (2) ދުނިފޮނުވައިލުމަށް ތައްޔާރުކުރުން
ދުނިކޮޅު
ނ (1) އަތޮޅުގެ ރަށްތައް އެތުރިފައި ހުންނަ ބޭރު ބުރުނިމޭ ހިސާބު (2) މާޅޮސްމަޑުލު ދެކުނުބުރީގައި އޮންނަ ފަޅުރަށެއްގެ ނަން (3) ވަކިފެންވަރަކަށް ބާރުގަދަކޮށްގެން ވަކިކަމަކަށް ބޭނުންކުރާ އެކަތަކޮޅެއް
ދުންފަތުއަނދިރިއެޅުން
މ މަޖާޒު: ދުންފަތުގެ އިސްތިޢުމާލުކުރާ މީހުންނަށް ދުންފަތް ނުލިބުމުން ނިދިނުފިލައި ތިބޭގޮތްވެ ވަޅޯވެ އެލިފައި ތިބުން މިހެންވުމުން ބައެއް ފަހަރަށް ވަރަށް ރުޅިވެސް ގަދަވާނެއެވެ
ދުންތަރި
ނ ވަކިދުވަސްވަރަކު ރޭގަނޑު އުޑުމަތިން ފެންނަ ތަރިއަކަށްވުރެ ބޯޅައަކާ ވައްތަރު އައްޔެއް. މިޢަލީގައި އެކުލެވެނީ ނުގުޅިހުންނަ ކުދިކުދި އެތިކޮޅު ތަކެކެވެ. މިއަލިއިރާއި ކައިރިވުމުން ދިގުނިގުލެއް ފާޅުވެއެވެ. މި ނިގޫ ފެންނާނީ ނިއުޅާލައިފައިވާ އިލޮށި ފައްޗެއްހެންނެވެ ނޫނީ ދިގު އިސްތަށިގަނޑެއްހެންވެ
ދުއްދުން
މ (1) ތައްޔާރުކޮށްފައި ބެހެއްޓުން މިސާލު: ބަޑިޖަހަން ދުއްދައިފައި )ތައްޔާރުކޮށްފައި( ބެހެއްޓުން (2) މަޖާޒު: ދުރަށްނުގޮސް އަބަދު ކައިރީގައި ހުރުން (3) އަޅައިގަންނަގޮތަށް އެއްޗެއް ދިއްކޮށްފައި ބެހެއްޓުން (4) ކިރިޔަކިރިޔާ ހިފެހެއްޓޭވަރަށް ތަނެއްގައި އެއްޗެއް ވިއްދުން
ދުވަނި
ނ ޢާންމުކޮށް ކުޑަކުދިންގެ ގައިންނަގާ ބައްޔެއް މީގެ ދެތިން ވައްތަރު ހުރެއެވެ އެއީ )ހ( ގޮށް ދުވަނި )ށ( ރަސްދުވަނި މިއެވެ މިތަނުން އެންމެ ނުރައްކަލީ ރަސްދުވަންޏެވެ މިދުވަނިނަގާނީ ކަނދުރާއިން މަތިންނެވެ ތިރިއަށް ފައިބަމުންގޮސް މެޔަށްވުރެ ތިރިވެއްޖެނަމަ ވަރަށްބޮޑަށް ނުރައްކާވާނެއެވެ ބޮޑެތިމީހުންގެ ގައިން މިދުވަނި ނަގައިފިނަމަ ކިޔަނީ މާވިހައެވެ ދުވަނިވެއްޖެނަމަ ހުންނާނީނޫކޮށް ނުވަތަ ރަތްކޮށެވެ ގޮށް ދުވަނި ނަގާނީ ތަންތަން ކޮޅުގައިގޮށް ގޮށަށެވެ
ދުވަސްދުއްވާލުން
މ މަޖާޒު: (1) މީހަކަށް އާދަޔާ ޚިލާފަށް ހާނީއްކަ ކުރުން (2) މީހެއްގެ ދިރިއުޅުން ގެއްލޭ ފަދަ ކެއްސެއް ދިނުން (3) ބޭނުންނުކުރެވޭ ވަރަށް ހަލާކުކޮށްލުން
ދުވާފަރުދަންޑަހެލު
ނ ޣާޒީބަންޑާރައިންގެ އަރިހުގައި އުޅުނު ވަރަށް ހަލުވި އެހައިމެ ހުސިޔާރު ވަފާތެރި ޚާދިމެއް އޭނާއަކީ ކަޅުއޮށް ފުންމީގެ ދަންޑަހެލެވެ
ދެބަފެނުން
މ އެއްރަށަށް އަނެއްރަށް ނުފެންނަ ދެރަށަކުން ކުރެއެއް ރަށަކުން ފުރައިގެން އަނެއް ރަށަކަށް ދަތުރުކޮށްފައިދާއިރު ދެކޮޅުން ދެރަށް )ފުރިރަށާއި ދާންއުޅޭރަށް( އެއްވަރަށް ފެންނަ ގޮތްވުން
ދެވަރުންއެއްވަރުކޮށްލުން
މ (1) ހާލުބޮޑުވާވަރަށް މީހެއްގެ ގައިގައި ތަޅައިގަތުން (2) މިލާނުމިލާ ވަރަށް އެއްޗެއް ފޮޅިކޮށްލުން
ދެވިހިފުން
މ ކަމެއްހުއްޓައި ނުލެވޭވަރަށް އެކަމަކާމެދު ޝައުޤުވެރިކަން އުފެދުން
)ހަރުބަހެއް( ތިމާއަށް މީހަކު އެއްޗެހިތަކެއް ދިންކަމުގައިވިޔަސް އެލިބިގަންނަންވާނީ އެކަށީގެންވާ މިންވަރަކަށްކަން އަންގައި ދިނުމުގެ ގޮތުން ބުނެއުޅޭ ބަހެއް ދޭމީހާދިނަސް ކާމީހާވާނީ ބަލައިގެންކާށެވެ
ދޭފަތްދޫނި
ނ ތުންގަނޑު އަށްއިންޗިވަރަށް ދިގުކޮށް ތުނިކޮށް ފަތިކޮށް ކޮޅުވަށްކޮށް ހުންނަ ގޮނޑުދޮށު ދޫންޏެއް މިއީ އިރުވާހުދާ ވައްތަރު އެއަށްވުރެ ބޮޑު ދޫންޏެކެވެ މިދޫނީގެ ސިފަ ވައްތަރުވާނީ އިރުވާ ހުދާއެވެ
ދޭތިންއެކައްޗަށްހިފުން
ގބ ކަމެއް ޙާޞިލްކުރުމަށް ނުވަތަ ކާމިޔާބު ކުރުމަށްކުރާ ގަދަ ހިތްވަރަށް ބުނެއުޅޭ ބަހެއް )ކާމިޔާބެވެ ނޫނީ މަރެވެ ބުނާހެން ބުނެއުޅޭ ބަހެއް