radheef.info
ރަދީފު


އެ
ނ ދުރަށް އިޝާރަތްކުރާ ނަމެއް. މިސާލު: އެތަން އެގެ އެމީހާ
ހިތީބޯޓް
ނ (1) ހިތިދުވަހަށް ހިތީ ކުޅިވަރަށް ހަދާ ވައްތަރުގެ ނައުޒޯނގު (2) މަޖާޒު: އަޞްލުގައި ނެތްއެއްޗެއް ކަމުން ދެއްކުން މިސާލު: ފޮތްތެރިއަކަށް ނުވާ މީހަކު ފޮތްތަކެއް އެއްކޮށްގެން ފޮތްތެރިއަކަށް ހެދިގެން އުޅުން
ހިތީކިޔެވުން
މ ހިތިދުވަހު އަޞްރު ނަމާދުން ފައިބައިގެން ބޮޑު ކިއެވެނީންނާއި ކަމުވޮށިނުވޮށީން އެދުވަހު ހިއްޗަށް ވަޑައިގަންނަވާ ޒިޔާރަތެއްގެ ކައިރީގައި ފޮތް ފޮއްޓެއް ކިއެވުން
ހިތީކޮލި
ނ ހިތިދުވަހު ހެނދުނު އެދުވަހު ހިތީ ކިއެވުމަށާއި ކިއަވާންވީ ތަނަށް ދާން އެނގުމަށް ލާ ކޮލި
ހިތުހުރިގޮތް
ނ ހިތަށްއެރި ކޮންމެގޮތެއް
ހިތުނިޔަތްގަތުން
މ (1) ހިތުން ގަސްތުކުރުން (2) އަޅުކަމަކަށް ފަށާއިރު އެކަން ހިތުގައި ގަސްތުކުރުން
ހިތުނެތްގޮތް
ނ (1) ހިތަށްވެސް ނާރާ ފަދަ ކަންތައް (2) ތަނަވަސްކަމުގެ ކޮޅުނެތް ކޮޅު މިސާލު: އައްޔަށް އެ މާވަހަރު ހޮވުނުފަހުން އެ އާއިލާ ހިތުނެތްގޮތަށް ދިރިއުޅެމުން ގެންދެއެވެ
ހިތުންހިތަށް
ކއ އެކެއްގެ ހިތުން އަނެކެއްގެ ހިތަށް
ހިތުންފިލުން
މ (1) ހަނދާންނެތުން (2) ކަމަކާމެދު ނުވަތަ އެއްޗަކާމެދު ހިތުގައި އުފެދިފައިވާ ޝައުޤުވެރިކަން ނެތިގެންދިއުން
ހިތުންފިލުވުން
މ (1) ހަނދާން ނައްތައިލުން (2) ކަމަކާ ނުވަތަ އެއްޗަކާމެދު ހިތުގައި އުފެދިފައިވާ ޝައުޤުވެރިކަން ނައްތައިލުން
ހިތުފާހަގަ
ނ (1) ހިތަށް ފެންނަ ދިމާ (2) ކަމަކަށް ބޭނުންވެގެންވާ ސާމާނާއި ނުލައި އެކަމަށް ހިތުން ކުރާލަފާ
ހިތުދަސްކުރުން
މ (1) އެއްޗެއް ނުވަތަ ކަމެއްގެ ތަނެއްގެ ހަނދާން ހިތުގައި ހަރުކުރުން (2) ނުބަލާ ކިއޭވަރަށް ދަސްކުރުން
ހިތުދަސްވުން
މ (1) އެއްޗެއްގެ ނުވަތަ ކަމެއްގެ ހަނދާން ހިތުގައި ހަރުލުން (2) ނުބަލާ ކިއޭ ވަރަށް ދަސްވުން
ހިތުލީބޮލިނެގުން
ނ (1) ބޮލިއަތުރައިގެން ކުޅޭ ކުޅިވަރެއް މިކުޅިވަރުގައި އެކެއްގެ ހިތުން ގަސްތުކުރާ ބޮލި ދެވަނަ ފަހަރު އެތުރުމުގެ ގޮތުން އަނެކަކު ވިސްނައިގަނެއެވެ (2) މަޖާޒު: މީހަކާ ހިތާވެގެން އެކަން ފާޅުނުކޮށް ހުރެހުރެފައި އެމީހަކާ އިންނަ އިނުން
ހިތެއްފިތެއްނެތުން
މަޖާޒު: (1) ރަޙުމެއް ހަމުދަރުދީއެއް ނެތުން (2) ކުލުނެއް އޯގާވެރިކަމެއް ނެތުން (3) ބިރެއް ސިހުމެއް ނެތުން
ހިތެއްފިތެއްނެތް
ނ މަޖާޒު: (1) ރަޙްމެއް ހަމްދަރުދީއެއް ނެތް (2) ކުލުނެއް އޯގާވެރިކަމެއް ނެތް (3) ބިރެއް ސިހުމެއް ނެތް
ހިތް
ނ (1) އެތެރެހަށީގައިވާ ވެރިގުނަވަން ތަކުގެ ތެރޭގެ ގުނަވަނެއް މީގެ މަސައްކަތަކީ ލޭހިންގުމެވެ (2) އެދުން (3) ބޭނުން
މިސާލު: މިންވަރަށްވުރެ މާމައްޗަށް ހިތްގެންގޮސްގެން އުޅޭ މީހުނާމެދު ބުނެއުޅޭ ބަހެއް ހިތް އޮންނާނީ ސިދުރަތުލް މުންތަހާގައެވެ
މިސާލު: މީހެއްގެ ކިބުރުވެރިކަމާއި ބޮޑާކަން މާމައްޗަށް ދިއުމުން އެކަމާމެދު ބުނެއުޅޭ ބަހެއް ހިތް އޮންނާނީ އާސްމާނުގައެވެ
ހިތްހަލާލު ހޯދުން
މ (1) ހިތުގެ ރުހުން ހޯދުން (2) ހިތުގެ ސާފު ރުހުން ލިބިގަތުން މިކަމަކީ ފިރިމީހާގެ ކިބައިން އަނބިމީހާ މައިންބަފައިންގެ ކިބައިން ދަރިން އެދުރުންގެ ކިބައިން ދަރިވަރުން ލިބިގަންނަ ކަމެކެވެ
ހިތްހިތަކަށް
ކއ (1) އަމިއްލައަމިއްލައަށް (2) ހިތަށްއެރިހާ ގޮތަކަށް