radheef.info
ރަދީފު


ކުރަ
ނ (1) ދިރޭ އެއްޗެހީގެ ހަމުގައި ބޯކޮށް ރާޅުކޮށް ހެދިފައި ހުންނަ ތަންތަން (2) ބައެއް މޭވާއާއި ތަރުކާރީގެ ބޭރުގައި ބޯކޮށް ހަރުކޮށް ހުންނަ ތަންތަން (3) ގަސްގަހުގެ ތޮށީގައި ބޯކޮށް ހަރުކޮށް ހުންނަ ތަންތަން (4) )ސ( ވައްގަނޑުން އެއްޗެތި އޮއްސާން ހަދައިފައި ހުންނަ ބާވަތް ބާވަތުގެ ކަންވާރު (5) )ބދ ( ފުށަތް
ތަކަހޮޅި
ނ ގަނޑުވަރުތެރޭ އަންހެން ބޭފުޅުންގެ ފައިންޕުޅުގައި ތުރުކުރައްވާ ރަނުގެ ގަހަނާއެއް. މި ހަދައިފައި ހުންނަނީ ކުރެހުން އެޅި މޫނުމައްޗެއް ލައިފައި މަލެއްގެ ސިފައަށް ހަދައިފައި ހުންނައެއްޗިހިން ގަތައިފައެވެ
ތަކުރުފާނު
ނ (1) ފިރިހެނުންނަށް ކިޔައިއުޅޭ ނަމެއް (2) ތަކުރު މިބަހުގެ މާތްގޮތް (3) މަނިކު ކިޔާމީހަކަށް ކޮއްޔެއްލުމުން ނުވަތަ މަޖިލީހަށް އެރުވުމުން ނުވަތަ ޒިކުރަށް އެރުވުމުން ކިޔާގޮތް
ތައުބާލައިދިނުން
މ ތައުބާގެ އިބާރާތް އަޑުދަށުން ކިއުމަށްޓަކައި ކިޔައިދިނުން. މިކަންކުރަނީ މުރުތައްދުވުންފަދަ ބޮޑުފާފައެއްކުރުމުން ޝަރީޢަތުގެ ފަރާތުން އެކަމަށް ނަސޭހަތްތެރިވާ ހިނދުގައެވެ
ތައުބާގެދޮރުޖެއްސެވުން
މ (1) އަސްތަޣުފާރުކޮށް ތައުބާވުމުގެ ވަގުތު ދިއުން )މުސްލިމުން ޤަބޫލުކުރާގޮތުގައި ޤިޔާމަތަށް ފެށުމުން ތައުބާގެ ދޮރު ބަންދުކުރައްވާނެއެވެ ( (2) މަރަށް ޙާޟިރުވެ ނޭވާހޮޅިޔަށްއެޅޭ ހިސާބަށްދިއުން
ތައްޔާރުކުރުން
މ (1) ކަމެއްޖެހުމުގެ ކުރިން އެކަމަކަށްޓަކައި ކަންތައްތައް ހަމަޖައްސައި ނިންމުން (2) ކަމަކަށްޓަކައި ފުރިހަމަކުރާންޖެހޭ ކަންތައް ފުރިހަމަކުރުން (3) ކަމަކަށް ފަށައިގަތުމަށް ނުވަތަ ތަނަކަށް ދިއުމަށް ކުރަންޖެހޭ ކަންތައްތައްކުރުން
ތަމްރީނުކުރުން
މ ކަމެއްކުރަން ފަރިތަކުރުވުން
ތަމްރީނުލިބުން
މ ކަމެއްކުރަން ދަސްވެ ފަރިތަވުން
ތަތްގަނޑު
ނ (1) މާބޮޑަށް ހަޑިމުޑުދާރުވުމުން ބުނެއުޅޭގޮތެއް (2) ފާރުގަނޑެއްގައި ނުވަތަ ރޮއިހެދިފައިވާ ތަނެއްގެ މަތީގައިލާ ކުރަމަގާލިގަނޑު (3) )ހ ( އަވަހަށް ފެންނާންނަގޮތަށް އުދަރެހުގައި ހުންނަ ބޯވިލާ
ތަސްލާތު
ނ )ސ ( ތުތިމަސްވާގޮތަށް ވަކަރުގައި ނުވަތަ ލަކުޑީގައި ޅިޔަނަގައިކުރަހާ ކުރެހުން
ތާށިކުރުން
މ (1) ދެއެއްޗެއްގެ ދެމެދުގައިލައި ނުވަތަ އެއްޗެއްގެ ތެރެއަށްލައި ދަތިކުރުން (2) ފިއްތައިބާރުކުރުން މަޖާޒު: (3) ދަތިކުރުން (4) ފިއްތުން (5) ކަމެއްގައިބެއްދުން (6) އެކަމެއް ނުނިމެނީސް ދޫކޮށްލައިފައި ނުދެވޭ ކަމެއްކުރަން ޖެއްސުން (7) އެމީހަކު ކުރަން ނުޖެހޭކަމެއް ކުރަންޖެއްސުން
ތާރު
ނ (1) ކަޅުމުށިކުލައިގެ ނުވަތަ ކަޅުކުލައިގައިހުންނަ ބޮލާކީންޏަށްވުރެ އޮލަ އެއްޗެއް މިއީ ހޫނުވީމާ ދިޔާވާ ފިނިވީމާ ހިކޭ އެއްޗެކެވެ މީގައިގަދަ ޒަވިވަހެއްހުރެއެވެ މިތައްޔާރުކުރަނީ ބޯޓް ދެއްޔާއި އެކިކަހަލަ ލަކުޑިއަންދައި ގެންނެވެ (2) ސާފުނުކުރާ ތެލުން އެކިބާވަތުގެ ތެލަށް ބޭނުންވާ ހުރިހާ ބާވަތްތަކެއް ނެގީމާ ހުންނަބައި
ތާވަކަރު
ނ ގޭގެވަސް ހިފެހެއްޓުމަށްޓަކައި ޖަހައިފައިހުންނަ ތޮނަތަކުގެ ފޫހަރުކުރަން އަޅައިފައި އޮންނަވަކަރު
ތާސީރު
ނ އެއްޗެއްގައި ހުންނަގޮތް އާއްމުކޮށް މިބަސް ބޭނުންކުރަނީ ކާބޯތަކެއްޗާއި ބޭސްބޭހާއި ފަތްޕިލާވެލިފަދަ ތަކެއްޗާ ބެހޭގޮތުންނެވެ
ތިނަރު
ނ ފާލީހާއި ދަވާދު ފަދަތަކެތި ދިޔާކުރަން އަޅާ ދިޔާއެއްޗެއް
ތިކި
ނ (1) ދިޔާއެއްޗެއްގެ ޢަދަދު ކުރެވޭ އެންމެމަދު މިންވަރު (2) ލިޔުމުގެ ތެރޭގައި ބޭނުންކުރާ ނިޝާނެއް އެންމެ ޢާއްމުކޮށް މިނިޝާން ބޭނުންކުރަނީ ޖުމުލަ ނިންމާ ތާނގައެވެ (3) ނުކުތާ
ތިއަރީ
ނ (1) އެއްޗެއް އަނެކައްޗަކާ ގުޅޭގޮތް މަޢުލޫމާތުން ދައްކާދެއްކުން (2) ޤަބޫލުކުރާގޮތް (3) ސިޔާސަތު (4) ކަމަކަށް އަމަލު ކުރަންޖެހިފައިވާ ގޮތް (5) ކަމެއް ހިނގާގޮތުގެ އަސްލު ސައިންސް ވެރިން ކިޔައިދީފައިވާގޮތް (6) ބަޙުޘެއް ކުރުމަށްޓަކައި ހިފަހައްޓާ އުޞޫލު (7) ޚިޔާލަށް ކަމެއް ވިސްނިފައި އޮންނަގޮތް
ތިމަންބޭކަލުން
ނ ބުނިބަސް އަންގައިދޭގޮތަށް އަހަރެމެން ބޭކަލުން މިބަސް ބޭނުންކުރާގޮތް )މިބަސް ބޭނުންކުރަނީ މަލާއިކަތުންނާއި ނަބީންނާއި ރަސޫލުންނާއި އަޞްޙާބު ބޭކަލުންނާމެދުއެވެ
ތިމަންކަލޭފާނު
ނ ބުނިބަސް އަންގައި ދިނުމުގެ ގޮތުން ބުނެއުޅޭ އަހަރެން )ތިމާ( މިބަހުގެ ބަދަލުގައި މާތްބަހުން ބުނާގޮތް )މިބަސް ބޭނުންކުރަނީ މަލާއިކަތުންނާއި ނަބީންނާ ރަސޫލުންނާ އަޞްޙާބު ބޭކަލުންނާމެދުގައެވެ
ތިމަރައެޅުން
މ އުރަވަޅީގައި ތިމަރައުފެދުން މިބަލި ޖެހުނީމާ ވަރަށްބޮޑަށް ހަންގަނޑު ކުރަކިވެ ކަހައި ހިރުވާނެއެވެ
ތިމާޔާނުބެހޭކަމަކާ ކާޅުކެޔަސް ސޮއްނުގޮވާށޭ
)ހަރުބަހެއް( ތިމާޔާ ނުބެހޭ ކަމެއް ބަޔަކު ނުވަތަ މީހަކު ކުރަމުންދާއިރު އެކަމެއްގައި ކިތަންމެބޮޑު ގެއްލުމެއް ވަމުން ދިޔަޔަސް އެކަމަކާ ތިމާ ނުބެހުމަށް ނަސޭޙަތްތެރިވުމަށް ބުނާބަހެއް