radheef.info
ރަދީފު


ނީ
ނ (1) ހަނޑޫފަދަ ތަކެތި ފޮޅީމާ ނެގޭ އެންމެ ހިމުންބައި (2) އޮޑި ފަހަރުގެ ކުނބުގެ ކުރީގައި ސާމޯރުޖަހަން ހިމަކޮށްފައި ހުންނަ ތަންކޮޅު (3) ބދ ކުރީކޮޅު
ބިންމާ
ނ ހަންޑިހަތްފަޅާހެން ބިމުންފަޅާ އެއްޗެއް މިހުންނާނީ މަލެއްގެ ސިފައިގައެވެ މީގާ މީރުވަހެއް ހުންނާނެއެވެ
ބިންދަދު
ނ ދަދުގެ ވައްތަރެއް މިއީ ފައިގައި ނުވަތަ ކަށިމަތީގައި ނަގާ ދަދެކެވެ މި ފުރަތަމަ ހުންނާނީ ބިހިބޮނޑިއެއް ހެންނެވެ
ބިޅިހެނބެރި
ނ )ސ ( ހިމެރީގެ ބާވަތެއް މިވެލުގައި އަޅާތޮޅި ބުޅިއެއްގެ ސިފައިގައި ހުންނާތީ ބިޅި ހެނބެރި ކިޔަނީއެވެ
ބިއްބުޅަމަސް
ނ ފަރުމަހުގެ ބާވަތެއް މިއީ ރާބުޅާގެ ބައްޓަމަށް ބޮނޑިމަސްކޮށް ހުންނަ މަހެކެވެ މަހުގެ ކުލައަކީ މަޑު އަޅިކުލައެވެ މިމަސްގިނައިން އުޅެނީ ތޮށި ދޮށުގައެވެ
ބިއްލަޑީ
ނ އެއްތަނުން އަނެއްތަނަށް ގެންދާމުދާ އެމުދަލެއް އުފުލާ އުޅަނދަކަށް އެރުވިކަން ޔަޤީންކޮށްދީފައި ދޭ ލިޔުން މިލިޔުންދޭނީ މުދާއަރުވާ އެޖެންޓްގެ ފަރާތުންނެވެ
ބިއްލޫރި
ނ ތިމަރަ އިންނާނީ ވެލިން އުފައްދާ އެއްޗެއް އާއްމު ކޮށް މިހުންނާނީ އެތެރެ އެނގޭ ގޮތަށެވެ
ބިމުސޫފި
ނ ކުޑަކުދިންނަންޖެހޭ ހަމުގެ ބައްޔެއް މިއީ ގިނައިން ބިންމަތީގައި ބައިތިއްބައިފައި ތިބޭ ކުޑަކުދީންގެ ފައިން ނަގާ ބައްޔެކެވެ މިހުންނާނީ ރުއްތޮށިގަނޑެއްހެން ބޯކުރަގަނޑެއްގެ ގޮތަށެވެ
ބިމެކަން
ނ )ސ ( ކުޑަކުދިންނަށްޖެހޭ ހަމުގެ ބައްޔެއް މިޖެހުނީމާ މުޅިގައިން ބިހިތަކެއް ނަގާނެއެވެ
ބިދުޢަ
ނ ދީނީ ކަމެއްގައި ހަދައިގެން އުޅޭ ދީނުގައި ނުވާކަންތައް
ބިދުޢަވެރީން
ނ ދީނީކަމެއްގައި ހަދައިގެންއުޅޭ ދީނުގައިނުވާ ކަންތައް ކުރާމީހުން
ބިތްފަން
ނ ބިތުގައި ދަމާފަން މިހުންނަނީ ތިން ރޯނަށް ވިދެފައެވެ
ބިލެއްކައްޓަލަ
ނ ބިލެތާ ވައްތަރުގޮތަކަށް ފަތްހުންނަ ވެލެއްގައި އަޅާ ހިމަ ދިގު ތަރުކާރީއެއް މިވެލުގެ ގޮނޑިޔަށްވެސް ކިޔަނީ މިނަމުންނެވެ
ބިލެތް
ނ (1) ދުފަންގެންގުޅޭ ފަތެއް މިއަޅަނީ ވެލެއްގައެވެ (2) އެއްޗަކަށް އަރުވައިފައި ހުރިބިލެތް
ބިލެތް އޮޑި
ނ ހަނގުބޭކަލުން މަތީފޭލި އަންނަ ހެދުމުގައި ވާތްފަރާތުން އުނަގަނޑުގައި ޖަހާ އެއްޗެއް. މިހުންނާނީ ކުރީގައި ކުޑަމާގަނޑެއް ބަދެފައި ކުރީކޮޅު ހިމަކޮށް ގުދުކޮށްނެވެ
ބިލެތްމާ
ނ (1) ބިލެތްވަޅުލައި އަޅާމައު މިހުންނާނީ ވަކިފުޅެއްގެ ސިފައިގައެވެ (2) ދެނަނު އެއްކުރުމަށް ބިލެއްމަލެއްގެ ސިފައިގައި ލާފައްތަރު
ބިލެތްމާލޯފިނދު
ނ ލޯފިނދުގެ ބާވަތެއް. މީގެ ބުރިކަށިމަތި ހުންނާނީ ދޮނާއި ކަޅުގެ ތިއްތިއް ޖެހިފައި ހުންނަ ގޮތަށެވެ
ބިލެތްދަފިނެގުން
މ ފިރިހެނުން ކުޅެއުޅޭ ކުޅިވަރެއް މިއީ ބިލެތް އަޅައިފައި ހުންނަ ދަތްޕެއް ތިރިގޮނޑި އެއްގައި ބަހައްޓައި އޭގެވަށައިގެން ފިރިހެނުން ތިބެލަވަކިޔައި ނަށަމުން އެނެށުމާ ހަމަވާގޮތަށް އެދަފިނަގައި ކޮންމެވެސް އެކެއްގެ ބޮލުގައި ބަހައްޓައިގެން ނަށާ ނެށުމެކެވެ ޢާއްމުކޮށް މިދަފިނަގައި އުޅެނީ ގާއޮޑި ލަވަކިޔާއިރު އަންބާބެރަށް ފެށުނީމާ އޭގެ ހަމައަށް ނަށަމުންނެވެ
ބިލެތްޖެހުން
މ ދަތްޕާއި ބިލެތް މަލާފަތް ފަދަ ތަކެތީގައި ތަރުތީބުކޮށް ކެފިބިލެތް އެތުރުން. މިގޮތަށް ބިލެތް ޖަހައިފައި ހުންނައިރު ހުންނާނީ ބިލެތުގެ ހުނގޫތައް ބޭރަށެވެ
ބިގަރު
ނ ކަރާސީނުތެޔޮ އަޅައި ގުންބާކޮށްގެން ދިއްލާ އަލިގަދަ ބައްތިޔެއް މިދިއްލިފައި ހުންނާނީ އަނދާ އަޅިޔަށްވެފައި ހުންނަ ދާގަނޑެއްގައެވެ
ބިސްރޮނޑު
ނ ރޮނޑުގެ ބާވަތެއް މަހުގެ ކުލައަކީ ކަޅު ކުލައެވެ ބަނޑުދަށް ފަރާތުގައި ހުދުކުލައިގެ ބޮޑެތި ލައްތަކެއް ހުރެއެވެ ތުނބުގެ ވަށައިގެން ހުންނަނީ ގަދަ ރީނދޫ ކުލައެވެ މަހުގެ މޫނުމަތީގައި ކައްޗަށްވާގޮތަށް ރީނދޫ ކުލައިގެ ކުރެހުމެއް ހުރެއެވެ