radheef.info
ރަދީފު


ޔ
ނ ތާނައިގެ އެކާވީސް ވަނައަކުރު
ގޮނޑިފޮއި
ނ އަލިފާން އެޅުމަށް ތައްޔާރު ކޮށްފައިވާ ހިކި ލަކުޑި ފިލާކޮޅާއި ލަކުޑި ފޯލި
ގޮނޑިލިބުން
މ ޢައްޔަންކޮށްގެން ނުވަތަ އިންތިޚާބު ކޮށްގެން މީހުންހޮވާ ތަނަކުން ހުސްވެފައިވާ މަގާމު ލިބުން
ގޮނޑުދޮށުމޫނުންބާނި
ނ ވާރުވެރިޔާ ވާރުފަތްކޮޅު ކިޔުއްވަން ދުރުވާ ދަތުރު ރަށްރަށުން ކުރާ ވެދުމެއް މިކަންކުރާ ގޮތަކީ ވާރުވެރިޔާ ރަށަށް ފައިބަންނަވާ ވަގުތު ދަނޑިއެއްގައި ބޮލިކޮއްޓޭ އެއްލައި ދެމީހަކު ކޮނޑުއަޅައިގެން ވާރުވެރިޔާއާއެކު ފަތްކޮޅު ކިޔުއްވާ ތަނަށް ގެންގޮސް ބޮލިކޮއްޓޭ އެތާގައި ބާއްވަނީއެވެ
ގޮނޑުޖެހުން
މ ދިޔަވަރު އެންމެ ބޮޑަށް ފޫދުން
ގޮނަކަށްގޮނެއް
ގބ )މުސްކުޅިބަހެއް( މީހަކު ހަދިޔާއެއް ފޮނުވައިފިނަމަ އަނެކަކުވެސް އެއްޗެއް ފޮނުވަން ޖެހޭނެ ކަން އެންގުމުގެ ގޮތުންބުނާ ބަހެއް
ގޮނު
ނ (1) އެއްޗެހި އެޅުމަށް ފަނުން ވިޔެފައި ހުންނަމުޅި (2) މުށިމަސް ފަދަ އެއްޗެހި ބާނައިފައި އަޅަން ހަދައިފައި ހުންނަ ކޮތަޅު (3) ގޮން
ގޮނުއެޅުން
މ އިހުޒަމާނުގައި މަސްވެރިން މަހަށްދާއިރު ކާތަކެތި ގެންދިއުމަށް ފަނުން ވިޔެފައި ހުންނަ ވަޑިގޮނަށް މަހަށްދާއިރު ގެންދާ ކާތަކެތި އެޅުން
ގޮނެއްދިނިއްޔާވައްޓެއް
ގބ )މުސްކުޅިބަހެއް( (1) މީހަކު ހަދިޔާއެއް ދީފިނަމަ އޭގެ ބަދަލުގައި ދޭންވާނީ އެއަށްވުރެ ރަނގަޅު އެއްޗެއްކަން އަންގައި ދިނުމުގެ ގޮތުން ބުނެއުޅޭބަހެއް. (2) މީހަކު ހެޔޮކަމެއް ކޮށްދީފިނަމަ އެއަށްވުރެ ބޮޑު ހެޔޮކަމެއް ކޮށްދޭންވާނެކަން އަންގައިދިނުމުގެ ގޮތުން ބުނެއުޅޭބަހެއް
ގޮންދައިލުން
މ (1) ހުތުރުބަހުން ކެއުން މިބަހަށް ކިޔާ ގޮތް (2) )ހ ( ގޮށުވައިލުން
ގޮންޖެހުން
ނ (1) އަންހެނުން އިހުގައި އީދުތެރޭގައި ކުރާކަމެއް. މިކަންކުރާގޮތަކީ ފަހަތުން ދުވެފައިގޮސް "ޢީދުބޮލަށްގޮން" މިހެން ކިޔައިފައި އެ ފިރިހެން މީހާގެ ބޮލުގައި ނުވަތަ ކޮނޑުގައި އަތުން ޖަހައިފައި ދިއުމެވެ. މިއީ އަންހެނުންގެ ކެރޭކަން ދައްކަންކުރާ ކަމެކެވެ. (2) ވާދަކުރުން. (3) މަޖާޒު: މީހަކު ނުވަތަ ބަޔަކު ކަމެއް ކުރުމުން އެހެން މީހަކު ނުވަތަ އެހެން ބަޔަކު އެކަމެއް އެއަށްވުރެ މޮޅަށް ކުރާނެކަމަށް ބުނުން
ގޮބި
ނ )ގ ( ނިދަންމިޔަރު
ގޮބިޔާ
ނ )ގ ( (1) ނިދަންމިޔަރު (2) މަޖާޒު: ނިދިގިނަމީހާ
ގޮބޮޅިޖެހުން
މ ފަންޑިތަވެރިކަމުގެ ގޮތުން ކުރާ ކަމެއް. މިކަންކުރާގޮތަކީ ދިވެހިރުކުގެ ގޮބޮޅިއެއްގައި ލިޔެ ވެސްނޫފަދަ އެއްޗަކުން ކަޅިކޮށް ދުންބުރުވައި އޮޑިއެއްނަމަވެސް އަދި ރަށެއް ނަމަވެސް ކިޔަވައި ނިއުޅުންކޮށް ވަކި ތަނެއްގައި ޖަހައި ގޮބޮޅި ފަޅައިލަނީއެވެ
ގޮޅަހެރެ
ނ )ސ ( ރާވެރިން ރުކަށްގެންދާ ބައްޖާއި ފެންއުނބާއި ކަންފައްޗާއި މިހުރިހައި އެއްޗެއްސަށް އެއްކޮށް ކިޔާގޮތް
ގޮޅާހެރާ
ނ )ގ ( ރާވެރިން ރުކަށް ގެންދާ ބައްޖާއި ފެންއުނބާއި ކަންފައްޗާއި މިހުރިހައި އެއްޗެއްސަށް އެއްކޮށް ކިޔާގޮތް
ގޮޅާހެރެ
ނ )ޏ ( ރާވެރިން ރުކަށް ގެންދާ ބައްޖާއި ފެންއުނބާއި ކަންފައްޗާއި މިހުރިހައި އެއްޗެއްސަށް އެއްކޮށް ކިޔާގޮތް
ގޮޅިހަމަކުރުން
މ (1) ގޮޅި އެއްވަރު ކުރުން (2) ގޮޅި ހުންނަ ފޮތީގެ ފޭރާން ފަހާއިރު ގޮޅިޔާ ގޮޅި ދިމާކުރުން
ގޮއިބައި
ނ (1) ސަރުކާރުގެ ބިމެއްގައި އަމިއްލަ މީހުންކުރާ އޮށްޓަރު ގޮވާމުން ސަރުކާރަށް ނަގާބައި. މިގޮތުން އެކިޒަމާނުގައި އެކި ރަށުން ނަގައި އުޅުނީ އެކިވަރަށެވެ. ބައެއް ދުވަސްވަރު 3/1 4/1 5/1 8/1 ނަގައި އުޅުނުކަމަށްވެއެވެ. (2) މީހުން އުޅޭ ރަށެއްގެ ގޯތީން ބޭރުގައި ތައްޖަހާ ތަކެތި. )ރުއް ފެންފޯއްރުއް ބަނބުކެޔޮ ކަށިކެޔޮ( ނޫން ތަކެތި ހެއްދުމުން އެތަކެތިން ލިބޭއެއްޗަކުން ސަރުކާރަށް ނަގާބައި (3) ހޭޅިން އަތިރި ބަންޑާރަޔަށް އޮންނަ ރަށްރަށާއި މީހުން އުޅޭ ވަގުފު ނޫން ފުރަބަންޑާރަ ރަށްރަށުގައި ކުރާ މަސްވެރިކަމުން ބަންޑާރަޔަށް ނަގާ މަސްބައި (4) ކޮންމެ ރާވެރިޔެއްގެ އަތުން ސަރުކާރަށްނަގާ ހަކުރުބައި )މިގޮތުންނަގާނީ ކޮންމެ ރާވެރިޔެއްގެ އަތުން މަހަކު އަޑުބައެކެވެ
ގޮއިފާލައްބަ
ނ ގޮޔާއި ފާލައްބަ އަށް އެއްކޮށް ކިޔާގޮތް
ގޮއިދުރުވާނު
ނ ނެވިނިޔަމީން މާލިމީކަމުގެ ގޮތުން އަޅަންގެންގުޅޭ ފިލާ