radheef.info
ރަދީފު


ޔާ
އ ނަމަވުމުގެ އަކުރު މިސާލު: )ހ( ދިނިއްޔާ )ށ( އައިއްޔާ
ބަޑިހަރު
ނ (1) ބޮޑުބަޑި އެއްތަނުން އަނެއްތަނަށް ގެންދިއުމަށާއި އެގޮތައްވުމަށް ބާއްވާ ގާޑިޔާ (2) ބުރުޒުގައި ބޮޑުބަޑި ބަހައްޓާން ހަދައިފައި ހުންނަ ތަންތަން
ބަޑިހެލުން
މ އިހުގައި އިރުވައި މޫސުމަށް ފެށުމުން ބޭރުގެ ދުޝްމަނުންގެ ފަރާތުން ރާއްޖެ ސަލާމަތް ކުރުމަށްޓަކައި ދިފާޢީގޮތުން ތައްޔާރުވާން ފެށުމުގެ ގޮތުން ކުރާ ރަސްމީކަމެއް. މިކަންކުރާގޮތަކީ ކޮންމެ އަހަރަކު މުލަ ނަކަތް ލައިގަތުމުން ދެދޮރާށި ދޭތެރެއަށް ރަދުންގެ އަރިހުގައި ލަޝްކަރިން ހާޒިރުވެ ހެޔޮދުޢާކުރައްވައި ފުރޮޅުމަތީ ބާއްވައިފައި އޮންނަ ބަޑިޔެއް ހަލުވައި ލެއްވުމެވެ. މިބަޑިހަލުވައިލެއްވުމާއެކު ބޮޑުކޯއްޓޭ ބުރުޒުންނާއި ނާނޭ ބުރުޒުންނާއި އާބުރުޒުންނާ މިކޮންމެ ބުރުޒަކުން ބަޑިޔެއް ޖަހާނެއެވެ
ބަޑިބޭސް
ނ ބަޑި ގޮއްވަން އަޅާ ކަޅުކުނޑި މިހަދަނީ ދެއްޔާ ބާރޯޒާއި ކައްސަނދުވާނި އެއްކޮށްގެންނެވެ
ބަޑިކުޅިމާ
ނ ބަޑިކުޅިގަހުގައި އަޅާ މާ މިމާ ހުންނާނީ ހޮޅިއެއް ހެންނެވެ މީގެ ހުދުމަލާއި ފިޔާތޮށިމަލާއި ރަތްމާ ހުރެއެވެ
ބަޑިއެދުރުކަލޭގެ
ނ ޚިޔާލީ ފުރޭތައެއް. މި ފުރޭތަ ހުންނަކަމަށް ބުނެވެނީ ރަތްކުރުއްޕިއެއް ލައިފައި ބަޑިއެއް ހިފައިގެންނެވެ
ބަޑިދަނޑި
ނ (1) ބަޑިއުފުލާން ގެންގުޅޭ ފަލަ ތަންޑިޔާ (2) އެއްޗެއް އޮބަހައްޓާން އަޅައިގެން ދެކޮޅު ހިފަހައްޓާ ދަނޑި
ބަޑިދޮރު
ނ (1) ބަޑީގެ އުންޑަދާން ބުރުޒުގައްޔާއި މައިފާރުގައި ކަނޑައިފައި ހުންނަތަން (2) މަނަވަރާއި އާގުބޯޓުފަހަރުގެ ފެނުންމަތީގައި ކަނޑައިފައި ހުންނަ އާނގަވަޅު
ބަޑިތެޅުން
މ (1) ބަޑިތަކެއްޖެހުން (2) ދިގުދަލަށް މަސްލެވުން ފަދަ ބޭނުމަކަށްޓަކައި ފެންގަނޑުގައި ދަނޑިން ނުވަތަ އަތުން ތެޅުން (3) ފޮތިގަނޑެއް އަޑުގޮވާ ގޮތަށް ވަޔާ ތެޅުން (4) ހިނގޭ ގޮތަކުން އަނދެގެން ހުންނަ އެއްޗަކުން އަޑު ގޮވުން (5) މަޖާޒު: މީހަކާ ދިމާޔަށް ވަރު އަރުވައިގަތުން
ބަޖިޔާ
ނ ތިނެސްކަން ހުންނަ ލޮނު ހެދިކާ އެއްޗެއް މިހަދަނީ ގޮދަން ފުށުން ރޮށިދަމައި ކުޑަކޮށް އަލިފާނުގެ ހޫނުން ހިއްކާލައި ރޮށިހަތަރު ބަޔަށްބައިކޮށް މިއިން ކޮންމެ ބަޔަކުން ތިންކަނަށް ވާގޮތަށް ގޮށްޓެއް ތައްޔާރުކޮށް އެގޮށްޓަށް ގިލެތުގައި ރޯފިލުވައިފައި ހުރިމަހުން މަސްއަޅައި ބަންދުކުރުމަށް ފަހު ތެލުލައިގެންނެވެ މިފިހެފައިވެސް ހުރެއެވެ
ބަޙުރުކިޔެވުން
މ ކިޔަވާގެއަޅައި މާމެލާމެލީން އަންބަލަންލައި ކަނޑަށް ލޭދައްކާނޭ ތަކެތި ފާލަމުގައި ބަނދެގެން ބަޙުރުދުޢާ އާއިއެކު ކިޔެވެލި ކިޔެވުން. ކިޔާނިމުނީމާ ލޭދައްކާއިރު މާވެސްދައްކާނެއެވެ. ލޭދައްކާ ތަކެއްޗަކީ ހާލާއި ވެލަޔާއި ކަހަނބާއި ގެރިބަކަރިފަދަ ތަކެއްޗެވެ މިއިން އެއްޗެއްގައި ލޭ ނެތްނަމަ ލޭ ދައްކާނީ އިނގިލި ކަނޑައިލައިގެންނެވެ
ބަޚްސީސް
ނ (1) ހިތުން ރުހުމުން ދޭ ހަދިޔާ (2) މާތްކޮށް ހިތުމުގެ ގޮތުން ހަމަ ހިލޭދޭ އެއްޗެއް
ބާ
ނ (1) ތާނާއިގެ ފަސްވަނަ އަކުރަށް ކިޔާނަން. ނއ. (2) ބައު. (3) އާކަމުގެ އިދިކޮޅު. (4) ގިނަދުވަސްވެފައިވާ. (5) ގެންގުޅެފައިވާ. (6) ނ. ލަކުޑިއަށް ގެއްލުމެއް ލިބިގެން ހެދޭ ހޮއި ނުވަތަ ވާ ފީ. (7) އެއްޗަކަށް ގެއްލުމެއް ލިބިގެން ފޫގޮސްފައިވާ ލޯވަޅު. (8) އަންހެންލޯފިނދު. (9) ކުޑަކުދިންގެ ބަހުގައި ކީރިތި ޤުރުއާން ނުވަތަ ލިޔެފައި އޮންނަ ކޮންމެ އެއްޗެއް. )01( ބައެއް ސުއާލު ކުރާއިރު ފަހަތަށް ގެންނަ އަކުރެއް. މިސާލު: މިގޭގައި މީހަކުއުޅޭބާ ގަންނާނެއްބާ
މިސާލު: "މިއޮޑިއަށް އަރާ ބާނި!" ބާނި
ނ (1) މާކަނޑުގައި ނުބިންދާ ހިނގާ ދިގުރާޅު (2) ވިދިވިދިގެން އަންނަރާޅުފަތި (3) އަޑިން ފެންމައްޗަށް އަރާއޮއިވަރު (4) ނަނަކަށް އަމުނައިގެން ދުއްވާ ސަޑުނެތް ހަވަޔެއް (5) ލަކުޑީގެ އޮޅުފަށް (6) ހަތްބޮޅު އުއީގެ ކެއްޓު (7) ނަނު އެއްލާން އަތަށްކަހާލާ މިންވަރު (8) ކ އާދޭ މިމާނާގައި މިބަސް ކިޔާ އުޅެނީ "ބަނދި" ފަދަ އެއްޗެތީގައެވެ
ބާރު
ނ (1) ހަކަތަ. (2) ގަދަފަދަ. (3) ވާން. (4) ތަކެތި ކޮއްޕުމަށް ނުވަތަ ދަމައިގަތުމަށް ނުވަތަ އުފުލުމަށް ހުންނަވާގި. (5) ހަލުއި. މިސާލު: އެދޯނި ދަތުރުކުރީ ބާރު ދުވެއްޔެއްގައެވެ. (6) ހެދުން ފަދަ ތަކެތި ހެޔޮވަރު ނުވެގެންވާ ދަތި. (7) ދޮރުފަދަ ތަކެތި ވަރުނުވެގެންވާ ތާށި. (8) އެއްޗެއްގެ ތެރެއަށް އެއްޗެއް ވަދެގެންވާ ތާށި. (9) ވަޔާއި އޮޔާއި ކަނޑާއި އަޑުފަދަ އެއްޗެގި ވާގަދަ މިސާލު: )ހ( މިއަދަކީ ވައިބާރު ދުވަހެކެވެ )ށ( އަޑު ބާރުނުކުރާށެވެ )01( އިންޖީނުފަދަ ތަކެތީގެ ހިނގުންވާ މަތި މިސާލު: މިއިންޖީނު އަމިއްލައަށް ބާރުވެފައި މަޑުވަނީއެވެ (11) މަޑުގެ އިދިކޮޅު (21) އިސްކުރު ބޯލްޓް ފަދަ އެއްޗެހި ޖަހައި ކުރާ ހިމުން )31( މަތިގަނޑު އުނގުރި ފަދަ އެއްޗެހި ޖަހައި ކުރާ ހަރު
ބާރުކަން
ނއނ (1) ގަދަފަދަކަން. (2) ވާންކަން. (3) ހަލުއިކަން. (4) ހެދުން ފަދަ ތަކެތި ހެޔޮވަރު ނުވެގެންވާ ދަތިކަން. (5) ދޮރުފަދަ ތަކެތި ވަރުނުވެގެންވާ ތާށިކަން. (6) އެއްޗެއްގެ ތެރެއަށް އެއްޗެއް ވަދެގެން ތާށިވާކަން. (7) ވަޔާ އޮޔާ ކަނޑާ އަޑު ފަދަ އެއްޗެހި ގަދަވާކަން (8) އިންޖީނުފަދަ ތަކެތީގެ ހިނގުން މަތިވާކަން (9) މަޑުކަމުގެ އިދިކޮޅު
ބާރުވުން
މ (1) ވާންވުން. (2) ހަލުއިވުން. (3) ހެދުންފަދަ ތަކެތި ގަޔަށްބާރުވެ ދަތިވުން. (4) ދޮރުފަދަ ތަކެތި ވަރުނުވެގެން ތާށިވުން. (5) އެއްޗެއްގެ ތެރެއަށް އެއްޗެއް ވަދެގެން ތާށިވުން. (6) ވަޔާއި އޮޔާއި ކަނޑާއި އަޑު ފަދަ އެއްޗެހި ގަދަވުން (7) އިންޖީނު ފަދަ ތަކެތީގެ ހިނގުން މަތިވުން (8) އިސްކުރު ބޯލްޓު ފަދަ އެއްޗެހި ޖަހައިގެން ހިމުންވުން (9) މަތިގަނޑު އުނގުރިފަދަ އެއްޗެހި ޖަހައިގެން ހަރުވުން
ބާބަކޫރި
ނ )ޅ.( ކުކުޅުގެ ސިފައަށް ތިބޭ ދޫންޏަކަށް ކިޔާނަމެއް. މި ދޫނީގެ ބުރިކަށީގައި ކަޅާހުދުގެ ރޮނގުތަކެއް ހުރެއެވެ
ބާބު
ނ (1) ފޮތެއްގައި ހިމެނޭ އެއްމައިގަނޑު ނަމެއްގެ ދަށުގައި ލިޔެފައިވާ ލިޔުން ބައިބަޔަށް ބަހައިފައިވާ ބައިތަކުން ބައެއް (2) މަޖާޒު: މީހެއްގެ ހަޔާތުން ޒަމާނެއް (3) ގައުމެއްގެ ތާރީޚުގެ ވަކި ދުވަސްވަރެއް
ބާއްޖަވެރިން
ނ "ބާއްޖަވެރިޔާ" މިބަހުގެ ގިނަގޮތް
ބާސްމާ
ނއ )ޏ( (1) ވިޔާނުދާ (2) ބަސްނާހާ )މިބަސް އާއްމުކޮށް ބޭނުން ކުރަނީ ކުޑަކުދިންނާ މެދުގައެވެ ( (3) )ބދ ( ހަތުރު