radheef.info
ރަދީފު


ގަނޑު
ނ (1) އެއްޗެއް ދެރަކޮށްލުމުގެ ގޮތުން ބުނާބަހެއް. މިސާލު: މުންޑުގަނޑު. (2) މުޅި އެތިކަން އެންގުމަށް ބުނާ ބަހެއް. މިސާލު: ކެޔޮގަނޑު. (3) އަންހެނުންނާއި ޅަދަރިންނަށް ލޯބިން ވަކިނަމަކާ ގުޅުވައިގެން ކިޔާ ނަމެއް. މިސާލު: )ހ( ލޯބިގަނޑު. )ށ( ކުއްޖާގަނޑު. (4) ހަށިގަނޑުގެ ލޭ ނުބައިވުމުގެ ސަބަބުން ދުޅަވާ މުލިހި ފާޑުގެ ތަނެއް. މިސާލު: އޭނާގެ އުކުޅުވަޅުގައި ގަނޑެއް ނަގައިފިއެވެ. (5) ލަކުޑިން ހަދައިފައިވާ އެއްޗެއް މަރާމާތު ކުރުމަށާއި އަދި މިނޫންވެސް ގޮތަކުން ލަކުޑިގަނޑަކަށް ގުޅާލާ ލަކުޑީގެ ބައި. (6) ވަކި ސަރަހައްދެއް ކަނޑަ އެޅުމުގެ ގޮތުން ބުނާ ބަހެއް. މިސާލު: ތަންގަނޑު މީހުން. (7) އެއްޗެއްގެ ބައެއްކަން ދޭހަކޮށްދިނުމަށް ބުނާ ބަހެއް. މިސާލު: މަސްގަނޑު. (8) ތަގަރި. (9) ފިނިވެގެން ގޮސް ވާހަރު. )01( ގަނޑުފިއްލާ ކުޅޭއިރު ފިލުވައި ނިވާކޮށްފައި އޮންނަމީހާ (11) ބައެއް ކުޅިވަރު ކުޅުމަށް ބުނެއުޅޭ ބަހެއް މިސާލު: )ހ( ރާޒުވާ ގަނޑެއް ޖަހައިލުން )ށ( ތާސްގަނޑެއް ޖަހައިލުން (21) ކަރުދާސްއަރި މިސާލު: ކަރުދާސްގަނޑު
ބޮޑުކޮށުން
މ (1) ލަކުޑިގަނޑެއް އެއްޗަކަށް ވަރުކުރުމަށް ނުވަތަ ސިފަގެންނަން ފުރަތަމަ ކޮށުން ކޮށައިލުން (2) މަޖާޒު: ކަމެއް ފުރިހަމަ ކުރުމަށްޓަކައި ކުރިން ކުރަންޖެހޭ މައިގަނޑު ކަންތައްތައް ކޮށްލުން
ބޮޑުވަޅުބޯކުޅިގަނޑު
ނ އޮށްވަޅުގެ ކުޅިގަނޑެއް މިކުޅިގަނޑު ނިމޭނީ ބޮޑުވަޅު ބޯގޮތަށެވެ
ބޮޑުމަތާދަތި
ނ ވަޑާމުގެ މަސައްކަތުގައި އިލިޖެހުމަށްޓަކައި ދެލަކުޑިގަނޑު ކައިރިކޮށް ޖައްސައި ހިމުން ކުރުމަށް ތިއްބާ އާލާތް މިއީ ކިއްސަރު ވަޑާމުގައި ބޭނުންކުރާ އާލާތެކެވެ
ބޮޑުމާލިނެށުން
މ އުނަގަނޑުން ތިރި ވަށައިގެން އެއްވަރަށް ބޮޑުކޮށް ފުއްޕައިފައި ހުންނަ ރޫބައެއް ލައިގެން ކޮނޑުމާޖަހައިފައި ބޮލުގައި ވައްތަރެއްގެ ތާޖެއް އަޅައިގެން ބެރުގައިޖަހާ ލަވަޔާ ކިޔާލަވަޔާ ހަމަވާގޮތުން ނެށުން
ބޮޑުފާރު
ނ އިހުގައި މާލޭގެ ވަށައިގެން ބުރުޒުތަކާއި ގުޅިގެން އެކި ހިސާބު ގަނޑުގައި ލައިފާ ހުރިފާރު
ބޮޑުފިނިހައް
ނ ފިނިހަކުގެ ބާވަތެއް. މިހުންނަނީ ފޫއެނބުރި ފާޑަށް އެއަށްވުރެ ފަލަކޮށްނެވެ. މިއީ ގަސްގަހަށް ގެއްލުންދޭ އެއްޗެކެވެ. މިފިނިހަކައަކީ ވަރަށް އަވަހަށް ގިނަވާ ވިހަ އެއްޗެކެވެ މީގެ ތޮށިގަނޑު އާދައިގެ ފިނިހަކުގެ ތޮށިގަނޑަށްވުރެ ތުނިވާނެއެވެ މިފިނިކަމުގެ ތޮށިގަނޑުގައި ހުންނަނީ ގަދަމުށިކުލައެވެ ތޮށިގަނޑުގައި ފަނޑު މާޒާން ކުރެހުމެއް ހުރެއެވެ
ބޮޑުފެއްސަންގޮތްހެދި
ނ ބކ. އިހުގައި ބޯވަޅު އެޅި ލިބާސް ލައިއުޅުނު ފޭރާމެއް. މިއީ މުޅި ފޮތިގަނޑު ކަޅުފެހި ނުވަތަ ރަތްކުލައިގައި ހުރެފައި ބޮޑުފެހީގެ ރޮނގުބަޔާ ވައްތަރު ގޮތަކަށް ރޮނގުބައި ހުންނަ ފޮއްޗެކެވެ
ބޮޑުދޮރޯށި
ނ (1) ގަނޑުވަރުތެރެޔަށް ދެކުނު ފަރާތުން ވަންނާން ހުންނަ ދޮރޯށި (2) ގޭގެޔަށް ފިރިހެނުން ވަދެ ނުކުމެ އުޅޭން ހުންނަ ދޮރޯށި
ބޮޑުތޮޅި
ނ (1) ފަރުމަހުގެ ބާވަތެއް މިއީ ތުންގަނޑު ކުރުކޮށް ހުންނަ ތޮޅިޔެކެވެ (2) ވަރަށް ބިޔަކޮށް ހެދޭ ލަކުޑި ދެރަ ގަހެއް މިގަހުގެ ތޮޅި މުށެއްހާ ދިގުވާނެއެވެ
ބޮޑުގާދޫނި
ނ ކަނޑުމަތީ ދޫންޏެއް މިއީ ބޮލުގެ ނިތްމަތި ހުދުކޮށް ހުރެފައި ތަލައިން ފެށިގެން ކަނދުރާމައްޗަށް ކަޅުކޮށް ހުންނަ ދޫންޏެކެވެ ފިޔަގަނޑު މައްޗާ ބުރަކަށިމަތި ހުންނަނީ އަޅިކުލައިގައެވެ ބަނޑުދޮށް ފިޔަދަށާއެކު ހުންނަނީ ހުދުކުލައިގައެވެ މިއެންމެ އެއްގޮތްވަނީ އައިންމަތީ ގާދޫންޏާއެވެ
ބޮޑުޒާތުކުޅިގަނޑު
ނ އޮށްވަޅު ގޮނޑީގައި ކުޅޭ ކުޅިގަނޑެއް މިކުޅިގަނޑު ކުޅުމަށްގޮސް ހިނދޭނީ ކުޅޭ ފަރާތުގެ 6 ވަނަ ވަޅަށެވެ ހިނދުމުން އެވަޅާ ދިމާވަޅު ބޮވުނީއެވެ އެވަޅާ ދިމާވަނީ އަނެއް ފަރާތުގެ ތިންވަނަ ވަޅާއެވެ އޭރު އެންމެ ބޮލި ގިނަވާނީ އެވަޅުގައެވެ މިކުޅިގަނޑުގައި ހިލަންޖެހޭނީ ފަންސަވީސް ވަޅެވެ
ބޮޑެފާނު
ނ )ގ.( ކުޅިކުޅިއާއި މޫދުގައި އޮއިނުދެމޭ ތަންތާނގައި ހެދިފައިވާ ކިސަނޑުގަނޑުގައި އުޅޭ ރަތްކުލައިގެ ބޮޑު ފަންޏެއް. މިއީ ފަރުމަސް ބޭނުމަށް އެމަށް ބޭނުންކުރާ އެއްޗެކެވެ
ބޯހެދުން
މ އިސްތަށިގަނޑު ހެދުން
ބޯހޭވުން
މ ބޮލުގެ އިސްތަށިގަނޑު އެގޮތްމިގޮތަށް ވެފައިވުން ނުވަތަ އެގޮތްމިގޮތްވުން
ބޯށި
ނ (1) ފަތް ކެޔޮގަހުން ނުކުންނަ މާގަނޑު. މިނޫނަސް ބައެއްގަސްގަހުން އަންނަ މާގަނޑަށްވެސް މިނަންކިޔައެވެ. މިސާލު: ކަރަންކާބޯށި. ކަފުރުތޮޅިގަހުބޯށި (2) ކަނޑޫ. ރަނޑޫފަދަ ތަކެތީގެ ތާފަތް. (3) ބޯށިގަސް )މިއީ އާންމުކޮށް ހޭޅީގައި ހެދޭ ބޯކޮށް ފަތްހުންނަ ގަހެކެވެ ( (4) ބޯށިގަހުގެ މާގަނޑު (5) ބޯށި ގަހުގެ އޮށް (6) ބައެއް ޒާތުގެ ކުރެހުމުގައި ކަންކަނުގައި ޖަހާމަލެއް (7) ފައްތަރުލައި ކަފާބިލެތުގެ ހުނގުލުކޮޅުގައިލާ ވަނާއެއް (8) )ހ ( އޮށްނާޅާ ހުކުރަދި
ބޯށިމައުފުސް
ނ ލޮލުގެ ބައްޔެއް މިބައްޔަކީ ލޮލުގެ ކަޅުކަޅީގައި ބޯށިމާގަނޑުގެ މަލެއްހެން ބޯކޮށް ހުންނަގޮތެއް ނުކުންނަ ބައްޔެކެވެ މިބަލި ޖެހުނީމާ ލޯ އަނދިރިވާނެއެވެ
ބޯށިގަނޑު
ނ ވިހައިގެންއުޅޭ މީހުންނަށްދޭ ދިވެހި ބޭހެއް. މިއީ ބޯށިގަހުގެ ޅަމާގަނޑުގެ އޮށާ ކުއްޅަފިލާ ލުނބޯ ނިޔަނދުރު ފަޅޯ މިގަސްގަހުގެ ޅަމުލާ ކުދިކުދިކޮށްކޮށައި މަތިކަރާ ބޭހާ ކަނަހަނދުނާ ފޮނިތޮށި ކާފޫރުތޮޅިޔާ އެއްކޮށްމޮޑެ ފުޑައި ހިމުންކޮށް ޅަރުކުގެ ކުރުއްޕަތަކަށް އަޅައި ބަނދެ އުނދުނުގެއަޅި ގަނޑުތެރޭގައި ވަޅުލައިގެން ފޮޅިކޮށް އަވީލައި ހިއްކައިގެން ހަދާ ބޭހެކެވެ ދުވާލު ދެއިރު މީގެ އެތިކޮޅެއް މާމުއިގާ ވިރުވައިގެން ބޮއެވެ
ބޯނޑިގަނޑެ
ނ )ގ ( ބޮނޑިގަނޑު
ބޯރިވައް
ނ )އ ( ބޯއަރުވާ ވައްގަނޑު
ބޯރުދޫބައްތި
ނ (1) ފުރާދުއްވާ އެއްޗެތީގެ ބޯރުދޫގައި ދިއްލާބައްތި (2) ނަރުގަނޑު ފާނޫޒު