radheef.info
ރަދީފު


ދޫ
ނ (1) އިންސާނުންގެ އަނގައިގެ ތެރޭގައިވާ ވާހަކަދެއްކުމަށް އެހީވެދޭ ގުނަވަން. (2) ރަހަބެލުމުގެ ގުނަވަން. (3) ގޮނޑި އަލަމާރި މޭޒު ދޮރު ދޮރުފަތްފަދަ ތެދުއުއިވަޑާމުގެ ތަކެތި ހެދުމުގައި އެއްބައި އަނެއް ބަޔަށް މެހުމަށް ވަށައިގެން ކަނޑައި ކޮޅުން ނެރެފައި ހުންނަ ތަންކޮޅު. (4) ތަޅުލުމަށާއި ހުޅުވުމަށް ތަޅާއި ތަޅުދަނޑީގައި ހުންނަ ތަންކޮޅު. (5) ވައިޖަހާ އެއްޗިއްސަށް ވައިވައްދަން ހުންނަ ތަންކޮޅު. (6) ބާރު މިބަހުގެ ހަތަރުވަނަ މާނައިގެ އިދިކޮޅު (7) ވާން މިބަހުގެ އިދިކޮޅު (8) ފަލިތަންޑުގެ ކޮޅުގައި ފެނުގައި އެޅުވުމަށް ހަރުކޮފައި ހުންނަ ފިލާކޮޅު (9) ރަށް
ދޭދަރު
ނ މޫދުގައި ހުންނަ ގަލުގައި ހިމަކޮށް ހެދޭ ރަތްކުލައާއި ރީނދޫ ކުލައިގެ އެއްޗެއް މިއީ ބޭހަށް ބޭނުންކުރާ އެއްޗެއް
ދޭތެއްލާ
ނ )ގ ( ދޫ މިބަހުގެ އެއްވަނަމާނަބަލާ
ދޮން
ނ (1) ކުލައެއްގެނަން )މަޑުރީނދޫކުލަ( (2) ބައެއްކަހަލަ މޭވާ ދޮންވީމާ ހުންނަ ކުލަ (3) މީހުންނަށް ނިސްބަތް ކުރާއިރު ކަޅުގެ އިދިކޮޅު (4) މީހުންގެ މޫނުގައިދޭ ބޮސް (5) ބައެއް މޭވާ ހަރުވެގެންވާ ފައްކާ (6) މަޢުދަނީ ތަކެތި މާބޮޑަށް ވާހޫނު
ދޮންހުނި
ނ ކާށިހުނީގެ ތެރެއަށް ރީނދޫލައިގެން ފުނޑައިފައި ހުންނަހުނި
ދޮންނޫފާނަ
ނ ފާނައިގެ ބާވަތެއް މިމަހުގެ ނިގޫފަތާއި ކޮތަރިބައިތަކާއި ކަންފަތުގެ ކުލަ ރީނދޫ ވާނެއެވެ މަހުގެ ކުލައަކީ ގަދަނޫކުލައެވެ މިއީ ފާނައިގެ ބާވަތްތަކުގެ ތެރޭގައި ހިމެނޭ އެންމެ ދިހުންކުލަ ގަދަމަހެވެ މިމަހަކީ ވަރަށް މީރުމަހެކެވެ
ދޮންރީނދޫމަސް
ނ (1) ރީނދޫމަސް (2) އަރިމަތީގައި ނޫކުލައިގެ ހަތަރު ރޮނގުފާޅުކޮށް ހުންނަ ކޮތަރިބައި ރީނދޫ ކުލައިގައި ހުންނަ މަހެއް މިމަސް އުޅެނީ ތިލަވިލުގައްޔާއި ފަރުފަރުގެ ބޭރުގައެވެ
ދޮންބިބީ
ނ (1) ބިބީ ޢާއިލާގެ މަހެއް މިމަހުގެކުލައަކީ ގަދަ ރީނދޫ ކުލައެވެ މަހުގެ ލޯހުރަސްކޮށް ކަޅުކުލައިގެ ހިމަރޮނގެއްދެމިފައި ހުރެއެވެ އަދިމަހުގެ އަރިމަތީގައި ކަޅުކުލައިގެލަފެއް ހުރުމާއެކު މަހުގެ ނިގޫފަތުގެ ބުޑުހުރަސްކޮށްވެސް ހިމަކޮށް ހުންނަ ކަޅުކުލައިގެ ރޮނގެއްހުރެއެވެ މީގެނިގޫފަތުގެ ކުލައަކީ ހުދުކުލައެވެ (2) ދިވެހި އަންހެނުންނަށް ކިޔައިއުޅޭނަމެއް
ދޮންބިސް
ނ (1) އަންހެންމަހުގެ ބަނޑުގައި ރީނދޫކުލައިގައި އޮންނަ އެއްޗެއް މިއޮންނަނީ ދެބަޔަށެވެ މީގެތެރޭގައި ހުންނަނީ ކުދިކުދި ފުއްތަކެކެވެ މިއިން ކޮންމެ ފުކެއްވާނީ މަހަކަށެވެ (2) ކިރުބިސް ނޫންބިސް
ދޮންބުރު
ނ )ޏ ( ދޮންދޫނި
ދޮންބުރެކި
ނ ދިރޭއެމުގެ ގޮތުގައި މަސްބޭނުމަށް ބޭނުންކޮށްއުޅޭ މަހެއް މިއީ ރަށްރަށާއި ފަރުފަރުގެ ބޭރުމަތީގެ މުރަކަތަކުގެ ކައިރީގައި ކުދިއައިން ހަދައިގެން ބައިބަޔަށްއުޅޭ މަހެކެވެ މިމަހުގެ ނަގޫފަތް ހުންނަނީ ވަރަށްބޮޑަށް ދެކަފިވެފައެވެ މަހުގެ މަތީބައިގެ ކުލައަކީ ފިޔާތޮށިކުލައެވެ އަރިމައްޗާއި ބަނޑުދޮށުގެ ކުލައަކީ ރީނދޫކުލައެވެ
ދޮންބޭސް
ނ ދިވެހިބޭހުގެ ތެރޭގައި ހިމެނޭ މުފުރަދު ބޭހެއް މިހުންނާނީ ރީނދޫ ކުލައިގައެވެ
ދޮންކުލަ
ނ މަޑުރީނދޫކުލަ
ދޮންކޮކޮޑި
ނ )ސ ( ހިރުނދުދޫނި
ދޮންވުން
މ (1) ގަސްގަހުގައި އަޅާތަކެތި ފައްކާވުން (2) ބައެއްމޭވާއާއި ގަސްގަހުގެފަތް ހަރުވެގެންގޮސް ރީނދޫ ކުލައައުން (3) މައުދަނީ ތަކެތި އަލިފާނުގެ ހޫނުން ރަތްވުން (4) ތަނެއްނުވަތަ އެއްޗެއް އަވިން މާބޮޑަށް ހޫނުވުން (5) އޮށާޅައިގެ ގޮނޑިނުކުންނަވަރުވުން (6) މަޖާޒު: ކުޑަކުދީންގެ ބަހުރުވައިގައި ނަލަވުން (7) ހަމުގެ ކުލަ އަލިވުން (8) އިރުއެރުމުގެ އަލިކަން ފާއްދައިލުން މިސާލު: އިރަށް ދޮންވުން
ދޮންމޫސަ
ނ (1) ފިރިހެނުންނަށް ކިޔާނަމެއް (2) ގަހެއްގައި އަޅާތަސްބީޙަ އޮށެއްވަރުގެ ކާއެއްޗެއް މިދޮންވީމާ ހުންނާނީ ރަތްރީނދޫ ކުލައިގައެވެ (3) ދޮންމޫސަ އަޅާގަސް
ދޮންމޫސަދޫނި
ނ ހިރުނދު ދޫނި
ދޮންމޫސަގަސް
ނ ކަށަވަކިގަހާއެއް އުސްމިނަކަށް ހެދޭ ކާންބޭނުންކުރާ އެއްޗެއްއަޅާގަހެއް މިދޮންވީމާ ހުންނާނީ ރަތްރީނދޫކުލައިގައެވެ
ދޮންމެހިފިޔަކުލަ
ނ ރަތްރީނދޫކުލަ
ދޮންދަނބުރުއް
ނ ދަނބުރުކުގެ ބާވަތެއް މިރުކުގައި ގަންނަތަކެތީގެ ކުލައަކީ ގަދަ ރީނދޫކުލަ އެވެ
ދޮންދީނި
ނ )ޏ ސ ( ކަނދުވަލު ދޫނި