radheef.info
ރަދީފު


ފަރާ
ނ (1) ފަންސަވީސް ނާޅި (2) )ގ ( ފަރު
ފުރޮޅުބުރަށްއެނބުރުން
މ މާޗުކުރުމުގައި ސަފުސަފަށް ހިނގާފައިދާއިރު ކަނާތް ފަރާތަށް ނުވަތަ ވާތްފަރާތަށް އެސަފުތައް އެކުގައި ގޯޅި އަޅާގޮތަށް ލަނބާލުން
ފުއި
ނ (1) ފަރުޖު (2) އަންހެނުންގެ ކުރިމަތީ ފަރާތު ދޮރު
ފުއްކެނޑިވަޅި
ނ (1) ވަޅީގެ މިއަ ހުންނަ ފަރާތުގައި ތުނޑުތަކެއް ކަނޑައިފައި ހުންނަ ގޮތަށް ހަދައިފައިވާ ވަޅި (2) ޕާންކަފާ ވަޅި
ފުއްއެނބުރުން
މ ކީސްތޫނުކޮށްފައި ކީހުގެ ތުނޑުތައް ދެތުނޑު ދެފަރާތަށް ހުންނާނެ ގޮތް ހެދުން
ފުއްވުން
މ (1) މަޢުދަނީ ތަކެތިން ހަދާގެވެހި ކަންވާރުތަކާއި ގަހަނާތަކުގެ ކުރެހުންތައް އުސްކޮށް ހުންނާނެހެން ބެހެއްޓުން (2) ތައްގަނޑަކަށް އޮއްބައިގެން ފުފޭގޮތް ހެދުން (3) ބޮޑާހޭކުން (4) ތިމާ ރުޅި އައުމުން ކަންބޮޑުވާ ފަދަ ފަރާތަކަށް މާބޮޑަށް ނުރުހުމުގެ ކުލަ މޫނުމަތިން ދެއްކުން
ފުއްލާ
ނ (1) ހަތަރެސް ފައިޖެހި ވަރަށް ލުއި ހިމަތޮޅި ޖަނަވާރެއް މީގެ މަސްކެއުމަށް ބޭނުން ކުރެއެވެ އަދި ހަމުގެ ދަށް ފަރާތުގައި ހުންނަ ދުލި ނަގައި ދިބާޣުކޮށްގެން ކަރުދާސް ފަދައިން ލިއުމަށް ބޭނުންކުރެއެވެ މީގެ ތަފާތު ވައްތަރު ހުރެއެވެ (2) )ސ ( ފޫ އެނބުރި
ފުއްޓަރަށްފެއްތުން
މ ފުއްޓަރު ފަރާތަށް ކެއުޅު ކަމުގޮސް ނަނު ފެއްތުން
ފުއްޓަރަށްދިއުން
މ ފުއްޓަރު ފަރާތަށް ކެޔޮޅުކަމު ދިއުން
ފުއްޓަރު
ނ ރަށްރަށުގެ މާކަނޑު އޮންނަ ފަރާތުގެ ފަރާއި ކަނޑާއި ގުޅޭ ހިސާބުގެ ތޮށި
ފުއްޓަރުބޭރު
މ ފުއްޓަރު ފަރާތުގެ ތޮށިން ބޭރު
ފުއްޓަރުމަތި
ނ (1) ފުއްޓަރު ފަރާތުގެ ތޮށިމަތި (2) ފުއްޓަރަށްވީ ހިސާބުގެ ކަނޑު
ފޫ
ނ (1) ބައެއް ކަހަލަ ކާއެއްޗެހި ގިނަ ދުވަސްވެ ހަލާކުވެގެން ނުވަތަ ވައި ބަންދުވެ ދުވަސްވެގެން އޭގައިޖަހާ ކަފަގޮތަށް ނުވަތަ ކެހެރި ފާޑަށް ހުންނަ އެއްޗެއް. މިއީ ދިރުން ހުންނަ ހުދުކުލައަކަށްދާ އެއްޗެކެވެ. ދުވަސް ވީވީހެން ކުލަ ބަދަލުވަމުންގޮސް ކަޅުކުލައަށް ބަދަލުވެއެވެ. (2) ދާ ހިއްލާ ހިކުނީމާ ގައިގަޔާއި ފޭރާމުގައި ހުންނަ ހިކިފައިވާ ލޮނު. (3) ޖަންބާއި ޖަނބުރޯލުފަދަ ތަކެތީގެ މަލުގެ ފިޔަ ވެރުނީމާ މޭވާއަކަށްވުމުގެ ކުރީގައި ހުންނަބައި. (4) އެއްޗެހި ހަރުލާގޮތަށް ހުންނަ ކޮންމެ އެއްޗެއްގެ އަޑީގެ ދެފަރާތް. މިސާލު: ތެލި ވަޅު ތާނގީ ދަޅުފަދަ އެއްޗެހީގެ ފޫ (5) މަސްއަރީގެ ނިމޭކޮޅު (6) ދަނޑި ނުވަތަ ރިތް ފަދަ ތަކެތީގެ ފަލަކޮޅު (7) ފިނދުމަސްގަނޑު (8) މޭވާއާއި ތަރުކާރީފަދަ ތަކެތީގެ ތަނޑު ހުންނަކޮޅު ނޫން އަނެއް ކޮޅު
ފޫދުއްވާލުން
މ (1) އެއްޗެއްގައި ނުވަތަ ތަނެއްގައި ލޯވަޅެއް އަޅައިލުން ނުވަތަ ބާގަނޑެއް ހަދައިލުން (2) އެއްފަރާތުން އަނެއްފަރާތް ފެންނަ ގޮތަށް ތޮރުފައިލުން
ފޫދުއްވުން
މ (1) އެއްޗެއްގައި ނުވަތަ ތަނެއްގައި ލޯވަޅެއް އެޅުން ނުވަތަ ބާގަނޑެއް ހެދުން (2) އެއްފަރާތުން އަނެއްފަރާތް ފެންނަ ގޮތަށް ތޮރުފުން
ފޫގޮޅި
ނ ޙައިޟު ނުވަތަ ނިފާސްކަމުގެ ދުވަސްވަރު އަންހެނުންގެ ކުރިމަތިފަރާތު ދޮރު ބަންދުކުރުމަށް ޖަހާ ފޮތިގަނޑު
ފެންކައްކާބޮލީގެޢިއްޒަތް
ނ )މިސާލުބަހެއް( ވަކިމީހެއްގެ ފަރާތުން ނޫނީ ފުއްދެން ނެތްކަމެއް އެމީހަކު ލައްވައި ކުރުވަން ވީމާ އެމީހަކަށް ކަމޭހިތާ ކަމޭހިތުން
ފެންކަފާފައިދިއުން
މ އޮޑިދޯނިފަހަރު ފަދަ ތަކެތި ދުވެފައިދާއިރު އެތަކެތީގައި އަޅައިގެންފައި ކަނޑުގެ ލޮނުގަނޑު ދެފަރާތަށް ދިއުން
ފެންކިހުނު
ނ ކިހުނުގެ ބާވަތެއް. މިބަލީގައި ވާގޮތަކީ ފެންފޮދެއްހެން ހުންނަ ދިޔައެއް ކުރިމަތިފަރާތުގެ ދޮރުން އައުމެވެ
ފެންޑާ
ނ (1) ދިވެހިން ގެދޮރު އެޅުމުގައި މައިގޭގެ މައިދޮރޯއްޓާ ވީ ފަރާތަށް އިތުރު ކުރާބައި. (2) ދިވެހިން ގެދޮރު އެޅުމުގައި މައިގެއާއި ގުޅައިގެން ކޮންމެ ފަރާތަކަށް ވިޔަސް އިތުރު ކުރާބައި. މިބައި ހުންނާނީ މައިގެޔަށްވުރެ ތިރިކޮށް ބަންދު ނުކުރެވޭ ގޮތަށެވެ
ފޮނިޔަމަސް
ނ ބޮލުގެ ދެފަރާތުގައި ފަނޑުކޮށް ކުރެހުން ބައެއް ހުންނަ ގަދަ އަޅިކުލައިގެ މަހެއް