radheef.info
ރަދީފު


ކެތި
ނ (1) ހުޅަނގުމޫސުމުގެ ތިންވަނަ ނަކަތް (2) ކައިރިކައިރިކޮށް އެކީގައި ލޮލަށްފެންނަން ހުންނަ ތަރިބޮނޑިއެއް
ދޮންކުރުން
މ (1) ދަގަނޑާއި ލޮޔާއި ރަންރިހި ފަދައެއްޗެހި އަލިފާނަށްލައިގެން ރަތްވާވަރަށް ހޫނުކުރުން (2) މޭވާފަދަ ތަކެތި ދޮންކުރަން ވައިބަންދުވާ އެއްޗަކަށް ނުވަތަ ތަނަކަށް ލައިގެން ފައްކާ ކުރުން
ދޮންވުން
މ (1) ގަސްގަހުގައި އަޅާތަކެތި ފައްކާވުން (2) ބައެއްމޭވާއާއި ގަސްގަހުގެފަތް ހަރުވެގެންގޮސް ރީނދޫ ކުލައައުން (3) މައުދަނީ ތަކެތި އަލިފާނުގެ ހޫނުން ރަތްވުން (4) ތަނެއްނުވަތަ އެއްޗެއް އަވިން މާބޮޑަށް ހޫނުވުން (5) އޮށާޅައިގެ ގޮނޑިނުކުންނަވަރުވުން (6) މަޖާޒު: ކުޑަކުދީންގެ ބަހުރުވައިގައި ނަލަވުން (7) ހަމުގެ ކުލަ އަލިވުން (8) އިރުއެރުމުގެ އަލިކަން ފާއްދައިލުން މިސާލު: އިރަށް ދޮންވުން
ދޮރުތަންޑު
ނ ދޮރުލައްޕައިފައި ބަންދުކުރުމަށް ބޭނުންކުރާ ތަޅުނޫން އެހެން ތަކެތި މީގެ ތަފާތު ބާވަތްތައް ހުރެއެވެ
ދޯރި
ނ (1) ތެލާއި ފެނާއި އަދި އެނޫންވެސް ދިޔާތަކެތި އަނގަ ކުޑައެއްޗިއްސަށް އެޅުމަށްޓަކައި މަތިފުޅާކޮށް ތިރިހިމަކޮށް ހަދައިފައި ހުންނަ އެއްޗެއް (2) ފިތައިގެން އެއްޗިއްސަށް ތެޔޮދުއްވާން ވަށްކޮށްފަތިކޮށް އެއްކޮޅު ހިމަކޮށް އެތެރެއަށް ތެޔޮއެޅޭނޭހެން ހަދައިފައި ހުންނައެތި (3) ކުޑައިގެ ދަނޑީގެ ކޮޅުގައި ޖަހައިފައި ހުންނައެތި (4) ބައެއް އެއްޗެހި އަތުން ފަހައިއުޅޭއިރު އިނގިލިކޮޅަށް ޖަހައިފައި ހުންނަ އެތި (5) ގަލަން ފަދަތަކެތީގެ ތުނޑު ނިވާކުރުމަށް ޖަހައިފައި ހުންނަބައި
ތަށި
ނ (1) ކާބޯތަކެތި އަޅަން މުށިންނާއި މައުދަނީ ތަކެތިން ހަދާކަންވާރެއް (2) އެކިއެކި މުބާރާތުން ވަނަވަނައަށް އައުމުގެ ސަބަބުން ދޭ އެއްޗެއް މިހުންނަނީ ގޮނިކޮށް ތައްޓެއްހެންނެވެ މި އުޅައްލައިފައިވެސް އުޅައްނުލައިވެސް ހުރެއެވެ (3) ފަންޑިތަ ހެދުމުގެ ގޮތުން ލިޔާ ތަށީގައި ފަންޑިތަލިޔެ ގިރައިލާފެންފޮދު
ތަށިމައްޗަށްގޮވުން
މ ކެއުމަށް ތައްޔާރުކޮށްފައިވާ ކަތަކެތި މަދުވެފައި ވަނިކޮށް އެތަނުގައި ހުރި އެއްޗެއް ކައިލުމަށް މީހަކަށް ނުވަތަ ބަޔަކަށް ގޮވުން
ތަށިމަތިބެލުން
މ (1) ބަޔަކު މީހުންނަށް ކެއުމަކަށް ދަޢުވަތުދީގެން އެބަޔަކުއައިސް ކާވަގުތު ތަކެތި މަދުވޭތޯ ބަލައި މަދުވާއެއްޗެއް ގެނެސް އެތަން ރަނގަޅަށް ބެލެހެއްޓުން (2) ސުފުރާމަތި ބެލެހެއްޓުން
ތަށިމަތިކަހައިލުން
މ މަޖާޒު: ކެއުމަކަށް ތައްޔާރުކޮށްފައިވާ ކާތަކެތި ދެންއަންނަބަޔަކަށް ނުބަހައްޓައި ކައި ހުސްކޮށްލުން
ތަށިމުށި
ނ (1) ބަތްކާތައްޓާއި ޖޯޑުފަދަ ތަކެތި ތެޅުނީމާ ހުންނަ އެތިއެތި ކޮޅު (2) ފާރާއި ތަޅުންފަދަ ތަންތާނގައި ތަތްކުރާން ހަދައިފައި ހުންނަ މުށީގެ ހަތަރެސްކަން ފޮތި
ތަނޑި
ނ (1) އަތުގައި އަޅަން ބޭނުންކުރާ ގަހަނާއެއް މިއީ ހިމަކޮށް ވަށްކޮށް ހުންނައެއްޗެކެވެ (2) ގަހަނާގެ އެކަތި އަނެކައްޗާ ގުޅުވަން ނުވަތަ އޭތި އެހެން އެއްޗަކާ ގުޅުވަން އިތުރުކުރާ ބޮޅެއްހެން ހުންނަ ތަންކޮޅު (3) ގަސްގަހާގެހީގެފަތް ނުވަތަ އޭގައި އަޅާތަކެތި ގަހުގައި ހަރުލުމަށް ހުންނަބައި (4) ނަގިއްޔާއި ލޮތާރީގެ މައިދަގަނޑު (5) ބައިސްކަލުގެ ފިޔަވަޅު ހަރުކުރާތަން
ތަންމަތިބޮނޑި
ނ ނިދަން ބޭނުންކުރާ ބާލީހާއި ކުނާފަދަ ތަކެތި އެއްކޮށް އޮޅައި ބަނދެފައިވާ ބޮނޑި
ތަންމުޑު
ނ (1) ގޯތިގެދޮރާއި ފޭރާން ފަދަތަކެތިވާ ހަޑިމުޑުދާރު (2) ތެތްއެއްޗެހި ނުހިކި ހިޔަލުގައި ގިނައިރު ވުމުގެ ސަބަބުން އޭގެވަހަށް އަންނަބަދަލު
ތަންމުޑުކަން
ނއނ (1) ގޯތިގެދޮރާއި ފޭރާން ފަދަތަކެތި ހަޑިމުޑުދާރުވާކަން (2) ތެތްއެއްޗެހި ނުހިކި ހިޔަލުގައި ގިނައިރު ހުރުމުގެ ސަބަބުން ވަހަށް ބަދަލުއަންނަކަން
ތަންމުޑުވަސް
ނ (1) ގޯތިގެދޮރާއި ފޭރާން ފަދަތަކެތި ހަޑިމުޑުދާރު ވުމުގެ ސަބަބުން ދުވާވަހެއް (2) ތެތްއެއްޗެހި ނުހިކި ހިޔަލުގައި ގިނައިރު ހުރުމުގެ ސަބަބުން ދުވާވަސް
ތަންޑިޔާ
ނ ބަރުތަކެތި އެއްތަނުން އަނެއްތަނަށް ގެންދިއުމަށް އެއްޗެއްގައި ވާޖަހައި އައްސައިގެން މީހުންގެ ކޮނޑުމަތީ އުފުލުމަށް ބޭނުންކުރާ ފަލަދަނޑިއެއް
ތަރަވުން
މ (1) މަލަރުވުން. (2) ބިމުގެ މަތީފަށަލަ ހަރުވުން. (3) ބޮލާކީންޏާއި ތާރާއި ދަވާދު ފަދަ ތަކެތި ތަނަކަށް އެޅިތަތްވެ ހަރުވުން
ތަރިކަ
ނ (1) މަރުވެފައިވާ މީހާގެ މުދާ (2) ކާބަފައިން ދޫކޮށްފައިވާ ތަކެތި
ތަރުކާރީ
ނ (1) ކެއުމުގެ މައިގަނޑު ބައިތަކުގެ ތެރޭގައި ހިމެނޭ ބާވަތްތަކުގެ ތެރެއިން ބައެއްކަހަލަ ގަސްގަހާގެހިން ލިބޭ ތަކެތި. މިސާލު: )ހ( ވިލާތުބަށި. )ށ( ބޮނޑިކޮޕީ. )ނ( ބަނބުކެޔޮ. )ރ( ފަތްކެޔޮ. (2) ގަސްގަހާގެހީގެ ކެއުމަށް ބޭނުންކުރާ ބައި މިސާލު: )ހ( ލީކްސް )ށ( ކަންކުން )ނ( މައްސާގު )ރ( މުރަނގަ )ބ( ކުއްޅަފިލާ
ތަޅައިބުރުއްސުން
މ (1) ކުކުޅުހާފަދަ ތަކެތިގޭދޮށަށް ނާންނަގޮތަށް ފައްސައި ދުރަށްލުން (2) މަޖާޒު: ވަކިހަމައެއްނެތި ބޭކާރުގޮތުއި ފައިސާ ނުވަތަ މުދާ ހޭދަކުރަމުން ގެންދިއުން (3) އެއްވެފައިވާ މީހުންތަކެއް ވިއްސިވިހާލިކުރުން
ތަޅައިގެންދިއުން
މ މުށި ނުވަތަ ބިއްލޫރިން ހަދައިފައިވާ ތަކެތި ކުދިކުދިވުން ގަދަކުރުމަށް ބުނާގޮތް