radheef.info
ރަދީފު


ކުރަ
ނ (1) ދިރޭ އެއްޗެހީގެ ހަމުގައި ބޯކޮށް ރާޅުކޮށް ހެދިފައި ހުންނަ ތަންތަން (2) ބައެއް މޭވާއާއި ތަރުކާރީގެ ބޭރުގައި ބޯކޮށް ހަރުކޮށް ހުންނަ ތަންތަން (3) ގަސްގަހުގެ ތޮށީގައި ބޯކޮށް ހަރުކޮށް ހުންނަ ތަންތަން (4) )ސ( ވައްގަނޑުން އެއްޗެތި އޮއްސާން ހަދައިފައި ހުންނަ ބާވަތް ބާވަތުގެ ކަންވާރު (5) )ބދ ( ފުށަތް
ދިޔާހަކުރު
ނ ރުކުރައިން ކައްކައިފައި ހުންނަ ހަކުރެއް މިހަކުރު ހުންނާނީ ދިޔާކޮށެވެ
ދީލިކަޑަވުން
މ (1) އޮޑިދޯނިފަހަރު ދީލިގެންގޮސް ރިޔަލުން ވައިހުސްވުން (2) މަޖާޒު: ކަމެއް ރަނގަޅަށް ކުރަން އުޅެގެން އޭގެ ހައްދުން ނައްޓައިލުން
ދުނިބައި
ނ (1) ކާރު ލޮރީފަދަ ތަކެތީގެ ފުރޮޅު ހަރުކޮށްފައި ހުންނަބަޔާއި މައިގަނޑާދެމެދުގެ ހެލުން ކޮންޓްރޯލް ކުރުމަށް ދަގަނޑުން ހަދައިފައި ހުންނަ ފޮތިބައި (2) ކުޑައިގެ ފޮތިގަނޑު ހަރުކުރަން ހުންނަ ދުނިތައް
ދުންފަތް
ނ (1) ތިރިކޮށްހެދޭ ގަހެއްގެފަތް މިފަތް ބޭނުންކުރަނީ ބިޑިސުއްޓާ ސިނގިރެޓާއި ދުންބުއިމަށެވެ ބައެއްމީހުން ދުފާއިރުވެސް މިފަތް ބޭނުންކުރެއެވެ (2) މިފަތް ނުކުންނަ ގަސް
ދުންފަތްގަސް
ނ ތިރިކޮށްހެދޭގަހެއް މިގަހުގެ ފަތް ބޭނުންކުރަނީ ބިޑި ސުއްޓާ ސިނގިރެޓާއި ދުންބުއިން ފަދަކަންކަމަށެވެ ބައެއްމީހުން ދުފާއިރުވެސް މިފަތް ބޭނުންކުރެއެވެ
ދެކަނިހަމަޔަށްއެނބުރުން
މ ވައިމަތީގައި ހުންނަ ރަށްތައް ހިފުމަށް ދެއަތަށް އަނބުރައި ހޭރިޔާ ކުރަމުން ދުއްވުން
ދެއައިނުގައި އެއްކުރަނގި
މަޖާޒު: (1) ދެއަންހެނަކާ ހިތާވެގެން އުޅޭ އެއް ފިރިހެނާ (2) އެއްވަރެއްގެ ބޮޑު ދެމަސްއޫލިއްޔަތެއް އެއްފަހަރާ އެކަކު އަދާކުރަން ޖެހުމުން ބުނެއުޅޭ ބަހެއް
ދެއުޅާބައިންޖެހުން
މ އަންނަފޭލީގެ ކޮޅުމަތީގައި ދެއުޅަނަގައިގެން ދުޅައެޅުން މިއީ ކޮޅުމަތި ރީތިކުރަން ކުރާކަމެކެވެ
ދެމީދާފެހިބުޅާހެން
)މިސާލުބަހެއް( އެއްވަގުތެއްގައި އެއްފަހަރާ ނުކުރެވޭ ކަހަލަ ދެކަމެއް ކުރަން ދިމާކުރުމުން އޭގެތެރެއިން އެއްކަމެއްވެސް ނުކުރެވޭނެކަން ބަޔާންކޮށް ދިނުމަށް ބުނެއުޅޭ ބަހެއް
ދެފަށްދަންމާނުގައި
މަޖާޒު: ގެއެއްގެ ނުވަތަ ތަނެއްގެ ހުރިހާ ކަމެއް އެކަނިމާއެކަނި ކުރަން ޖެހުމުން ބުނެއުޅޭ ބަހެއް
ދެފުށުއެޅުން
މ (1) ޚިޔާލު ދެއަތަށް ކިރިކިރި ހުރުން (2) ކުރަން ނުކުރަން ހުރުން
ދެފެނުކެއްކި
ނއ މަޖާޒު: (1) ތާކުންތާކުނުޖެހޭ (2) އެއްޗަކަށްނުވާ (3) މީހަކަށްނުވާ (4) ކަމެއްކުރަން ނޭނގޭ
ދެދެޑަވަކިނިވުން
މ މަޖާޒު: )ޏ ( އެއެއް މިއެއް ވަކިކުރަން ނުއެނގުން
ދޮންކުރުން
މ (1) ދަގަނޑާއި ލޮޔާއި ރަންރިހި ފަދައެއްޗެހި އަލިފާނަށްލައިގެން ރަތްވާވަރަށް ހޫނުކުރުން (2) މޭވާފަދަ ތަކެތި ދޮންކުރަން ވައިބަންދުވާ އެއްޗަކަށް ނުވަތަ ތަނަކަށް ލައިގެން ފައްކާ ކުރުން
ދޮރުބަންދުވުން
މ މަޖާޒު: (1) ލިބިލިބި ހުރިތަނަވަސްކަމެއް ނުލިބޭގޮތްވުން. (2) ކޮށްކޮށް ހުރިކަމެއް ނުވަތަ ކުރަން އުޅޭކަމެއް ނުކުރެވޭގޮތްވުން
ތަރާވީސް
ނ (1) ރަމަޟާންމަހުގެ ޢިޝާނަމާދުގެ ފަހުގައި ކުރަންއޮންނަ ސުންނަތް ނަމާދެއް (2) ތަރާވީސް ދަމުގައި ކާކެއުމެއް ނުވަތަ ބޯ ބުއިމެއް
ތަރާވީސްނަމާދު
ނ ރަމަޟާން މަހު ޢިޝާ ނަމާދުގެ ފަހުގައި ކުރަން އޮންނަ ސުންނަތްކަން ގަދަވެގެންވާ ނަމާދެއް
ތަރި
ނ (1) ޖައްވުގައިވާ އެތިކޮޅުތައް އެއްވެގެން އުފެދިފައިވާ ބޮޑުއެއްޗެއް މީގައި އަމިއްލަޔަށް ދިއްލޭފަދަ ގޭސްތަކެއް އެކުލެވިފައިވެއެވެ މީގެބައެއް އެއްޗެހި ދުނިޔެއަށްވުރެ ބޮޑެއްޗެވެ އަނެއްބައި އެއްޗެހި ދުނިޔެ ދަތުރުކުރާ ބުރަށްވުރެވެސް ބޮޑެއްޗެވެ މީގެސިފައަކީ ޢާއްމުކޮށް ވަށް ބޯޅައެއްގެ ސިފައެވެ މިއީ ރޭގަނޑު އުޑުން ފިޔަޖަހައި އަލިކަން ފޯރުވާ އެއްޗެކެވެ (2) ފަސްފިޔަ ނުވަތަ ހަފިޔަހުންނަގޮތަށް ހަދައިފައިވާ ނުވަތަ ކުރަހައިފައި ހުންނަ އެއްޗެއް (3) އިއްޒަތުގެ ނިޝާނެއްގެ ގޮތުން ކޮނޑަށް ނުވަތަ މޭ މައްޗަށް އަރާ ނިޝާނެއް މަޖާޒު: (4) ކަމަކުން މަޝްހޫރުވެފައިވާ މީހާ (5) ތަމްސީލުގައި ނުވަތަ ފިލްމުގައި މައިގަނޑު ބައިތައް ކުޅޭމީހުން
ތަޅައިބުރުއްސުން
މ (1) ކުކުޅުހާފަދަ ތަކެތިގޭދޮށަށް ނާންނަގޮތަށް ފައްސައި ދުރަށްލުން (2) މަޖާޒު: ވަކިހަމައެއްނެތި ބޭކާރުގޮތުއި ފައިސާ ނުވަތަ މުދާ ހޭދަކުރަމުން ގެންދިއުން (3) އެއްވެފައިވާ މީހުންތަކެއް ވިއްސިވިހާލިކުރުން
ތަޅުމަޅުގަނޑުއެޅުން
މަޖާޒު; (1) ކުރިންހުރިގޮތަށް ހަމެޖެހުން (2) ވަންހަނާކުރަން ބޭނުންކަމެއް ރަނގަޅަށް ވަންހަނާވާގޮތްވުން