radheef.info
ރަދީފު


ޅައި
ނ (1) މިނިކާ ސޫފި (2) ޖަނަވާރަކާ އެއްފަދަކުރުމަށް މީހުނާ ދިމާއަށް ބުނާބަހެއް (3) އޮޑިދޯނިފަހަރަށް އެއްޗެހި އަރުވާންވެގެން ވަތުތެރޭ ހުރަހަށް ބަހައްޓާ ލަކުޑިފަދަ އެއްޗެހި
މިސްކިތުވަކަރު
ނ (1) މިސްކިތެއް ރޫޅައިލައިގެން ނަގާވަކަރު (2) މަޖާޒު: މަތީ ދަރަޖައިގެ ބޭފުޅަކު ކާވެނި ބައްލަވައިގެންފައި ވަރިކުރެއްވީމާ ނުވަތަ އެފަދަ ފިރިކަލަކު އަވަހާރަވީމާ އެއަށްވުރެ ދެރަމީހަކާ އިންނަން ނުކެރިފައި ތިބޭ އަންހެނުން
މުށި
ނ (1) ރަތްކުލައާއި އަޅިކުލައާ އެއްވީމާ ނިކުންނަ ކުލަތައް (2) އަތްކަންކުރާ މީހުން ރަންރިހިތަޅަން ގެންގުޅޭއެތި (3) ބިންމަތީގައި ގޮޅި ގޮޅިއަށް ރޮނގު )މުށިގެ( އަޅައިގެން ކުޑަކުދިން ކުޅޭ ކުޅިވަރެއް (4) ތަވައާއި ފުފޭފަދަ އެއްޗެހި ހެދުމަށް ކޯރު ކިސަޑުން ހަދާއެއްޗެއް (5) ގަސްއިންދުމަށް ހަދައިފައި ހުންނަ އެއްޗެހި (6) އެއްޗެހި ދޮންނަން ހަދައިފައި ހުންނަ މުށިގަނޑު
މުށިކުޅުން
މ މުށިގެ އަޅައިގެން ކުޅޭ ކުޅިވަރު ކުޅުން
މުށިގެ
ނ ބިންމަތީގައި ރޮނގު އަޅައިގެން މުށިކުޅެން ކުރަހާގެ
މުށުތެޔޮ
ނ މަކުނު ބަލީގެ މީހުން. )ފިރިހެނުންނާ އެޅޭ މީހުން( ނާއި އަމިއްލައަށް އެދުން ފުއްދާ ފިރިހެނުން މުށަށް އަޅައިގެން އެކަމަށް ބޭނުންކުރާ ތެޔޮ
މުރަކަފުންނަ
ނ މިއީ ފަޅުފަޅުގެ ތިލަ ހިސާބުގައި ދިރިއުޅޭ މަހެކެވެ. މިބާވަތުގައި އެންމެ ފާހަގަކުރެވޭ އެއް ސިފައަކީ މަސް ދިރިއުޅޭ ވެށްޓާއި ގުޅައިގެން މަހުގެ ކުލަ ބަދަލު ކުރާކަމެވެ
މުރުއްބާ
ނ ފުފޫ ފަޅޯ ގޯނބިލިފަދަ އެއްޗެހި ވަކިގޮތަކަށް ތައްޔާރުކޮށް ހަކުރު އަޅައިގެން ކައްކައި ހަކުރުގަނޑު ހިއްކައިފައި ހުންނަ އެއްޗެއް
މުޅިފަންގި
(1) ދެފަންގަނޑު އެއްކޮށް ހުނގޫމަޅައި ބައްޅިޖަހައިގެން ހަދައިފައިވާ ފަންގި )މިއީ އަނގަމަތި މަސްދޯނި ފަހަރު ދަތުރު ފަތުރުކުރާއިރު ވަގުތީގޮތުން ހިޔަލަކަށް ބޭނުންކުރާ އެއްޗެކެވެ ( (2) ރިޔާމަތީ ފަންގި
މުތައްބަޚުރޮށި
ނ ދަމައިފައި އޮންނަ ފުށްގަނޑެއްގެ މައްޗަށް ކުކުޅުބިސް ނުވަތަ ތަރުކާރީ ނުވަތަ މަސްއަޅައި ފަތް ޖަހައިލުމަށް ފަހު ރަތްތޮށި ވަންދެން ފިހެ ތައްޔާރުކުރާ ކާއެއްޗެއް
މުތުނި
ނ (1) ކުރުކުރުގެ މަތީގައި ގަސްފަޅައިފައި ހުންނަތަން. (2) ކާށިގާނާއިރު ނާށީގެ ފުލުގައި ނުގޭނި އޮންނަ ތަންކޮޅު (3) ކަޅުބިލަމަހުގެ ސިކުނޑި (4) )ސ ( އޮށްޓަރެއް )ކުދިބަތް އޮށަށްވުރެ ބޮޑެތި ގަދައޮފެއް ހުންނަ އޮށްޓަރެއް
މުލުންލުން
މ މޫތައް ލުހިގެން ގަސްއަރި އަޅައިލުން ނުވަތަ ވެއްޓުން
މުސަންމާ
ނ ހަވާދުގައި މޭބިސްކަދުރާއި ކަނަމަދާއި ކުޑަހަކުރުކޮޅަކާ އަޅައިގެން ގިތެލުގައި ހަވާދުގަނޑު މީރުކޮށް ކުކުޅުގައި ނުވަތަ ކަނޑުމަހުގައި ހިކިކޮށް ކައްކާއެއްޗެއް
މުސްތަޙާޟު
ނ ޙައިޟާއި ނިފާސްކަމުގެ ދިގުމުއްދަތު ފަހަނަޅައި އަންނަލޭ މިގޮތަށް ލޭ އަންނާނީ ބައްޔެއްގެ ސަބަބުންނެވެ
މުސްތަޙާޟުވެރިޔާ
ނ ޙައިޟާއި ނިފާސްކަމުގެ ދިގުމުއްދަތު ފަހަނައަޅައި ލޭއަންނަމީހާ
މުޑުވައްކުރުން
މ (1) މުޑުވައް އިންދައިގެން އެއިން ގަސްފަޅައި އެގަހުގެ އެންމެ ޅަދައުރު ދަންދެން ރަނގަޅަށް ބެލެހެއްޓުން (2) ކުކުޅުހާލާއި ގެރި ބަކަރި ފަދަ ބައެއް ސޫފާސޫފި ޖޯޑުކޮށްގެން ދަރިކޮޅެއް އުފެއްދުން
މުޓިޔާ
ނ ގަމީސްފަދަ ތަކެތީގެ ފުރަގަހު ބަދަނުގެ މަތީކޮޅުގައި ހުރަހަށް ގުޅައިފައި އޮންނަ ފޮތިކޮޅު
މުޖުމަރާ
ނ (1) އަލިފާން އަޅައިގެން ދުން އަޅަން ހަދައިފައިހުންނަ އެއްޗެއް މިހުންނާނީ އުޅައްގަނޑެއްލައިފައެވެ (2) ދުންމުޖުމަރާ
މުޙައްރިރު
ނ (1) ނޫސް މަޖައްލާފަދަ ތަކެތީގައި ޝާއިޢުކުރާ އެއްޗެހި ކަނޑައަޅައި އެއެއްޗެހި ޗެކްކޮށް ބަލަހައްޓާ އެންމެ އިސްވެރިޔާ (2) އެޑިޓަރ
މޫ
ނ (1) ގަސްގަހާ ގެއްސާއި ވެޔޮވެލާވެލީގެ ބުޑުން ފަޅައިގެން ބިމުގެ ތެރެއަށް ދެމިފައިން ހުންނަ ބައި. (2) ގަހަށް ކާނާ ހޯދައިދިނުމާއި ގަސް ބިމުގައި ހިފިހުރުމުގެ ބާރެއްކަމުގައި ހިމެނޭ ބައި (3) ހަށިގަނޑުގައި އުފެދޭ ބަލިބަލީގައި މަސްގަނޑުގެ ތެރެއަށް ފެތުރެމުން ހެދެމުންދާ ރޮދިފަށްތަކެއްހެން ހުންނަބައި
މޫނުބަލާލޯގަނޑު
ނ މޫނުބެލުމަށްޓަކައި ތައްޔާރުކޮށްފައި ހުންނަ ރަހަލީ ބިއްލޫރި )މިއަށް ލޯގަނޑު ކިޔުނީ އިހުޒަމާނުގައި މޫނު ބަލަން ގެންގުޅުނީ އުނގުޅައި އަލިކޮށް ފައި ހުންނަ ލޮއި ކަމަށް ވާތީއެވެ