radheef.info
ރަދީފު


ނީ
ނ (1) ހަނޑޫފަދަ ތަކެތި ފޮޅީމާ ނެގޭ އެންމެ ހިމުންބައި (2) އޮޑި ފަހަރުގެ ކުނބުގެ ކުރީގައި ސާމޯރުޖަހަން ހިމަކޮށްފައި ހުންނަ ތަންކޮޅު (3) ބދ ކުރީކޮޅު
ބާބަކޫރި
ނ )ޅ.( ކުކުޅުގެ ސިފައަށް ތިބޭ ދޫންޏަކަށް ކިޔާނަމެއް. މި ދޫނީގެ ބުރިކަށީގައި ކަޅާހުދުގެ ރޮނގުތަކެއް ހުރެއެވެ
ބާވައިގަތުން
މ (1) ލިބިގަތުން (2) ގަބޫލު ކޮށްގަތުން މިއީ މަތީ ފަރާތަކުން ލިބޭ ލިބުމެއް ލިބިގަތުމެވެ މިބަސްނިސްބަތް ކުރެވެނީ ﷲ ގެ ވަޙީ ބަސްފުޅަށެވެ
ބާފޮތިފާނަ
ނ ފާނައިގެ ބާވަތެއް މިމަހުގެ ނިގޫފަތުގެ ކޮޅުހުންނަނީ ވަށްކޮށެވެ މަހުގެ ކުލައަކީ އަޅިމުށި ކުލައެވެ ބުރިކަށިމަތީގައި ހުދުކުލައިގެ ލައްތަކެއް ހުރެއެވެ މިމަސްމަރުވުމުން މުޅިމަސް ގަދައަޅި ކުލައަށް ބަދަލުވެ ހަސްނެތިބާވެފައިވާ ފޮތިގަނޑެއްގެ ކުލައަށް ބަދަލުވެދެއެވެ
ބާދަނޑި
ނ (1) މީހުންނަށް ހާނިއްކަ ދިނުމުގެގޮތުން ދެއަތްދަމައިފައި އަތުގައި ބަންނަ ދަނޑި ގަނޑު (2) އަރާދަނޑި (3) ކުދިންކުޅޭއިރު ކަނބިލި ފަދަ ދޫނީގެ ދެފިޔަ ދެފަރާތަށް ދަމައިފައި ދެފިޔައިގެ ދެކޮޅު ހިފަހައްޓަން ހުންނަ ދަނޑިގަނޑު
ބާދިރީ
ނ ގޮވާމުގެ ބާވަތެއް މިއީ އޮނުފަތްހެއް ހިމަދިކޮށް ފަތްހުންނަ ގަހެއްގައި ނިކުންނަ ދިގުކުރާ ގަނޑެއްގައި އަޅާ އޮށްޓަރެކެވެ މީގެ ކުލައަކީ ގަދަމުށިކުލައެވެ މިގަސްހެދެނީ ގާތްގަނޑަކަށް 4 ފޫޓު 5 ފޫޓަށެވެ މިއީ ކުދިބަތް ހުންނަ ފާޑަށްއެއަށްވުރެ ބޮޑެތިކޮށް ހުންނަ ގޮވާމެކެވެ
ބާތުންމަސް
ނ ހަނދީގެ ބާވަތެއް މިއީ ހަލުވިމަހާ ވައްތަރު މަހެކެވެ މިމަހުގެ މަތީބައިގެ ކުލައަކީ ފެހިކުލައަކަށްދާ މުށިކުލައެކެވެ ބަނޑުދޮށް ފަރާތާއި އަރިމަތި ހުންނަނީ ރިހި ހުދުކުލައިގައެވެ ކަރުތާފަތްގަނޑުގެ މަތީބައިގެ ކޮޅުގައި ކަޅުކުލައިގެ ކުޑަލަފެއް ހުރެއެވެ
ބާލިސްމެޓާ
ނ އިހުގައި ގެނެސް އުޅުނުމެޓައެއް މިހުންނާނީ ކުޑަބާލީހެއް ހެންނެވެ
ބާލު ޚާނާ
ނ (1) އުސްކޮށް ހަދައިފައި ހުންނަ ގޭގޭގެ މަތީބުރީގެ ބެލްކަނީ (2) ކުޅިބަލާގެ
ބާސްކީލި ފައްޓަރު
ނ ބާސްކީލިން އަޅާ ފައްޓަރު މިއީ އިހުގައި ކުޑަކުދިންގެ ކަރުގައި އަޅައި އުޅުނު ގަހަނާއެކެވެ މިފަށް އަޅަނީ ބާސްކީއްޔަށްވާ ގޮތަށެވެ
ބާސްމާ
ނއ )ޏ( (1) ވިޔާނުދާ (2) ބަސްނާހާ )މިބަސް އާއްމުކޮށް ބޭނުން ކުރަނީ ކުޑަކުދިންނާ މެދުގައެވެ ( (3) )ބދ ( ހަތުރު
ބާޑީ ދުނބުރި
ނ ބާޑީ ޖެހުމަށް ބޭނުންކުރާ ދުނބުރި. މިކަމަށް ބޭނުންކުރަނީ ފަލަ ބޮޑެތި ދުނބުރިއެވެ. މިއީ އިހުގައި ދުޝްމިނުންގެ ނުރައްކަލުން ސަލާމަތްކުރުމަށް ބުރުޒުތަކުގެ ފާރުނިވައި ކުރުމަށް ކޮށްއުޅުނު ކަމެކެވެ އަދި ރާޅު އަރާ ދުވަސްވަރުވަރަށް މާލޭގަޔާއި ރާއްޖެތެރޭގައިވެސް ބާޑީ ޖެހުމަށް މިގޮތަށް ދުނބުރި ބޭނުންކޮށް އުޅުނެވެ
ބާޒު
ނ ދޫނީގެ ބާވަތެއް މިއީ ފައިން ވަކިހިއްޕައި ނޮޅައި ކައިއުޅޭ ދޫންޏެކެވެ މިދޫނި ބޮޑުވަނީ ގާތްގަނޑަކަށް މީޓަރެކަށެވެ މީގެ ސިފައަކީ މިދަރިކޮޅުގައި ހިމެނޭ "އެހެނޑަ" އާއި "ސުރުމުތި" ވެސް ތިބޭ ސިފައެވެ މިވައްތަރުގެ ހުރިހާ ދޫނިވެސް އުދުހޭނީ ހޯރައަޅައިގެނެވެ
ބާޒޫބަންދު
ނ (1) މުލައްދަނޑީގައި އަޅާ ތަވީދެއް މިއޮންނާނީ ފޮތި ކޮޅަކަށް ލައިފައި ބަންދެއްގެސިފައިގައެވެ (2) މުލައްދަނޑީގައި އަޅާއުޅާ
ބިހުތޮށި
ނ (1) ބިހުގެތޮށި (2) ބޭސްވެރިންގެ އިސްތިލާޙުގައި ގިނިކާމާދޫނީގެ ބިހުގެތޮށި
ބިންހެލުން
މ (1) ބިމަށް ލޮޅުން އެރުން (2) ރަށްގުޑުން (3) ޒަލްޒަލާ މިއީ ބިމުގެ ވަރަށް އަޑީގައި ހިނގާ ހަމަނުޖެހުމެއްގެ ސަބަބުން ބިމުގެ ތޮށިގަނޑު ތެރޭގައި އުފެދޭ ފިއްތުމުގެ ރާޅު ބާންޏަކުން އުފެދޭ ލޮޅުމެކެވެ ބޮޑެތި ބިންހެލުންތައް އަންނަނީ ބިމުއަޑީގައިވާ ހިލަތަކުގެ ފަށަލަތަކުގައި ހުންނަ ދެރަކަމެއްގެ ސަބަބުން އެފަށަލަތައް ހަލާކުވުމުގެ ސަބަބުންނެވެ ކުދިކުދި ބިންހެލުންތައް ކަނޑުގެ ރާޅުތަކާއި ޖައްވީ ފިއްތުންތަކުގެ ސަބަބުން އަތުވެދާނެއެވެ ބިންހެލުމުގެ ބާރުމިން މިނަނީ ރެކްޓަރ މިންގަޑުންނެވެ މިއީ 1 ން 9 ށް ދަރަޖަބަހައިފައިވާ މިންގަޑެކެވެ އިންސާނުންނަށް ބިންހެލުމެއް އިޙުސާސްވާނީ މި މިންގަޑުން އެންމެ ކުޑަވެގެން 5 1 އާ ހަމަވުމުންނެވެ
ބިންބި
ނ ގޮވާމުގެ ބާވަތެއް މިއީ އިނގިލިތަކެއްހެން ހުންނަ ކުރާގަނޑެއްގައި ގަންނަ ފުއްކުދި ގޮވާމެކެވެ މިގޮވާމުގެ ބޭރުގައި ހިލަތޮށްޓެއް ހުންނާނެއެވެ މިހަރުވީމާ ހުންނާނީ ގަދަރަތްކުލައިގައި ނުވަތަ މުށި ކުލައިގައެވެ ނުވަތަ ކަޅު ރަތްކުލައިގައެވެ މިގޮވާމުގެ ފުއްތައް ހުންނަނީ ވަށްކޮށެވެ
ބިންބިމަރުވާ
ނ ދަނޑުގައި ހެދޭ ތޮނައެއް ބިންބި ދަނޑަކުން މީގެގަހެއް ފަޅައްޖިއްޔާ އެތާކުން ގަސްތައް މަރުވެ ބިންބިއެއް ނުހެދެއެވެ މިހުންނާނީ ފަތް ހިމަ ދިގުކޮންނެވެ މައު ހުންނާނީ ހުދު ކޮންނެވެ
ބިންބިމާވަހަރު
ނ މާވަހަރުގެ ބާވަތެއް މިހުންނާނީ ނީކުނޑިކުލައިގައެވެ
ބިންބުޅަލަށްޖެހުން
މ ބަށިކުޅޭއިރު ފޯލިޖަހާ ގޮތެއް މިޖަހަނީ ކޮނޑުމަތިން ނެއްޓުނީއްސުރެން ތިރިއަށް ދާނޭހެންނެވެ
ބިންބުޅާ
ނ ބަށިކުޅުމުގައި ކޮނޑުމަތީން ނެއްޓުނީއްސުރެ ތިރިޔަށްދާގޮތަށް ޖަހާޖެހުން