radheef.info
ރަދީފު


ހުންނާ
ނ )ގ ( ރާއެރިން އެތުގައިލާ އެންމެ ކުޑަ ގުޑި
ތަރައްޕަން
ނ އުޅަނދު ބާލާއިރު މޫދަށްލާ ކަނދުތައް މިކަނދުތައް ހުންނާނީ ވަކިވަކިވެގެން ނުދާގޮތަށް ދެކޮޅުގައި ވަކަރު އަޅައި ބަނދެފައެވެ
ތަރުމޯޒު
ނ ހޫނުފެން ނުވަތަ ފިނިކޮށްފައި ހުންނަފެން އަޅަން ހަދައިފައި ހުންނަފުޅިއެއް މިފުޅީގެ އެތެރޭގައި ހުންނާނީ ރަހަލާފައެވެ މިފުޅިރައްކާތެރި ކުރުމަށްޓަކައި ބޭރުގައި ޕުލާސްޓިކު ނުވަތަ މައުދަނީ ދޮށިގަނޑެއްހުރެއެވެ
ތަރުޖަމާނުން
މ (1) އެއްބަހަކުން ލިޔެފައި ހުންނަ އެއްޗެއް އަނެއް ބަހަކަށް ބަދަލުކުރާ މީހުންނާއި އެއްބަހަކުން ދައްކާ ވާހަކަ އަނެއް ބަހަކަށް ބަދަލު ކުރާމީހުން (2) ރަސްމީދާއިރާ އަކުން ނުވަތަ ނުރަސްމީ ފަރާތަކުން ކަމެއް ކުރިގޮތުގެ ތަފްޞީލުދޭން ތިބޭމީހުން
ތަރުޙީބުދިނުން
މ (1) ބަހުންނާއި ޢަމަލުން ރުހޭކަންފާޅުކުރުން (2) މެހުމާނުންނަށް ކަމޭހިތުމާއެކު އުފާވެރިގޮތުގައި ބައްދަލުކުރުން (3) ފޯރިދިނުން (4) ސާބަސްދިނުން (5) ހިތްވަރު ދިނުން
ތަކަފިލޯށި
ނ ބޮޑުބަޑީގެ ނިވާލިގަނޑު ނެރެންގެންގުޅޭ އެއްޗެއް މިހުންނާނީ ބަޑީގެ ތެރެއަށް ވައްދައި އެނބުރޭވަރުގެ ދޫކޮށް އޮންނަ ދަނޑިއެއްގެ ކޮޅުގައި އެނބުރިފައި އޮންނަ ނަރުގަނޑެއްލައިފައެވެ
ތައްކަށިރުއް
ނ ތައްކަށްޓަށް ނަގާރުއް. ރަށްރަށުގައި މީހުން އިންދައިފައި ހުންނަ ރުއްރުކުގައި ތައްޖަހައި ބަންޑާރަ ބަޔާއި އަމިއްލަބައި ވަކިކުރުމުގައި އެކެއްގެ ފަންސަވީސް ރުކުން އެއްރުއް ތައްކަށީގެ ނަމުގައި ބަންޑާރަޔަށް ނަގައެވެ މިރުކުގައި ހުންނާނީ ތިންތައްޖަހައިފައެވެ މިއީ ގޮއިފާލައްބައިގެ ތެރޭގައި ހިމެނޭ ވަކިން ވަރުވާކޮށް ލިއެދެއްވާ ބައެކެވެ
ތައްދިހަ
ނ )ގ ( ހުދުކުލައިގެމަހެއް މިމަހުގެ ތުނބުގައި ދެނަރުވާ ހުންނާނެއެވެ ނަރުވާލައްޕައިލީމާ ޖެހޭތާނގައި ރަތްކުލައިގެ ދެރޮނގު ހުންނާނެއެވެ
ތަފާ
ނ (1) އާދަމުގެ ދަރިންނާއި ބައެއްކަހަލަ ޖަނަވާރުގެ ހަށިގަނޑުގައި އަތުން ޖަހާއެތިފަހަރު (2) މީހުންނާއި ކުދިން ބިންމައްޗަށ ްލައިފައިހުންނަ ސީ މިހުންނާނީ ދިޔާކޮށް ވަށްކޮށް ފެތުރިފައެވެ (3) ގެރިގުއިތަފާ
ތަތުންފުޅި
ނ ކަޅުރަތްކުލައިގައި ހުންނަ ބިއްލޫރި ފުޅިއެއް މިފުޅިހުންނާނީ ފުލަށް ކުޑަކޮށް ހިމަކޮށް ހަތަރުއަރިއަށެވެ. މިފުޅީގެ އެއްޗެހިއަޅާބަޔަށްވުރެކަރު މާދިގުވާނެއެވެ
ތަތްމަރުތާޅަފިއްޔާދިއުން
ގބ މަޖާޒު: މާލަހުން ކަންތައް ކުރާމީހުންނާ ދިމާއަށްބުނެއުޅޭބަހެއް
ތަލަކަޅުބިބީ
ނ ފަރުފަރާއި ފަޅުފަޅުގައި ގިނައިންއުޅޭމަހެއް މިއީ އެހެނިހެން ބިބީތަކަށްވުރެ ބޮޑުވާ މަހެކެވެ މިމަހުގެ އަރިމަތީގެ ކުލައަކީ ހުދުކުލައެވެ މަހުގެ ތަލައިގައި ކަޅުކުލައިގެ ލަފެއް ފާޅުކޮށް ހުންނާނެއެވެ
ތާރުއް
ނ ރުކުގެ ބާވަތެއް. މިވައްތަރުގެ ރުއްހުންނާނީ ދިވެހިރުއްހާ ފަލަކޮށް ސީދާތެދަށް ހެދިފައެވެ ފަންވައްތަރުވާނީ ފެންފޯއްރުކުފަނާއެވެ
ތާޅަފިލި
ނ (1) މިއުޒިކު ކުޅޭއިރު އަނގައިން ފުމޭ ގޮތަށް ހަދައިފައި ހުންނަ އާލަތެއް (2) ކަރަންޓްގެ ބާރުން )ސައުންޑް ވޭވްސްގެ ބާރުން( އަންނައަޑު ގަދަކުރުމަށް ޓަކައި ހަދައިފައި ހުންނަ އެއްޗެއް މިހުންނާނީ އެއްކޮޅަށް ހިމަކޮށް އަނެއްކޮޅަށް ފުޅާކޮށެވެ (3) ގިޔާމަތްވާންވުމުން އިސްރާފީލުގެފާނު ފުމެލައްވާ އަޑުގަދަ އެއްޗެއް
ތާލަފިލިއޮޑީގެދުވެލި
)މިސާލުބަހެއް( ވާދަކުރާނެ އެހެން މީހަކުނެތް ތަންތާގައި ތިމާވަރުގެ މީހަކު ނެތްކަމަށް ހެދިގެންއުޅޭ ނަމަވެސް މީހަކާ ވާދަކޮށްފިނަމަ ދެރަވާ މީހުންނާމެދު ބުނެއުޅޭ ބަހެއް
ތިނޯސްހުއި
ނ )ގ.( (1) ދަނޑުމަތީގައި ހުންނަ ވަރަށް ފަތްކުދި ވިނައެއް. މީގެ ފަތްތައް ހުންނާނީ ހަރުކޮށް ތޫނުކޮށެވެ. ފައިން އެރުނީމާ ތަދުވާގޮތް ހުންނާނެއެވެ. (2) މޫދުގައިއުޅޭ ވަށްކޮށް ތިނޯސް ތަކެއްނުކުމެފައި ހުންނަގޮތަށް ހުންނަ އެއްޗެއް މިއަށް ފައިންއެރުނީމާ ފަޔަށް ހެރޭނެއެވެ ބިންދަ ބިންދައިގެންވެސް ދާނެއެވެ ހެރިފައި އެތިކޮޅެއް ހުރެއްޖެނަމަ ވަރަށް ރިއްސާނެއެވެ އެނެގުމަށްފަހު ކަމަކަށްނުވެ ރަނގަޅުވެއެވެ މިއަށް ތިނޯސް ބެރުވެސް ކިޔައެވެ
ތިންބުރިކޯއްޓޭ
ނ އިހުގައި ތިންބުރި ގުޅައިގެން ކާލިގަނޑުލައިފައި ހަދައިފައި ހުންނަ ކޯއްޓޭއެއް )ދިދަ ދަނޑިއެއް( މިކޯއްޓޭގައި ހުންނާނީ ދަނޑިމަތި އަނބުރައިފައެވެ މިކޯއްޓޭ އެހެން ކޯއްޓޭއަށްވުރެ ކުޑަވާނެއެވެ މިކޯއްޓޭ ނަގައިފައި ހުންނަނީ ނާބުސްޚާނުގެ އިރުމަތީން ފާރުމަތީގައެވެ
ތިންއަރިމުރަކަ
ނ މުރަކަ ގޮތަށް ހެދޭ ގަހެއް މިގަހުގައި ފަތެއް ނުހުންނާނެއެވެ ގަސްގަނޑު ހުންނާނީ ތިންއަރިއަށެވެ
ތިމަރަހަނދި
ނ ހަންޖާ ވައްތަރު ނަމަވެސް ހަނދީގެ ބާވަތްތަކާ ޚިލާފަށް ފަތިކޮށް ހުންނަމަހެއް މިއީ ދިވެހިން ކެއުމަށް ބޭނުންކޮށްއުޅޭ މަހެކެވެ މިމަހުގެ ތުނބުގެ ތިރީބައި މަތީބަޔަށްވުރެ ދިގުކޮށް ނުކުމެފައި ހުންނާނެއެވެ މަހުގެ ކުލައަކީ ރިހިއަޅި ކުލައެވެ ކަރުތާފަތުގެ ކުރީބައިގެ ކައިރިފަށް ކަޅުވާނެއެވެ
ތުނބަހަނދި
ނ ހަނދީގެ ބާވަތެއް މިއީ ހަނދީގެ ގިނަބާވަތް ތަކަށްވުރެ ބޮޑުކޮށް ފަތިކޮށް ހުންނަ ހަންޖެކެވެ މިހަނދީގެ ތުނބުގައި ބޯ ހަންފަށެއްހުރެއެވެ މިހަނދީގެ ކުލައަކީ ރިހިއަޅިކުލައެވެ މިބާވަތުގެ ހަނދީގައި ހުންނާނީ ފަނޑު ފެހިކުލައަކަށްދާ ކުލައެކެވެ ދެއަރިމަތީގައި ގަދަރީނދޫކުލައިގެ ލައްތަކެއް ވަރަށް ފައުޅުކޮށް ފެންނަންހުރެއެވެ
ތުނބުޅިހާ
ނ ހާލުގެ ބާވަތެއް މިބާވަތުގެ ހާލުގެ ތުނބުގެ ދަށުގައި ތުނބުޅިއެއްހެން ކުޑަކުޑަ ފަތްކޮޅެއް އުފުލިފައި ހުންނާނެއެވެ