radheef.info
ރަދީފު


ހުން
ނ (1) ހަށިގަނޑު ހޫނުވާ ބައްޔެއް މިބަލީގެ ކިތަންމެ ބާވަތެއް ހުރެއެވެ (2) )އ ކ ( ބަރުއެއްޗެހި ނަގާއިރު ބާރުލާން ބުނާބަހެއް (3) ތިމާޔާ ޒުވާބުކުރާ މީހަކު ދެރަކޮށްލާން އިއްވާއަޑެއް
ގޮނުއަނި
ނ )ސ ( ކިލާފަނި ނެރެފައި ހުންނަފަސް
ގޮނުއާނިފަހަ
ނ )ޏ ( ކިލާފަނި ނެރެފައި ހުންނަފަސް
ގޮނުއެޅުން
މ އިހުޒަމާނުގައި މަސްވެރިން މަހަށްދާއިރު ކާތަކެތި ގެންދިއުމަށް ފަނުން ވިޔެފައި ހުންނަ ވަޑިގޮނަށް މަހަށްދާއިރު ގެންދާ ކާތަކެތި އެޅުން
ގޮން
ނ. (ގ) (1) ހަތަރު އަރިގޮތަކަށް ބޭރުގެ ބުރުހުންނަ ފަރުމަހެއް. (2) ނަނު އަޅާއިރު އުޅި ހިފެހެއްޓުމަށް ލަކުޑިން ނުވަތަ މަޢުދަނުން ހަދައިފައިވާ އެއްޗެއް. މިހުންނަނީ ފިތް ކަނޑައިފައެވެ. (3) ޖަހާގޮން (ގޮންޖެހުން ބަލާ!)
ގޮންފޫތާކިހާ
ނ އަގުޅިނެތިފުލަށް ހިމަކޮށް ދޯރިއެއްހެން ހުންނަ ތާކިހާ
ގޮންދައިލުން
މ (1) ހުތުރުބަހުން ކެއުން މިބަހަށް ކިޔާ ގޮތް (2) )ހ ( ގޮށުވައިލުން
ގޮންތޮށިރުމާ
ނ ފަށުތްވާއި ކަސަބުން ވަކިގޮތަކަށް ކައިރި ހަދައިފައި ހުންނަ ކަޅު ރުމާލެއް މިއީ އިހުގައި ކުޑަކުދީން ގައިގައި ލައްވަން ބޭނުންކުރި އެއްޗެކެވެ
ގޮންޑަންތޯޅި
ނ )ގ ( މޫދުގައި އުޅޭ ތޮޅީގެ ވައްތަރެއް މިބާވަތުގެ ތޮޅީގެ އަނގަ ހުންނާނީ ބުރަކަށި ފަރާތުގައެވެ
ގޮރުބުޑު
ނ މަޖާޒު: ކޮންމެވެސްވަރަކަށް ގޮރުވަސް ހުންނަ ނުތާހިރުކޮށް ތިބޭޅަދަރިމައިން ނުވަތަ އެފަދަމީހުން ދެރަކޮށްލުމުގެ ގޮތުން ބުނެއުޅޭބަހެއް
ގޮބު
ނ (1) މިދިލިގަހުގައި އަޅާވައް (2) ބައެއް އެއްޗެހީގެ ކޮޅުގައި ހަރުކޮށްފައި ހުންނަ ތަން މިސާލު: ދިދަދަނޑީގެ ކުރީގައި ހަރުކޮށްފައި ހުންނަ ގޮބު (3) ތަޅުފަދަ އެއްޗެހީގައި ހިފަން ހުންނަ ބައި (4) އަލަމާރި ވަތްގަނޑު ފަދަ އެއްޗެހި ހުޅުވާއިރު ހިފުމަށް ވަށްކޮށް ހަދައިފައި ހުންނަ ބައި
ގޮބުތަޅު
ނ ހިފަން ގޮބެއްލައިފައި ހުންނަ ތަޅު
ގޮބޮޅިރަން
ނ ވަށްކޮށް ބޮޑެތިކޮށް ހުންނަ ރަންގަނޑުގަނޑު
ގޮޅާކަންޖެހުން
މ )ގ ( ގުޅަކޮށްފައިޖެހުން
ގޮޅާއޮނބެ
ނ )ގ ( މީދާ ކައިފައި ހުންނަ އުނބު
ގޮޅި
ނ ހަތަރެސްކަނަށް ބައިކޮށްފައި ހުންނަ ތަނެއްގެ ނުވަތަ އެއްޗެއްގެ ބައިތަކުންކުރެ ބައެއް
ގޮޅިހަމަކުރުން
މ (1) ގޮޅި އެއްވަރު ކުރުން (2) ގޮޅި ހުންނަ ފޮތީގެ ފޭރާން ފަހާއިރު ގޮޅިޔާ ގޮޅި ދިމާކުރުން
ގޮޅިޖެހިފޮތް
ނ ގޮޅި ހަމަކޮށް ރޮނގު ދަމައިފައި ހުންނަ ފޮތް
ގޮޅިޖެހުން
މ ގޮޅިގޮޅިއަށް ހުންނާނޭހެން ހެދުން
ގޮއިބައި
ނ (1) ސަރުކާރުގެ ބިމެއްގައި އަމިއްލަ މީހުންކުރާ އޮށްޓަރު ގޮވާމުން ސަރުކާރަށް ނަގާބައި. މިގޮތުން އެކިޒަމާނުގައި އެކި ރަށުން ނަގައި އުޅުނީ އެކިވަރަށެވެ. ބައެއް ދުވަސްވަރު 3/1 4/1 5/1 8/1 ނަގައި އުޅުނުކަމަށްވެއެވެ. (2) މީހުން އުޅޭ ރަށެއްގެ ގޯތީން ބޭރުގައި ތައްޖަހާ ތަކެތި. )ރުއް ފެންފޯއްރުއް ބަނބުކެޔޮ ކަށިކެޔޮ( ނޫން ތަކެތި ހެއްދުމުން އެތަކެތިން ލިބޭއެއްޗަކުން ސަރުކާރަށް ނަގާބައި (3) ހޭޅިން އަތިރި ބަންޑާރަޔަށް އޮންނަ ރަށްރަށާއި މީހުން އުޅޭ ވަގުފު ނޫން ފުރަބަންޑާރަ ރަށްރަށުގައި ކުރާ މަސްވެރިކަމުން ބަންޑާރަޔަށް ނަގާ މަސްބައި (4) ކޮންމެ ރާވެރިޔެއްގެ އަތުން ސަރުކާރަށްނަގާ ހަކުރުބައި )މިގޮތުންނަގާނީ ކޮންމެ ރާވެރިޔެއްގެ އަތުން މަހަކު އަޑުބައެކެވެ
ގޮއިވެރިން
ނ ރަށްރަށުގެ ގޮއި ލިއުއްވައިގެން އުޅޭ މީހުން