radheef.info
ރަދީފު


ހުން
ނ (1) ހަށިގަނޑު ހޫނުވާ ބައްޔެއް މިބަލީގެ ކިތަންމެ ބާވަތެއް ހުރެއެވެ (2) )އ ކ ( ބަރުއެއްޗެހި ނަގާއިރު ބާރުލާން ބުނާބަހެއް (3) ތިމާޔާ ޒުވާބުކުރާ މީހަކު ދެރަކޮށްލާން އިއްވާއަޑެއް
ގޮށިގޮނޑި
ނ ގޮށީގެ ބައްޓަމަށް ހަދައިފައި ހުންނަ ގޮނޑި
ގޮށް
ނ (1) ގަމީސް ލިބާސް ފަދަ އެއްޗެހީގައި ލުމަށް ތަފާތު އެއްޗެހިން ތަފާތު ގޮތްގޮތަށް ހަދައިފައި ހުންނަ އެއްޗެއް. (2) ގައިގެ އެކި ތަންތަނުން ފުއްޕާ ހަރު ތަންތަންކޮޅު. (3) ބައެއްކަހަލަ އެއްޗެހީގައި އުފުލިފައި ހުންނަ ހަރުތަންތަންކޮޅު. މިސާލު: ގަސްގަހުގައި ހުންނަގޮށް. (4) ލަކުޑި ކީހައިފައި ހުންނައިރު އާރުގެ މެދުގައި ހުންނަ ހަރުތަންތަންކޮޅު. (5) ހަށިގަނޑުގެ ބައެއް ނިޒާމު ހަމަޖެއްސުމަށްޓަކައި އިންސާނުންނާއި ބައެއްޙައިވާނުގެ ހަށިގަނޑުގެ ބައެއް ތަންތަނުގައި ގޮށްގޮށް ހެންހުންނަ ގުނަވަނެއް މިއީ ހަށިގަނޑަށް ބޭނުންވާ ބައެއް އެއްޗެހި އުފައްދައި ބޭނުންނުވާ ބައެއްޗެހި ނައްތައިލާ ގުނަވަނެއް މިސާލު: ކުޅުއުފައްދާގޮށް (6) ފަށެއްގެ ދެކޮޅު ހުޅުވުމަށް ބާރުކޮށް ޖަހާމަޅި މިސާލު: )ހ( ވަގޮށް )ށ( ދަމާގޮށް
ގޮށްނިގޫ
ނ ނިގުލުގެ ކޮޅު ގޮށެއްހެންހުންނަ ނިގޫ
ގޮށްރާޅު
ނ (1) އޮޔާ ވަޔާ އިދިކޮޅުވުމުގެ ސަބަބުން އެގޮތް މިގޮތަށް އުފެދިފައި ހުންނަ ރާޅު (2) ގޮށްގޮށަށް ހުންނަރާޅު (3) މަޖާޒު: މަސައްކަތެއްގެ ތެރޭގައި މީހަކު އުފައްދާ ހަމަނުޖެހުން
ގޮށްރާޅުގަނޑު
ނ ކަނޑުގައި އެގޮތް މިގޮތަށް ރާޅުހެދިފައި ހުންނަ ތަންތަން
ގޮށްރީނދޫ
ނ ގޮށްގޮށަށް ހުންނަ ރީނދޫ
ގޮށްބައި
ނ ފިރިހެނުންގެ ލިބާހުގެ ގޮށްފޮތީގައިލުމަށް ހަދައިފައިހުންނަ އެއްވައްތަރުގެ 6 ގޮށް މިގޮށްތައް ހުންނާނީ އެއްގޮށް އަނެއްގޮށާ ގުޅައިފައެވެ
ގޮށްބުރި
ނ (1) ގަހަކުން ކަނޑައިލައިފައިއޮތް ގޮށްހުރި ބައެއް (2) މަޖާޒު: ވަށްއަގުޅި އަޅައިފައި އޮންނަ ކަންނެޔޮބުރި (3) ކުރުކޮށް ފަލަކޮށް ތިބޭމީހުން
ގޮށްކުޅަނދުރު
ނ ފަތްވަރަށް ހިމަކޮށް ހުންނަ ބިންމަތީގައި ފެތުރޭގޮތަށް ހެދޭގަހެއް. މިގަހުގެ އަޑިޔަށް ފައިބާ އެއްޗިއްސަށްވެސް ކިޔަނީ މިނަމެވެ. މިއީ މީރު ވަސްދުއްވުމަށާއި ބޭހަށް ބޭނުންކުރާ ވަރަށް މީރުވަސް ދުވާއެއްޗެކެވެ
ގޮށްކެޔޮ
ނ ސަންޕާކޭލުގެ ބާވަތެއް މިވައްތަރުގެކެޔޮ ފައްކާވެފައި ހުންނަ އިރުވެސް ކެޔޮވަކުގެ ތެރޭގައި ގޮށްގޮށަށް ހަރުކޮށް ހުންނާނެއެވެ
ގޮށްވަޅު
ނ ފޭރާމުގައި ހަރުކޮށްފައި ހުންނަގޮށް އެޅުވުމަށް ފޭރާމުގައި ހަދައިފައި ހުންނަ ލޯވަޅު
ގޮށްވަޅުހެދުން
މ ފޭރާމުގައި ހަރުކޮށްފައި ހުންނަގޮށް އެޅުވުމަށް ފޭރާމުގައި ކަނޑާ ލޯވަޅުގެ ކައިރިހެދުން
ގޮށްވިރުވުން
މ (1) ހަށިގަނޑުގެ ނާރެއްގައި ނުވަތަ މަސްގަނޑުގެ ތެރޭގައި އުފެދޭ ކުދި ހަރުތަންތަންކޮޅު ފަރުވާދީގެން ރަނގަޅުކުރުން (2) ފުށް އުއްސައިގެން ފޮނިއެއްޗެހި ހަދާއިރު އޭގައި ހުންނަ ފުށްގުޅަގުޅަ އަތުން ފިއްތައިގެން ގުޅަގުޅަޔަށް ނުހުންނާނޭގޮތް ހެދުން
ގޮށްމަޅި
ނ ހަތަރު ފަރާތަށް ހަތަރު ކަންގަނޑު ހުންނާނެހެން ޖަހާގޮށެއް. މި ގޮށްޖަހައި އުޅެނީ މަލާފަތްކޮޅު ތަށިކޮޅުފަދަ އެއްޗެހި ބަންނައިރުއެވެ
ގޮށްމަސް
ނ ބުރަ މަސައްކަތް ކުރާ މީހުންނާއި ހަށިގަނޑު ވަރުގަދަ ކުރުމަށް ކަސްރަތު ކުރާމީހުންގެގުނަވަންތަކަށް އަރައިފައިހުންނަ ހަރު ވަރުގަދަމަސް
ގޮށްފަޅިއެޅުން
މ ވަލުގެކޮޅު ނިއުޅަނުދިނުމަށް ވަކިވައްތަރެއްގެ ގޮށެއްޖެހުން
ގޮށްފައްޓަރު
ނ އުނަގަނޑުގައި އަޅަން ރިހިން ނުވަތަ ރަނުން ގޮށްގޮށަށް ގަތައިފައި ހުންނަ ފައްޓަރު
ގޮށްފަތި
ނ ގަމީހާއި ލިބާސްފަދަ އެއްޗެހީގެ ގޮށް ހަރުކުރުމަށާއި ގޮށްވަޅު ހެދުމަށް މަޅައިފައި ހުންނަބައި
ގޮށްފުޅަނގި
ނ މަސްކާށިދޫންޏާ ވައްތަރު އެއަށްވުރެ ބޮޑެތިކޮށް ހުންނަ ދިރޭ އެއްޗެއް
ގޮށްލަރުކަން
ނއނ (1) މީހެއްގައި ހުންނަ ގޮތެއްނެތް ހަރުކަށިކަން (2) އެއްޗެއްގައި ހުންނަ ފާޑެއްނެތް ކުރަކި ނުވަތަ ކަސްކަން