radheef.info
ރަދީފު


ބަ
އ އައްބަ
ތެޔޮފާންކުރުން
މ (1) މިޔަރުމެޔާއި މަޑިމެޔާއި އަދި ބޮޑެތިމަސްމަހުގެ މަސްގަނޑު އަވީގައި ބަހައްޓައި ހޫނުކޮށްގެން ތެޔޮފައިބާގޮތް ހެދުން (2) އަވީން ހޫނުކޮށް ތެޔޮނެގުން
ތެޔޮފުޅިމަސް
ނ ފަޅުފަޅުގެ ބޭރުގައި ގިނައިންއުޅޭ މަހެއް މިމަހުގެ މަތީބައި ހުންނާނީ ނޫކުލައިގައެވެ ބަނޑުދޮށް ފަރާތުގައި ހުންނާނީ ހުދުކުލައެވެ މިމަހުގެ އަނގައިން ފެށިގެން ލޯހުރަސްކޮށް ނަގޫފަތުގެކޮޅަށް ކަޅުކުލައިގެ ފަލަރޮނގެއް ހުންނާނެއެވެ
ތެޔޮފެންލުން
މ މާބަނޑުމީހުންގެ ބަނޑުގައި ތެލާއިފެން ލައިގެންހޭނުން
ތެޔޮލުން
މ (1) ތެޔޮހޭކުން (2) އުޅަނދުފަހަރަށް ތެޔޮބަރުކުރުން
ތޭނި
ނއ )ފ ( (1) ތަތްގޮތް ހުންނަ (2) ބައެއް ބާވަތުގެ ތަކެތި ކައްކައިގެންވާ އޮލަ
ތޭނިކަން
ނއނ (1) ތެތްގޮތް ހުންނަކަން (2) ތެރަސްކަން (3) ބައެއް ބާވަތުގެ ތަކެތި ކެއްކީމާހުންނަ އޮލަކަން
ތޭރި
ނ (1) ކުޑަދޮރުގެ ދެއޮޅި ދޭތެރޭގައި ލަކުޑިން ނުވަތަ ދަގަނޑުން ޖަހައިފައި ހުންނަ އެއްޗެހި. (2) ލަކުޑިން ހަދައިފައި ހުންނަ ބައެއް ތަކެތީގެ ދެފައިކޮޅު ދޭތެރެއަށް ލައްވައިފައި ހުންނަ ހިމަދިގު އެއްޗެހި. މި ވަށްކޮށާއި ހަތަރު އަރިއަށާއި ދިގުހަރު އަޅައިގެން ލިޔެފައިވެސް ހުރެއެވެ މިސާލު: )ހ( އަދަރާދަގޮނޑީގެ ތޭރި )ށ( އުނދޯލީގެ ފަޑީގައި ހުންނަތޭރި (3) ފަހާފޮށީގެ ބަރަނި އޮޅަން ހަދައިފައި ހުންނަ އެއްޗެއް (4) ސަރަކައިގެ ރޮދިއޮޅަން ހުންނަ ފޯލި (5) ފޭރާން ވިޔާއިރު އޮޅަން ހުންނައެތި
ތޮންގާ
ނ )ގ ( ދޯނިފަހަރުގެ ހުންގާނު އެޅުވުމަށް މާދާގެ ބަދަލުގައި ރޯނުން ފުރައިފައި ހުންނަ ކުސަގަނޑު
ތޮރުފި
ނ (1) ދެކެއުމެއްގެ ދޭތެރޭގައި ކާ ލުއިކެއުން (2) ދެއިރު ދޭތެރޭތޮރުފި (3) ތޮރުފަން މިބަހުގެ ނިމިނިމުނުކަން
ތޮޅާ
ނ )ގ ( ރުކުގައި ބަންނަހަރު
ތޮޅިޔަށްދަރު
ނ ދުއްވައިފައިދާ އޮޑިދޯނިފަހަރުގެ ދަށުން ތޮޅިއެއް ފުންމައިގެންފިނަމަ ދަރުގަނޑެއްފަދައެއްޗެއް އެއްލަމުން ބުނެއުޅޭ ފަންޑިތަބަހެއް
ތޮޅުން
މ (1) ދެކޮޅުވުން (2) އަރާރުންވުން (3) ހަނގުރާމަކުރުން (4) ހަށިގަނޑުގެ އެކިތަންތަން އަމިއްލައަށް ތެޅިލުން (5) ކުޑަކުދިން އެއްކުއްޖަކު އަނެއްކުއްޖަކާ ދެކޮޅުވުން ނުވަތަ ސަމާސާއަށް ގޮތްގޮތްހެދުން (6) ބަނޑުގައިވާ ދަރިފުޅު ޙަރަކާތްކުރުން
ތޮޅެންބަކުޑި
ނ )މ ( ފަތްޕިލާވެއްޔެއް މިއީހިސާބަކަށް ކެހެރިހުންނަ ގަހެކެވެ މިގަހުގައި އަޅާތަކެތި ފޭރާމުގައި ޖެހުމުން ފޭރާމުގައި ތަތްލައިފައިހުންނާނެއެވެ
ތޮޅޭބަކުޑިއުންބަކުޑި
ނ ތޮޅޭބަކުޑި
ތޮއްތޮއް
ނ )ގ ( ޅަކުދިންގެ އަތުގައި އޮންނައެއްޗެއް އެކުއްޖަކުނުރޮއްވައި އަތުލައިގަތުމަށް ބޭނުންކުރާބަހެއް
ތޮއްޓަށްއެއްލާރިތެއްގެފޫހެން
ގބ މިސާލު: މާބޮޑަށް ފުންނާބާ ފަޅައިގެން ގޮސްފައި ހުންނަމީހުންގެ ފުންނާބާ މެދު ބުނެ އުޅޭބަހެއް
ތޮފެނެ
ނ )ގ ( ކަލޭމެން )އަންހެނުންނަށް ނިސްބަތްކޮށް ބުނެއުޅޭގޮތެއް
ތޮޑަހާ
ނއ )ގ ( (1) ކަމުނުދާހައި (2) ނުބަޔަށްހޮވޭހައި
)ކިޔައިއުޅޭނަމެއް( ތޮޓިއާ
ނ )ގ ( ހަށިގަނޑުގައި ތޮށިހުންނަ މީހުން ދެރަކޮށްލުމުގެ ގޮތުން ބުނެއުޅޭބަހެއް
ތޯ
އ (1) ތ. މިސުވާލު އަކުރު މާތްކުރަން ބޭނުންކުރާގޮތް (2) އޮޅުން ފިލުވުމުގެ މާނައިގާ ބޭނުންކުރާ އަކުރެއް މިސާލު: )ހ( ދެވިދާނެތޯ )ށ( ވަގުތުއެބައޮތްތޯ (3) )ގ ( ކަލޭ