radheef.info
ރަދީފު


ހުނ
އ ނުރުހުމުގެ ގޮތުން ނުވަތަ ނުރުހިގެން އިއްވާލާ އަޑެއް. މިސާލު: ހުނ އެހެންތަހީކުރީ
ގަންހިންގުން
މ އިހުގައި ބޮޑެތި ބައެއްކުށް ކުށުގެ އަދަބަކަށް ކޮލިހިނގާމަގުގައި ކުށްވެރިޔާ ހިންގުން މިކަންކުރަނީ ބުރަކަށީގައި ފަނެއްބަނދެ މޫނުގައި އަޅިދެލި ކުރަހައި އުނަގަނޑުގައި ދެވާ ޖަހައިގެންނެވެ ކޮންމެ ހަތަރު އަނގޮޅި އެއްގައި މަޑުކޮށް އެމީހާގެ ކުށް ބަޔާންކުރާ ޢިބާރާތް ކިއުމަށްފަހު "އަދަބުން އަދަބޯތް" މިހެން ގޮވައިލައި ތަޢުޒީރުކުރާނެއެވެ މިމީހާގެ ފަހަތުން ވަރަށް ގިނަމީހުންނާއި ތެއުޅުވާ ކުދިން ދާނެއެވެ
ގަންބޫޓު
ނ ފެނުތެރޭގައްޔާއި ކިސަޑު ތަންތަނުގައި ހިނގުމަށްޓަކައި ރަބަރުން ހަދައިފައި ހުންނަ ދިގު ބޫޓެއް
ގަންޖާ
ނ ހިމަކޮށް ވާކޮށް ހެދޭ ގަހެއްގެ މާގަނޑާއެކު ހިއްކައިފައި ހުންނަ ފަތް. މިބޭނުންކުރަނީ މަސްތުވުމަށްޓަކައި ސިނގިރޭޓުގެ ގޮތުގައި ބުއިމަށެވެ
ގަންޖު
ނ ކުރަފަތްފަދަ ތަކެތިލާން ހަމުން ހަދައިފައި ހުންނައުރަ
ގަންޖުފަރާސް
ނ ފިރިހެނުންގެ އެތެރޭގެ ފޭރާމެއް މިއީ ކުރުއަތެއް ލައިފައި ހުންނަ ގިރުވާންނެތް ގަޔަށް ބާރަށް ހިފައިފައި ހުންނަޒާތުގެ އެއްޗެކެވެ
ގަރަހިތަ
ނ ސިފަ ހޯނާ ވައްތަރު ހަލުއިކޮށް ދުވާ ސޫތްޕެއް މިއީ ގަދަ ކުލަތަކެއް އަރުވާ އެއްޗެކެވެ އަދި ގަދަ އޮފެއް ހުންނަ އެއްޗެކެވެ
ގަރަހިތަހަނދާން
ނ މަޖާޒު: (1) ކުއްލިއަކަށް ކަމެއް ހަނދާން ނެތިއްޖޭ ބުނުމުން ބުނެއުޅޭބަހެއް (2) ހަނދާން ބަލިމީހުންގެ ހަނދާނާމެދު ބުނެއުޅޭ ބަހެއް
ގަރަހިތަމުގުރާން
ނ މުގުރާމުގެ ބާވަތެއް މިބާވަތުގެ މުގުރާމުގެ ބުރަކަށިމަތީގައި ހުންނަ ކުލަ ވަކިން ގަދަވާނެއެވެ
ގަރަހިތަފަނި
ނ މެދުރާއްޖެތެރެއިން ހިފާ އެމެއް މިއެން ހުންނާނީ ވަރަށް ހިމަހިމަކޮށް ބޯކޮޅަށް ތަންކޮޅެއް ބޮޑުކޮށެވެ މިއެމުގެ ކުލައަކީ ދަނބުކުލައެވެ
ގަރަންޓީ
ނ (1) އެއްޗެއް އޭގެ ފުރިހަމަ ކަންމަތީ ހުންނާނެކަމަށްދޭ ޔަޤީންކަމުގެ މުއްދަތު. (2) ރަހުނު. (3) މީހެއްގެ މައްޗަށް ކަމަކާމެދު ލިބިފައިވާ އިތުބާރު (4) ކަމެއް ވަކިގޮތަކަށް ވާނެކަމަށް އޮންނަ ޔަޤީންކަން
ގަރަޑަމާ
ނ (1) ނުބައިވަހެއްދުވާ ކިލާކުލައިގައި ކިސުޑިގޮތަށް ހުންނަ މަލެއް އާއްމުގޮތެއްގައި މީގެގަސް ހުންނަނީ ރަށްރަށުގެ ވަލުތެރޭގައެވެ (2) މަޖާޒު: މީހަކު ނުވަތަ އެއްޗެއް ކަމުނުދާކަން ދެއްކުމަށް ނުވަތަ ދެރަކޮށްލުމަށް ބުނެއުޅޭބަހެއް މިސާލު: ހައްތާވެސް ގަރަޑަމަލެވެ
ގަރާރު
ނ (1) ހަމަޖެހޭ ހަމަޖެހުން (2) ކަނޑައަޅާ ކަނޑައެޅުން
ގަރާރުވުން
މ (1) ހަމަޖެހުން (2) އެއްޗެއް އަށަގަތުން (3) މަޖާޒު: އެކުގައި ހުންނަންވީ އެއްޗެއް ވަކިވަކިވުން މިސާލު: ވެއްޓިޖެހުނުލެއް ބާރުކަމުން އަރިކަށީގެ ކަށިތައް ގަރާރުވެއްޖެއެވެ
ގަރާރުވެހުރުން
މ (1) ކަމެއްގައި ހަމަޖެހުމާއިއެކު ސާބިތުވެހުރުން (2) ސާބިތުކަމާ ހަމަޖެހުން ލިބިގެންވުން
ގަރު
ނ (1) ބައެއްކަހަލަ އެއްޗެހި ކައްކާއިރު މައްޗަށް އަރާފޮނު (2) ހަނޑޫ ދޮވެފައިހުންނަ ފެންގަނޑު (3) މާކަނާހޮޑު
ގަރުމަށިތެޔޮ
ނ ރާއްޖެއަށް ބޭރުންގެންނަ ތެލެއް މިއީ ކަޅުރަތްކުލައިގައި ހުންނަ އޮލަތެލެކެވެ ލަކުޑީގައިލުމަށާއި ބޭހަށް ބޭނުންކުރާ އެއްޗެކެވެ
ގަރުފެން
ނ ހަނޑޫދޮވުނީމާ ހުންނަފެން
ގަރުދިޔަ
ނ ފެނުތެރެއަށް މަސްއަޅައި ލޮނުހެޔޮވަރުކޮށްގެން ކައްކައިފައި ހުންނަ ލައިގެންކާއެއްޗެއް
ގަރުދިޔަމަސް
ނ (1) ކައްކައިފައި ހުންނަ ގަރުދިޔަގަނޑުގެތެރޭގައި ހުންނަ މަސް (2) ދިލަނުޖައްސައި ހުންނަމަސް
ގަބަންމަހާ
ނ )ލ ( މޫދުގައި ހުންނަ ފޮޅޭ މާގަނޑު