radheef.info
ރަދީފު


ތައް
ނ (1) ތައްކަށިންޖަހާ ފާހަގަ މިފާހަގަ ޖަހަނީ ރުއްގަހުގެ ވެރިފަރާތް ފާހަގަކުރުމަށްޓަކައެވެ ފާހަގަހުންނަނީ ވަށްކޮށް ކަނޑައި ނަގައިފައެވެ (2) ނަން ގިނަކުރުމަށް ބޭނުންކުރާ އަކުރެއް މިސާލު: މޭޒުތައް (3) )ބދ ( އަނގަ މިސާލު: އޭނާއިނީ ތައް ބައްދައިގެންނެވެ
ކޯޅިތަށި
ނ އަނގަމަތީގައި ކޯޅިއެއް ހުންނަ ވަރުގެ ތައްޓެއް މިތަށި ޖޯޑު ވަތުތައްޓަކަށް ވުރެ ގޮނިވާނެއެވެ
އަހިމުލެކޯސީނު ސުކުން
އަކުރު ފިލިތާނައެއްގެ ފިލިޖެހުމުގެ ގޮތެއް އެގޮތަކީމީގެ އަކުރު ތައް އެއަކުރުގައި އެހެރަ ފިލީގެ ބަދަލުގައި ބޭނުންކުރުމެވެ މިސާލު: "އ" އެއީ އަބަފިއްޔެވެ "ހ" އެއީ އިބިފިއްޔެވެ
އަނދުންދަވާދު
ނ ކާށިތެލުގެ އަނދުނާއި އަދިވެސް ބައެއްތަކެތި ބޭސްގަށާ ހަނަކަށް އަޅައިގެން ފެންއަޅައި އެތައްގަޑިއެއްގެއިރުވާދެންގަށައި ކަފާސްލައިގެންއަޅާ ދަވާދު މިއަށްޖަހާނީ ވަކިގޮތަކަށް ކައްކައިފައި ހުންނަ ރާހުތެކެވެ
އަނގަފިނދު
ނ ވަޢުދު އުވައިލައި ބުނާބަހާއި ޚިލާފަށް ކަންތައްކުރާ މީހުނަށް މަލާމާތުގެ ގޮތުން ބުނެއުޅޭ ބަހެއް
އަނގަފިޔަރި
ނ ހިރުތައް ފާރުވެ ނުބައިވާ ބައްޔެއް
އަނިޔާކުރުން
މ (1) ޢަދުލާއި ޚިލާފަށް ކަންތައް ކުރުން (2) ހާނީއްކަ ކުރުން (3) ގެއްލުން ދިނުން
އަނިޔާވެރި
ނއ (1) އަނިޔާ ކުރާ (2) ޢަދުލާއި ޚިލާފަށް ކަންތައް ކުރާ (3) ނަހަމަކޮށް ކަންތައްކުރާ
އަންހެންކަން
ނ (1) އަންހެނެއްގައި ހުންނާންވީ ސިފަތައް (2) އަންހެނުންގެ ވައްޓާފާޅި (3) އަންހެނުންގެ ޝަހުވާނީ ބާރު
އަންބަލަން
ނ (1) ރޯދަމަހު ހިފައި އޮޅުލައި އުޅުނު ޒަމާނުގައި އެކަމަށްޖަހާ ވެލިފުނި މިހުންނާނީ ދޮންވެލީން ނުރޫޅޭ ވަރަށް ހަރުކޮށްފައި ބާވަތްބާވަތުގެ މޭވާ އާއި މައުމެލާމެލީން ކުރަހައިފައެވެ މިތަން ރޫޅަނީ ރޯދަޔަށް ހަނދުފެނުނީމައެވެ ރޫޅައި ލުމަށްފަހުވެސް މިތަނަށް ކިޔަނީ އަންބަލަމެވެ (2) ހަތަރު ކައިރީގައިލަކުޑި އަޅައިފައި މެދަށް ދޮންވެލި އަޅައިގެން ހިފާންތައްޔާރުކުރާ ތަން (3) ކިޔެވެލި ކިޔަވާއިރު ތަނބެއްގައި ކަށިމަލު ފިޔައިން ހަތަރު ކައިރިހަދައިފައި އެތެރެއަށް މައުއަޅައިގެން ހަދާތަން
އަންމަލްތާސް
ނ ރީނދޫކުލައިގެ ބޮޑެތި ދިގު މައުކޯޅިތައްނުކުންނަ ބިޔަވާގަހެއް. މިގަހުގެ ތޮޅިޔަކީ ޖުއްލާބުވާ މޮޅުބޭހެކެވެ
އަންގާލާ
ނ ހުކުރުބެރާއި ދަންބެރުޖަހަން ފުރަތަމަ ޖަހާ ދަނޑިވަޅުތައް
އަންގީ
ނ އަތްތިލަޔަށްލާން އިނގިލިތައް ވަކިވަކީން ފަހާފައި ހުންނައުރަ
އަރާގިމަތަ
ނ ދަތުރުވެރިން ދަތުރުނިމިގެން ރަށަށް އެރުމުގެ ކަންތައްތައް ހަމަޖެއްސުމަށް ބޭނުންކުރާ ގިމަތަ
އަރި
ނ (1) ކެޔޮގަނޑުގެ ވައްތައް ހިމެނިފައި ހުންނަ ބައިބައި. (2) ފިރިހެނުންލާ މުސްކުޅި ލިބާހާއި އަންހެނުންލާ ބޯވަޅުއަޅާ ލިބާހުގެ ދެބަދަންނޫން ދެފަރާތުގައި މަތިހަނިކޮށް ތިރިފުޅައުކޮށް އޮންނަ ފޮތިގަނޑު (3) ބައެއްތަކެތީގެ އެއްފަޅި (4) އެއްބައި ނުކައްކައި އޮންނަ ކަނޑުމަސްގަނޑެއް (5) ފޮތުގެ ޞަފުޙާ (6) ކުރިމައްޗާއި ފުރަގަސްހުރި އެއްޗެއް އެނޫން ފަރާތަކަށް ޖެހިފައިވާ ޖެހުން (7) ބިލެތާއި އަދިވެސް ބައެއް ފަތުގެ ދެފަޅިކޮށް އެއްފަޅި (8) ނއ ތެދުނޫން (9) ސީދާނޫން
އަރިކަށީކަށި
ނ މައިކަށީން ފެށިގެން މޭކަށިގަނޑަށް ކޮޅުތައް ހައްޔަރުވެފައި ހުންނަ ކަށިތައް
އަރުމާޒުލަވަ
ނ ބޭފުޅުން ކަނޑުބޭރުފުޅުކުރާ ދުވަސްދުވަހު ނުވަތަ ބޭފުޅަކު ޢިއްޒަތުގައި ދަތުރަށް ނުވަތަ ދަތުރުން އަރާވަޑައިގަންނަވާ ދުވަހު އޮޑިކޮޅުގައި ފުމޭ ލަވަތަކެއް މިލަވަތައް ފުމޭނީ ކަނޑިންމައާއި ބަނދަރާއި ދޭތެރޭ އޮޑިކޮޅު ޖަހައި ހަތްހޭރިޔާއިން ކޮންމެ ދެހޭރިޔާ ދޭތެރޭ " ހޭރިޔާ" އެވެ ކިޔާ ލަވައަކަށް ފަހުގައެވެ
އަބުޖަދު
ނ ހިސާބުގެ ޢަދަދުތަކަށް ހަމަޖައްސައިފައިވާ އަލިފު ބާގެ އަކުރުތައް
އަބުޖަދުކުރުން
މ ލަފުޒެއް ނުވަތަ ޖުމްލައެއްގެ އަކުރުތައް އަބުޖަދުގެ އަކުރުތަކުންބަލައި އޭގެ ޖުމްލަ ހޯދުން
އަބޫނާ
ނ ރަސްކަމަށް ކޮލިލާ ދުވަހު ގުރުދަކިއުމާއި އަދިވެސް މިބާވަތުގެ ބައެއް ކަންތައްކުރުމަށް ދަޢުލަތުން ޢައްޔަންކުރާމީހާ
އަޅުކަން
ނ (1) އެކަން ކުރުމުން ސަވާބުލިބޭކަންތައް (2) ކީރިތިﷲ ރުހި ވޮޑިގެންވާކަންތައް (3) ހެޔޮކަންތައް