radheef.info
ރަދީފު


ފާ
ނ (1) ކުއްޅަވަކާއި ކަނޑޫ ފަދަ ތަކެތި ހެދިފައި ހުންނަ ތަންތަން. (2) ބޮނބި މަޑުކުރަން އަޅާފައި ހުންނަ ތަންތަން. މިތަންތާނގައި ހުންނާނީ ފެން ހެދިފައެވެ. (3) ދަނޑި މޫދު އަޅާފައި ހުންނަ ތަންތަން. (4) އަށްހިޔަބޮލި (5) މޭވާ ފަދަ ތަކެތި ދޮންވެ ފައްކާވެގެން ގޮސް ވާ މަޑު. (6) ވިހައިގެން އުޅޭ މީހުންނަށް ހިލާ ބޭހެއް. (7) ކައިރި ހިސާބެއްގައި ކުނިބުނި ވަޅުލެވިފައި ހުރުމުގެ ސަބަބުން ނުވަތަ ގިނައިން ފެން ނެގުމުގެ ސަބަބުން ބައެއް ވަޅު ވަޅުގެ ފެން ގަނޑަށް އަންނަ ބަދަލު (8) ހަށިގަނޑުގެ ތަނަކަށް ހާނީއްކައެއް ލިބި އެތާނގެ ލޭ ނުބައިވުމުގެ ސަބަބުން ވާމަޑު
ތޯފާ
ނ (1) މުސްކުޅި (2) އަބަހައްދަ
ތޯފާޅަ
ނ )ބދ ( ކިހިލިފަތި
ލަރަފާތޮޅި
ނ )ސ.( ފަޅާއި ވިލުގައި ފެންގަނޑުމަތީގައި އުޅޭ ތުންދިގު މަޑުނޫ ކުލައެއްގައި ހުންނަ ތޮޅިއެއް
)ލައްޖަހައިފައި ހުންނަ ފާނައިގެ ތެރެއިން ހުދުލައްޖެހި ކިރުޅިފާނަ( ލައްފާނަ
ނ ފާނައިގެ ވައްތަރެއް
ލަފާ
ނ (1) އަނެކަކަށްދޭ ޚިޔާލެއް ނުވަތަ މަޝްވަރާއެއް. (2) ނއ. އަޚްލާޤް ރަނގަޅު. މިސާލު: އެއީ ވަރަށް ލަފާ ކުއްޖެކެވެ. (3) ކ. ލެފުން މިބަހުގެ ވާކަމާއި އަމުރު
ލަފާހަ
ނ )ގ ( ހެޔޮލަފާ
ލަފާހަކަން
ނއނ )ގ ( ހެޔޮލަފާކަން
ލަފާހޯދުން
މ (1) ކަމަކާމެދު އަނެކަކަށް ފެންނަގޮތް އޮޅުންފިލުވުން (2) ކަންކުރަންވީ ރަނގަޅުގޮތް އޮޅުން ފިލުވުން (3) މަޝްވަރާ ހޯދުން
ލަފާކަން
ނއނ އަޚުލާޤު ރަނގަޅުކަން
ލަފާކުރުން
މ (1) އަންދާސީ ކުރުން (2) ގާތްގަނޑަކަށް ބެލުން
ލަފާކޮށްލުން
މ (1) އަންދާސީ ކޮށްލުން (2) ގާތްގަނޑަކަށް ބަލައިލުން
ލަފާއެހުން
މ ލަފާހޯދުން
ލަފާވުން
މ (1) ހިތަށް ފެނުން (2) އުޅުން ރަނގަޅުވުން
ލަފާދާރު
ނ (1) ހެޔޮލަފާ (2) ރަނގަޅު ގޮތްހުރި
ލަފާދާރުން
ނ ހެޔޮރަނގަޅު މީހުން
ލަފާދިނުން
މ ކަމަކާމެދު ތިމާޔަށް ފެންނަގޮތް އަނެކަކަށް ބުނެދިނުން
ލާބަފާ
ނ ފަޅުފަޅުން ހިފާ އެމުގެ ބާވަތެއް މި އެންމެ ވައްތަރުވާނީ މުގުރާމާއެވެ މީގެ އަރިމަތީގައި ރީނދޫކުލައިގެ ރޮނގެއް ބޮލުގައި ދޮން ކުލައިގެ ރޮނގެއް ހުރެއެވެ މިއެމުގެ ބޮޑުމިނަކީ ގާތްގަނޑަކަށް ދެ އިންޗިއެވެ
ލެއިބޯފާނި
ނ )ޏ ( ލޭބޯފަނި
ލޯމާފާނު
ނ މާލޯފާނު
ލޯފާން
ނއ (1) ލޮލަށް ނޭނގޭ (2) ލޯފަން