radheef.info
ރަދީފު


އީ
ނ (1) މާކުދިކުދި ކަންތަކާ ރަކިވެގެން ޖެއްސޭ ވައްތަރެއް. މިގޮތް ގިނައިން ވަނީ އަންހެނުންނަށާއި ކުޑަކުދީންނަށެވެ. (2) އ. ކުރީގައިވާ އެއްޗެއް ނުވަތަ ކަމެއް ގަދަކުރުމަށް ބުނާ އަކުރެއް. މިސާލު: މިއީ އެއީ ތިޔައީ އައީ
ކިނބިހިނި
ނ ހިނީގެ ބާވަތެއް މިއީ ވަރަށް ވަސްގަދަ ކަޅުރަތްކުލައިގެ ހިންޏެކެވެ މިހިނި ވަރަށް ކުދިވާނެއެވެ
ކިނބޫ
ނ އެއްގަމާއި ފެނުގައި ދިރިއުޅޭ މިނިކާ އެއްޗެއް މިއީ ހަރުތޮއްޓެއް އޮންނަ ބިންމަތީގައި ބަނޑުޖަހައިގެން އުޅޭ ޖަނަވާރެކެވެ މީގެ އަނގަ ވަރަށް ބޮޑުވާނެއެވެ އަދި ނަގޫ ދިގުވެފައި ވަރުގަދަވާނެއެވެ
ކިނދާލަނޑާ
ނ ލަނޑާގެބާވަތެއް މިއީ ހުޅުނބުގަނޑު ބޯކޮށް ހުންނަ މުށިކުލައިގެ ބޮޑު ލަނޑައެކެވެ
ކިރާހަނޑޫ
ނ ހަނޑުލުގެ ބާވަތެއް މިއީ ފުއްކުދިކޮށް ހުންނަ މީރު ވަހެއްދުވާ ހުދުކުލައިގެ ހަނޑުލެކެވެ މިއީ ބަންގާޅުން ރާއްޖެއަށް ގެނެސްއުޅުނު ހަނޑުލެކެވެ
ކިރުޅި
ނ މަސްމަހާމެއްސާއި ދޫނިސޫފާސޫފީގައި ހުންނަ ކުލައެއް މިއީ ހުދުކުލައާއި ކަޅުކުލައިގެ ތަންތަންކޮޅު އެކުވެގެން ފެންނަ ގޮތެކެވެ
ކިރުޅިޔަމަސް
ނ ފަރުމަހުގެ ބާވަތެއް މިއީ ކުދިއައިން ހަދައިގެން ފަޅުތެރޭގައާއި ވިލުވިލުގައި ދިރިއުޅޭ މަހެކެވެ މަހުގެ ކުލައަކީ ގަދައަޅިކުލައެވެ ބަނޑުދަށް ފަރާތުގައި ހުންނަނީ މަޑުއަޅިކުލައެވެ މަހުގެ ދިގަށް ހުންނަ ހުޅުނބު ބަރި ދެމެދުގައި ރަންކުލައިގެ ރޮނގެއް ހުރެއެވެ
ކިރުކޯޅި
ނ ކިރުތިނައިގެ ބާވަތެއް މިއީ ބޭހަށް ބޭނުންކުރާ ފަތްޕިލާވެއްޔެކެވެ މި ގަސް ހުންނާނީ އާދައިގެ ކިރުތިނަ ގަހަށްވުރެ ތަންކޮޅެއް ދިގުކޮށެވެ މިގަހުގެ މާގަނޑު ބޮޑުވާނެއެވެ
ކިރުއިލޮށި
ނ ބަނބުކެޔޮކިރު ތަތްކޮށްގެން އެ އުނގުޅައިފައި ހުންނަ އިލޮށި މިއީ ދޫނި ހިފަން ކުރާކަމެކެވެ
ކިރުވައިގުގޫ
ނ ވައިގުގުލުގެ ބާވަތެއް މި ވައިގުގޫ ބިސް ވައިގުގުލަށްވުރެ ހިތިވާނެއެވެ މިހުންނާނީ މަޑު ރީނދޫ ކުލައިގައެވެ މިއީ ބޭހުގެ ބާވަތެކެވެ
ކިރުފަނިހަނދި
ނ (ޅ) ފަނިހަނދީގެ ބާވަތެއް. މިއީ އާދައިގެ ފަނިހަންޖަށްވުރެ މަސްގަނޑު ތުނި ކިރުފެން ކުލައިގެ ހަންޖެކެވެ.
ކިރުފެލާއިލާގަނޑު
ނ ކާށިހުނިން ކިރުފެލުމަށްޓަކައި ބޭނުންކުރެވޭ އިލާގަނޑު )މިއީ ދިވެހި ރުކުގެ އިލާ ކަފައިގެން ވަކިސިފައަކަށް ހަދައިފައި އޮންނަ އެއްޗެކެވެ
ކިރުދޫނި
ނ އައިނާ އަޅާ ދޫންޏެއް މިއީ ހުދު ދޫންޏެކެވެ މިދޫނި ވައްލަޔާ ވައްތަރުވާނެއެވެ
ކިރުތިނަ
ނ ވިނައިގެ ތެރޭގައި ހެދޭ ކިރު ގިނަ ކުޑަ ގަހެއް މިއީ ބޭހަށް ގެންގުޅޭ ފަތްޕިލާ ވެއްޔެކެވެ
ކިއްސައްދެވި
ނ މިއީ ގަބުރުސްތާނުގައި އުޅޭކަމަށް ބުނާ ދެތްވެކެވެ. މިދެވި މީހުންނަށް ބަލިޖައްސައި ކުލަ ރީނދޫކޮށް މާބަނޑު މީހުންގެ ބަނޑުގައި ރޮނގުއަޅައި އުޅޭކަމަށް ބުނެއުޅެއެވެ
)މުސްކުޅިބަހެއް( ނުބައިމީހަކު ރަނގަޅޭ ކިޔައިގެން ކިތަންމެ ވަރަކަށް ވާހަކަދެއްކިޔަސް އެއީ ރަނގަޅު މީހެއް ނޫންކަން އޭނާ ރަނގަޅެއް ނުވާނެކަން އެންގުމުގެ ގޮތުން ބުނެއުޅޭ ބަހެއް ކިތަންމެވަރަކަށް ދޮންކުރިއަސް ދުނބުރިއެއް އަނބަކަށް ނުވާނެއެވެ
ކިލަވަތި
ނ ރަސްކަމުގެ ތެރޭ ބޭފުޅުންގެ އަނބިއަނބި ކަނބަލުން މިސާލު: އެއީ ކިލަވަތި ކަނބަލެކެވެ
ކިލާފަނިކެއުން
މ ފައިގެ އިނގިލިތަކުގެ ބަނޑުފުށް ހިރުވައި ކަހައި ފޮޅު ނެގުން މިއީ ކިލާފެނުގައި ހިނގައި އުޅުމުން ދިމާވާ ކަމެކެވެ
ކީނައްތު
ނ )މަލިކު( ހެދިކާގެ ބާވަތެއް މިއީ ގަބުޅި ހުންޏާއި ހަކުރާ އެއްކޮށްގެން ތައްޔާރުކުރާ ފޮނި ހެދިކާއެކެވެ މިއެންމެ ވައްތަރުވާނީ ހުނިހަކުރާއެވެ
ކީމިޔާ
ނ (1) މާއްދާއެއް އެކިގޮތްގޮތަށް ބަދަލުކޮށްގެން އޭގައިވާ ޚާއްޞަ ތަބީޢަތް ހޯދަން އެނގޭ ޢިލްމު (2) ހެދިކާގެބާވަތެއް މިއީ ފުށްގަނޑު މޮޑެ އެތެރެޔަށް މަސް އަޅައިގެން ތެލުލައިފައި ހުންނަ ކުޅި ހެދިކާ އެއްޗެކެވެ
ކީމިޔާރޮށި
ނ ނާސްތާކުރަން ގެންގުޅޭ ވައްތަރަކު ރޮއްޓެއް މިއީ މަހާއި ފިޔަޔާ ލައިގެން ހަދާ ރޮއްޓެކެވެ