radheef.info
ރަދީފު


ކެތި
ނ (1) ހުޅަނގުމޫސުމުގެ ތިންވަނަ ނަކަތް (2) ކައިރިކައިރިކޮށް އެކީގައި ލޮލަށްފެންނަން ހުންނަ ތަރިބޮނޑިއެއް
ދުނިކީސް
ނ ދަގަނޑުފަދަ ތަކެތި ކީހުމަށް ތިލަބަދަލުކުރެވޭ ގޮތަށް ހަދައިފައި އޮންނަ އާލަތެއް
ދުނިގަނޑު
ނ (1) ގުޑި ނުވަތަ ތެލަނގަ ފަދަތަކެތި ހެދުމުގައި ތައްޔާރު ކުރެވޭ އޮނިގަނޑު (2) އައިނުގެ ފުރޭމު (3) ދުނިކީހުގެ ތިލަ ހަރުކޮށްފައި ހުންނަބައި (4) ކުޑައިގެ ދުނިބައި
ދުނިޔެ
ނ (1) އިންސާނުންނާއި އެންމެހާ ދިރޭތަކެތި އުޅޭ ބިމާއިކަނޑާއި ވައި ހިމެނޭތަން މަޖާޒު: (2) އެކަމެއްގެ ޙަރަކާތްތަކާއި މަސައްކަތްތައް ހިނގާ ދާއިރާ ނުވަތަ ހިސާބު މިސާލު: ޅެންވެރިންގެ ދުނިޔެ (3) ޚިޔާލުކުރާ ނުވަތަ އުއްމީދުކުރާ ކަމެއްގެ ދާއިރާ މިސާލު: އޭނާއުޅެނީ ޚިޔާލީ ދުނިޔެއެއްގައެވެ
ދުން
ނ (1) ބައެއް އެއްޗެހި އަނދާއިރު ހުޅުގަނޑުގެ މަތިން ވައިގެ ތެރެއަށް އަރައިގެންދާ ގަދައަޅިކުލައިގެ ނުވަތަ ކަޅުކުލައިގެ ގޭސް (2) ދުން އެޅުމަށްޓަކައި ތައްޔާރުކޮށްފައި ހުންނަ މީރުވަސް ދުވާތަކެތި (3) )ބދ ( ބުޅާ
ދުންބެހެއްޓުން
މ މާލޫދު ޞަލަވާތް ފަދަތަކެތި ކިޔަވާއިރު ދުންދަނޑި ފަދަތަކެތި ރޯކޮށްފައި ބެހެއްޓުން ނުވަތަ ދުންކިބާ ބެހެއްޓުން
ދުންކެވުން
މ މީރުވަސްދުވާ ތަކެތިން ދުންބުރުވައިގެން ތަނެއްގައި ނުވަތަ އެއްޗެއްގައި މީރުވަސް ހިއްޕުން
ދުންއެޅުން
މ (1) ދުންބުރުވުމަށް ބޭނުންކުރާތަކެތި ދުންކިބަލަށް އެޅުން (2) ދުންބުރުވުން
ދުންގަތުން
މ ކައްކާތަކެތި ވަތުގައި ހިފައިގެން އެނދުން
ދުއްވުން
މ (1) ހަލުއިކޮށް ހިންގުން މިސާލު: )ހ( އަސްދުއްވުން )ށ( ކާރުދުއްވުން )ނ( މީހުން ދުއްވުން (2) ފުރާ ދުއްވާތަކެތި ދަތުރު ކުރުން މިސާލު: ބޯޓްދުއްވުން (3) ސަފުސާންލުން (4) ވިރިކެކޭ އެއްޗެއްގެ ފަށަލައެއްލުން މިސާލު: ތެލީތެރޭގައި ތިމަރަފަށެއް ދުއްވުން (5) ވަސްހިއްޕުން މިސާލު: މީރުވަސްދުއްވުން (6) އެތެރެހަށީގައި ހުރިއެއްޗެއް ކޮންމެވެސް ދޮރަކުން ބޭރަށް ނެރުން މިސާލު: )ހ( ހޮޑު ދުއްވުން )ށ( ހީސްދުއްވުން (7) އެއްޗެއް ވަކިގޮތަކަށް ފޮނުވައިލުން މިސާލު: ބަޑީގެ ވަޒަން ދުއްވައިލުން (8) ފެންހިންގުން މިސާލު:ފެން ދުއްވުން (9) ވަށްއެއްޗެއް އެނބުރެމުން ނުވަތަ ފުރޮޅެމުން ކުރިއަށް ދާނެގޮތް ހެދުން
ދުވުން
މ (1) ބާރަށްހިނގުމަށްވުރެ މާއަވަހަށް ފިޔަވަޅު އަޅަމުން ކުރިޔަށް ދިއުން މ (2) ހަލުއިކޮށް ހިނގުން (3) ފުރާދުއްވާ ތަކެތި ދަތުރުކޮށްކޮށް ހުރުން (4) ވަހެއް އިޙުސާސްވުން (5) ވަށް އެއްޗެއް އެނބުރެމުން ނުވަތަ ފުރޮޅެމުން ކުރިޔަށް ދިއުން (6) ވެޔޮވެލާވެލި ކުރިލައި ހެދެމުން ދިއުން (7) ހަލުއިކޮށް ކުރިޔަށް ހަރަކާތް ކުރުން
ދުމަށި
ނ މަސްފަދަތަކެތި ހިއްކުމަށް ނުވަތަ ދިލަޖެއްސުމަށް އުނދުނާ ދިމާމަތީގައި ހަދައިފައި ހުންނަ އަށިގަނޑެއް
ދުފާއެއްޗެހި
ނ ދުފުމަށް ބޭނުންކުރާ އެއްޗެހި މިސާލު: ފޯއް ބިލެތް ކަރަންފޫ ހުނި ދުންފަތް ފަދަތަކެތި
ދޫ
ނ (1) އިންސާނުންގެ އަނގައިގެ ތެރޭގައިވާ ވާހަކަދެއްކުމަށް އެހީވެދޭ ގުނަވަން. (2) ރަހަބެލުމުގެ ގުނަވަން. (3) ގޮނޑި އަލަމާރި މޭޒު ދޮރު ދޮރުފަތްފަދަ ތެދުއުއިވަޑާމުގެ ތަކެތި ހެދުމުގައި އެއްބައި އަނެއް ބަޔަށް މެހުމަށް ވަށައިގެން ކަނޑައި ކޮޅުން ނެރެފައި ހުންނަ ތަންކޮޅު. (4) ތަޅުލުމަށާއި ހުޅުވުމަށް ތަޅާއި ތަޅުދަނޑީގައި ހުންނަ ތަންކޮޅު. (5) ވައިޖަހާ އެއްޗިއްސަށް ވައިވައްދަން ހުންނަ ތަންކޮޅު. (6) ބާރު މިބަހުގެ ހަތަރުވަނަ މާނައިގެ އިދިކޮޅު (7) ވާން މިބަހުގެ އިދިކޮޅު (8) ފަލިތަންޑުގެ ކޮޅުގައި ފެނުގައި އެޅުވުމަށް ހަރުކޮފައި ހުންނަ ފިލާކޮޅު (9) ރަށް
ދެމިގެންދިއުން
ނ (1) ކަމެއް ނުނިމި ދިގުލައިގެން ދިއުން. (2) ނަނާއި ވަލާއި ރޮދި ފަދަ ތަކެތި އަތުގެ ތެރެއިން ފިރުކިގެން ދިއުން
ދެމުން
މ (1) ދިގުވުން (2) ދިގުކުރުން (3) މޮޑެފައި އޮންނަ ފުށްގަނޑެއްފަދަ އެއްޗެއް ދަނޑިގަނޑަކުން އޮބައި ފިއްތައިގެން ތުނިކުރުން މިސާލު: ރޮށިދެމުން (4) ރަންރިހިފަދަ ތަކެތި ނަރުފިލާ ގަނޑަކުން ދަމައި ހިމަކުރުން (5) ކޯރުފަދަ ތަންތާގެ ފެންގަނޑު ކޮޅުކޮޅަށް ދިޔުން (6) އޮއިވަރު އެކިދިމަދިމާއަށް ހިނގުން (7) ވާންކުރުން (8) ބުއިމަށް ދަށް ބަހުރުވައިން ބުނާގޮތް (9) ފަށަކަށް ވާންވާގޮތަށް ދެކޮޅު ތަނަކަށް ހަރުކުރުން )01( ތެޔޮފަދަ އެއްޗެއް އުނގުޅުން (11) އެތެރޭގައި ހުރި ދިޔާއެއްޗެއް ކޮންމެވެސް ވަސީލަތެއްގެ ބޭނުންކޮށްގެން ބޭރަށް ނެރުން (21) ނަނުފަދަ އެއްޗެހި ކެހުން )31( ބޭނުންވާގޮތްވުން )41( ރޮނގެއް އެޅުން ނުވަތަ ރޮނގެއްފެވުން މިސާލު: )ހ( ރޮނގުދެމުން )ށ( ރިއްސެޔޮ ފަށް ދެމުން )51( ނަހަމަ ގޮތެއްގައި އެއްޗެހިތަކެއް ބޭނުން ކުރުން
ދެލި
ނ (1) ނާއްޓާއި ދަރުފަދަ ތަކެތި އެނދީމާ އަޅިޔަށްނުވެހުންނަބައި (2) ލިޔުމަށާއި ޗާޕްކުރުމަށް ބޭނުންކުރާ އޮލަ ނުވަތަ ދިޔާ އެއްޗެއް މިތަފާތު ކުލަކުލައިގައި ހުރެއެވެ (3) ދަރުފަދަ ތަކެތި އެނދީމާ އަޅިޔަށްނުވެ ހުންނަބައި ފުނޑައިގެން އޮޑިދޯނި ފަހަރުގެ ބޭރުގައިލާން ތައްޔާރުކުރާ ދިޔާ އެއްޗެއް (4) ދުމުގެ ސަބަބުން އުފެދޭ ކަޅު އެއްޗެއް
ދެލިނިވުން
މ ދަރާއި ނާއްޓާއި ބޮނބިފަދަ ތަކެތި ރޯކޮށްގެން ރަނގަޅަށް އެންދުމަށްފަހު ހުލިވެ އަޅިޔަށް ނުވަނީސް ފެންޖަހައި ނުވަތަ ވެލިއަޅައި ނިވުން
ދޮށި
ނ (1) މަސްބާނަން ގެންގުޅޭ އޮނުފަދަ ތަކެތި ނއ (2) ހަގުގެ އިދިކޮޅު (3) ދުވަސްވެފައިވާ (4) ޒަމާންވެފައިވާ
ދޮން
ނ (1) ކުލައެއްގެނަން )މަޑުރީނދޫކުލަ( (2) ބައެއްކަހަލަ މޭވާ ދޮންވީމާ ހުންނަ ކުލަ (3) މީހުންނަށް ނިސްބަތް ކުރާއިރު ކަޅުގެ އިދިކޮޅު (4) މީހުންގެ މޫނުގައިދޭ ބޮސް (5) ބައެއް މޭވާ ހަރުވެގެންވާ ފައްކާ (6) މަޢުދަނީ ތަކެތި މާބޮޑަށް ވާހޫނު
ދޮންނަމެޝިން
މ ފޭރާން ފަދަ ތަކެތި ދޮންނަން ހަދައިފައި ހުންނަ މެޝިނެއް