radheef.info
ރަދީފު


ބަ
އ އައްބަ
ތިރިއަށި
ނ އިހުގެ މުސްކުޅި ބައެއްގޭގޭގައި ދިމާ އެނދުބަހައްޓައިފައި ހުންނައަށި
ތިރިއަރުވައިލުން
މ މަޖާޒު: (1) މައިތިރިކޮށްލުން (2) ބަލިކޮށްލުން (3) ދެރަކޮށްލުން
ތިރިއެރުވުން
މ މަޖާޒު: (1) ބަލިކޮށްލުން (2) މައިތިރިކޮށްލުން
ތިރީބުރި
ނ (1) އެތައް ބުރިއަކަށް މައްޗަށް އިމާރާތް ކޮށްފައިވާ ތަންތަނުގެ ހަމަބިމާ ހިސާބުގައި ހުންނަބައި (2) ހެދުމާއި އިންސާނުންގެ ހަށިގަނޑުގެ އުނަގަނޑުން ތިރީބައި (3) ތިރީބައި
ތިރީކައިރި
ނ ބޯވަޅުއެޅި ލިބާހުގެ ވަށްބަގިޔާގެ މަތީގައި ކަސަބުން ގަތައިފައި އަޅާފަށް މިފަށް ވަށްބަގިޔާއަށްވުރެ ފުޅާވާނެއެވެ ތިރީކައިރިޔަކީ ބޯވަޅުގައި އޮންނަ އެންމެ ފުޅާ ކަސަބުގަނޑެވެ
ތިބާހުން
ނ ތިޔަބައިމީހުން
ތިކިޖެހިބޮލުފޭލި
ނ ރަންކަސަބަކުން ތިކިޖަހައިފައިހުންނަ ބޮލުފޭލި
ތިކިޖެއްސުން
މ (1) ލޮލަށް ނުވަތަ ނޭފަތަށް ނުވަތަ އެނޫންވެސް ތަނަކަށް ދިޔާބޭހެއް ތިކިތިކިންއެޅުން (2) ބަލިމީހަކަށް ނުވަތަ ކުޑަކުއްޖަކަށް ދިޔާއެއްޗެއް ތިކިތިކިންދިނުން (3) ތިކިޖެހުން މިބަސް ކުރުވުމުގެ މާނައިގައި ބުނާގޮތް
ތިއަރީ
ނ (1) އެއްޗެއް އަނެކައްޗަކާ ގުޅޭގޮތް މަޢުލޫމާތުން ދައްކާދެއްކުން (2) ޤަބޫލުކުރާގޮތް (3) ސިޔާސަތު (4) ކަމަކަށް އަމަލު ކުރަންޖެހިފައިވާ ގޮތް (5) ކަމެއް ހިނގާގޮތުގެ އަސްލު ސައިންސް ވެރިން ކިޔައިދީފައިވާގޮތް (6) ބަޙުޘެއް ކުރުމަށްޓަކައި ހިފަހައްޓާ އުޞޫލު (7) ޚިޔާލަށް ކަމެއް ވިސްނިފައި އޮންނަގޮތް
ތިއޭޓަރު
ނ (1) ތަމްސީލު ކުޅެހަދާގެ (2) ބައިސްކޯފު ދައްކާގެ (3) އެތަނެއްގެ އެތެރޭގައި ހަރުފަތް ބަރިއެއްގެ ގޮތަށް ތަޅުންގަނޑު ހަދައި އެތަނުގައި ގޮނޑިޖަހައިފައިވާ ހޯލު (4) ހަސްފަތާލުގައި ބަލިބައްޔާ ބެހޭ ފެޅުންތަކަށް ހަދައިފައި ހުންނަ ކޮޓަރި
ތިއްބުން
މ (1) މީދާފަދައެއްޗެއް ހިފުމަށްޓަކައި ދައްޗެއް ނުވަތަ ކޮށްޓެއްފަދަ އެއްޗެއް ފާލުއަޅުވައިފައި ބެހެއްޓުން (2) )ބ ( ކުދިން ނިދަންބައިތިއްބުން
ތިއްތި
ނއ (1) ނަލަ (2) ރީތި (3) ބަސްއަހާ (4) ރަނގަޅު މިއީ ކުޑަކުދީންގެ ބަހުރުވައިގައި ބޭނުންކުރާ ބަހެކެވެ
ތިއްތިކަން
ނއނ (1) ރީތިކަން (2) ނަލަކަން މިއީ ކުޑަކުދީންނާ ބެހޭގޮތުން ބޭނުންކުރާ ބަހެކެވެ
ތިއްތިކުރުން
މ (1) ރީތިކުރުން (2) ނަލަކުރުން މިއީ ކުޑަކުދިންގެ ބަހުރުވައިގައި ބޭނުންކުރާ ބަހެކެވެ
ތިއްތިކެރުން
މ )ޏ ( ކުޑަކުދީންގެ ބަހުރުވައިގައި ރީތިކުރުން
ތިއްތިވުން
މ ކުޑަކުދީންގެ ބަހުރުވައިގައި ރީތިވުން
ތިއްތިޖެހުން
މ ކުދިން އަނދުން އަޅުވައި އުޅުނު ޒަމާނުގައި ދެއަތުގެ މެދުގައި އަނދުން ތިއްކެއްޖެހުން މިތިކިޖަހާނީ އިނގިލިކޮޅު އަނދުން ދަޅުގައި ކާއްތައިލައިފައި އަތުގެ މެދުގައި އިނގިލި ޖައްސައި އޮބައިލައިގެންނެވެ
ތިއްޖެހިފާނަ
ނ ފަޅުތަކުގެ ބޭރުގައި މުރަކަތަކާއި ގާތަކުގެ ނިވަލުގައިއުޅޭ މަހެއް މިއީގަދަ މުށިކުލައިގެ ތިކިތަކެއް ހުންނަ ކޮތަރިބައިގައިވެސް ތިކިތަކެއް ހުންނަ ނިގޫފަތުގެ ކައިރިފަށް ފަނޑުހުދު ކުލައެއްގައި ހުންނަ މަހެކެވެ
ތިމަން
ނ ބުނިބަސް އަންގައިދޭގޮތަށް އަހަރެމެންނަށް ބުނާބަހެއް
ތިމަންނާ
ނ ބުނިބަސް އަންގައިދޭގޮތަށް އަހަންނަށް ބުނާބަހެއް