radheef.info
ރަދީފު


ޔ
ނ ތާނައިގެ އެކާވީސް ވަނައަކުރު
ލަންސިމޫ ފަންކާ
ނ ލަންސިމުލުން ތައްޔާރުކުރާ ފަންކާ
ލަންޓަން
ނ އެތެރެޔަށް ބައްތިއެއް ލެވޭ ގޮތަށް ހަތަރު ފަރާތާއި މަތީގައި ބިއްލޫރި ޖަހައި ދޮރެއް ލައިފައި ހުންނަ އެއްޗެއް
ލަކިބުރުއްސުން
މ އަނެކަކާ ދިމާޔަށް ނުރުހުމުގެ ބަސް ބުނެވޭފަދަ ފަރާތަކުން މީހަކާ ދިމާއަށް ނުރުހުމާއެކު ބާރަށް އެއްޗެހިގޮވުން
ލަކިއެޅުން
މ (1) ނަގައިފައި ހުންނަ ރިޔަލެއްގެ ދެހަންޖާ އެއްކޮށް މެދުން ބަނުން. (2) ލަނބުރާނާއި ހަންޖާފަދަ ތަކެތި ބާރުކޮށް އެއްސުމަށްޓަކައި ކުއްލިއަކަށް ދަމައިލުން
ލަކިއޮއްޓުގަނޑު
ނ ތެލަނގައިގެ ފިޔަދުނީގައި އެއްކޮނޑުން އަނެއްކޮނޑަށް އަޅާ ހުރަސް
ލަކުޑިސަކަރާތް
ނ (1) ސިފަޔަކުންކުރެ ސިފަޔަކަށް ނުވާގޮތަށް ކަސްކޮށް ހަދައިފައި ހުންނައެތި (2) ފާޑުވެރިކަމެއްނެތި ހަދައިފައި ހުންނައެތި
ލައިނޫފަރު
ނ ލޮޓަސްމާ އަޅާ ގަސް ނުވަތަ ވެޔޮ މިހެދެނީ ފެނުގައެވެ
ލައިދިނުން
މ (1) އެއްޗެއް ކިޔަމުން ނުވަތަ ކިޔަވަމުން ދާއިރު ކުށެއް ކިއުނީމާ ނުވަތަ ބައެއް ދޫކޮށްލެވުނީމާ ރަނގަޅުގޮތް ބުނެދިނުން. (2) އަނެކަކު އަޑުދަށުން ކިޔުމަށް ނުވަތަ އިޤްރާރު ކުރުމަށްޓަކައި އެއްޗެއް ކިޔަވައިދިނުން މިސާލު: )ހ( ޝަހާދަތް ލައިދިނުން )ށ( ހުވާ ލައިދިނުން
ލައިދީގޮވުން
މ އަންހެނަކާ ފިރިހެނަކާ އަޅުވައި ކިޔުން
ގބ )މުސްކުޅިބަހެއް( ދެޖިންސުގެ ދެމީހަކު އަޅުވާ ކިޔަން ފަށައިފިނަމަ އެދެމީހުން ހިތާވާގޮތް ވާނެޔޭ ބުނުމަށް ބުނެއުޅޭ ބަހެއް ލައިދީގޮވުމަކީ އިސްތިރިއެކެވެ
ލައިދެމުން
މ (1) އޮޑިފަހަރު އޮޑިކޮޅަށް ކުރިޔަށް ނުގެންދެވިގެން ދުރަށް ނަގިއްޔެއްގެ ބާލައި އެނަގިލީގެ ވަލުގައި ހިފައި ދަމައިފައި އޮޑި ކުރިޔަށް ގެންދިޔުން (2) މީހަކު ނުވަތަ ކުއްޖަކު ވަކިތަނެއްގައި ހަމަ ނުޖެހިގެން އެއްތަނުން އަނެއްތަނަށް ގެންދިއުން
ލައިގެންކާއެއްޗެހި
ނ ކެއުމަށް ބޭނުންކުރާ މައިގަނޑު އެއްޗަކާއެކު ބޭނުންކުރާ ރިހަ ނުވަތަ ރިހާކުރު ނުވަތަ ދިޔަފަދަ ތަކެތި
ލައިސަންލުން
މ ފުރާދުއްވާ އުޅަނދު ފަހަރަށް އަރުވައިފައި ހުންނަމުދާ ކަނޑު ގަދަވެގެން ފުރޮޅައިލައިފާނެތީ ވަރުގަދަޔަށް އެ އުޅަނދުގެ އެކިއެކި ތަންތަނަށް ލައްވައި ބާރަށް ބަނުން
ލައުޙު
ނ (1) އާލަމްތަކުގައި ހިނގާނެ ހުރިހާ ކަމަކާ ހުރިހާ އެއްޗެއް ފެށުނީއްސުރެ ނިޔަލަށް މާތް ﷲ މިންވަރު ކުރައްވައި ލިއުއްވައިފައިވާ ފިލާ (2) ލައުޙުލް މަޙްފޫޡު
ލައް
ނ (1) ކިހަށްޑިޔަ ފަދަ އެއްޗެހި ޖެހިގެންވާ ހަޑި (2) މޭވާ ފަދަ އެއްޗެހީގެ ބޭރުތޮށިގަނޑުން ފާޅުވާ ކަޅުކުލައިގެ ތަންތަންކޮޅު (3) ބައެއް މަސްމަހާ މެއްސާއި ބައެއް ޖަނަވާރުގެ ހަމުގައި ހުންނަ ކުލަކުލައިގެ ތަންތަންކޮޅު (4) މަޖާޒު: ކުރާ ހިތިއަސަރެއްގެ ނުވަތަ އުފެދޭ ދެކޮޅުވެރިކަމުގެ ސަބަބުން ހިތުގައި އުފެދޭ ހިތި އަސަރު (5) އަބުރު ގެއްލޭފަދަ ކަންކަމުން ލިބޭ ހުތުރުނަން މިސާލު: އެއީ އޭނާގެ އަބުރުގައި ޖެހުނު ލައްގަނޑެކެވެ
ލައްބަދުރުވުން
ނ ދިވެހި ބަހުން ވާހަކަ ދެއްކުމުގެ މާތްގޮތަށް ކިޔާނަމެއް
ލައްބަލައްބަކިޔުން
މ ކިޔާހާ އެއްޗެއް ޤަބޫލުކޮށް އާނއެކޭ ބުނުން
ލައްފިލުވާބޭސް
ނ ފޭރާމުގައި ޖެހޭލައްފިލުމުމަށް ތައްޔާރުކޮށްފައި ހުންނަ ފެނެއް
ލައްލައް އެޑުން
މ )ޏ ( އެކަކު އަނެކަކު ދެރަކޮށްލުމުގެ ގޮތުން މަލާމާތްކޮށް އެއްޗެހި ކިޔައި އަނގައިން އަޑުލައްވައި ވައްތަރުޖެއްސުން
ލައްޓި
ނ ކަނޑުމަހުގެ ބާވަތެއް މިމަހުގެ މަތީބައިގައި ގަދަނޫކުލައިގެ ފުޅާ ރޮނގުތަކެއް ކަތިކޮށް ހުރެއެވެ މަހުގެ ކަންފަތްގަނޑާ ދިމާޔަށް ބަނޑުދަށުގައި ކަޅުކުލައިގެ ލައްތަކެއް ހުރެއެވެ މަހުގެ މަތީބައިގެ ކުލައަކީ ގަދަނޫ ކުލައެވެ ބަނޑުދަށް ފަރާތުގެ ކުލައަކީ ރިހިކުލައެވެ