radheef.info
ރަދީފު


ބަ
އ އައްބަ
ތަޣައްޔަރުވުން
މ (1) ފެންފަދަ އެއްޗެއް އެހެން އެއްޗަކާ އެކުވުން (2) އަސްލުގޮތް ކެނޑުން (3) އެއްޗިހިތަކެއް އެކުވެގެން ގަޑުބަޑުވުން (4) ނުބައިވުން
ތަޢާރުފުކުރުން
މ ބަޔަކަށް ނުވަތަ މީހަކަށް އެއްޗެއް ނުވަތަ މީހަކު ނުވަތަ ކަމެއް އަންގައި އޮޅުންފިލުވައިދިނުން
ތަޢާރުޟުވުން
މ (1) ދެއެއްޗެއް ނުވަތަ ދެބަހެއް އެކަތި އަނެކައްޗާ އިދިކޮޅުވުން ނުވަތަ ދިމާނުވުން (2) ދެކޮޅު ދިމާނުވުން (3) ދެބަސްވުން (4) ފުށުއެރުން
ތަޤުރީރު
ނ އިރުޝާދެއް ދިނުމަށް ނުވަތަ ނަސޭހަތެއް ނުވަތަ މަޢުލޫމާތެއް ދިނުމަށްޓަކައި ނުވަތަ ކަމަކާބެހޭގޮތުން ބައެއްގެތެރޭގައި ނުވަތަ ޖަލްސާއެއްގައި ނުވަތަ ކުލާހެއްގައި ދައްކާވާހަކަ
މިސާލު: މަބުނިންތާ! ތާ
ނ (1) ދިރުނބާކޮޅުގެ ކޮޅުވަތުން ފެށިގެން ބޮޑުވަތާ ހަމަޔަށް އޮޑި ދިގަށް އަޅާ ވަކަރެއް ނުވަތަ ބެރިއެއް (2) ބަސްގަދަކުރުމަށް ބުނެއުޅޭ އަކުރެއް
ތާށިކަން
ނއނ ތާށި މިބަހުގެ ނަން އިތުރުގެނަން
ތާނގީ
ނ (1) ފެން ނުވަތަ ތެޔޮރައްކާކުރުމަށް ދަގަނޑުފިލައިން ހަދައިފައިވާއެތި (2) ދިޔާއެއްޗެހި އެއްތަނުން އަނެއްތަނަށް ގެންދިއުމަށް ޓަކައި އެއެއްޗެހި އަޅަން ހަދައިފައިހުންނައެތި މިމަޢުދަނުންނާއި ފައިބަރުފަދަ ތަކެތިންވެސް ހަދައިފައިހުރެއެވެ (3) ފެންރައްކާކޮށްފައި ބެހެއްޓުމަށްޓަކައި ރާނައިގެން ނުވަތަ ކޮންކްރީޓްކޮށްގެން ހަދައިފައިވާއެއްޗެއް
ތާނަ
ނ ދިވެހިބަސް ލިޔެކިޔުމަށް ބޭނުންކުރާ އަކުރުތައް. މިއަކުރުތައް ހެދިފައިވަނީ ޢަރަބި އަކައިގެ ނުވަ އަކުރާއި ދިވެހި އަކައިގެ ނުވައަކުރު އަޞްލަކަށް ބަލައިގެންނެވެ
ތާނަކުރުން
މ ތާނައަށް ބަދަލުކުރުން
ތާނައަކުރު
ނ (1) ދިވެހިބަސް ލިޔަން ގެންގުޅޭ އަކުރު (2) ހަށަނަރަބަޅައިގެ އަކުރުތައް
ތާރަކިއުން
މ )ހ ( ކުޑަކުދިންގެ ބަހުރުވައިގައި ފެންވެރުމަށް ކިޔާގޮތް
ތާރިކިޔުން
މ )ޏ ( ކުޑަކުދިންގެ ބަހުރުވައިގައި ފެންވެރުން
ތާރިޔޯ
ނ ކުޑަކުދިންގެ ބަހުރުވައިން ފެންވެރުން
ތާރިޔޯމާރިޔޯ
ނ ކުޑަކުދިން ފެންވަރުވަމުން ކިޔައިއުޅޭ ބަހެއް
ތާރީފުލިބުން
މ މީހަކަށް ނުވަތަ މީހަކު ކުރިމަސައްކަތަށް މޮޅުކަމާއި ފުރިހަމަކަމުގެ ބަސްތައް ރައްދުވުން
ތާރު
ނ (1) ކަޅުމުށިކުލައިގެ ނުވަތަ ކަޅުކުލައިގައިހުންނަ ބޮލާކީންޏަށްވުރެ އޮލަ އެއްޗެއް މިއީ ހޫނުވީމާ ދިޔާވާ ފިނިވީމާ ހިކޭ އެއްޗެކެވެ މީގައިގަދަ ޒަވިވަހެއްހުރެއެވެ މިތައްޔާރުކުރަނީ ބޯޓް ދެއްޔާއި އެކިކަހަލަ ލަކުޑިއަންދައި ގެންނެވެ (2) ސާފުނުކުރާ ތެލުން އެކިބާވަތުގެ ތެލަށް ބޭނުންވާ ހުރިހާ ބާވަތްތަކެއް ނެގީމާ ހުންނަބައި
ތާރުއެޅުން
މ (1) މަގުމަގާއި ވައިގެބަނދަރުފަދަ ތަންތަން ހެދުމުގައި ބިންގަނޑު ތަޅައި ހަރުކުރުމަށްފަހު ތާރުގެ ތަޅުމެއް ދުއްވުން (2) ތާރުގެފަށަލައެއް ދުއްވުން
ތާބޯބޮ
ނ ކުޑަކުދިންގެ ބަހުރުވައިގައި ތާކިހަލަށް ކިޔާނަމެއް
ތާކީދުކުރުން
މ (1) ބުނާބަހެއް ގަދަކުރުން (2) ތަކުރާރުކޮށް ބުނުން (3) ގަދައަޅައިބުނުން
ތާއަބަދު
ނ (1) އަބަދާއަބަދު (2) މެދުނުކެނޑި