radheef.info
ރަދީފު


ޓ
ނ ތާނައިގެ ވިހިވަނަ އަކުރު
ބިތްކަށްޓަށް
ކއ އަރިބިއްކައްޓަށް
ބިތްޖެހުން
މ (1) އިންސާނާއާއި އަދި އެހެނިހެން ދިރޭތަކެތި ވަރުބަލިވެގެން ބިތަށްލައްވުން (2) ފިކުރު ހުސްވެ ހުއްޓިފައި ހުރުން
ބިލަތްތޮނަ
ނ ކަނދޮޅުފަތުގެ ބައްޓަމަށް ފަތް ހުންނަ މިނައެވެ ބިލެއް ކުރި އިންދައިފައިވާ ތަންތާނގައި މިވިނަ ހައްދާއުޅެއެވެ
ބިލެތް އެޅުން
މ ބޮނޑިޔަކަށް ވާނޭހެން މަތި މައްޗަށް ބިލެތް ބެހެއްޓުން
ބިލެތްމުށްޖެހުން
މ "ބިލެތްމުށް" ދަފީގައި ބެހެއްޓުން
ބިލެތްދަޅި
ނ ހަލާކުނުވެ ގިނަދުވަހު ހުންނާނެހެން ބެހެއްޓުމަށްޓަކައި ބިލެތް އަޅައިފައި އޮންނަ ކެޔޮ ދަޅިގަނޑު
ބިލެތްދަފިނެގުން
މ ފިރިހެނުން ކުޅެއުޅޭ ކުޅިވަރެއް މިއީ ބިލެތް އަޅައިފައި ހުންނަ ދަތްޕެއް ތިރިގޮނޑި އެއްގައި ބަހައްޓައި އޭގެވަށައިގެން ފިރިހެނުން ތިބެލަވަކިޔައި ނަށަމުން އެނެށުމާ ހަމަވާގޮތަށް އެދަފިނަގައި ކޮންމެވެސް އެކެއްގެ ބޮލުގައި ބަހައްޓައިގެން ނަށާ ނެށުމެކެވެ ޢާއްމުކޮށް މިދަފިނަގައި އުޅެނީ ގާއޮޑި ލަވަކިޔާއިރު އަންބާބެރަށް ފެށުނީމާ އޭގެ ހަމައަށް ނަށަމުންނެވެ
ބިލެތްތަޅާވަން
ނ (1) މަތީގައި އިސްކުރުމައްޗެއް ފުލުގައި އަގުޅިއެއްޖަހައި މަތިގަނޑުގެ ތެރޭން ކޮޅުފަތި ކައްޓެއް މަހައިފައި އޮންނަ ހަރުމަތީ ބަނޑިއެއްގެ ފޫބުރިއެއްގެ ސިފައިގައިވާ ލޯކަންވާރެއް (2) ކުދިވަރުގެ ދަގަނޑު ނުވަތަ ލޯ ވަން
ބިލެތްގޮށި
ނ (1) ބޮންތިފަނުން ބިލެތް އަޅާން ހަތްފޫ ލައިގެން ވިޔާ ކުޑަގޮނެއް (2) ހަދިޔާއަށްދޭ ބިލެތްއަޅަން ކަށިކެޔޮފަތުން މައްޗަށް ހިމަކޮށް ހަދާ ބާވަތެއްގެ ގޮއްޓެއް (3) ބިލެތް އަޅާން ކަރުދާސްފަދަ ތަކެތިން ހަދާގޮށި
ބިސް
ނ (1) ބައެއް ބާވަތުގެ މަސްމަހާ މެއްސާއި ދޫނި ސޫފާ ސޫފީގެ ދަރި ގަރުބަގަތުމަށްފަހު މައިއެތީގެ ހަށިގަނޑުން ބޭރުގައި އޮވެގެން އޭގެ އަމިއްލަ ޒާތުގައި ނޭވާލައި އުޅެވޭ ވަރުވަންދެން އެއެއްޗެއްގެ ތެރޭގައި އޮންނަ އެތި. ޢާންމު ގޮތެއްގައި މިއީ ތޮށްޓެއްގެ ތެރޭގައި އޮންނަ ލޮނދިގަނޑަކާއި ގޮބޮޅިޔެއްގެ މައްޗަށް އެކުލެވިގެންވާ އެއްޗެކެވެ (2) އަންހެނާގެ ނުވަތަ އަންހެންއެތީގެ ހަށިގަނޑުގެ އެތެރޭގައި އުފެދޭ ދަރިމައިވުމުގެ ސެލް (3) ބައެއް ކަހަލަ މޭވާއާއި ދިވެހި ހަކުރު ނުބައިވެގެން އުފެދޭ ކުދިކުދި ފުއްފުއް
ބިސްއެޅުން
މ (1) ބިސްއަޅާ ތަކެތީގެ ބަނޑުގައި ހުންނަ ބިސް ބަނޑުން ބޭރުކުރުން (2) މަޖާޒު: ކުޑަކުދީން ކޮންމެވެސް ގޮތަކުން ވެއްޓުން ނުވަތަ އިނދަޖެހުން
ބިސްފުޅު ކެއުން
މ މަޖާޒު: ތިމާގެ ސާހިބުމީހާގެ އަނބި މީހާޔާ ނަހަމަ ގުޅުން ބެހެއްޓުން
ބިޑި
ނ (1) ކުށްވެރިންގެ އަތްފައިގައި އަޅާ ކަސްތޮޅު. (2) ދުންފަތުގެ އިސްތިޢުމާލު ކުރުމަށްޓަކައި އެތެރެއަށް ދުންފަތް އަޅައިގެން ފަތުގައި ނުވަތަ ކަރުދާހުގައި އަނބުރާ އެއްޗެއް (3) ދަގަނޑު ހޮޅިފަދަ އެއްޗެހި އެއްކޮށް ހަރުކުރުމަށް އަޅުވާ ތަޅެއް
ބިޖިލީ
ނ ކަރަންޓު
ބިޖިލީބައްތި
ނ ބަހައްޓާ ބައްތިއެއް. މިއީ އުސްމިނުގައި ގާތްގަނޑަކަށް 41 އިންޗި ވަށަމިނުގައި ގާތްގަޑަކަށް ހަ އިންޗި ހުންނަ ބައްތިއެކެވެ މި ދިއްލަނީ ކަރާސީނު ތެޔޮ އަޅައިގެން ޗާބިދީގެން އެ ތެޔޮ ގޭހަށް ބަދަލުކޮށްގެންނެވެ
ބީރަށްޓެހިން
ނ (1) ނުރައްޓެހިން (2) ރަށްވެހިނޫން މީހުން )ތިމާގެ ރަށްނޫން އެހެން ރަށްރަށުގެ މީހުން
ބީރައްޓެހި
ނއ (1) ނުރައްޓެހި (2) ތިމާގެ ރަށްނޫން އެހެންރަށެއްގެ (3) ކަމަށް ނުފަރިތަ
ބީރައްޓެހިކަން
ނއނ (1) ނުރައްޓެހިކަން (2) ތިމާގެ ރަށްނޫން އެހެން ރަށެއްގެމީހެއްކަން (3) ކަމަށް ނުފަރިތަކަން
ބީރައްޓެހިވުން
މ (1) ކަމަށް ނުފަރިތަވުން (2) ނުރައްޓެހިވުން (3) ތިމާގެ ރަށްނޫން އެހެން ރަށެއްގެ މީހަކަށްވުން
ބުންހިއްޕިލަވަބައި
ނ ނެއްޓިޔަށް އަނބުރާލާ ލަވަބައި މިލަވަބައި ޖަހާނީ ދަނޑިގަނޑުގެ ބަދަލުގައި އަތުންނެވެ