radheef.info
ރަދީފު


ސާލު
ނ ކެހެރި ފޮތި ނުވަތަ މަޚްމާ ފާޑުގެ ފޮތިން ތައްޔާރު ކޮށްފައި އޮންނަ ފޮތިގަނޑެއް މީގައި ފަށުވިން މާޖަހައި ވަށައިގެން ކުރެހުންތައް އަޅައިފައި ހުރެއެވެ
ފަރި
ނއ (1) ނަލަ. (2) ޗާލު. (3) ހިތްގައިމު. ނ. (4) ކުކުޅެއްގެ ކުރިމަތީގައި ހާގެންނަ އެދުންވެރިކަމުގެ ޙަރަކާތް. (5) ބައެއް ކަހަލަ ކަންތަކަށް ވާތައްޔާރު. މިސާލު: ދުއްވައިގަތުމަށް. ނުވަތަ ލާނދާ އެއްލުމަށް މީހާ ވާފަރި. (6) ކުޅިޖަހާއިރު ތިމާގެ ކުޅަދާނަކަން ދެއްކުމަށް ހަދާގޮތް ނުވަތަ ޙަރަކާތް. (7) މާކެޔޮޅުކަމު ގެންދާން ކަމުދާ ވަރަށް ކޯމަސްވާކުނި. (8) މާމެލާމެލި ފޮޅުމަށްޓަކައި ފިޔަތައް ހުޅުވޭ ހުޅުވުން. ނ. އެތެރޭގައި ފަޅެއް އޮންނަ ގޮތަށް ފަޅުގެ ވަށައިގެން ނުވަތަ ކަނޑާއި ފަޅުމައްޗާ ދެމެދު ގަލާއި މުރަކައިން އުފެދިފައިވާ ތިލަތަން
ފަރުނީޗަރު
ނ ގެއެއްގައި ނުވަތަ ކޮޓަރިއެއްގައި ހުންނަ އެއްތަނުން އަނެއްތަނަށް ގެންދެވޭ އެއްޗެހި. މިސާލު: ގޮނޑި މޭޒު އެނދު ހަރުގަނޑު
ފަބިއައްޔީގައިޖެހުން
ނ މިސާލު: ވާހަކައެއް ދައްކާއިރު ތިމާ ނުވަތަ އަނެކަކު އާދަވެގެން ކުރާ ކަމެއްގެ ވާހަކަ ބުނެވުނީމާ ބުނާ ބަހެއް
ފަޅަ
ނ )ޏ.ސ.( (1) ޅަ ރުއް. (2) )ބދ.( ނުފޯދޭހާގަސް )އަޑިޔަށް ފައިބާބައި ބޭނުންކޮށްއުޅޭ ގަސްގަހާގެހި( މިސާލު: އަލަ ކައްޓަލަ ދަނޑިއަލުވި
ފަޅި
ނ (1) އެއްޗެއްގެ އެއްބައި މިސާލު: ފަޅޯފަޅި (2) އެއްޗެއްގެ ނުވަތަ ތަނެއްގެ އެއްފަރާތް މިސާލު: މަސްފަޅި މަގުގެ ވާތްފަޅި
ފަޅޯ
ނ (1) މީރު މޭވާއެއް. މީގެ ކިތަންމެ ވައްތަރެއް ހުރެއެވެ. މިސާލު: ދިގުފަޅޯ ނިޔަދުރުފަޅޯ ރަންފަޅޯ ދަނބުފަލޯ ވެޔޮފަޅޯ (2) )ބދ ( ފޯދިކާގަސް
ފައި
ނ (1) އިންސާނުންގެ އުކުޅުވަޅުން ފެށިގެން ތިރިޔަށް ހުންނަބައި. (2) ހަތަރު މޮށްގަނޑު ހުންނަ ޖަނަވާރުގެ ފަހަތު ދެމޮށްގަނޑު. (3) ގޮނޑި މޭޒު ފަދަ އެއްޗެހި ކޮޅަށް ބެހެއްޓުމަށްޓަކައި ހުންނަބައި. (4) ދިޔަހިއްކަން ލަކުޑިން ހަދައިފައި ހުންނަ އެއްޗެއް. (5) )ޏ.ސ( އެހެން އެހެންޏާ. (6) ކަންކުރި ފަރާތް އެއްގޮތްވުމާއެކު އެއްކަމެއް އަނެއްކަމަކާ ގުޅަމުން ގެންދިއުމުގައި ބޭނުންކުރާ އަކުރެއް މިސާލު: ޞާދިޤު އައިސް ވަދެފައި އެހެން ބުނެލައިފައި ހިނގައްޖެއެވެ
ފައިކަށި
ނ (1) ފަޅުފަޅުން ނިކުތުމަށާއި ވަނުމަށް ހަދައިފައި ހުންނަ ނެރުގެ އެއްފަރާތުގެ ތޮށިގަނޑު. މިސާލު: ކަނޑިންމާ ފައިކަށި. (2) ކަތުރާއި ހަނޑަސް ފަދަ ދެފައިކަށި ހުންނަ ތަކެތީގެ އެއްފަޅި (3) އައިނު ފަދަ ތަކެތީގެ ދުނިގަނޑުގެ ދެފަރާތުން ކަންފަތުގައި އެލުވޭގޮތަށް ހުންނަ ދެބައިން އެއްބައި (4) ބައިސްކަލް ފަދަ ތަކެތީގެ ފުރޮޅު ހިފެހެއްޓުމަށް ދެބަޔަށް ހުންނަބައި
ފައިކިޔުން
މ ސުންޕާކަމަށް ބުނުން މިސާލު: ތިޔަގޯއްޗަކީ ފައި ކިޔާފައި އޮންނަ ގޯއްޗެކެވެ ތިޔަތާކު މީހަކަށް ނުއުޅެވޭނެއެވެ
ފައިކުރިޔަށްބާރުލުން
މ ފަޔަށް ބާރުލުން މިސާލު: ފައިކުރިޔަށް ބާރުލައިފައި ހިނގައި ގަތުން
ފައިޖެހުނުތާ ވެލިކޮޅުވެސް ގެންދިއުން
)މިސާލުބަހެއް( މީހަކު ތަނެއްގައި އުޅެފައިދާ އިރު އެތަނެއްގައި ގެންދެވެން ހުރިހުރިހާ އެއްޗެއް ހިފައިގެން ދިއުމުން ބުނެއުޅޭ ބަހެއް
ފައްތަރުމަތި
ނ (1) ދެ އެއްޗެއް ގުޅައިފައި ނުވަތަ ބައްދައިފައި ހުންނަތަން. މިސާލު: ފަރުމާނު ފަދަ އެއްޗެއް ބިންދައިގެން ދިޔައިމާ އޭގެ ދެކޮޅު ޖައްސައިފައި އެ ބިނދުނު ތަނުގެ ވަށައިގެން އޮއްޓު އަޅައިފައި ހުންނަތަން. (2) ދެ މޫސުން ބެދޭ ދުވަސްވަރު. (3) އެއްކަމަކުން އަނެއްކަމަކަށް ނުވަތަ އެއް ޙާލަތަކުން އަނެއް ޙާލަތަކަށް ބަދަލު ވަމުން ދާ ދުވަސްވަރު
ފައްތިރާ
ނ )ސ ( މީހުނަށް ނޭގޭ ގޮތަށް ދޭ އެއްޗެހި މިސާލު: އެތެރެއަށް އެއްޗެއްލައިފައި ނުވަތަ އަޅައިފައި ޖަހައިފައި އޮންނަ ގޮށް
ފަވާތަކެތި
ނ އިހުގައި ކުލަޖެއްސުމަށް ބޭނުންކުރާ އެއްޗެހި މިސާލު: އުޅުނބު ދިޔަ ފަތްފަތުގެ ދިޔަ
ފަދަވުން
މ (1) ހަމަހަމަވުން (2) ވައްތަރުވުން މިސާލު: ހުންފަދަވުން (3) އެއްކަހަލަވުން (4) )ޏ ސ ( ކަމަކަށް ތައްޔާރުވުން
ފަތް
ނ (1) ގަހާއިވެޔޮ ހެދެމުންދާއިރު އޭގެ އަރިމަތިން ނުކުންނަމުން ދާ ތަނޑެއް ހުންނަ އެއްޗެއް. ގަސްގަހުގެ ހިޔާ އޮންނަނީ މީގެ ސަބަބުންނެވެ. މިވަރަށް ތަފާތު ގޮތްގޮތަށް ތަފާތު ކުލަކުލައިގައި ހުރެއެވެ. ޢާއްމުކޮށް ހުންނަނީ ފެހިކުލައިގައެވެ. (2) ބައެއްގަސް އުފެދިފައި ހުންނައިރު ގަސްގަނޑެއް ނެތި ބުޑުން ފަޅައިފައި ހުންނަ ތަފާތު ކުލަކުލައިގެ އެކި ސިފަޔަށް ހުންނަ އެއްޗެހި. (3) ދީނީ ގޮތުން ނުވަތަ ޤާނޫނީ ގޮތުން ލިޔެވޭ ބައެއް ޒާތުގެ ލިއުން. މިސާލު: ހިބަފަތް. އަތޮޅުވެރިކަމުގެ ފަތް. (4) ދޫންޏާއި ކުކުޅުހާފަދަ ތަކެތީގެ ފިޔައިގައްޔާއި މުޅިގައިގައި ފަޅައިފައި ހުންނަ އެއްޗެހި (5) މަޖާޒު: ބޮލުގައި ހުންނަ އިސްތަށި
ފަތްކެޔޮ
ނ ދޮންނުވާއިރު ފަލަމަޑީގެ ގޮތުގައި ބޭނުންކުރާ ދޮންވުމުން މޭވާއެއްގެ ގޮތުގައި ބޭނުންކުރާ އެއްޗެއް. މިސާލު: ބޮންތިރަތްކެޔޮ. ސަންޕާކެޔޮ ފުސްކެޔޮ މާޅޮސްކެޔޮ ބޮޑުކެޔޮ އޮށިކެޔޮ ރަތްކެޔޮ ކަނދިލިކެޔޮ ސުވާސާކެޔޮ ފުސްމާޅޮސްކެޔޮ
ފަތްކޮޅު
ނ (1) ވަކިފެންވަރެއްގެ މަޤާމުތަކަށް އިސްކުރައްވާ ފަރާތްތަކަށް ވަޒީފާ ދެއްވިކަން އެންގެވުމުގެ ގޮތުން ދައުލަތުން ދެއްވާ ލިއުން. މިސާލު: އަތޮޅުވެރިކަމުގެ ފަތްކޮޅު. ވަޒީރުކަމުގެ ފަތްކޮޅު ސަފީރުކަމުގެ ފަތްކޮޅު (2) ޤައުމެއްގެ އިސްވެރިޔަކު އެދަރަޖައިގެ ވެރިޔަކަށް ނުވަތަ އެއަށްވުރެ ދަށުގެ މީހަކަށް ފޮނުއްވާ ރަސްމީ އެންގެވުން (3) ގަސްގަހުގެ ފަތުގެ މިންވަރެއް (4) މަޖާޒު: ބޮލުގައި މަދުން ހުންނަ އިސްތަށި
ފަތްގަނޑު
ނ (1) ކެޔޮފަތް ފަދަ ފަތަކުން ވަކިކޮށްލެވޭ ބައެއް. (2) ރަން ރިހި ނުވަތަ ތިމަރަ ފަދަ މަޢުދަނަކުން ތަޅައި ތުނިކޮށްފައި އޮންނަ އަރިވަރެއް. މިސާލު: ތިމަރަ ފަތްގަނޑު ރަންފަތްގަނޑު
ފަލަހަ
ނ )ޏ ( ކައްކާ އެއްޗެއްސަށް އަޅާ މައިގަނޑު ބާވަތް މިސާލު: ކަށިކޭލުމެޓާ ހިލާއިރު އަޅާކަށިކެޔޮ ތަރުކާރީ ރިހަކައްކާއިރު އަޅާ ތަރުކާރީ