radheef.info
ރަދީފު


ސަ
ނ ހައެއް
ބޮލާކީން
ނ ތެތްފިނިކަމުން ސަލާމަތްކުރުމަށް ބަތާނެއްގެ ގޮތުގައި ލާން ގެންގުޅޭ ކަލުކުލައިގައި ހުންނަ ދަވާދުފާޑު ގެ ތަތް އެއްޗެއް
ބޮލިހިޔަ
ނ (1) 52 އަގި (2) ސަތޭކަ ފަންސާސް ފުށްބޮލި
ބޮލިރަވަ
ނ ކުޑަކުދިން މަސަލަސްކުރާން އެތެރެޔަށް ބޮލިފަދަތަކެތި އަޅައިގެން ތަޅުވާން ގެންގުޅޭ އެއްޗެއް މިކިތަންމެ ގޮތަކަށް ހަދައިފައި ހުރެއެވެ
ބޮލިއްސަތަށި
ނ ބޮލިއްސެއް އެޅޭވަރުގެ ތަށި. ބޮލިއްސަކީ 1 ލާއްސެވެ
ބޮލިމަލާފަތަށްނެށުން
މ ދިވެހިސަގާފީ ނެށުމެއް މިނެށުން ނަށާނީ ކުޑަލޯމަލާފަތަކަށް ބޮލި އަޅައިގެން ލަވަޔަކަށް ހަމަވާނޭހެން އެތަޅުވަމުންނެވެ މިނެށުން ނަށާނީ އަންހެނުންނެވެ ނުވަތަ ފިރިހެނުން އަންހެން ހެދުން އަޅައިގެންނެވެ
ބޮލުރޮދި
ނ ގުޑިއާއި ތެލަނގަފަދަ ތަކެތީގެ މަތީކޮޅުން ބޮލަށް ވާހިސާބު ދޫކޮށް ލަންބާދުނީގެ ދެފަރާތަށް އައްސައިފައި ހުންނަ ރުދި ނުވަތަ ޖަހައިފައި ހުންނަ ރޮދި
ބޮސް
ނ (1) މާތްކޮށް ހިތުމުގެ ގޮތުން އެއްޗެއްގައި ނިތްޖައްސާ ޖެއްސުން. ނުވަތަ އެއްޗެއްގައި އަތްލައިފައި ނިތުގައި އަތް ޖައްސާ ޖެއްސުން. (2) ހުރުމަތްތެރިކަމުގެ ލޯބިން އެއްޗެއްގައި މޫނު ޖައްސައިފައި ދެތުންފަތުން ދަމާލާ ދަމާލުން (3) ދޮންދޭދިނުން
ބޮސްދިނުން
މ (1) މާތްކޮށް ހިތުމުގެ ގޮތުން އެއްޗެއްގައި ނިއްޖެއްސުން ނުވަތަ އެއްޗެއްގައި އަތްލައިފައި ނިތުގައި އަތްޖެއްސުން (2) ހުރުމަތްތެރިކަމުގެ ލޯބިން އެއްޗެއްގައި މޫނު ޖައްސައިފައި ދެތުން ފަތުން ދަމާލުން (3) ދޮންދިނުން
ބޮޑުހަނޑޫ
ނ ކަމުވޮށި ބޭފުޅުންނާއި ބޮޑުބޭކަލުންނާއި ކަނބަލުންނަށް ސަރުކާރުން އިހުގައި އިނާޔަތެއްގެ ގޮތުގައި ދެއްވި އެއްޗެއް މިއީ މަހަކު 03 ނާޅިމަގުން ދެއްވި ހަނޑުލެކެވެ
ބޮޑުހިތި
ނ (1) އިހުގައި ރަސްކަމުގެ ފަރާތުން ރަސްމީގޮތުން ފާހަގަ ކުރާ ދެދުވަހާއި އެދެދުވަހުގެ ރެއަށް ކިޔާ އުޅުނު ނަމެއް. ރަމަޟާންމަހުގެ ބާވީސް ވަނަ ދުވަހަކީ ހެންވޭރު ބޮޑުހިތި ދުވަހެވެ. އެދުވަހުގެ ރެއަކީ ހެންވޭރު ބޮޑުހިތި ވިލޭރެއެވެ. ރަމަޟާންމަހުގެ ސައުވީސް ވަނަ ދުވަހަކީ މާފަންނު ބޮޑު ހިތި ދުވަހެއެވެ. އެދުވަހުގެރެއަކީ މާފަންނު ބޮޑުހިތި ވިލޭރެއެވެ. ހެންވޭރު ބޮޑުހިތި ވިލޭރޭ ރަދުން ރަސްމީ ޢިއްޒަތުގައި ހިއްޗަށް ވަޑައިގަންނަވާނީ ލޮނުޒިޔާރަތްކޮޅުގައި ހުންނަ ޙަބުޝީގެފާނުގެ މަޤާމުފުޅަށް ޒިޔާރަތްކުރައްވައި ފާތިޙާ ވިދާޅުވާށެވެ. މާފަންނު ބޮޑުހިތިވިލޭރޭ ރަދުން ޢިއްޒަތުގައި ވަޑައިގަންނަވަނީ ޢަލިރަސްގެފާނުގެ ޒިޔާރަތަށް ފާތިޙާ ވިދާޅުވާށެވެ. (2) މާލެއަތޮޅުގެ ފަޅުރަށެއް (3) އާދައިގެ ހިތިގަސް
ބޮޑުބާލީސް
ނ ކުޑައަށީ ހުރަސް ކުނަލުގެ ބިތްކައިރީގައި އަރިޔަށް ބަހައްޓައިފައި ހުންނަ ބާލީސް. މިބާލީސް ހުންނާނީ އަށީގެ ފެންޑާއާ ވީ ފަރާތުގައެވެ. މިބާލީހުގެ ދިގުމިނަކީ ހުރަސްކުނަލުގެ ފުޅާމިނެވެ. ފުޅާމިނަކީ އޭގެ މަގަތުގައި އޮންނަ ބޮޑުކަންނޭލުގައި މެދު ބުރަކަށި ޖައްސައިލީމާ ބޮލާއި ކަނދުރާ ބާލީހުގައި ޖެހިފައި އޮންނަވަރެވެ
ބޮޑުބުމަރު
ނ ފިލާފޮތި ބުމަރު. މިއީ ނަނުގަނޑު ބުމަރަށް ވުރެ މާބޮޑު ބުމަރެކެވެ. މިބުމަރު ޖަހަނީ ނަނުގަނޑުގެ އެއްކޮޅު ބުމަރުގައި އޮޅަމުންގޮސް މަތީ ކައިރިޔާ ހަމަވީމާ ބާކީ އޮންނަ ކޮޅު ފިލާ ފޮތީގެ މެދުގައި ހުންނަ ލޯވަޅަކުން މަގަތު ފަރާތަށް ލައްވައި ފިލާ ފޮއްޗާއެކު ހިފަހައްޓައިފައި ބާރަށް ދަމައިގަތުމާއެކު ބުމަރު ހިފަހައްޓަން ޖައްސައިފައި ހުރި އިނގިލި ނައްޓައިލަނީއެވެ މިބުމަރު އެނބުރެމުންދާއިރު ވަރަށް ރީތި ބޫން އަޑެއް އިވޭނެއެވެ
ބޮޑުބޮލި
ނ (1) އިހުގައި ދައުލަތުން ހަނގުބޭކަލުންނަށް މުސާރައަށް އަހަރަކު އެއްފަހަރު ބައްސަވާ ބޮލި މިބަހަނީ ކޮއްޓެކޮއްޓޭންނެވެ މިބޮލި ހުންނަނީ ގުޅަކުޅޭ ފަސްގަނޑުގައި ވަޅުލައިފައެވެ (2) ބޮޑެތިކޮށް ހުންނަ ބޮލި
ބޮޑުކާށި
ނ (1) ބާގަޔަކަށްވުރެ ބޮޑެތިކާށި (2) މާލިއްޔާއަށް ކާށިން ވަރުވާ ބަލައިގަތް ދުވަސްވަރު ބައިލާއްސަށްވުރެ ބޮޑެތިކޮށް ހުންނަ ކާށި
ބޮޑުކުރުން
މ (1) ސައިޒުން އިތުރުކުރުން (2) ކުދިން ބެލުން (3) މަޖާޒު: ހައްދައިލުން
ބޮޑުމަޅުމަތި
ނ (1) ދައްމަޅުމަތި (2) މަސްދޯނި ފަހަރުގެ ދަންމަޅުމަތީގައި މަޅުއަޅައިފައިވާ ސަރަހައްދު
ބޮޑުމަތާދަތި
ނ ވަޑާމުގެ މަސައްކަތުގައި އިލިޖެހުމަށްޓަކައި ދެލަކުޑިގަނޑު ކައިރިކޮށް ޖައްސައި ހިމުން ކުރުމަށް ތިއްބާ އާލާތް މިއީ ކިއްސަރު ވަޑާމުގައި ބޭނުންކުރާ އާލާތެކެވެ
ބޮޑުފެހި
ނ އިހުގައި ބޯވަޅު އެޅި ލިބާސް ލައިއުޅުނު ފޭރާމެއް މިއީ ކަޅު ފެހިކުލައިގެ ފޮއްޗެއްގައި ހިމަރޮނގު ބަޔެއްގެ މެދުތެރޭގައި އެއަށްވުރެ ކުޑަތަންކޮޅެއް ފުޅާ ރޮނގެއްހެން ހުންނަ ފޮއްޗެކެވެ ރޮނގުބައި ހުންނާނީ ކަޅުފެއްސަށްވުރެ އަޅި ފެހިކުލައެއްގައެވެ މިގޮތަށް ރޮނގު ހުންނަ ރަތްކުލައިގެ ފޮތިވެސް ހުރެއެވެ އެއަށް ކިޔަނީ ބޮޑުފެހީގެ ރަތެވެ
ބޮޑުދުން ބެހުން
މ ބޮޑުދުންދޭ ފަންސަވީސް ޒިޔާރަތަށް ދުންފޮނުވުން
ބޮޑުދުންދޭ ޒިޔާރަތް
ނ ބޮޑުދުމާދާއިރު ދުޢާވެރިކަން ކިއަވަން މަޑުކުރާ ފަންސަވީސް ޒިޔާރަތް، އެއީ (1) އަބުލް ބަރަކާތުލް ބަރުބަރީ ޒިޔާރަތް (2) ސައްޔިދު ރަސްގެފާނުގެ ޒިޔާރަތް (3) އައްސައްޔިދު ސާމީ އަލްމުރުތަޟާ ޒިޔާރަތް (4) އައްސުލްޠާނުލްޣާޒީ މުޙައްމަދު ޝަމްސުއްދީނު ޒިޔާރަތް (5) އިސްކަންދަރު މަހާރަދުންގެ ޒިޔާރަތް (6) ޙަސަން ޢިއްޒުއްދީނު ރަދުންގެ ޒިޔާރަތް (7) މުޙުޔިއްދީނު ރަދުންގެ ޒިޔާރަތް (8) މުޙައްމަދު ޢިމާދުއްދީނު ދިޔަމިގިލީ ރަދުންގެ ޒިޔާރަތް (9) އިބުރާހިމު ރަސްގެފާނުގެ ޒިޔާރަތް (10) ދަންނަ މުޙައްމަދު ރަސްގެފާނުގެ ޒިޔާރަތް (11) ދަރުމަވަންތަ ރަސްގެފާނުގެ މިސްކިތް (12) ޙަބުޝީގެފާނުގެ މަޤާމް (13) ފަޤީހުމޫސާގެ ޒިޔާރަތް (14) ފަތާލީސީދީގެ ޒިޔާރަތް (15) ބޮޑުރަސްގެފާނު ޒިޔާރަތް (16) ޙާޖީ އެދުރުކަލޭފާނުގެ ޒިޔާރަތް (17) އިބުރާހީމު ރަސްގެފާނު (އަލްހިލާލީ) ގެ ޒިޔާރަތް (18) ފަޤީހުސުލައިމާނުގެ ޒިޔާރަތް (19) މާފަންނު އާމިސްކިތްތެރޭ ޒިޔާރަތް (20) ޤާޟީ ޢީސަލްޔަމަނީގެ ޒިޔާރަތް (21) ޢަލީ ރަސްގެފާނުގެ ޒިޔާރަތް (22) ޢުމަރުމާފަތް ކަލޭފާނުގެ ޒިޔާރަތް (23) ދޮނަކުޅީޝައިޚުކަލޭފާނުގެ ޒިޔާރަތް (24) ދޮންބުޅާފާށަނޢގެ ޒިޔާރަތް (25) ދެބޭރަނިންގެ ޒިޔާރަތް