radheef.info
ރަދީފު


ގަނޑު
ނ (1) އެއްޗެއް ދެރަކޮށްލުމުގެ ގޮތުން ބުނާބަހެއް. މިސާލު: މުންޑުގަނޑު. (2) މުޅި އެތިކަން އެންގުމަށް ބުނާ ބަހެއް. މިސާލު: ކެޔޮގަނޑު. (3) އަންހެނުންނާއި ޅަދަރިންނަށް ލޯބިން ވަކިނަމަކާ ގުޅުވައިގެން ކިޔާ ނަމެއް. މިސާލު: )ހ( ލޯބިގަނޑު. )ށ( ކުއްޖާގަނޑު. (4) ހަށިގަނޑުގެ ލޭ ނުބައިވުމުގެ ސަބަބުން ދުޅަވާ މުލިހި ފާޑުގެ ތަނެއް. މިސާލު: އޭނާގެ އުކުޅުވަޅުގައި ގަނޑެއް ނަގައިފިއެވެ. (5) ލަކުޑިން ހަދައިފައިވާ އެއްޗެއް މަރާމާތު ކުރުމަށާއި އަދި މިނޫންވެސް ގޮތަކުން ލަކުޑިގަނޑަކަށް ގުޅާލާ ލަކުޑީގެ ބައި. (6) ވަކި ސަރަހައްދެއް ކަނޑަ އެޅުމުގެ ގޮތުން ބުނާ ބަހެއް. މިސާލު: ތަންގަނޑު މީހުން. (7) އެއްޗެއްގެ ބައެއްކަން ދޭހަކޮށްދިނުމަށް ބުނާ ބަހެއް. މިސާލު: މަސްގަނޑު. (8) ތަގަރި. (9) ފިނިވެގެން ގޮސް ވާހަރު. )01( ގަނޑުފިއްލާ ކުޅޭއިރު ފިލުވައި ނިވާކޮށްފައި އޮންނަމީހާ (11) ބައެއް ކުޅިވަރު ކުޅުމަށް ބުނެއުޅޭ ބަހެއް މިސާލު: )ހ( ރާޒުވާ ގަނޑެއް ޖަހައިލުން )ށ( ތާސްގަނޑެއް ޖަހައިލުން (21) ކަރުދާސްއަރި މިސާލު: ކަރުދާސްގަނޑު
ބޮނބިއޮޑި
ނ އޮޑިޔެއްގެ ސިފައިގައި ރިޔާނަގައިގެން ދުވާނޭހެން ހަދައިފައި އޮންނަބޮނބިގަނޑު މިއީ ކުޑަކުދިން ކުޅެން ގެންގުޅޭ އެއްޗެކެވެ
ބޮނބިފަތްކަޅިހި
ނ އޮޑިދޯނިފަހަރު ބަނުމުގައި ބޮނބިފަތްކަފާފާއޮންނަ ހިލަތޮށިގަނޑުން ހަދައިގެން. ކިއްސަރު ވަޑާމުގައި ވަޑިންގެންގުޅޭ ދެލިޖައްސައިގެން ފާހަގަލާ ކަށަވަރު
ބޮނބިތަޅާމުގުރު
ނ ބޮނބިތަޅާން މުށްވަޅު ލައިފައި އޮންނަ ކުރެދިގަނޑު
ބޮނބިތަޅާގަނޑު
ނ ތަޅާބޮނބިގަޑު ބާއްވާން އޮންނަލަކުޑި ގަނޑު
ބޮނބިތެޅުން
މ ބޮނބިގަނޑުން ނަރުވަކި ކުރުމަށްޓަކައި ބޮނބިފާކޮށްގެން ތަޅާ ކުނޑި ފިލުވުން
ބޮނބިގަނޑުފުރުވުން
މ (1) މީދާމޫދުގައި ހުންނަ ކާށިގެއަށް އަރާން އޮއިހުންނަގޮތް ބެލުމަށްޓަކައި ބޮނބިގަނޑު މޫދަށް ބޭލުން (2) މަޖާޒު: ތިމާފާޅުނުވެހުރެގެން މީހަކު ލައްވައި ތިމާއަށް ކަމެއް ފަހިވޭތޯ ބެއްލުން
ބޮނޑަނަ
ގޮނޑުދޮށު ދޫނީގެ ބާވެތެއް. މިއީ ހަށިގަނޑު ބޮނޑިމަސް ތުންކުރު ދޫންޏެކެވެ. މިދޫނީގެ ދެފިޔައިގެ މަތީ ފަރާތާއި ބުރިކަށިމައްޗާއި ބޮލުތަލަމަތީ ގައި ހުންނަނީ އަޅިކުލައެވެ ކަރު ދަށުން ފެށިގެން ބަނޑުދަށާއި ފިނދުފަތް ހުންނަނީ ހުދުކުލައެއްގައެވެ ތުންހުންނަނީ ކަޅުއަޅި ކުލައިގައެވެ
ބޮނޑަވަކި
ނ (1) ކަނޑުގަސް ޒާތުގެ ބޮޑުގަހެއް. މިގަސް ހެދެނީ ގާތްގަނޑަކަށް 01 މީޓަރާ 51 މީޓަރާ ދެމެދު އުސްމިނުގައެވެ. މިގަހުގެ ލަކުޑިއަކީ ވަރުގަދަ ހަރު ލަކުޑިއެކެވެ. (2) ބޮޑަވަކި ގަހުގެ ވައް މިވައް ހުންނަނީ އަރިއަރިޔަށް ހިމަދިގުކޮށެވެ ކަނޑޫވަކަށްވުރެ ބޮޑުވާނެއެވެ ވަކުގެ ފޫޅުގަނޑު ހުންނާނީ ވަކިގަނޑެއްހެނެވެ
ބޮނޑި
ނ (1) ފޮތިފަށްތަކެއް އޮޅައިގެން ހަދައިފައި އޮންނަ ހަރު ގުޅައެއް. މިއީ ގަނޑު ފިއްލާކުޅޭއިރު ފޮރުވަން ހަދައިފައި އޮންނަ އެއްޗެކެވެ. (2) ބޮނޑިކުޅުމަށް ގެންގުޅޭ ރަބަރު ބޯޅަ. (3) މަހުގެ ކަށިފަތިކަހައިގެން ނަގާ މަހުން ގުޅަވަށައިގެން ކައްކައިދިލަ ޖައްސާފައި އޮންނަ ގުޅަ. (4) އެއްކޮށް ބަނދެފައި އޮންނަ އެއްބާވަތެއްގެ އެއްޗެހި މިސާލު: )ހ( ބިލެތްބޮނޑި )ށ( ރޯނުބޮނޑި )ނ( ފަންބޮނޑި (5) ފޯލިކޮށް ހަދައި ބޭރުގައި ފަތްލައިފައި ހުންނަ ފޮނި ހެދިކާއެއްޗެއް: ޢާއްމުކޮށް މިހަދައި އުޅެނީ ގަބުޅި ހުންޏާއި ދިވެހި ހަކުރާ އެއްކޮށް ހިލައިގެންނެވެ. މިސާލު: ހުވަދޫބޮނޑި. (6) މީހުންނާއި ޖަނަވާރުގެ ގައިގައި ޖަހާ އެތިފަހަރު. (7) ލިބޭކެހި ނުވަތަ ދޭކެހި (8) ފޮނިބޯކިބާ (9) )ސ ޏ ( ބޭނޑި )01( ވެށުން
ބޮނޑިބަތްބޮލި
ނ ބޮލީގެ ބާވަތެއް. މިއީ ދޮޅު އިންޗިއެއްހާ ބޮޑުމިނުގެ ތޮށިގަނޑު ވަރަށް ބޯކޮށް ހުންނަ ބޮއްޔެކެވެ މިބޮލީގެ ބުރިކަށިމަތި ހުންނަނީ ދޮންކުލައިގެ ތިކިތަކަކުން މާތަކެއް ޖަހައިފައި ހުންނަ ކަހަލަ ގޮތަކަށެވެ މިތިކިތައް ހުންނަގޮތުން ވައްތަރުވާނީ ކުދިބަތު ބޮނޑިބަތް ތައްޓަށް އަޅައިފައި ހުންނައިރު ފެންނަ ގޮތާއެވެ
ބޮނޑިބޯށި
ނ ބޯށި ގަހުގައި ނުފޮޅި ހުންނަ މާގަނޑު
ބޮނޑިކޮޕީ
ނ ތަރުކާރީގެ ބާވަތެއް. މިއީ ގަސްގަނޑު )ބޭރަށް( ވަކިން ނުފެންނަ ގޮތަށް ފަތްތައް އެކަތިގަނޑަކަށް )ބޯޅައެއްގެ ސިފަޔަށް( ބޮނޑިވެފައި އޮންނަ ތަރުކާރީއެއްގެ ގޮތުގައި ބޭނުންކުރާ ކުޑަ ގަހެކެވެ
ބޮނޑިމަސް
ނ (1) ނއ ފަތިހަށިކަމުގެ އިދިކޮޅު (2) ހަށިގަނޑު މެދުމިނަށްވުރެ ބޯ (3) ގަނޑުވަރުތެރޭގެ ބަހުރުވައިގައި ކަނޑުކުކުޅު
ބޮނޑިފޮރުވުން
މ ގަނޑު ފިއްލާ ކުޅޭއިރު މޮޅުވާބައިގެ މީހުން ކުރާ ކަމެއް. މިކަންކުރާގޮތަކީ 21 ލަނޑު ހަމަވީމާ ބޮނޑި ފޮރުވަނީއެވެ. ދެރަވިމީހުން ބޮނޑި ހޯދަމުންގޮސް ފެނިއްޖެނަމަ މޮޅުވިބައިގެ މީހުން ރިހަޔާބަތާ ކައްކައިފައި އަނެއްބަޔަށް ކާންދޭން ޖެހުނީއެވެ. ބޮނޑިނު ފެނިއްޖެނަމަ އެމީހުން ބޮނޑިފޮރުވި މީހުން ރިހަޔާބަތާ ކައްކައިފައި ކާންދޭން ޖެހޭނެއެވެ
ބޮނޑިތާން
ނ (1) އެތެރެއަށް ބޭސްއަޅައި ފޮތީން ބަނދެފައި އޮންނަ ބޮނޑިޔެއް (2) ބޮނޑިތާންކުރާ ފޮތިގަނޑު
ބޮނޑު
ނ ހަތަރެސްފައި ހުންނަ ސޫތްޕެއް މިއީ ހޯނާ ވައްތަރުގޮތަކަށް އޮންނަ ހޯނަށްވުރެ ބޮޑު ސޫތްޕެކެވެ މީގެ ނަގޫދިގެވެ މިއީ ހަންގަނޑުބޯ ހަމުގައި ހުޅުނބު ވައްތަރު އެއްޗެއް ހުންނަ އެއްޗެކެވެ މީތި ބިސްއަޅަނީ ބިމުގައި ވަޅު ކޮނެގެންނެވެ މިޢާންމުކޮށް އުޅެނީ ގަސްގަހުގައެވެ
ބޮޅުވޮށި
ނ އެކިވަރުގެ ބޮޅު ވަށްކުރާންގެންގުޅޭ އެކި ވަރުގެ ދަގަނޑުކޮޅު މިއަށް "މުދިވޮށި" މިހެންވެސްކިޔައެވެ
ބޮޅުފަތިނެއްޓުން
މ އިހުގައި ކުޅެއުޅުނު ކުޅިވަރެއް މިކަންކުރާގޮތަކީ ނަރުގަނޑަކަށް މަހައިފައި އޮންނަ ބޮޅުފައްޗެއް އެކުގައި ނަރުގަނޑުން ވަކިކޮށްލުމެވެ މިއީ ހިކުމަތަކުންނޫނީ ވެވޭކަމެއްނޫނެވެ
ބޮކަރުގަސް
ނ ފަތްތައް ބޮނޑިބޮނޑިއަށް ހުންނަ ގަސްގަނޑުދިގު ލަކުޑީގައި މީރުވަސް ދުވާ ގަހެއް މިއީ ވަރަށް އުމުރުދިގު ގަހެކެވެ މީގެ ލަކުޑީން އަތަރުހަދައެވެ
ބޮކިފަތިގަނޑު
ނ ރަހަފަތިގަނޑު