radheef.info
ރަދީފު


ދާ
ނ (1) މަސްހިފުމަށްޓަކައި ރޮދިފަދަ އެއްޗަކުން ގޮޅިގޮޅި އަށްވާގޮތަށް ބަނދެފައި ނުވަތަ ހަދައިފައިވާ އެއްޗެއް (2) މައުދަނީ ފަށްތަކުން ގޮޅިގޮޅިޔަށް ވާގޮތަށް ހަދައިފައި ހުންނަ އެއްޗެހި (3) ގައިގެހަމުގައި ހުންނަ ލޯވަޅުތަކުން ނުކުންނަފެން (4) )ޏ ސ ( ފުނޑާ ދައި (5) )ގ ( ދޯ (6) "ދިއުން" މިބަހުގެ ވާކަން (7) ދާވުން މިބަހުގެ ނަން އިތުރު
ބިލެތްގޮށި
ނ (1) ބޮންތިފަނުން ބިލެތް އަޅާން ހަތްފޫ ލައިގެން ވިޔާ ކުޑަގޮނެއް (2) ހަދިޔާއަށްދޭ ބިލެތްއަޅަން ކަށިކެޔޮފަތުން މައްޗަށް ހިމަކޮށް ހަދާ ބާވަތެއްގެ ގޮއްޓެއް (3) ބިލެތް އަޅާން ކަރުދާސްފަދަ ތަކެތިން ހަދާގޮށި
ބިލެތްގޮށީވިޔަ
ނ ފަސްމައިގަނޑު ވިޔައިގެ އުޞޫލުން ހަދާ ވިޔައެއް
ބިގަރު
ނ ކަރާސީނުތެޔޮ އަޅައި ގުންބާކޮށްގެން ދިއްލާ އަލިގަދަ ބައްތިޔެއް މިދިއްލިފައި ހުންނާނީ އަނދާ އަޅިޔަށްވެފައި ހުންނަ ދާގަނޑެއްގައެވެ
ބިސްއުޅާލި
ނ ކުކުޅުބިސް އަޅައިގެން ހަދާ އުޅާއްޔެއް
ބިސްމަޅި ދުއްވުން
މ (1) ކުކުޅެއްގެ ބިސްހާލި ހޯދުމަށް ކުކުޅުގެ ފައިގައި ދިގު ރޯނުގަނޑެއްޖަހާ ދޫކޮށްފައި އެވަންނަތަކެއް ބަލާން ފަހަތުން ހިނގުން (2) މަޖާޒު: ހީލަތުން ކަމެއް ހޯދާން އުޅުން
ބިސްފެއްތުން
މ )ޅ ( އެންދަމާ ދާ އަޑިއަށް ފައްތާއިރު ފުރިފައި އޮންނަ ގޮނި އަޑިއަށް ފޮނުވުން
ބިޑި
ނ (1) ކުށްވެރިންގެ އަތްފައިގައި އަޅާ ކަސްތޮޅު. (2) ދުންފަތުގެ އިސްތިޢުމާލު ކުރުމަށްޓަކައި އެތެރެއަށް ދުންފަތް އަޅައިގެން ފަތުގައި ނުވަތަ ކަރުދާހުގައި އަނބުރާ އެއްޗެއް (3) ދަގަނޑު ހޮޅިފަދަ އެއްޗެހި އެއްކޮށް ހަރުކުރުމަށް އަޅުވާ ތަޅެއް
ބުހި
ނ )ވ އ ( ރުކުއަޅުވަންދާމީހާ
ބުން
ނ (1) ގަހުވަހަދާއޮށް (2) ނާފަހަރުގެ ގޯސީގެ ދަންމާނު ދަމާން ދުއްވާފައި އޮންނަ ގަސް (3) ސަބުދެރިޔާ މަތީން ދިރުނބަލަށް ނެރެފައި އޮންނަގަސް (4) ޒީލައިގެ އިދިކޮޅު (5) )ބދ ( ބަޑި (6) މަޒާޖު: ރުޅިމައްޗަށް ގޮސްގެން އަގައިން ނުބުނާ ނުބުނުން
ބުންބަރު
ނ )ހ ( މިސްކިތު ދޮށުގައި ނުވަތަ މިސްކިތާ މީހުން އުޅޭ ހިސާބާ ދޭތެރޭގައި ހުންނަ މިންބަރު މިއީ ހުކުރަށް ގޮވަން ހަދާފައި ހުންނަ ތަނެކެވެ
ބުރަކިބޯޅަ
ނ (1) ކްރިކެޓް ކުޅޭއިރު ފެނުޖެހިފައި ވަކިދިމާއަކަށް ބޯޅަދާގޮތަކަށް އަނބުރައިފައި އެއްލާބޯޅަ (2) ޓެނިހާއި ޓޭބަލްޓެނިސް ކުޅުމުގައި ބޯޅަވަކިއަތަކަށް އެނބުރޭގޮތަށް ޖަހާބޯޅަ
ބުރަކިކުރުން
މ (1) ކުރިކެޓް ކުޅޭއިރު ފެނުޖެހިފައި ވަކި ދިމާއަކަށް ބޯޅަދާގޮތަށް އަނބުރައިފައި ބޯޅައެއްލުން (2) ޓެނިހާއި ޓޭބަލްޓެނިސް ކުޅުމުގައި ވަކިއަތަކަށް އެނބުރޭގޮތަށް ބޯޅަޖެހުން
ބުރުދާވެރިން
ނ ބުރުދާ ކިއުމުގެ ހުއްދަ އޮންނަ ބުރުދާކިޔާ އުޅޭމީހުން
ބުރެކި
ނ އެމުގެ ބާވަތެއް މިއީ ހިމަ ދިގުކޮށް ބޯކޮޅަށް ވަށްކޮށް ހުންނަ މަހެކެވެ މަހުގެ ނަގޫ ވަރަށް ބޮޑަށް ކަފިވެފައި ހުރެއެވެ އަދި ނަގޫކޮޅު ހިމަވެގެން ގޮސް ނަރުވާޔަކަށް ބަދަލުވެފައިވެއެވެ މަހުގެ ކަންފަތްގަނޑު ބޮލަށްވުރެ ކުޑަތަންކޮޅެއް ކުރުވާނެއެވެ މަހުގެ ބުރަކަށި މަތީގެ ކުލައަކީ ފެހިކުލައަކަށްދާ ދަނބު ކުލައެކެވެ
ބުރޮޅި
ނ އޮށްބޭހުގެ ފަސްބާވަތުގެ ތެރެއިން އެއްބާވަތެއް މިއީ ވަށްކޮށް އެއްކޮޅު ތަނޑެއްގެ ސިފައަށް ކުޑަކޮށް ދިގުވެލައިފައި ހުންނަ އެއްޗެކެވެ ބޭރު ހުންނާނީ އޮމާންކޮށެވެ މީގެ ކުލައަކީ މުށިކުލައަކަށްދާ އަޅި ކުލައެކެވެ ޢާއްމުކޮށް ބޭހަށް ބޭނުން ކުރަނީ ބުރޮޅިގެ ބޭރެވެ ބައެއްކަހަލަ ބޭހަށް މީގެ މަދުވެސް ބޭނުން ކުރެއެވެ
ބުޅަލުހަނގުރާމަ
ނ ދެމީހަކު ވަކިއަޅާ ދާނައި ހަދަމުންވާ އަރައިރުން
ބުޅަލުދޫ
ނ އާދަކޮށް ހަދާ ވަރަށްވުރެ ކުދިކޮށް ހަދައިފައި ހުންނަ ހުނިހަކުރު ފަތަފޮޅި
ބުއްރާސް
ނ (1) ކުކުޅުހައު ކުއްލިއަކަށް އަޑުގޮއްވަމުން އުދުހިގެންދާ ދިއުން (2) މަޖާޒު: ރުޅިގަދަ އަންހެނުން ރުޅިއައިސްގެން ހަޅޭލަވައިގަންނަ ގަތުން
ބުއްދިބޯ
ނ (1) ވިސްނުންތެރިޔާ (2) ތިމާ ބޭނުންވެގެން އުޅޭކަމެއް ހާސިލުކޮށް ގަތުމަށް ކުޅަދާނަ މީހާ (3) ހީލަތްތެރިޔާ (4) މަކަރުވެރިޔާ
ބުދި
ނ (1) ބޮލީގެ ބާވަތެއް (2) ބައެއް ރުއްގަހުގައި ގަންނަ ތަކެތީގެ ތެރޭން ހުލިވެ ކަމުނުދާގޮތް ވެފައި ހުންނަ ތަކެތި