radheef.info
ރަދީފު


ފަދަ
އ (1) ކަހަލަ (2) ގޮތް
އެއްކައުވަންތަ
ނއ (1) އެއްވެސް މަޢުނައެއްގައި ޝަރީކަކުނެތް (2) އެއްވެސްކަމަކުން އެއްފަދަ އަނެކެއްޗެއްނެތް މިއީ ﷲ އަށް ޚާއްޞަ ސިފަފުޅެކެވެ
އެއްލުން
މ (1) އަތުން އެއްޗެއްގައި ހިފާ އެ ދުރަށްދާނޭހެން އަތުން ދޫކޮށްލުން. (2) ގުޑި ތެލަނގަ ފަދަ ތަކެތި ހިފައިގެން ހުރެފައި ނަނުގައި ހުންނަ މީހާ ބުނީމައި މައްޗަށް އަރައިގެން ދާނޭހެން ދޫކޮށްލުން. (3) މަސްބޭނުމަށްޓަކައި ނަނުގެ އެއްކޮޅު ހޫރާލުމާއެކު މޫދަށް ދޫކޮށްލުން. މިހެން ހަދަނީ ނަނުގެ ކޮޅުގައި އޮންނަ ބުޅީގައި އެން އަޅައިފައެވެ. )އެއްލި ނނކ އެއްލައިފި ނކ އެއްލަނީ ވވ އެއްލާނެ ވނ އެއްލާ! އމ
އެއްގޮތްކުރުން
މ (1) އެއްފަދަކުރުން (2) އެއްވައްތަރުކުރުން
އެއްގޮތްވުން
މ (1) އެއްފަދަވުން (2) އެއްވައްތަރުވުން
އެއްޗެހިކިޔުން
މ (1) ހިތާނުވާ ވާހަކަދެއްކުން (2) ހިތާނުވެގެން ވާހަކަދެއްކުން (3) މަލާމާތްކުރުން (4) ޅެން ފަރިހި ފަދަ ތަކެތި ރާގުގައި ކިޔުން
އެމުނި
ނ (1) ދޮރުފޮތިގަނޑުފަދަ އެއްޗެހީގެ ކައިރިއަށް ނަނުލައްވާން މަޅައިފައި އޮންނަތަން (2) ރިޔަލުގެ ކައިރި މަޅައި އޭގެ ތެރެއަށް ލައްވައިފައި އޮންނަ ނަނުފަށް
އެމުނުން
މ ނަރު ދަނޑިފަދަ އެއްޗަކަށް އަނެކައްޗެއް މަހައިލުން މިސާލު: ތަސްބީހަ އެމުނުން ސިޓީ އެމުނުން
އޮހޮރުން
މ (1) އޮހުން. (2) ދިޔާއެއްޗެއްފައި ބައިގަތުން މަޖާޒު: (3) މީހަކަށް އާދަޔާ އިޚިލާފުވާ ފަދަޔަކުން އެއްޗެހިތަކެއް ލިބެމުން ދިއުން. ރ. އޮހޮރި ނނކ އޮހޮރައިފި ނކ އޮހޮރަނީ ވވ އޮހޮރާނެ ވނ އޮހޮރާ އމ ރނ. އޮހޮރުން. ނނކ އޮހޮރިއްޖެ ނކ އޮހޮރެނީ ވވ އޮހޮރޭނެ ވނ އޮހޮރޭ އވ
އޮށް
ނ (1) އޮށްޓަރު (2) ބައެއްގަސްގަހުގައި އަޅާވައް (3) ގަސްގަހުގެ ވަކުގެ ތެރޭގައި ހުންނަ އޮށްޓަރު (4) ބިއްލޫރިއާއި ލަކުޑިފަދަ އެއްޗެތީން ހަދައިފައި ހުންނަ ކުދިގުޅަ (5) ލޮލު ތެރޭގައި އޮންނަ ހުދުގުޅަ (6) އުރަވަޅީތެރޭ ހަރުކޮށް އޮންނަ ދެގުޅަ (7) ޖަމަލު
އޮނި
ނ (1) ތާރަ ބެރުފަދަ ތަކެތީގެ ކޮޑިގަނޑު (2) ގުޑިފަދަ ތަކެތީގެ ދުނިގަނޑު (3) ބައެއް އެއްޗެތީގެ އެތެރޭގައި ހުރުން ލާޒިމުކުރާ ތަކެތި ނެތުމުން ބުނާގޮތެއް (4) މީހާގެ ހަށިގަނޑު (5) )ތ ( ކަނޑުހޮޅި
އޮނިގަނޑު
ނ (1) އިންސާނާއާއި ޖަނަވާރުގެ މަސްފިލައިފައިވާ ހަށިގަނޑު (2) ގުޑިތެލަނގަ ފަދަތަކެތީގެ ދުނިގަނޑު (3) އޮނި
އޮނުފަތިރާރާ
ނ ވޮއްޑުންޏެއްގެ ސިފައިގައި ލަނބައިފައި އޮންނަ އޮނުފަތި ކޮޅެއްގައި ކަށިކެޔޮ ގަހު ހިކިފަތުގެ ވަރުފަށެއް ނުވަތަ އެކަހަލަ ކޮންމެވެސް އެއްޗެއް ހަރުކޮށްގެން ހަދާއެއްޗެއް. މިއީ އެއްލާމަޑި ވައު ކޮކާފަދަ އެއްޗެތީގެ މައި ދުނީގެ މަތީކޮޅުގައި ހަރުކޮށްގެން ކައްޗާ ދުއްވާއިރު ވަރަށް ރީތި އަޑެއް ގޮވާއެއްޗެކެވެ
އޮޅުން
މ (1) އެއްޗެއްގެ އަސްލުނޭގޭ ގޮތްވުން. (2) ކަމެއްނުފިލާގޮތްވުން. (3) ނަނު ބަރަނިފަދަ ތަކެތި ލާމެހިގެންގޮސް ފިލުވަން އުނދަގޫވާގޮތްވުން. (4) ފިރޯއްޓަށް ބަރަނިއުއި ފަދަތެކެތިވެށުން. (5) ދަނޑިފަނޑަކަށް ނަނު ވެށުން. (6) ބުއްދި ޙައިރާންވުން. (7) ކަންކުރާންވީގޮތް ނޫން އެހެން ގޮތަކަށް ނޭނގިގެން ކުރެވުން
އޮއި
ނ (1) ކަނޑާއި މޫދު ފަދަ ތަންތާގެ ލޮނުގަނޑު ނުވަތަ ފެންގަނޑު ކޮންމެވެސް އެއްކޮޅަކަށް ދެމޭދެމުން (2) މިދެމޭ ބާރު އާހުގައި ހިނގާ މިފަދަ ބާރަކަށްވެސް މިހެން ކިޔައެވެ
އޮއްބުން
މ (1) މީހަކުލައްވާ އޮބުވުން (2) ފަތިމެޅުން (3) ކައިރިމެޅުން (4) މަސްހިފާންޖަހާ ދައުފަދަތަކެތީގެ ތިރީކައިރި ބިމުގައި ޖައްސައި ހިފެހެއްޓުން (5) ވަށައިދެމިމަދިރިގެ ފަދަތަކެތީގެ ތިރީކައިރި ގޮދަޑި ދަށަށް ލެއްވުން (6) މަޖާޒު: ވަންހަނާކުރުން (7) ނުފެންނާނޭ ގޮތް ނުވަތަ ނޭގޭނޭގޮތް ހެދުން
އޮއްސުން
މ (1) އިރު ހަނދު ތަރި ވިލާފަދަ އުޑުމަތިން ފެންނަ ތަކެތި އުދަރެހާ އެޅި ނުފެންނަގޮތްވުން. (2) ގޮސް އަނބުރާ ނުފެންނާނޭ ގޮތެއްގައި އަނބުރައިލުން. (3) ރުއް ގިނަދުވަސްވެގެންގޮސް އެއްޗެއް ނުގަންނަގޮތްވުން މިހެން ވީމާ ކިޔަނީ "ކުރިއޮއްސުމެ"ވެ (4) މަޖާޒު: މީހަކު އަނބުރާ އަންނާން ތާކަށް ގޮސްފައި ދެން ނައުން (5) މީހަކު އަލުން ކުރިނާރާ ގޮތުގައި ދަށަށް ދިއުން
އޮގަރުލޮންސިކޮޅު
ނ ރަދުންގެ ޚާއްޞަ ލޮންސިކޮޅު މިގެންދާނީ ރަސްކަމަށް ކޮލިލާ ދުވަސްވަރު ފަދަ ޚާއްޞަ ދުވަސް ދުވަހަށެވެ
އޮޑިހަނު
ނ ބޭސްފަދަ އެއްޗެހި ގޭނުމަށްޓަކައި ކުރަދާއި ލާއިން އޮޑިބުރަށް ހަދައިފައި ހުންނަ ހަނެއް މިހަނު ވަށްކޮށްވެސް ހުރެއެވެ
އޮޑިވަރުދޯނގި
ނ ހުޅުހުޅު ދުޅަވާ ބައްޔެއް. މިބަލީގައި ބައެއް ފަހަރަށްމޫނު ފޮއްސިވުން ހުޅުހުޅުގައި ކުރަހެދުން ފަދަ ގޮތްވެސް ވެދާނެއެވެ
އޮޑިވަޅު
ނ (1) އޮޑިދޯނިފަހަރު ބަނުމަށްޓަކައި ބަހައްޓާތަން (2) އެފަދަ އެއްޗެތި އެހެލައިފައި ބަހައްޓާތަން