radheef.info
ރަދީފު


މަތި
ނ (1) ތިރީގެ އިދިކޮޅު (2) އެއްޗެހީގެ އަނގަމަތި ނިވާކުރަން ޖަހާ ނުވަތަ ބާއްވާއެތި (3) ދަށުގެ އިދިކޮޅު (4) އެއްޗެއްގެ މަތީކައިރި (5) ހަމައެއްޗެއްގެ ސަތަހަ (6) އެއްޗެއްގެ މަތީކޮޅު
ފުޅައްމައްޗަށް އެރުން
މ އިހުގައި ފުޅައްމަތިން މަގުމަތި ބަލަން އަރަން ހަދައިފައި ހުންނަ ތަނަށް އަރައި ހަވީރު ފިންޏަށް މަގުމަތި ބެލުން
ފުޅައްމަތިން އެރުން
މ (1) ގޭގޭގެ ފާރުމަތިން ނުވަތަ ފުޅަށްމަތިން އަރައިގެން ގޭގެއަށް ވަނުން (2) މަޖާޒު: މާ ބާރަށް ދޮރޯށި ޖަހައިފައި ވަނީމާ ބުނެ އުޅޭ ބަހެއް
ފެންމަތި
ނ ކަނޑާއި ފެންފެންގަނޑުގެ މަތި ނުވަތަ ސަޠުޙު
ފެންމަތިއަނދިރިވުން
މ އުޑުމައްޗަށް އަންނަ ބަނަކަމެއްގެ ސަބަބުން ނުވަތަ އިރު އޮއްސުމުގެ ސަބަބުން ދުނިޔެމަތި އަނދިރިވުން މިއީ ކަނޑު ދަތުރުކުރުމުގައި ބޭނުންކުރާ ބަހެކެވެ
ފެންފިލާ
ނ (1) އޮޑިދޯނިފަހަރުގެ އެންމެ ދިރުނބާކޮޅުގެ މަޅު (2) ފަނާމަތި
ދޮޅިމަޑޫ
ނ ދޯނިފަހަރުގެ މަތިކަން ޖެހުމުގެ ކުރިން އެންމެ ފަހުން ޖަހާ މަޑޫ
ދޮޅިދާން
ނ ބޯކުގޮތަށް މަތިހަދައިފައި ދެކޮޅުގައި ކޮނޑުއަޅައިގެން ގެންދެވޭ ގޮތަށް ހުންނަ އެނދު
ދޮލަނގު
ނ (1) ތަފާތު ވައްތަރުގެ ކާއެއްޗެހި އަޅައިފައި ހުންނަ ތަށިތައް އެތުރުމަށާއި ހަނޑޫ ހޮވުންފަދަ ކަންކަމުގައި ބޭނުންކުރުމަށް މައުދަނީ އެއްޗެހިން ހަދައިފައި ހުންނަ އެއްޗެއް. މި ތަފާތު ބޮޑުމިނުގައި ހަދައިފައި ހުރެއެވެ (2) ކާއެއްޗެހި އަޅައިމަތި ބަނދެފައި ހުންނަ ދޮލަނގު
ތޮށަލި
ނ (1) ރުކުގެފަން މެދުން ފަޅައިލައިފައި ފަންވަތްތައް އެއްވަތުމަތިން އަނެއްވަތު ދަށުން ނަގައި ވިޔެފައި ހުންނަ އެއްޗެއް މިއީ ގޭގޭގެ ބިތުގައި ޖެހުމަށާއި ފުރާޅުގައި ލުމަށް ބޭނުންކުރާ އެއްޗެކެވެ (2) ރުކުގެ ފަން މެދުން ފަޅައިލައިފައި ދެފަޅީގެ އޮށިގަނޑު ދެފަރާތަށް ހުންނަގޮތަށް ދެފަޅިއެއްކޮށް ވިޔެފައި ހުންނަ އެއްޗެއް މިއީ މަސް ބެހެއްޓުމަށް ވިޔެފައި ހުންނަ އެއްޗެކެވެ
ތޮށިތެޅުން
މ (1) ދިޔަވަރު ހިކިފައި އޮންނައިރު ފަރުމަތިން މަސްހިފުން (2) މުރަނަތޮށި ހުންނަ ދަނޑިފަދަ ތަކެތީގެ ތޮށި އެއްޗަކުން ތަޅައިގެން ނެއްޓުން
ގޯޅިކަންމަތި
ނ (1) ގޯޅީގެކަން (2) ގޯޅިއާއި އެގޯޅިއަކާ ގުޅޭމަގާ ބައްދަލުވާކަންމަތި
ފިހިގަނޑު
ނ (1) ބޮނބި ނުވަތަ އެފަދަ އެއްޗެއްގެ ނަރުން ހަދައި ދަނޑިއެއް ލައިފައި އޮންނަ އެއްޗެއް. މިއީ ކުނިކަހަން ބޭނުންކުރާ އެއްޗެކެވެ. (2) ތަރަފާލާއި ތަޅުންގަނޑު މަތިން ހިރަފުސް ފިލުވަން އުއި ފަށްތަކަކުން ހަދައިގެން ގެންގުޅޭ އެއްޗެއް. ހިރަފުސް ފިލުވުން މި ބޭނުން ކުރަނީ ފެނުން ތެންމައިލައިގެންނެވެ (3) ފިހިގަނޑު ބުމަރު ޖަހަން ރޯ ދިއްގާ ދަނޑިން އެއްކޮޅުގާ ވަކަފަށްތައް ހުންނަ ގޮތަށް ހަދާ އެއްޗެއް
ފިހުނުބަނބުކެޔޮ
ނ އުނދުނުގެ ހޫނު އަޅިގަނޑުގައި ވަޅުލައިގެން ނުވަތަ މަތި އަންދައިގެން ފިހެފައި ހުންނަ ބަނބުކެޔޮ
ފިންމޫދުއޮއި
ނ )ސ.( އެތެރެ ވަރީގައި ރޭގަނޑު އަޅާ އޮޔެއް. ކަނޑު އޮޅިތަކުން އެތެރެވަރިއަށް މިއޮއި ވަނުމުން ފެންމަތި އޮމާންވެ އަނދިރިވެފައި ލޮނުގަނޑުގެ އަޑިން ރެދަން ފެނެއެވެ މިއޮއި އެޅުމުން އެތެރެވަރީގެ މަސްވެރިކަން ނުބައިވެއެވެ
ފިރިހެންވުން
މ (1) ކަންކަމާ ކެރިގެން ކުރިމަތިލުން (2) ޖެހިލުން ކުޑަވުން (3) ހިތްވަރުގަދަވުން (4) އަންހެނަކު ފިރިހެނަކަށް ހެދިގެން އުޅުން
ފިޔަން
ނ ތެލި ފުފޭ ފަދަ ތަކެތީގެ މަތިން ޖަހަން ލަކުޑިން ހަދައިފައި އޮންނަ އެއްޗެއް
ފިޔަފަތް
ނ (1) އުދުހޭ އެއްޗެހީގެ ވަރަ (2) ފަންކާއާއި ބުރަފަތި ފަދަ ތަކެތީގައި ނުވަތަ ފެނުގައި އަޅައިގަންނަ ގޮތަށް ހުންނަ ބައިތަކުގެ ތެރެއިން ބައެއް (3) މަތިންދާ ބޯޓުގެ ދެއަރިމައްޗަށް ނެރެފައި ހުންނަބައި
ފިޔަލަ ކަކުނި
ނ ފެންގަނޑުގައްޔާއި މޫދުގައި އުޅޭ ކަކުނީގެ ތެރެއިން ފެން މަތިން ދުވެފައި އަންނަ ވައްތަރުގެ ކަކުންޏެއް މި ކަކުނީގެ ފަހަތުގައި ދެފިޔަފަތްގަނޑު ހުރެއެވެ
ފުހަޑުއްދީއްތަ
ނ )ބދ ( (1) ފަރުދާ (2) އުނަށް ދޭފޭލި މަތިމައްޗަށް އަންނަ އިރު އަޑިއަށް އޮންނަ ފޭލި
ފުށަތުންޖެހުން
މ (1) އަތްތިލައިގެ ބޭރު ފަރާތުން ޖެހުން (2) ރިޔާމަތިންޖެހުން