radheef.info
ރަދީފު


މައް
ނއ (1) އެހެން އެއްޗަކާ އެކު ނުވާ )ހުރިގޮތަށްހުރި( މިސާލު: މައްދިވެހިބަހުން )ސާފުދިވެހިބަހުން( (2) އާދައިގެ މިސާލު: މައްމީހެއް
ތަކަހޮޅި
ނ ގަނޑުވަރުތެރޭ އަންހެން ބޭފުޅުންގެ ފައިންޕުޅުގައި ތުރުކުރައްވާ ރަނުގެ ގަހަނާއެއް. މި ހަދައިފައި ހުންނަނީ ކުރެހުން އެޅި މޫނުމައްޗެއް ލައިފައި މަލެއްގެ ސިފައަށް ހަދައިފައި ހުންނައެއްޗިހިން ގަތައިފައެވެ
ތަކުރާރުކުރުން
މ (1) ކަމެއް މަތިމައްޗަށް ކުރުން (2) ފަށްކުރުން
ތަކުރާރުވުން
މ (1) ކަމެއް މަތިމައްޗަށްވުން (2) ފަށްފަށްވުން
ތަވައްރުކަށްއިނުން
މ ކަނާތުފައިގެ އިނގިލިތަކުގެ ބަނޑުފުށް އިށީނދެ އިންނަތާނގައި ޖައްސައިގެން ވާތުފައިގެ ކުރީކޮޅު ކަނާތުފައިގެ ދަށުން ނެރެގެން ވާތުފައިގެ މާކަޅުވާ މަހުގެމައްޗަށް ބުރަވެއިނުން
ތަފާ
ނ (1) އާދަމުގެ ދަރިންނާއި ބައެއްކަހަލަ ޖަނަވާރުގެ ހަށިގަނޑުގައި އަތުން ޖަހާއެތިފަހަރު (2) މީހުންނާއި ކުދިން ބިންމައްޗަށ ްލައިފައިހުންނަ ސީ މިހުންނާނީ ދިޔާކޮށް ވަށްކޮށް ފެތުރިފައެވެ (3) ގެރިގުއިތަފާ
ތަދުބީރު
ނ (1) ކަމެއްގެ މައްޗަށް ފުންކޮށް ވިސްނައި ރާވާރޭވުން (2) ޙިކުމަތް
ތަދުބީރުކުރުން
މ ކަމެއްގެ މައްޗަށް ފުންކޮށް ވިސްނައި ގޮތްތައް ކަނޑައެޅުން
ތަލަކުންފެންޖެހުން
މ މައްޔިތާވަޅުލައިފައި އަތްދާނިން މަހާނަމައްޗަށް ފެންވިއްސުން
ތަލަފަންކޮޅު
ނ ރަދުން ރަސްމީ ޢިއްޒަތުގައި ތަންތަނަށް ވަޑައިގަންނަވާއިރު ވާރޭވެހޭނަމަ އިސްތަށިފުޅުގެ މައްޗަށްނަގާ ކުޑަ ސަތަރިއެއްފާޑުގެ އެއްޗެއް މިހަދައިފައި ހުންނަނީ ތާރުކު ފަނުންނެވެ
ތަލަފުއްތުނޑު
ނ މައްޔަލުގައި ޖެއްސުމަށްޓަކައި މަޑުލުގެ ކޮޅުން ކަނޑައިލާތަން
ތަލި
ނ (1) އަނގައިގެ އެތެރޭގެ މަތީފަރާތާއި ދަށްފަރާތް (2) މަޑޫތަކުގެކޮޅު ޖައްސަން އޮޑިދޯނިފަހަރުގެ މައްޔަލުން ފަށްނަގައިފައި ހުންނަބައި (3) އަންހެނާގެ ރަޙިމް (4) ލަވަހޮޅި ޖަހާއެއްޗެހީގެ ހޮޅިގަނޑުގައި ޖެހެންހުންނަ ކަށިހުންނަބައި
ތަލިނެގުން
މ އޮޑިދޯނިފަހަރު ބަނުމުގައި މަޑުލުގެ ކޮޅު މައްޔަލާ ގުޅުވުމަށް މައްޔަލުން ނަގާ ފަށްނެގުން
ތަލިފުށްތުނޑު
ނ ވަވަތުގެ އެއްކޮޅާ ގުޅިގެން ފަށަނާ މައްޔަލާ )މަހަރު( ގުޅޭތާ ޖަހާ ތަލިނެގި ފުރަތަމަ ތުނޑު
ތަލިޔާމާރު
ނ (1) ފުރާދުއްވާ އެއްޗެހީގެ މައްޔަލާއި މަޑޫތަކާ ދުރުވެދާނެތީ އެތެރޭގައި ފުރައިފައި ހުންނަ ކުސަގަނޑު (2) މައްޔަލާ އެއްކިއްސަރަށް އެތެރޭގައި އަޅައިފައި އޮންނައެތިގަނޑު މިއޮންނާނީ އޮޑިޔާއެއްކޮށް ކަބީލާޖަހައި ހަރުކޮށްފައެވެ
ތަގުޅިކުރުން
މ (1) ދެލޯމަރައިގެން ހުޅުވުނު ނުދީއޮތުން (2) އެއްފައިމައްޗަށް އަނެއްފައިލައި ފިއްތައިގެން ދެފައި ދުރުވިޔަނުދީ އޮތުން (3) ތަގުޅިލުން (4) ދެއެއްޗެއް ޖައްސައި ބާރުކުރުން
ތަގުޑި
ނ އިހުގައި ރަދުން ރަސްމީގޮތުން ތަނަކަށް ވަޑައިގެންފައި އެނބުރި ގަނޑުވަރަށް ވަޑައިގެން ހަތް ބަހައްޓާ ދޮރޯށި ތެރޭގައި އިރުމައްޗަށް އެނބުރިވަޑައިގެން ހުއްޓި ވަޑައިގަތީމާ ބެރުވެރިން ޖަހާބެރެއް މިއީ އެރަސްމިއްޔާތު ނިމުނީކަން އެންގުމަށް ޖަހާބެރެކެވެ
ތަގުޑިޖެހުން
މ އިހުގައި ރަދުން ރަސްމީގޮތުން ތަނަކަށް ވަޑައިގެންފައި އެނބުރި ގަނޑުވަރަށް ވަޑައިގެން ހަތް ބަހައްޓާ ދޮރޯށި ތެރޭގައި އިރުމައްޗަށް އެނބުރިވަޑައިގެން ހުއްޓި ވަޑައިގަތީމާ ބެރުދުންމާރި ތާޅަފިލިވެރިން ފާރަވެރީންގެ ދޮރޯށީގެ ބޭރުގައި ތިބެގެން ޖަހާ ބެރުޖެހުން
ތަޢުޒީރު
ނ ކުށެއްގެ އަދަބެއްގެ ގޮތުން ޙައްދަކަށް ވުރެ މައްޗަށް ނުދާ ވަރަށް ދުއްރައިން ތަޅާތެޅުން
ތަޢުޒީރުކުރުން
މ ކުށެއްގެ އަދަބެއްގެ ގޮތުން ޙައްދަކަށްވުރެ މައްޗަށް ނުދާވަރަށް ދުއްރައިން ތެޅުން
ތާށިވުން
މ (1) ދެއެއްޗެއްގެ ދެމެދުގައި ނުވަތަ ހަނިދޭތެރެއެއްގައި ނުނިކުމެވޭގޮތަށް ދަތިވުން މަޖާޒު: (2) މައްސަލައެއްގައި ބެދުން (3) މަސައްކަތެއްގައި އެކަމުން ދުރަށް ނުދެވޭގޮތަށް ހުންނަން ދިމާވުން