radheef.info
ރަދީފު


ވެސް
އ (1) ދޭދޭ ބަސް ގުޅައިލުމުގައި ބޭނުންކުރާ އަކުރެއް. މިސާލު: އަޙްމަދު ވެސް އަނީސްވެސް އައެވެ. (2) އިތުރުކުރުން ހިމެނުން މިސާލު: އަހަރެން ވެސް ދާނަން
މަޔާހޮކި
ނ އަމަޔާ ޒިނޭކުރިމީހާ މިއީ މީހުނާ ދިމާއަށް ރުޅި އައިސްގެންބުނާ ހުތުރު ބަސްތަކުގެ ތެރޭން އެންމެ ނުބައި އެއްބަހެވެ )މިބަސް ސަމާސާއަށްވެސް ޖެއްސުމަށްވެސް ބުނެއުޅެއެވެ
މަޔާއިނު
ނ މިއީ މީހަކު ދެކެ ރުޅި އައިސްގެން އޭނާގެ ނުބައިކަން ހާމަކޮށް ދެރަކުރުމުގެ ގޮތުން ބުނާބަހެކެވެ. މާނައަކީ އަމަޔާ އިން މިއެވެ ބައެއް މީހުން ސަމާސާއަކަށްވެސް މިހެން ބުނެއުޅެއެވެ
މަޖިލީހަށް އެރުން
މ އިހުގައި ދައުލަތުން ދެއްވާ ވަކި ދަރަޖައެއް ލިބުން މިދަރަޖަ ލިބިފައި ތިބޭ މީހުންނަށް ޢާއްމުގޮތެއްގައި ކިޔައި އުޅެނީ ކަލޭފާނެވެ ނަމަވެސް ދީދި ނުވަތަ މަނިކު ނުވަތަ ތުއްތު ކިޔާމީހަކު މަޖިލީހަށް އަރުވައިފިނަމަ އޭނާގެ ނަމަކަށް ބަދަލެއް ނާންނާނެއެވެ
މާހިރު
ނ (1) ކުޅަދާނަ މީހާ (2) ކޮންމެވެސް ފަންނެއްގައި އަރާހުރި މީހާ
މާކުނބުރުވާނި
ނ ފަތްޕިލާވެއްޔެއް )ޙަކީމީ ބޭހުގެތެރޭ ހިމެނޭ ތިރިކޮށް ހެދޭ ގަހެއް ( ޢާއްމުގޮތެއްގައި މިހެދެނީ ދޮޅު ފޫޓެއްހައި އުސްމިނަށެވެ މީގެ ފަތް ބިންދާލުމުން ކިރެއް ނުކުންނާނެއެވެ މިގަހުގައި ބަޑިކުޅިފާޑުގެ މާގަނޑެއް އަންނާނެއެވެ މިމާގަނޑު ހިކުމުން ގަސްވެސް ހިކޭނެއެވެ
މާކުރުއްޕަތްރުއް
ނ އިހާ އަންނަ އިރުވެސް ފަނުގެ ހިސާބުގެ ފަންވަތްތައް އެކުވެފައި ހުންނަރުއް
މާވިނަ
ނ (1) ދަނޑުމަތީގައި ގޮފިލާ ހެދޭގޮތަށް ހުންނަގަސް (2) އަތިރީގޭވިނަ މިއީ ފަތްތައް ތުނޑަކަށްވުރެ ތުނޑެއް ހިމަވަމުންދާގޮތަށް ބޯކޮށް ހުންނަ ކައިވަތެއްހައި ދިގު ތަނޑެއްގައި ބޮނޑިމަސް ހުންނަ ކުޑަކުޑަ މަލެއް އަޅާ ކުޑަގަހެކެވެ މިގަހުގެ ހުރިހާ ތަނެއްގައި ރާޅުގޮތެއް ހުންނަ ކެހެރިއެއްވެސް ހުރެއެވެ
މާމަރުކުންދޮންފަނެއް
)މިސާލުބަހެއް( ކުޑަކުދިން އަމިއްލައަށް ވެއްޓުނީމާ އެއީ އެއްވެސް ކަމެއްނޫންކަމަށް ހަދާލުމަށް ބުނެއުޅޭބަހެއް
މާތުރަ
އ އެކަމަކު ނަމަވެސް
މާލޯފާނު
ނ (1) ލޯމާފާނު (2) ރަދުންގެ އަމުރުފުޅުތަކާއި ތާރީޚީ ވާހަކަތައް ލިއުމަށް ލޮއިން ނުވަތަ އެނޫންވެސް ވިރިކެކޭ މަޢުދަނަކުން ހަދައިފައިހުންނަ ހަނިދިގު ފޮތިތަކެއް
މާގަނޑު
ނ (1) ރާނބާގަސް ކަނދޮޅުގަސް ފަދަގަސް ގަހުގައި އަންނަ މައު. (2) އިހުޒަމާނުގައި ބައެއް މީހުން ލައިއެޅުނު ހަރުވާޅުގެ ދާގަނޑުގެ ކޮޅުގައި ނުވަތަ މުންޑުގެމަތިން އައްސާ ރޮދިގަނޑުގެ ކޮޅުގައި ފަށުވިން ނުވަތަ އުއިން ނުވަތަ އެފަދަ އެހެން އެއްޗަކުން ވައްކޮށް ނުވަތަ އެހެންވެސް ސިފައަކަށް ހަދާހަރުކޮށްފައި އޮންނަ އެތި. (3) ފެން ވެރުމަށްޓަކައި ފެން އިސްކުރުދޫކޮށްލުމުން ފެންދޭ އެއްޗެހިން ފެންފައިބާގޮތަށް ފެން އަންނާނެހެން ހަދައި މަތީގައި ހަރުކޮށްފައި ހުންނަ އެއްޗެއް. (4) ގާއޮޑިލަވަ ލަނގިރި ދަނޑިޖެހުން ފަދަ ކުޅިވަރު ކުޅޭއިރު ގެންގުޅޭ ދަނޑީގެ ކޮޅުގައްޔާއި ދުންކުނި އަނބުރާ ދަނޑީގެ ކޮޅުގާ ފޮތިން ނުވަތަ އުއިން ނުވަތަ ކަރުދާހުން ވައްކޮށް ނުވަތަ އެހެންވެސް ސިފައަކަށް ހަދައި ހަރުކޮށްފައި އޮންނައެތި (5) މޫދުމާގަނޑު (6) ބައެއްމީހުން ރީއްޗަކަށް ބައިސްކަލުގެ ފުރޮޅުގެ ބޫސް ދަގަނޑަށް މަހާލައިގެން ބޭނުންކުރާ އެއްޗެއް މިހަދައިފައި އޮންނާނީ ވައްކޮށް ދެތިންކުލަ އެކުލެވޭ ގޮތަށެވެ
މާގައިވުން
މ )ސ.( ކަންދިމާވާގޮތަކުން އަންހެނުންގެ ކުރިމަތިފަރާތުގެ ދަރިދޮރު ބޮޑުވުން. )މަސައްކަތުގެ ތެރޭގައިވެސް އެކުރާކަމެއްގައި އެއްޗެއް މިންވަރު ކުރާތަނަކުން ދޫވެއްޖެނަމަ މީ މާގައި ވެފައިވާ އެއްޗެކޭ ބުނެއެވެ
މާޖެއްސުން
މ ގޮވާމުގެ އޮށްޓަރު މަލެއްގެ ސިފައިގައި ފޮޅެންދެން އަލިފާނުން ނުވަތަ އެނޫންވެސް ގޮތަކުން ހޫނުކުރުން
މިއަލަނި
ނ ދަގަނޑުގެ ބާވަތެއް މިއީ އެކައަށް ވުރެންވެސް ހަރުދަގަނޑެކެވެ ކުރަފަތް ހަދާފައި ހުންނަނީ މިއިންނެވެ
މީރުފެންތިއްކެއްވެސްނުލިބުން
މ މަޖާޒު: އެއްވެސް ކަހަލަ ބޯ އެއްޗެއް ނުލިބުން
މުހާޖިރުން
ނ (1) މުހާޖިރިއްޔަ ބޭކަލުން. (2) ކޮންމެވެސް ސަބަބަކާހުރެ އަމިއްލަ ވަޒަންދޫކޮށް އެހެން ތަނަކަށްގޮސް ވަޒަންވެރިވާމީހުން (3) އަމިއްލަ ރަށުގައި އުޅެވެން ނެތުމުގެ ސަބަބުން ރަށުން ބޭރުވާމީހުން
މުންނާރުންގޮވުން
މ މުންނާރުގެ މައްޗަށް އަރާހުރެ ބަންގިއާއި ޞަލަވާތާއި މުނާޖާ ގޮވާގޮވުން. މިސްކިތުގައި ހުރެ މުންނާރުގައި ހުންނަ އަޑު ގަދަކުރާގެ ޒަރީޢާއިން ގޮވާ ގޮވުމަށްވެސް މުންނާރުން ގޮވުމޭ ކިޔައެވެ
މުރައްކަބުޖާހިލު
ނ (1) އެއްވެސް އެއްޗެއް ނޭނގޭ މީހާ (2) ނުދަންނަކަން ނުދަންނަމީހާ
މުތް
ނ (1) އިތާގެ މަސްގަނޑުގެ ތެރޭގައި އުފެދޭ ވަރަށް އަގުހުރި ޖަވާހިރެއް (2) ބައެއް ފަޅޮލުގެ ތެރޭގައި ހުންނަ އެއްޗެއް ހަރުފައާއި ބަކަރީގައި ވެސް މުތް ކިޔާއެއްޗެއް ހުރެއެވެ (3) އޮށްވަޅު ގޮނޑީގައި ކުޅޭ ކުޅިވަރެއް
)މިސާލުބަހެއް( ކިތަންމެމޮޅަށް ކިޔަވައިގެން ހުރިމީހަކަށްވެސް ކުށެއް ކިއިދާނެކަން އަންގައިދިނުމަށް ބުނެއުޅޭބަހެއް މުގުރިންނަށްވެސްކުށްކިޔެއެވެ