radheef.info
ރަދީފު


ވަރު
ނ (1) މިންވަރު (2) ދަރަޖަ (3) ހަކަތަ (4) ބާރު (5) ބައެއް (6) ހަވަރުގެ ބައެއް (7) އެއްޗަކުން ޖަހައިގެން ނުވަތަ އެއްޗެއްގައި ޖެހި ފިތިގެން ހަށިގަނޑުގެ ތާކުން ފެންނަން ހުންނަ ނިޝާން (8) ފަންތޮށިން ނަގާ ފަތި
އަންބާ
ނ މަސައްކަތުގައްޔާއި ކުޅިވަރުގައި ފޯރިގެންނާން ޒުވާބު ކިޔަމުންކިޔާ ކުރުލަވަ
އަންދައިގަތުން
މ (1) ފުރޭތައެއްގެ އަލި ކުއްލިއަކަށް ފެނުން (2) މަޖާޒު: ރުޅިއައިސްގެން ކުއްލިއަކަށް އެތިވަރު ގޮވައިގަތުން
އަންދާސީކުރުން
މ (1) ކަންކަމުގެ މިންވަރު ލަފާކުރުން (2) އެއްޗެއްގެ ގިނަމަދުކަން ހިތުން މިންވަރުކޮށްލުން
އަރަލުންއަރާއެޅުން
މ (1) ހަމަރިޔައު ނަގާ އެއްޗެހީގެ ފަރުމާނު ބިންދައިގެން ދިޔައީމާ ބިނދުނު ދެކޮޅުން ދެދާލިގަނޑު އެއްކޮޅުން ކުރުކޮށް އަނެއްކޮޅުން ދިގުކޮށް ނަގާ އެދެކޮޅު ޖައްސައި ދެފަރާތުގައި ދެގަނޑު ދާލި ކުރުކޮށް ނެގި ފަރާތުގައި ދިގުކޮށް އޮތްދާލިގަނޑު ދިގުކޮށް ނެގިފަރާތުގައި ކުރުކޮށް އޮތްދާލިގަނޑުއަޅައި ބާރަށް ކީލިޖެހުން (2) މަޖާޒު: ހަލާކުވި އެއްޗެއް ބޭރުން އެއްޗެއް ނުލައި އެއެއްޗަކުން އެއެއްޗެއް ހެދުން (3) ޖުމްލަ އެއްވަރަށް ހުރެގެން އެކިބައި އެކިވަރުކޮށް އެއްޗެހިތަކެއް ހަމަޖައްސައިލުން
އަރިހުބޭކަނބަލުން
ނ މަހު އެއްޗެތިކޮޅު ދެއްވައިފައި ތިއްބަވާ ގަނޑުވަރުތެރޭ އަންހެން ބޭފުޅުން އަރިހުގައި އުޅޭ އަންހެނުން
އަރިހުބޭކަލުން
މ މަހުއެއްޗެތިކޮޅު ދެއްވާފައި ތިއްބަވާ ގަނޑުވަރުތެރޭ ފިރިހެން ބޭފުޅުންގެ އަރިހުގައި އުޅޭ ފިރިހެނުން
އަކިރިގަނޑުފަނި
ނ (1) ހަކުރުހިލާން ރާވަރުކުރާއިރު އަޅާއަކިރިތައް ރާއެތި ވަރުވީމާ ނަގައި އެއަށްފެން އަޅައިގެން ގިރާފަނި
ލަނޑެއްކޮކާ އަތްޖަހާ" އަކުންބަކުން
ނ ކުޑަކުދިންކުޅޭ ކުޅިވަރެއް. މިކުޅިވަރުކުޅޭގޮތަކީ ބިންމަތީގައި އެއްކުއްޖަކު ހިމަދިގުކޮށް ވެލިފުންޏެއް އެއްކޮށް އޭގެ ތެރޭގައި ކުޑަގައުކޮޅެއް ފަދައެއްޗެއް ވަޅުލަނީއެވެ. މިވަޅުލާނީ ބަންޖެއް ކިޔަމުން އަނެއްކުއްޖާއަށް ފޮރުވައިގެންނެވެ. ދެން އެކުއްޖަކު އޮށް އޮތްކަމަށް ހީވާތާނގައި އަތް ޖަހަނީއެވެ. އަތް ޖަހާއިރު އަތްދަށުގައި އޮށްވެއްޖެނަމަ އެކުއްޖާ މޮޅުވީއެވެ. މިކުޅޭއިރު ކިޔާބަންޖަކީ "އަކުންބަކުންމާލެ ބަކުން އަތްޖެހަތަޅެބަތް ޖަހަތަޅެ
އަކޫލަ
ނ ރޭގަނޑު ދަންވަރު ބަޔަށް ކައްކައިގެން ކާކެއިން
އައިނަކަށްމަހެއް
ނ )ހ.( މޫދުގައި ކުޅޭކުޅިވަރެއް. މިކުޅިވަރު ކުޅޭގޮތަކީ ދެކުދިންގެ ހަތަރު އަތުން އަށިގަނޑެއްހެން ހަދައި އޭގެމައްޗަށް އެހެން ކުއްޖަކު އެރީމާ އެއްލައިލަނީއެވެ
އައްތަރަފަނި
ނ ފާމުދޭރިޔަ ބޭކަލެއްގެ ވެރިކަމުގެ ދަށުގައިވާ އޮޅިމެދެއް މިއީ އަސްކަރު ވަރުހަނގުންފަދަ ބަތާ ނޯންނަ އޮޅިމެދެކެވެ މިބަހުގެ އަސްލަކީ "އައްތާރަފައިހިފަނީން" ކަމުގައި ބުނެއެވެ
އައްތަވާޅި
ނ (1) ކާށި ކިބައިގެ އެތެރެ ދާރަފަށް (2) ހަތް އައްތަވާޅިން ގާނެގުމުގެ ކުޅިވަރުގައި ގައު އަޅައިފައި ހުންނަ މުގޯލި
އަމަރާލި
ނ ކޯއްޓޭ ދިދައިގެ މައްޗަށް ނަގާ ހަނިދިގު ކަފި ދިދައެއް މީގެކުރީގައި ލައިފައި ހުންނަ ދެވާގަނޑު ބިންމަތީގައި ޖެހޭ ވަރުވާނެއެވެ
އަމަރުތައޯގަ
ނ ލާބަޔާއި ނަޞްރުލިބޭ އިރުވަރު
އަމާންދިދަ
ނ (1) އިހުގައި ރަދުންނާއި ގަނޑުވަރުތެރޭ ހަތްކޮޅުނަގާ ބޭފުޅުން ޢިއްޒަތަށް ވަޑައިގަންނަވާއިރު ކުރީގައި ޖަޑިބު ހިފައިގެން ހުންނަ ބޮޑު ދިދަ މިހާރު އެދިދައިގެ ބަދަލުގައި ހުންނަނީ ޤައުމީ ދިދައެވެ މިހިފަނީ އެކަމަށް ޚާއްޞަ ކުރައްވައިފައި ހުންނަ މީހެކެވެ (2) އަމާން ދިންކަމުގެ ނިޝާން
އަދަދު
ނ (1) މިންވަރު (2) ހިސާބުޖަހާއިރު ޖަހާ އަކުރު (3) ވަކިވަރެއް
އަތަރުގެ
ނ އިހުގައި އަތަރުކައްކާން ގަނޑުވަރު ތެރޭގައި ހުރި ގެއެއް މިތަންހުރީ ބޮޑުކިބާގެ އުތުރުން އާކޯއްޓޭމަތިގެއާއި ދޭތެރޭގައެވެ
އަތަރުގޭމީހުން
ނ އަތަރުގެއަށް ދައުލަތުން ލައްވާފައިތިބި މަސައްކަތުމީހުން. މަތިގެފޮޅާ ދުވާލަކު އެއްފަހަރު ފެންފޮތިލާ އަހަރަކު އެއްފަހަރުދޮވެ ގަނޑުވަރުތެރެޔާބެހޭ ހިސާބުގައިހުންނަ ލަންޓަންތައް ބަލަހައްޓައި ހަދާނީވެސް މިމީހުންނެވެ
އަތާއަތާޖެހުން
މ (1) ބުނާބަސް ކަށަވަރު ކުރުމުގެ ގޮތުން އެކެއްގެ އަތްތިލައިގެ ބަނޑުފުށުގައި އަނެކެއްގެ އަތްތިލައިގެބަނޑުފުށް ޖައްސައިލުން (2) ކަށަވަރުކޮށް ދިނުން
އަތުރުވާމަތި
ނ ފޯމަތިނޫން ދުވަސްވަރު މިދުވަސްވަރު ދިޔަވަރު ހިކި ބޮޑުވާނީ މެދުމިނަކަށެވެ