radheef.info
ރަދީފު


އީ
ނ (1) މާކުދިކުދި ކަންތަކާ ރަކިވެގެން ޖެއްސޭ ވައްތަރެއް. މިގޮތް ގިނައިން ވަނީ އަންހެނުންނަށާއި ކުޑަކުދީންނަށެވެ. (2) އ. ކުރީގައިވާ އެއްޗެއް ނުވަތަ ކަމެއް ގަދަކުރުމަށް ބުނާ އަކުރެއް. މިސާލު: މިއީ އެއީ ތިޔައީ އައީ
ކަސީރާ
ނ ދިވެހިބޭހުގެ ބާވަތެއް މިއީ ގަހެއްގެ ކިރެވެ މިހުންނަނީ ގިއުޅިލާށި ހެންނެވެ
ކަސްފާނަ
ނ ފާނައިގެ ބާވަތެއް މިއީ ބޮލާއި ހަށިގަނޑުގައި ގަދަކުލައެއްގެ ލައްތަކަކުން އެކިގޮތްގޮތަށް ކުރެހުން އެޅިފައި ހުންނަ މަހެކެވެ ކުދިކުދި ތިކިތަކެއް މުޅިމަހުގައި ހުރެއެވެ ނިގޫފަތުގެ ބުޑުދަށުގެ މަތީ ކައިރީގައި ކަޅުކުލައިގެ ލަފެއް ހުރެއެވެ ނިގޫފަތް ހުންނަނީ ވަށްކޮށެވެ މަހުގެ ކުލައަކީ ފަނޑު މުށިކުލައެވެ
ކަޑުއޮރި
ނ ގަލު އޮރިޔަށްވުރެ ފުޅާކޮށް އަނގަކުޑަކޮށް ހުންނަމަހެއް މިއީ މަސްމީރު ފަރުމަހެކެވެ
)މަލިކު( ކަޓާރީ
ނ (1) ދެފުށުގައި މިޔައަޅައިފައިހުންނަ ހަތިޔާރެއް މިއީ ތިލަކުރު ފިޔޮއްސެކެވެ (2) އިހުގައި ގެންގުޅުނު ފޭރާމެއްގައި ޖަހައިފައި ހުންނަ ބާވަތެއްގެ ގޮވެއްސެއް (3) ކަޓާރި
ކާ
ނ (1) ކާފިޔާ ހަމަކޮށް ހަދައިފައި ހުންނަ ވަޒަން ބަހުރުވައިގެ ބާވަތެއް މިއީ ހަބަސް ރައިވަރުގެ ކުރީ ހަތަރުބަހާ އެއްގޮތަށް އެއްވަޒަނަކަށް ހަތަރު ބަހުން ފިލިކޯޅި ހަމަކޮށް ހަދައިފައި ހުންނަ އެއްޗެކެވެ މީގައި ހަބަސް ރައިވަރުގެ ކުރިން ފެށޭ ބަސްނެތިފައި އަނެއް ތިން ބަހުގެ ވަޒަނަށް ހަދައިފައި ހުންނަ ބާވަތެއްވެސް ހުރެއެވެ (2) ބިލެތުވައް (3) ބައްތެލިފަހަރާއި ނާފަހަރުގެ ކަވަރުނާތަކުން ބޯރުދުވަށް އަރައިފައި ހުންނަތަން
ކާށިމޫސުން
ނ އިހުގައި ބަންގާޅު އޮޑިއަށް ކާށި ގެންގޮސް އުޅުނު މޫސުން. އެއީ އަދަ ނަކަތާއި މާނަކަތާ ދެމެދެވެ
ކާޅު
ނ (1) ކަޅު ކުލައިގެ ދޫންޏެވެ. މިއީ އިންސާނުން ކައިބޮއި އުޅޭ އެއްޗެއްސާއި ހަޑި ކުނި ބުންޏާއި ފުޅަ ތަކެތިވެސް ކައި އުޅޭ. ދަހި ލަދުކުޑަ އެއްޗެކެވެ. މީގެ ތުން ވަރުގަދަވެފައި ކަޅުވާނެއެވެ. ކާޅަކީ އެއްސިފައަކަށް ހަރަކާތްތެރިވެއުޅޭ އެކިއެކި ހިލަމަށްސިހޭ ހޭބަލާ ދޫންޏެކެވެ (2) ނއ މަޖާޖު: ލަދުކުޑަ (3) ބަނިޔާދަންކަން ނެތް
ކާޅުކޮވެލި
ނ ކަޅުކުލައިގައި ހުންނަ ކޮވެލި މިއީ ފިރިހެން ކޮވެއްޔެވެ
ކާޅުދަދު
ނ ހަމުގެ ބައްޔެއް. މިއީ ކުޑަކުދީންގެ ބޮލުގައި ނަގާ ހަމުގެ ބައްޔެކެވެ. މިހުންނަނީ ލައްލަކަށް ރާޅުކޮށް ކައިރިފަށްބޯކޮށެވެ
ކާޅުދޮންކެޔޮ
ނ ރުއްމަޑިފަނި މިއީ ހުދުކުލައިގެ ފަންޏެކެވެ މިހުންނަނީ ބަދަބަދަޖަހައިފައި ފަލަކޮށެވެ މިބާވަތުގެފަނި ގިނައިން އުޅެނީ ފީ ރުއްގަނޑުގަނޑުގައެވެ މިފަންޏަށް ކާޅުދޮންކެޔޮ ކިޔަނީ ކާޅު މިފަނިކާތީއެވެ
ކާކު
އ އެއީ ވަކި މީހެއްކަން އޮޅުން ފިލުވުމަށް ކުރާ ސުވާލުގެ އަކުރެއް
ކާމަރަނގަ
ނ މޭވާގެ ބާވަތެއް މިއީ ފަސްއަރިއަށް ހުންނަ ވަރަށް ހުތް މީރު މޭވާއެކެވެ މިމޭވާ ހުރަހަށް ފޮތިޖެހުމުން ހުންނާނީ ފަސްފިޔަމަލެއް ހެންނެވެ މީގެއޮށަކީ ވަށްކޮށް ދިގުކޮށް ހުންނަ ކުޑައޮށެކެވެ
ކާފަރުމަތާ
ނ އެކަތިގަނޑު ބޯދޮށަށްލައިފައި އަނެކަތިގަނޑު ކޮޅަށް ބަހައްޓައިގެން އަޅާމަތާ މިއީ ތަންތަން އުފުއްލާން އަޅާ މަތައެކެވެ
ކާފޫރު
ނ ކާފޫރުގަހުގެކިރުން އުފައްދާ ވަރަށް ގަދަ އާވިވަހެއް ހުންނަ އެއްޗެއް މިއީ ބޭހަށް ބޭނުންކުރާ އެއްޗެކެވެ
ކާފޫރު ވަކަރު
ނ ކާފޫރުގަހުގެ ލަކުޑި. މިއީ ކާފޫރުވަސްދުވާ ކީލިހިމުން ހުދުލަކުޑި އެކެވެ
ކާފޫރުއާވި
ނ ހުދުކާފޫރުން ނަގާއާވި މިއީ ބޭހަށް ބޭނުންކުރާ އެއްޗެކެވެ
ކާފޫރުތޮޅި
ނ ކާފޫރުތޮޅި ގަހުގެ ވަކި. މިއީ ތިން އަރިޔަށް ފުއްޕުން ހުރެފައި މަޑު ބޯތޮށްޓެއްގެތެރޭގައި ތިންބަރިޔަށް ކުދިކުދި ކަޅުއޮށްތަކެއް ހުންނަ ކުޑަކުޑަ ތޮޅިޔެކެވެ. މިތޮޅިއަކީ ވަހާއި ރަހައިގައި އާވިގޮތް ހުންނަ މީރުއެއްޗެކެވެ. މިއީ ބޭހަށާއި ކާބާވަތްތަކުގެ ރަހަމީރުކުރަން ބޭނުންކުރާ އެއްޗެކެވެ
ކާލާ
ނ ތާސްބައިގެ ހަތަރު ރަނގައިން އެއް ރަނގަ މިއީ ޗިޅިޔާ ނޫން ކަޅުކުލައިގެ ރަނގައެވެ
ކާސްކިޔުން
މ ޚާސްކިޔުން މިއީ ކަރުކެހުމުގެ ވައްތަރެކެވެ
ކާޑުމަސްބައި
ނ ކާޑުގެޒަމާނުގައި )ދެވަނަބޮޑު ހަނގުރާމައިގެ ދުވަސްވަރު( ރަށްރަށުގެމީހުން ކާޑުގެއަށް އަޅައި އުޅުނު މަސްބައި މިއީ އިހުގައި ކޮންމެ ދޯންޏަކުންވެސް ފަޅުވެރިޔަކާ އެއްވަރަށް ނަގައިއުޅުނު މަސްބައެކެވެ. މި މަސްބައިނަގައި އުޅުނީ ރައްޔިތުގެއިން ކުރަންޖެހޭ ޚަރަދުތައް ކުރުމަށެވެ. މިސާލަކަށް: ރަށުގެރައްޔިތުން ދަރަންޏަށްގެންނަ ކާޑުގެބާވަތްތަކުގެ އަގުހަމަޖެއްސުމާއި މަދަރުސާ މަކްތަބު ފަދަ ތަންތަނަށް ޚަރަދުކުރުމާއި ބަންޑާރަދަތުރުގެ ކޮއްތުދިނުންފަދަ ކަންތައް ކުރުމަށެވެ