radheef.info
ރަދީފު


އާ
ނއ (1) ބާކަމުގެ އިދިކޮޅު (2) އެއްފަހަރުވެސް ބޭނުންނުކުރާ (3) ގިނަދުވަސްނުވާ (4) ކުރީން އުފެދިފައިނެތް ނުވަތަ ފެނިފައިނުވާ
އަންޒަމާން
ނ (1) ޤަދީމް ޒަމާން (2) މަދަރާސީއާއިދިމާ ދެކުނުގައި އޮންނަ ޖަޒީރާތަކެއް
އަރަބިހެދުން
ނ ދިގުލިބާހާއި ދިގުހަރުވާޅާއި ޖުއްބާއާއިއެކު ޢިޤާލު ނުވަތަ ފަގުޑި ބޭނުންކުރާ ހެދުން ޢިޤާލަކީ ބަދަވީން ބޮލުގައި އަޅާ ރުމާލާއި އޭގެ މަތީން އޮޅައިފައިން އޮންނަ އެއްޗެކެވެ
އަރާމަތި
ނ (1) އެންދަމާއިރު ދަލުގެ އޮޑިއާ ދުރަށް އޮންނަ ފަރާތް (2) ރިޔަލުގެ ފަރުމާނުގައި އައްސާ ފަރާތް
އަރުވައިބާލާލަވަ
ނ ދަނޑިބެރުގައި ޖަހާ އާދައިގެ ލަވައެއް ނަމަވެސް މިލަވަޖަހަނީ ރަދުން އިންނަވައިގެން ބެރުޖަހާ ތަންތާނގައެވެ
އަރުމާޒުލަވަ
ނ ބޭފުޅުން ކަނޑުބޭރުފުޅުކުރާ ދުވަސްދުވަހު ނުވަތަ ބޭފުޅަކު ޢިއްޒަތުގައި ދަތުރަށް ނުވަތަ ދަތުރުން އަރާވަޑައިގަންނަވާ ދުވަހު އޮޑިކޮޅުގައި ފުމޭ ލަވަތަކެއް މިލަވަތައް ފުމޭނީ ކަނޑިންމައާއި ބަނދަރާއި ދޭތެރޭ އޮޑިކޮޅު ޖަހައި ހަތްހޭރިޔާއިން ކޮންމެ ދެހޭރިޔާ ދޭތެރޭ " ހޭރިޔާ" އެވެ ކިޔާ ލަވައަކަށް ފަހުގައެވެ
އަބާރަނަމަތީބޮޑުލަވަ
ނ "އަބާރަނަ" ޖަހާފައި އޭގެ ލަވަމައްޗަށް ޖަހާލަވައެއް ކުޅިހުއްޓާރެއަށް މިލަވަޖަހާ އުޅުނީ އައްޑޫކޮށިން ތިންދަނޑިއާ އެއްލާންނުކުތީމައެވެ
އަޅުކަންކުރުން
މ އެކަން ތަކުން ސަވާބުލިބޭކަންތައްކުރުން. މިސާލު: ނަމާދުކުރުން ޞަދަޤާތްދިނުން ޤުރުއާން ކިޔެވުން
އަޅެ
އކ ނިކަން. މިބަސް ބޭނުންކުރަނީ އާދޭހުގެ ގޮތުންނާއި ރުޅިވެރި ކަމުގެ ގޮތުންނެވެ. މިސާލު: އަޅެދީބަލަ އަޅެޖަހާބަލަ
އަޅެތެދޭ
ނ )ހ ( (1) އާނދޮގޭ! (2) ހަމަތެދެއްހޭ
އަޅޯސާ
ނ ބޭސްހަދަން ގެންގުޅޭފަތެއް. މިފަތް ހުންނާނީ ދަތްކުރަނދު ފަތްހެން އެއަށްވުރެ ބޮޑެތި ކޮށެވެ މިއީ މޭގެ ބަލިބައްޔަށް ރަނގަޅު އެއްޗެކެވެ މީގެގަހަކީ މެދުމިނުގެ ގަހެކެވެ މިއަށް "އާޑައްތޮޑާ" ވެސް ކިޔައެވެ
އައިމިނަ
ނ އާމިނަތު
އައިލަ
ނ )ޅ ( (1) އާލަ (2) ހެގަމަސް ޒާތުގެ ރިހާކުރު ކުލައިގައި ހުންނަ މަހެއް
އައުރޮސްކޮބަކަކިޑި
ނ )ސ ( އާރޮހެއްގެ ސިފައިގައި އޮންނަ ކަކުންޏެއް
އައުކަން
ނއނ (1) ބައުކަމުގެ އިދިކޮޅު (2) ތާޒާކަން މިބަސް "އާކަން" މިހެންވެސް ކިޔައި އުޅެއެވެ
އައްސިއޮރި
ނ އާދައިގެ އޮރިޔަށްވުރެ ފަތިކޮށް ހުންނަ އޮރިއެއް. މިގައިގައި ބީހުނީމާ އައްސިވެ މީގެ މަސް ކޭމާ އައްސިފިލާކަމަށް ބުނެއެވެ
އަމަށަކުން
ކއ (1) އާދައިގައިވާގޮތަށް (2) އަސްލާ އެއްގޮތުން
އަފިލުން
މ (1) އާކަންކެނޑުން މަޖާޒު: (2) ޝަހުވާނީގޮތުން ލަދުކެނޑުވުން
އަތަ
ނ (1) މަޝްހޫރު ފޮނި މޭވާއެއް މީގެ ދެބާވަތެއްހުރެއެވެ އެއީ ދިވެހި އަތައާއި ވިލާތު އަތަޔާއެވެ ދިވެހި އަތަ ހުންނަނީ ފެހިކުލައިގައި ފިތްތަކެއް ހެން ވަށްކޮށެވެ ވިލާތު އަތަ ހުންނަނީ މުށިކުލައިގައި ބޭރު އޮމާންކޮށެވެ (2) ހުޅަނގުގެ ތޭރަވަނަ ނަކަތުގެ ނަން
އަތަރުގެ
ނ އިހުގައި އަތަރުކައްކާން ގަނޑުވަރު ތެރޭގައި ހުރި ގެއެއް މިތަންހުރީ ބޮޑުކިބާގެ އުތުރުން އާކޯއްޓޭމަތިގެއާއި ދޭތެރޭގައެވެ
އަތްދިގުކުރުން
މ މަޖާޒު: (1) ތިމާއާނުބެހޭކަމަކަށް އަތްލުން (2) އަމިއްލަނޫން އެއްޗެއް އަމިއްލަކުރުން