radheef.info
ރަދީފު


ކޮށް
ނ (1) މާކަނައާއި ރާބޮނދި ފަދަ ތަކެތި ކުއްލިއަކަށް ކޮށައިގަންނަ ގޮތަށް ކިޔާނަން (2) )މަލިކު( އ ކުރެން
ރިޔަންކޮޅުލުން
ގޭގެ އަޅާއިރު ނުވަތަ އޮޑިދޯނިފަހަރު ބަންނައިރު ރިޔަން އަޅައި ހަމަކޮށްފައި އެއްއަނގޫ ނުވަތަ ތިން ހަތަރު އަނގޫ ކަނޑައިލުން. މިއީ އިރުވަރާއި ކުރާކަމަކާއި ގަސްދުކުރާގޮތަކާއި ދިމާވާގޮތުން ނަކަތްތެރިން ކޮން އުޅޭކަމެކެވެ
ރިޔަންއެޅުން
މ ރިޔަން ބޭނުންކޮށްގެން އެއްޗެއްގައި ނުވަތަ ތަނެއްގައި ހުރިމިން ބެލުން
ރީނބުރުފިލާ
ނ ގެދައާ އެއްވައްތަރަށް ފަތްކުދިކޮށް ބިމުގައި ފެތުރި ހެދޭ ކުޑަކުޑަ ގަހެއް މިގަހުގައި ވަރަށް ރީނދޫކުލަ ގަދަ ކުޑަކުޑަ މަލެއް އަޅައެވެ މިގަހުގެ ހުރިހާ ބައެއް ހަމުގެ މަތީގެ ދިލަނެގުމުގެ ބައްޔަށް ބޭސް ހެދުމަށް ބޭނުންކުރެއެވެ މީގެ ގޮނޑި ހުންނާނީ ކުޑަވާ އިނގިލިހާ ކުޑަކޮށެވެ
ރީނދޫ
ނ (1) ފޯލިކޮށް ހުންނަ ދޮންރަތްކުލައިގެ ގޮނޑިއެއް މިއީ ހަވާދާއި ބޭހަށް ބޭނުންކުރާއެއްޗެކެވެ (2) ވިއްސާރަދުނީގައި ހުންނަ ހަތްކުލައިގެ ތެރެއިން ފެހިކުލަޔާ އޮރެންޖް ކުލަޔާ ދެމެދުގައި ހުންނަކުލަ
ރީތިގަސް
ނ ބިޔަކޮށްހެދޭ ބޮޑުގަހެއް މިގަހުގައި މާއަންނަނީ ކޯޅިކޯޅިއަށެވެ މިކޯޅިއައިސްފައި ހުންނަނީ ގޮފިތަކުގެ ކުރީގެ ފަތްވަޅުތަކުންނެވެ މިގަހުގެ ފަތް ހުންނަނީ ގޮފިތަކުގެ ކުރީގައެވެ ފަތްތައް އެތުރިފައިހުންނަނީ މައިތަނޑީގެ ދެފަރާތުގައި އެއްފަތް އަނެއްފަތާ ދިމާވާ ގޮތަށެވެ
ރުނބާކަންނެލި
ނ ކުރުފަލަކޮށް ހުންނަ ބޮޑެތި ކަންނެލި
ރުނޑި
ނ (1) ހުތުރުބަހުގައި ފުރަގަސްފަރާތުދޮރު (2) ފުރަގަސް ފަރާތު ދޮރު ކައިރީގައި ފަޅާފައި ހުންނަ އިސްތަށި (3) ނިހާޔަތަށް ދެރަކޮށްލަން ބުނާ ބަހެއް
ރުނޑިކާޅު
ނ އަނެކަކު ދެރަކޮށްލަން ތާކުންތާކު ނުޖެހޭ މީހެކޭ ބުނުމަށް ބޭނުންކޮށް އުޅޭ ބަހެއް
ރުބު
ނ (1) ވައްބުރެއްގެ ހަތަރުފަޅިކޮށް އެއްފަޅި (2) )ގ ( ރުނބާ
ރުޅިކޮށްލުން
މ (1) ހިތާނުވާނެގޮތް ހެދުން (2) ކުޑަކޮށް ހިތުގައި ޖެއްސުން
ރުކުރޭމަގު
ނ ފަންރިޔާ ވިޔާއިރު ފުރަތަމަ ވިޔުންގަނޑު ހަމަކޮށް އެޔާއިގުޅައިގެން ވިޔަމުންދާބައި
ރުކުފަތި
ނ (1) ފަންތޮށީގެ ހަރުފަށަލައިންނަގާ ހަނިދިގުކޮށް ތުނިކޮށް ހުންނަބައި (2) ރުކުގެވަކަރުން ތުނިކޮށް ނަގާބައި
ރުއިން
މ (1) ހިތާމައިން ކަރުނަ އައުން (2) ހިތަށް ގަދަ އަސަރެއްކޮށްގެން ކަރުނަ އައުން
ރުއްކަރަ
ނ ރަށަކާ ކައިރިވަމުންއައިސް ރުއްގަސްވަކިކޮށް އެނގޭހިސާބަށް އަންނައިރު އެރަށުން ފެންނަ މަލަ
ރުއްކުރި
ނ ކަނޑާލާފައި ނުވަތަ ވެއްޓިފައި އޮންނަ ރުކެއްގެ ކުރިގަނޑު ނޮޅާ ސާފުކުރީމާ ހުދުކޮށް މަޑުކޮށް އޮންނަބައި މިއީކައި އުޅޭ އެއްޗެކެވެ
ރުވުން
މ (1) ބޮނޑިބޮނޑިއަށް ހުންނަ ކުދިޅަގަސް ޤަވާޢިދުން ދުރުދުރުގާ އިންދުން (2) ދުނިމަޑަ ފަދަތަކެތި ތައްޔާރުކޮށް ތިއްބުން
ރޫ
ނ (1) ފޮތި ކަރުދާސް ފަދަ ތަކެތި ފަށްޖެހީމާ ނުވަތަ ބޮޑިކޮށްލީމާ އެހުންނަ ލިސާން (2) ގައިގެ ހަމަށް ރޫޖެހިގެން ހެދިފައި ހުންނަ ރޮނގު (3) ތަސްވީރު
ރޫޅައިލުން
މ (1) އެއްވެފައި ނުވަތަ ހަދައިފައިހުރި އެއްޗެއްގެ ބައިތައް ވަކިވަކިކޮށްލުން (2) ނެއްތައިލުން (3) ވިއްސިވިހާލިކޮށްލުން (4) އެއްވެފައިވާ ބަޔަކު ތިބިތާކުން ދުރަށް ފޮނުވައިލުން
ރޫކެރެވުން
މ އެއްޗެއް ބޮނޑިކޮށްގެން ގިނައިން ރޫޖެހޭގޮތް ހެދުން
ރޫމީމައިލު
ނ ރާހިތަކާއި ނަކަތުންވާ ދުވަސް އެގޭނޭހެން ތައްޔާރުކޮށްފައި ހުންނަ ތާވަލެއް