radheef.info
ރަދީފު


ކަށް
ނ (1) މަރުވެފައި އޮތް މީހާ (2) މުޅަ
ބޮޑުތެލީބައިން
ނ ބޮޑެތި ތެލި އުފުލާން އޭގައި ޚާއްޞަގޮތަކަށް ޖަހާބައިން
ބޮޑުލަކި
ނ (1) ބޮޑެތި ތެލަނގަ އެއްލައިފައި ހުންނައިރު ލަސްލަހުން އެއް ހަމަޔަކުން ހެލޭ ހެލުން (2) ގުޑި ދަމާއިރު ވަކިގޮތަކަށް މަޑުމަޑުން ހެލޭހެލުން
ބޮޑުގުރާބު
ނ ކަލާސީން ބައިކޮށްފައިވާ އަށްބައިން އެއްބައި މިއީ ރަނަހަމާންތި ބޭކަލަކަށް އޮންނަ ބައެކެވެ
ބޯހަމަވުން
މ (1) މީހުންގެ އަދަދު ހަމަވުން (2) ކަމަކަށްޓަކާ އެއްކުރާ ބައެއްގެ އަދަދު ހަމަވުން
ބޯހިޔާކުރުން
މ ހިޔާވަހިކަން ލިބޭ ތަނަކަށް ވަނުން
ބޯހެފުން
މ މަޖާޒު: (1) މީހަކަށް ބޮނޑިއެއްދޭން ކުޓުވުން (2) ކަމަކުކިޔާ ކިޔާ އުނދަގޫކުރުން
ބޯހޮވުން
މަޖާޒު: އިނދެގެން އުޅޭ މީހަކަށްވުރެ ދެރަ އަންހެނުން ހޯދަން ހިނގުން
ބޯށިގަނޑު
ނ ވިހައިގެންއުޅޭ މީހުންނަށްދޭ ދިވެހި ބޭހެއް. މިއީ ބޯށިގަހުގެ ޅަމާގަނޑުގެ އޮށާ ކުއްޅަފިލާ ލުނބޯ ނިޔަނދުރު ފަޅޯ މިގަސްގަހުގެ ޅަމުލާ ކުދިކުދިކޮށްކޮށައި މަތިކަރާ ބޭހާ ކަނަހަނދުނާ ފޮނިތޮށި ކާފޫރުތޮޅިޔާ އެއްކޮށްމޮޑެ ފުޑައި ހިމުންކޮށް ޅަރުކުގެ ކުރުއްޕަތަކަށް އަޅައި ބަނދެ އުނދުނުގެއަޅި ގަނޑުތެރޭގައި ވަޅުލައިގެން ފޮޅިކޮށް އަވީލައި ހިއްކައިގެން ހަދާ ބޭހެކެވެ ދުވާލު ދެއިރު މީގެ އެތިކޮޅެއް މާމުއިގާ ވިރުވައިގެން ބޮއެވެ
ބޯރީނދޫބިބީ
ނ ބިބީގެ ބާވަތެއް މިއީ ވަރަށްރީތި ކުޑަމަހެކެވެ މަހުގެ ދެއަރިމަތީގެ ކުލައަކީ ހުދު އަޅިކުލައެވެ މަހުގެ އަރިމަތީގައި ލެނބިފައި ހުންނަ ފަސްވަރަކަށް ރޮނގު ފާޅުކޮށް އެނގެންހުރެއެވެ މަހުގެ ތުނބާއި ބޮލުގެ ތިރީބަޔާއި މަހުގެ ގިނަބައިތަކުގެ ކުލައަކީ ރީނދޫ ކުލައެވެ
ބޯޅަޖެހިފާނަ
ނ ފާނައިގެ ބާވަތެއް މިއީ ވަރަށް ހިމަ ދިގުކޮށްހުންނަ މަޑުމުށިކުލައިގެ ފާނައެކެވެ މަހުގައި ރަތްކުލައަކަށްދާ ކުދިކުދި ތިކިތަކެއް ހުރެއެވެ މިތިކިތަކުގެ ތެރޭގައި މަހުގެ ދިގަށްވާގޮތަށް ހުދުކުލައަކަށްދާ ރޮނގުތަކެއްހުރެއެވެ
ބޯކިބާ
ނ ފުށަށް ކާށިކިރު ނުވަތަ ހުނިއަޅައިގެން ފޮނިކޮށް ނުވަތަ ލޮނުކޮށް ފިހާ ހެދިކާއެއްޗެއް މިފިހަނީ ކޮންމެވެސް ކަންވާރަކަށް އަޅައިގެންނެވެ
ބޯކެޔޮވަލަކު ހުޅުލީހެން
މިސާލު: (1) ޚަބައެއް ފެތުރިގެންދިޔަލެއް ހަލުއިކަން އަންގައިދިނުމަށް ބުނެއުޅޭ ބަހެއް (2) އަބަދު އަރާރުންވާ މީހާ ރުޅިއަންނަގޮތަށް އެއްޗެއް ބުނެވުމުން ކުއްލިއަކަށް އަރާ ރުންވެގަތުމަށް ބުނެއުޅޭބަހެއް
ބޯކޮށުން
މ ވަކިގޮތަކަށް ބޮލުގެ އިސްތަށިގަނޑުކޮށުން
ބޯކޮޅުބެލުން
މ މަޖާޒު: ކަމަކާމެދު ޝައްކުކުރެވިގެން މީހަކު ނުވަތަ ބަޔަކުގޮސް އުޅޭ ތަންތަނާއި ވަދެއުޅޭ ތަންތަން އެމީހަކަށް ނުވަތަ އެބަޔަކަށް ނޭނގޭގޮތަށް ބެލުން
ބޯލުން
މ (1) އޮށޯންނަތަނުގެ ކޮންމެވެސް ފަރާތަކަށް ބޯގެންދިއުން. މިސާލު: އުތުރަށް ބޯލުން އިރަށް ބޯލުން (2) ގުޑީގެ މައިދުނީގެ މަތީކޮޅުގައި އެކަށީގެންވާ މިންވަރަށް ބަރުއެއްސުން
ބޯސްލެއްވުން
މ މީހުން ރުޅި އެރުވުމަށް ނުވަތަ ބިރު ގެންނެވުމަށް ވަކި ގޮތަކަށް އަޑު ލެއްވުން
ބޯޑު
ނ (1) އެކި ބާވަތުގެ ލިޔުމާއި ނިޝާނާއި އިޢުލާން ފަދަ އެއްޗެހި ލިޔެ ހިއްޕަން ނުވަތަ އެނޫންވެސް ގޮތަކުން ހަރުކުރަން ހަދައިފައި ހުންނަ ފިލާ. (2) ވަކިކަމަކަށް ޚާއްޞަކޮށްގެން ކަމަކަށް ޢައްޔަންކޮށްފައިވާ ރިޔާސަތަކާ އުޞޫލުތަކެއްގެ ދަށުން ހިންގާ ބައެއް ކަހަލަ ކޮމިޓީ ނުވަތަ އިދާރާ
ޅައެއްޗެއްއެޅުން
މ މަޖާޒު: ނުރަގަޅުގޮތަކަށް ކަމެއްކުރުވުން
ޅަދަރިބަފާވުން
މ (1) ޅަދަރިންތިބި ބަފައަކަށްވުން (2) ކުދިން ލިބި އެކުދިން ރަނގަޅަށް ބެލޭނެގޮތް ނެތިފައިވާ ފިރިހެނަކަށްވުން (3) މަޔަކާނުލާ ކުދިން ބަލަން ޖެހިފައިވާ ފިރިހެނަކަށްވުން
ޅަދަރިމައިވުން
މ (1) ޅަދަރިންިތިބި މަޔަކަށްވުން (2) ކުދިންލިބި އެކުދިން ރަނގަޅަށް ބެލޭނޭގޮތް ނެތިފައިޥާ އަންހެނަކަށްވުން (3) ބަފައަކާ ނުލާ ކުދިން ބަލަން ޖެހިފައިވާ އަންހެނަކަށްވުން