radheef.info
ރަދީފު


ޅައި
ނ (1) މިނިކާ ސޫފި (2) ޖަނަވާރަކާ އެއްފަދަކުރުމަށް މީހުނާ ދިމާއަށް ބުނާބަހެއް (3) އޮޑިދޯނިފަހަރަށް އެއްޗެހި އަރުވާންވެގެން ވަތުތެރޭ ހުރަހަށް ބަހައްޓާ ލަކުޑިފަދަ އެއްޗެހި
މަރުފޮށާ
ނ ކަރުގައި އޮޅައިލައިފައި ކޮނޑަށް އެއްލައިފައި އޮންނަ ފޮށާ ނުވަތަ ކަރުގައި އޮޅައިލައިފައި ފޮށާގެ މެދު ކަރުގައި އަޅުވައިފައި ފަހަތަށް އެއްލައިފައި އޮންނަ ފޮށާ
މަޅުކުރުން
މ (1) އެއްޗެއް ހަކުރު އަޅައިގެން ކައްކައި ފެންހިންދައި ތަތްކޮށް ހަރުކުރުން (2) ހަކުރު ކައްކައި ހަރުކުރުން
މައްލަ
ނ މަސްވެރިން ކޮއްތު އަޅައިގެން ގެންދާއެތި
މައްސާޙު
ނ ގޯތިގޯއްޗާއި ބިންބިމާއި ޢިމާރާތްފަދަ ތަންތާގައި މިންއަޅައިގެން ތަނުގެ ބޮޑުމިން ބަލާމީހާ
މައްޔާ
ނ ފުރާ ދުއްވާ ތަކެތީގެ ފަށަނާއި ގުޅިގެން ދެކޮޅުން މަޑޫތަކާއި ގުޅައިގެން މައްޗަށް ނަގާފައިވާ ބައި
މަދަންއެޅުން
މ (1) އޮޑިދޯނި ފަހަރުގެ ހިންމިތަކުގައި މަދަން އަޅައި ބެއްދުން (2) މަޖާޒު: ބާރު ނާންނަ ޒަކަރެއް އިނގިލިން ކޮއްޕައި ފަރުޖަކަށް ވެއްދުން
މަދަދު
ނ (1) އެހީ (2) ކަމަކަށްދޭވާގި (3) ކަމަކަށް އަޅާބާރު (4) އަޅައިލާ އަޅައިލުން
މަދަދުކުރުން
މ (1) އަޅައިލުން (2) އެހީވެދިނުން (3) ވާގިވެރިވެދިނުން (4) ބާރުއަޅައިދިނުން
މަތިހެދުން
މ (1) ފުރާދުއްވާ އެއްޗެހީގެ މަތީބައި ރޫޅައިލައިފައި އަލުން ހެދުން (2) މަޖާޒު: ފެންނުވަރާ މޫނުދޮވެ ފުށްޖަހައި ރީތިވުން
މަތިންއެއްލުން
މ ރިޔާނަގައިގެން ދަތުރުކުރާ އުޅަނދުފަހަރު އަނބުރައިނުލާ ރިޔާ އަނެއް ފަރާތަށް ފުރޮޅައިލުން
މަތިބަނުން
މ ގުޅި ރުނބާ އަނގަ ބޮޑެތި ފުޅިފަދަތަކެތީގެ މަތީގައި ބަންދު ކުރުމުގެ ގޮތުން ފޮތިގަނޑެއްފަދަ އެއްޗެއް އަޅައިފައި ރަނގަޅަށް އެއްސުން
މަތިގެ
ނ (1) އިހުގައި ގަނޑުވަރު ތެރޭގައި ތާންލޯއިން ހަތަރުފުރާޅުލައި ހިޔާކޮށްފައި ހުރި ދެބުރި ޢިމާރާތެއް މިއީ ކީރިތި މަހާރަދުން ރަސްކަމުގެ ހުރިހާ ކަމެއް ހިންގެވި އޮފީސް ޢިމާރާތެވެ (2) )ޏ ( ގެމަތި )އެއްބުރި ގޭގޭގައި ހުރަސް ބެރިތަކުގެ މަތީގައި ފިލާއަޅައިފައި އޮންނަތަން
މަލަން
ނ (1) ބޭހުގެ ތެރޭގައި ގެންގުޅޭ ތަތްކުރާ އެއްޗެއް މި ހަދައިފައި ހުންނަނީ ޚާއްޞަ ފޮއްޗެއްގައެވެ (2) ފޮތީގައި ހާކައިގެން ބޭނުން ކުރަން ގެންގުޅޭ ބޭހުގެ ބާވަތެއް (3) ބޭސް އަޅައިފައި ތަތްކުރަން ގެންގުޅޭ ބާވަތެއް
މަލަރުކުރުން
މ އިއްޔެއްހެން ހަދައިފައިވާ ވިރިކެކޭ އެއްޗެއް ދެއެއްޗެއް ގުޅުވުމަށްޓަކައި އެއްކޮށް ތޮރުފާފައިވާ ލޯވަޅަކަށް ޖަހައި ދެކޮޅުން ނުވަތަ އެއްކޮޅުންތަޅައި ބާރުކުރުން އެއްކޮޅުންތަޅާ ބާރުކުރާއިރު އަނެއްކޮޅުގައި ބޯހުންނާނެވެ
މަގުބޭސްއެޅުން
މ ވަރުބަލާ ބަޑިޖަހާއިރު ބަޑިފަޅައިގެން ހިގައްޖެނަމަ މީހުންނަށް ރައްކާތެރިވެވޭ ހިސާބުގެ ދުރުމިނެއްގައި ކަށިކެޔޮފަތް ބަހައްޓައި ބަޑިބޭސްއެއަށް އެޅުން
މަގުދިލުން
މ (1) ވެލެއްގެ ތެރެއިން މަގެއް ކޮށައި އަލިކުރުން (2) މަގުގައި ހުންނަ ވިނަނޮޅައި ސާފުކުރުން
މަސްރޮށި
ނ ރޮށިދަމައި އޭގެ ތެރެއަށް މޮޑުނު މަސް އަޅައިގެން ފިހާ އެއްޗެއް
މަސްބަތް
ނ މަސް އަޅައިގެން ވަކިގޮތަކަށް ކައްކާ ބަތެއް
މަސްކުނޑި
ނ (1) ތަޅައި ހިމުންކޮށްފައިވާ މަސް (2) ހިކިމަހުގެ ނުވަތަ ހާމަހުގެ ކުނޑި
މަސްކުރޮޅި
ނ ހިކިމަހައި ކާއްޓާއި މިރުހާ މިފަދަ އެއްޗެހި އެއްކޮށް މުޅިން ހިމުން ނުވާ ވަރަށް ތަޅައިގެން ހަދާ ކާއެއްޗެއް