radheef.info
ރަދީފު


ބަ
އ އައްބަ
ހުއްސަރިބައި
ނއ (1) ހުސްހަށިބައި (2) އަނތްބަކު ނުވަތަ ފިރިޔަކު ނެތް
ހުއްސަރިބައިވުން
(1) ހުސްހަށިބައިވުން (2) އަނތްބަކު ނުވަތަ ފިރިޔަކު ނެތުން
ހުއްޓާނުލައި
ކއ (1) ކެނޑިނޭޅި (2) އަބަދު
ހުއްޓި
ނ (1) ފުރާޅު ބަނުމުގައި ހުރަހަށް ބަހައްޓާ ދަނޑި (2) ފުޅަށް އެޅުމުގައި ދުރުދޭތެރެ ބައްދާން ބަހައްޓާ ދަނޑި (3) ފުޅަލީގައި ކޮޅަށް ބަހައްޓާ ދަނޑި (4) ލިޔާއިރު ޖުމުލަ ނިމުމުގައި ޖަހާ ތިކި )ފުލުސްޓޮޕް
ހުއްޓެކުން ފަތާވަތާ
ނ )ގ ( ކުނބުގެ ދިރުނބަލުން އޮންނަވަތް
ހުއްޖަތް
ނ (1) ބަހުން ދައްކާހެކި (2) ކަމެއް ސާބިތުކޮށް ދިނުމަށް ދައްލާދަލީލު (3) މަކަރު (4) ދައްކާ ބަހަނާ
ހުވަނދުގޮށި
ނ ހުވަނދުއަޅާން ބިލެތްގަނޑަކުން ރޫޖައްސައިގެން ހަދާގޮއްޓެއް މިއީ ހުކުރު ދުވަހު ހުކުރުކުރާ ޚަޠީބެއްގެ ގެއިން މުދިން ބޭކަލަކު މިޙްރާބުގޭގައި ތިއްބަވާ ބޭކަލުންނަށް ދޭން ހުވަނދު ގެންގޮސް އުޅުނު އެއްޗެކެވެ
ހުވަނި
ނ (1) ހޫނުމޫސުމަށް ބައެއްގަސްގަހުގައި އަޅާ ވިހަފަންޏެއް މިޖެހުނީމާ ގައިކަހައި ބިހިނަގައެވެ (2) )ޏ ސ ( ކަޅުބިލަމަސް ބާނާ ބުޅި
ހުވަން
ނ (1) އަށާވީސް ނަކަތުގެ ތެރެއިން ތޭވީސްވަނަ ނަކަތް (2) އިރުވައި މޫސުމުގެ ހަތަރުވަނަ ނަކަތް (3) އެއްޗެއްގެ ޚަބަރު މިބަސްގިނައިން ކިޔައި އުޅެނީ "ހިލަން" މިބަހާއި ގުޅުވައިގެންނެވެ މިސާލު: އޭނާގެ ހުވަން ހިލަންވެސް ނުވެޔޭ ބުނެފިނަމަ އެއީ އޭނާގެ އެއްވެއް ޚަބަރެއް ނުވެއެވެ (4) )ޏ ސ ( ނަގުލުވައި
ހުވަން ހިލަންވެސް ނުވުން
މ (1) އަސަރެއް ނުވަތަ އިޝާރާތެއްވެސް ނުވުން (2) ޚަބަރެއް ދަބަރެއް ނުވުން
ހުވަންހިލަން
ނ (1) ލިސާން (2) ޢަލާމާތް (3) ޚަބަރު
ހުވަފެނަކީބިލާހެކެވެ.
(މުސްކުޅިބަހެއް) ހުވަފެނަކީ ޙަޤީޤަތެއްނޫނޭ ބުނަން ބުނާބަހެއް
ހުފާ
ނ )ގ ( (1) އަތްބައްތި ނުވަތަ ފުޅިބައްތީގެ ފީތާ (2) ވޮށަށް ލައްވާ ފުއް
ހުފީބަތެ
ނ )ގ ( (1) މަތިކަރާބޭސް ލައިގެން ހަނޑުލުގައި ކައްކާ ބޮނޑިބަތެއް (2) ކުޅި ބޮނޑިބަތް (3) ފުއްޕި ބަތް )މިތަފާތު ސިފަސިފައަށް ހިކިކެޔޮފަތުގައި ބަންދުކޮށްފައި ހުރެއެވެ
ހުދު
ނ (1) ކަޅުގެއިދިކޮޅު (2) ކަފައިގައި ހުންނަކުލަ ނަންއިތުރެއްގެ ގޮތުންވެސް މިބަސް ބޭނުންކުރެއެވެ
ހުދުހަން
ނ އަތްތިލަޔާއި ފައިތިލައިގެ ބަނޑުފުށުގައި ހުންނަހަން
ހުދުހިއްތަން
ނ ބަނޑުފުށް ހުދުކޮށް ހުންނަ ހިއްތަން
ހުދުރޮނޑު
ނ ރޮނޑުގެ ބާވަތެއް މިރޮނޑުގެ ހަށިގަނޑު ހުންނަނީ ހުދުކުލައިގައި ވަރަށް އޮފުގަދަކޮށެވެ ހަންގަނޑުގެ ކޮތަރިން ތިރިއަށްހުންނާނީ ހުދުކަލައެވެ ބޮލާހަށިގަނޑާ ގުޅުނު ހިސާބުގައި ހުރަހަށް ކަޅުކުލައިގެ 2 ރޮނގު ހުންނާނެއެވެ ބުރަކަށީގެ މަތީ ކޮތަރިބައި ފެށޭހިސާބުގައި ކަޅުކުލައިގެ ކައްޓެއް ހުންނާނެއެވެ
ހުދުބަލި
ނ ބަރޮސްބަލި މިބަލީގައި ގައިގެ ތަންތަން ހުދުވާނެއެވެ
ހުދުކާޅު
ނ (1) ހުދުފަތް ހުންނަ ކާޅު. މިއީވަރަށްމަދު އެއްޗެކެވެ. (2) މަޖާޒު: ތިމާގެ މީހަކު ނުވަތަ ރައްޓެއްސަކު އެތައް ދުވަހަކު ނައިސްހުރެފައި ގެއަށްއައިމައި ހިތްހެޔޮކަމާއިއެކު ސަމާސާއަށް ބުނެއުޅޭ ބަހެއް މިބަސް ބުނެއުޅޭ ގޮތަކީ "އައްދޭ! ހުދުކާޅެއްދޯ!" (3) ނާދިރުއެއްޗެހި