radheef.info
ރަދީފު


ރަށް
ނ (1) ޖަޒީރާ (2) މީހުން އާބާދުވެ ދިރިއުޅޭ ހިސާބު ހިސާބު
ކިޔަމަންވުން
މ (1) ބަސްއެހުން (2) އަމުރަށް ބޯލެނބުން
ކުނބުކޮޅުގޮވުން
މ ރިޔާނަގާ އުޅަނދު ފަހަރުގެ ކުނބުކޮޅުން ވައިމަޑުއިރަށް ކުރުކުރު އަޑުކިއުން
ކުނޑިޖެހުން
މ (1) އަތްކަންކުރާމީހުން ވިރިކެކޭ އެއްޗެހި ބައްދާއިރު އެބައްދަންވީތަނެއްގައި އެކަމަށް ތައްޔާރުކޮށްފައިހުންނަ ކުނޑީގެ އެތިކޮޅެއް ތަތްކޮށްލުން (2) ނީ ހަނޑުލާއި ބުރިހަނޑޫ ވަކިނުކޮށް ކުނޑިތައްދާވަރަށް ކިރިޔަ ކިރިޔާ ހަނޑޫ ފޮޅުން (3) ސ މޫނުގައި ފުށްޖެހުން
ކުންނު
ނ ބޮޑެތި ގަލުން ނުވަތަ ފަރުބަދައިން ބޭރަށް ނުކުމެފައި ހުންނަ މުލި
ކުރިކިހާއްފިލާ
ނ ވެލަށްހެދޭ ފަތްޕިލާވެލީގެ ބާވަތެއް މިއީ ކުރިގޮބޮޅީގެ ރަހަ ކަހަލަ ރަހައެއްލާ ފަތެކެވެ ފަތުގެ ކުލައަކީ މަޑުފެހިކުލައެވެ މި ފަތް ހުންނަނީ ކޮޅަށް ހިމަކޮށް މެދަށް ފުޅާކޮށެވެ މިއީ ވަރަށް ތުނި ފަތެކެވެ މިވެލުގައި ވައިލެޓު ކުލައިގެ ކުދިކުދި މާތަކެއް އަޅައެވެ
ކުރިޖެހިބަތް
ނ ޅަކޮށް ކައްކައިގެން ކެޔޮފަތު ހޮޅިޔަށް އަޅައިފައި ހުންނަ ބޮނޑިބަތް. މިހޮޅީގެ ދެކޮޅު ފަތްގަނޑު ހުންނާނީ ބޮނޑިބަތް ރޯލުގެ ކޮޅަށް ވައްދާ ލައިފައެވެ. މީގައި ހުންނާނީ އަށެއް ނުވައެއް އިންޗީގެ ދިގުމިނެވެ. ފަލަ މިނަކީ މެދުމިނު މީހެއްގެ އަތުކުރީގެ ފަލަމިނެވެ. މިއީ އޮލީފަދަ ރަސްމީ ކަންތަކުގައްޔާއި ރަށްރަށުގެ މައުލޫދުގައި ޅެންކިޔާ މީހުންނަށް ހުންނަ ބަތެކެވެ
ކުރުގެޅުން
ނ (1) ޖެހުނު ޖެހުމަކުން ނުވަތަ ފިތުނު ފިތުމަކުން އެއްޗެއް ހުންނަންވީ ވަރަށް ވުރެން ކުރުވުން (2) ޢިށީނދެ އިނުމުގައްޔާއި އޮށޯވެ އޮތުމުގައި ކުރުޖެހުން (3) މަޖާޒު: ދެރަވުން (4) ފިނޑިވުން (5) ކެވުނުލެއް ގިނަކަމުން ހިންދަމައި ނުލެވުން
ކުރެހިފާނަ
ނ ފާނައިގެ ބާވަތެއް މިއީ ރާއްޖޭގެ ފަރުފަރާއި ފަޅުތަކުގެ ބޭރުގައި އުޅޭ ވަރަށް މަދުމަދުން ފެންނަ މަހެކެވެ
ކުރެދި
ނ (1) ކީލިހިމުން ގަދަފަދަ ތަތްލަކުޑިއެއް. މި ގިނައިން ބޭނުންކުރަނީ ބިމަށްޖަހާށާއި އޮޑިދޯނި ފަހަރުގެ އިލި ޖަހާށެވެ މިގަސް ހެދެނީ ރަށްރަށުގެ ގޮނޑުދޮށުގައެވެ (2) ހަނޑަސްބުރީގައި ވަޅުޖަހަން ކުރެދިން ހަދާފައި ހުންނަ އެތިގަނޑު
ކުރެދިފަނި
ނ މަދިރިހެން ލޭބޯ މެއްސެއް މިއީ ކުނަމެއްސެއްހައި ވަރުގެ އެއަށްވުރެ ތަންކޮޅެއް ފިޔަ ދިގު ބޯހުދު މެއްސެއް މި އުޅެނީ ރަށްރަށުގެ ގޮނޑުދޮށުގައެވެ
ކުރޮޅި
ނ (1) ހިކިގެން ނާށިގަނޑުގެ ތެރެއިން އަމިއްލައަށް ނެއްޓިފައި އޮންނަ ކާށި މި ކާށި ބޮނބިގަނޑާ ނާއްޓާ އެކީއޮތަސް ކިޔަނީ މިހެންނެވެ (2) ހަރުލައިފައި އޮންނަ ތޮށީން ހިކިގެން މަދުނެއްޓިފައި އޮންނަ އޮށް ނުވަތަ ބަދަން (3) ލަނބުރާނު ކޮޅުގައި ހަރުކޮށްފައި ހުންނަ ތިންލޯވަޅު ހުންނަ ގޮއްލަ (4) ތިން ފުރޮޅުލީ ދުއްވާ އެއްޗެއް މީގައި ދަތުރު ކުރެވޭނީ ދުއްވާމީހާގެ އިތުރަށް ދެމީހުންނަށެވެ މީގައި ހުންނާނީ ސައިކަލް އިންޖީނެކެވެ
ކުޅަނދިލިމާ
ނ (1) އެތެރޭގައި ވައްތަރަކު ކަރުގަނޑެއް ހުރެފައި ކުކުޅުބިސްބުރަށް އެއްކޮޅަށް ދިގުކޮށް ހުންނަ ރީތިމަލެއް މިއީ ކުރަފަތްތޮޅި ވެލުގެ މަލެވެ މީގެ ދެކުލައެއް ހުރެއެވެ (2) ނަންރީތިމާ (3) ނޫމާ
ކުޅިކޮށި
ނ (1) ކޭއެއްޗެހީގެ ރަހަޔާއެކު އަންނަ ވަޔަކުން އަރާކޮށްޓެއް މިކޮށިއެރުމުން ބައެއް ފަހަރަށް ކޭއެއްޗެހިވެސް އާދެއެވެ (2) ކަނޑިއާއި އައްޑަނައާއި ލޮންސިފަދަ ތަކެތީގެ ހެވިކަން ދަސްކޮށްދީ ފަރިތަކުރާތަނާއި މިކަމުގެ ޙަރަކާތްތައް
ކުކުޅުކާށި
ނ ވާރުނެގި ޒަމާނުގައި ވާރަށް ނަގާ ކުކުޅަށް ކާންދިނުމަށްޓަކައި ކޮންމެ ކުކުޅަކަށް ބާރަކާށިމަގުން ރަށްރަށުން ނަގާ އުޅުނުކާށި
ކުއްޅަވައް
ނ (1) ބިޔަގަހެއްގައި އަޅާ ހުތް ކިހަސްމޭވާއެއް. މިހުންނަނީ މަތީގައި ބޮޑުތާފަތެއް ހުރެފައި ފުލުގައި ބޮނޑުނަގުލަށް ހުންނަ ނަރެއްލައިފައެވެ މިގަހުގެ މުލުން ނިރު )މޮށަވަ( ފަޅާނެއެވެ (2) ކުއްޅަވައްގަސް (3) ކުއްޅަވައް ބުރަށް ލިޔެލާ ޖަހައިފައި ހުންނަ ކުރަނޑިއެއް
ކުއްތާ
ނ (1) ބަޅު. (2) ހަތަރެސްފައި ޖަހައިގެން އުޅޭ ނަގޫ އިދިފުށަށް ގުދުކޮށް އޮންނަ ވައްވައްޖަހާ ޙައިވާނެއް. މި ގިނައިރަށް އޮންނަނީ އަނގަހުޅުވައިގެން ދޫނެރެގެން ޒާތަކަށް ނޭވާ ލައިލައެވެ މީވަރަށް ވިސްނުން ތޫނު ހުޝިޔާރު އެއްޗެކެވެ އަދި އޮޅުވާ ވަފާތެރި ޙައިވާނެކެވެ
ކުއްލާބުތެލި
ނ އިހުގައި ރޯދަމަހު ކޮންމެ ދުވަހަކު އިރު އޮއްސޭއިރަށް ގަނޑުވަރުތެރޭ ކުއްލާބުގެއަށް ފޮނުވާ ކަލިޔާ ބިރިންޖީތެލި. މިތެލީގައި ވިހިނާޅި ހަނޑުލުގެ ބަތާއި އެޔާވާނެ ގުޅަމަހާއި ހަކުރާއި ލޮނުލުނބޯ ހުންނާނެއެވެ. މިއީ އަތޮޅު އަތޮޅު ދެއްވައިފައި ތިއްބަވާ ބޭކަލުންނާއި ބޮޑެތި ފަޅު ރަށްރަށް ދެއްވައިފައި ތިއްބަވާ ބޭކަލުން ފޮނުވަންޖެހޭ ކެއުމެކެވެ. މިފޮނުވާނީ އެކިދުވަހު އެކި ބޭކަލުންނެވެ. މިއީ ގަނޑުވަރުތެރޭގައި އުޅޭ މީހުންނަށް ދޭ ކެއުމެކެވެ މިކެއުން ގެންދާއިރު ލިބުނު އެންމެ ބޮޑު ކުރުނބާ އިހަލެއް ގެންދާނެއެވެ މިކުރުނބާއިހާ ދަނޑި މާރުލައިގެން ގެންދަނިކޮށް ފަގީރުކުދިން މިއިހާ ކަނޑައިލައިގެން ބަހައިލުމީ ހުއްދަކަމަކަށްވާތީ ވަރަށް މަދު އިހަލެއްނޫނީ ގަނޑުވަރުތެރެޔަށް ގެންދެވޭ ކަމަކަށް ނުވެއެވެ
ކުފި
ނ (1) މަޑުނޫކުލައެއްގައި ހުންނަ ވަރަށްތުނި ކުޑަބޮއްޔެއް (2) )ހ ( އަނދުންހުލި (3) ބދ ލޮލުގެ ކަޅި
ކުފިދަތް
ނ ދެދަތް ދޭތެރޭން ފަޅައިގެން ބޭރަށް ނިކުމެފައި ހުންނަ ކުޑަދަތް
ކުދިރުވާލި
ނ ފީނިކޮށް ދަނޑިތައް ވަކިވަކިން ވާކޮށްހެދޭ ގަހެއް މީގެ ދަނޑިވަރަށް ވަރުގަދަވާނެއެވެ މިގަހުގެފަތުގައި ވަރަށްނުބައި ހިތިވަހެއް ހުންނާނެއެވެ މާހުންނާނީ އުނިއޮށެއްގެ ބޮޑުމިނުގައި އެތެރެހުސްކޮށެވެ މަލުގެ ސިފައަކީ އާފަލެއްގެ ސިފައެވެ ކުލައަކީ ފެހިކުލައެވެ މީގެވަކި ލަބަރިބަންނަން ބޭނުންކުރެއެވެ މީގެފަތަކީ ބޭހަށް ބޭނުންކުރާ އެއްޗެކެވެ