radheef.info
ރަދީފު


ނީ
ނ (1) ހަނޑޫފަދަ ތަކެތި ފޮޅީމާ ނެގޭ އެންމެ ހިމުންބައި (2) އޮޑި ފަހަރުގެ ކުނބުގެ ކުރީގައި ސާމޯރުޖަހަން ހިމަކޮށްފައި ހުންނަ ތަންކޮޅު (3) ބދ ކުރީކޮޅު
ބަދުރުވާމޫސުން
ނ ފުރަބަދުރުވަ ފެށުނީއްސުރެ ފަސްބަދުރުވާގެ ނިޔަލަށް
ބަތާހިނގުން
މ އިހުގައި އީދު ބާރަ ދުވަސްދުވަހު ޞަލަވާތްފުޅު ކިޔަވަން ބައިހަދައިފައި ގޭގެޔަށް ހިނގުން. މިބައިމީހުން ހިނގާނީ ބޮލުގައި ފޮށާއޮޅައިގެން ނުވަތަ ރުމާލެއް އަޅައިގެންނެވެ
ބަތާވިގާ
ނ އަލިފާން ފަރުބަދަ ގޮވައިގެން އުފެދޭ ހިލައެއް މިހުންނަނީ ހުހި ވައްފާޑަށް ފެންމައްޗަށް އަރާހެން ލުއިކޮށެވެ
ބަތްކައްކާ
ނ ކުޑަކުދިން ކުޅޭ ކުޅިވަރެއްގެ ނަން މިކުޅިވަރުގައި ކެއްކުމުގެ ނަކަލު ކުރަނީއެވެ
ބަތްޕެން
ނ ބޯންކައްކާ ދިޔާ އެއްޗެއް މިކައްކަނީ ހަނޑުލުގައެވެ މިއެކިބާވަތަށް ކިތައްމެ އެއްޗެއްގައި ކައްކައެވެ
ބަތްޕެންހިކާ
ނ ހިކާގެ ބާވަތެއް. މިމަހުގެ މަތީބައިގެ ކުލައަކީ މުށިކުލައެވެ. ބޮލުން ފެށިގެން މަހުގެދިގަށް ފުޅާ ގަދަ މުށިކުލައިގެ ބޭންޑެއް ހުރެއެވެ ބުރިކަށިމަތީގައި ހުންނަނީ މުށިކުލައެވެ ބަނޑުދަށް ފަރާތުގެ ކުލައަކީ މަޑު ރީނދޫ ކުލައެވެ
ބަތްޕޮޅި
ނ ހަނޑޫ ފޮޅަން ގެންގުޅޭ އެއްޗެއް މިހުންނަނީ އެއްކޮޅު ގޮނިކޮށް ރުކު ފަތީން ވިޔެފައެވެ
ބަތްޕޮޅިކޮކާ
ނ ކޮކާ މަހުގެ ބާވަތެއް މިއީ މުށިކުލަޔާއި އޮރެންޖު ކުލައިގެ ކުރެހުން ތަކެއް ހުންނަ މަހެކެވެ މިމަސް ހުންނަނީ ކޮކާލަކާ ވައްތަރު ގޮތަކަށެވެ
ބަތްޕޮޅިމަސް
ނ ފަރުފަޅުގަޔާއި އެތެރެވަރީގައި ދިރިއުޅޭ މަހެއް މިހުންނަނީ ބަތްޕޮޅި ބުރަށެވެ މަހުގެ ކުލަޔަކީ އަޅިކުލަޔާއި މުށިކުލައެވެ ކޮތަރިބަޔާއި ނިގޫފަތުގައި ހުންނަނީ މުށިކުލައެވެ
ބަތްޖެހުން
މ ހަނޑުލު ބޮނޑިބަތް ފޯލިކޮށް އޮޅައި މިލުވައިފައި ހުންނަ ކެޔޮފަތަށްލައި އޭގެ ދެކޮޅު ބަންދުކޮށްލުން މިކަން ކުރަނީ ބަދިގޭ މީހުންނާއި މެދުރި މީހުންނެވެ މިއީ ރަސްމީ ގޮތުން އޮލީ ކިޔަވާއިރު ކައްކާ ބޮނޑިބަތެކެވެ
ބަގިޔާ
ނ ކުރެހުމަކަށް ފެންނާނޭގޮތަށް ޖަހާ ހަރުރޮއްޖެއް މި އެންމެ ގިނައިން ބޭނުން ކުރަނީ ދިވެހި ލިބާހުގައި ބޯވަޅު އަޅާއިރުގައެވެ ބޯވަޅުގައި ބަގިޔާ ޖަހާތާނގައި އަޅަންގަތާ އެއްޗިއްސަށްވެސް ކިޔަނީ މިހެންނެވެ
ބަސަޅު
ނ ވަޅު ކުރަތްޕެއްގެ ސިފައިގައި ކުޑަކޮށްތިބޭ ފެހިކުލައިގެ ދިރޭ އެއްޗެއް މީގައި ވަރަށް ގަދަ ނުބައި ވަހެއް ދުވާނެއެވެ މިގިނައިން އުދުހެނީ އިރުއޮއްސޭ އިރުއެވެ
ބަޑަމަށްދިޔުން
މ މަތީ ކިބައިގައި ހުންނަ ދޯންޏެއްގެ ދަށް ފަރާތުން ފަސްކަންޏާ ހަމައަށް ދިއުން މިތަނަށް ދަނީ ކުރީގައި އޮންނަ ދޯނިންއުކާ އެމުން މަސްބޭނުމުގެ ބޭނުމުގައެވެ
ބަޑަމު
ނ މަސްއައިނުގައި އޮންނަ ދޯނީގެ ދަށް ފަރާތުން ފަސްކަންޏާ ހަމަ
ބަޑާދަނޑި
ނ )ސ ( ފަސޭހައިން އެއްއަޑާއެކު ބިންދާލެވޭ ކަހަލަ ދަނޑި އާންމުކޮށް މިނަން ކިޔަނީ ދިއްގާގަހުގެ އާރުނުލާ ބާވަތުގެ ދަނޑިއަށެވެ
ބަޑިބަޑިކުޅުން
މ ފަންކުޅޭ ކަހަލަ ގޮތަކަށް މުންޏެއް ޖަހައިގެން ދެބައަށް ބެހިގެން ކުޅޭ ކުޅިވަރެއް. މިއީ އިރުވައި މޫސުމުގައި ފުރަހަޅަ ލައިގަތުމުން މާލޭގެ އުތުރާއި އިރުމައްޗާއި ހުޅަނގު ފަރާތުގެ ބުރުޒުތައް ދޮވެ ސާފުކޮށް ބަޑިފަންޖަހައި މިކަމުގެ މަސައްކަތް ނިމޭ ދުވަހު އެތަނުގެ ކުނިފަން ސާފުކުރަން ނުކުންނަ އަންހެނުންނާއެކު މެދުރި މުސްކުޅި ބޭކަނބަލުން ކުޅުއްވައި އުޅުއްވި ކުޅިވަރެކެވެ މިކުޅިވަރު ކުޅެނީ މައި ފާރުން ބޭރުގައެވެ މިކުޅިވަރު ކުޅޭތަނަށް ފިރިހެނުން އައުން މަނާވާނެއެވެ
ބަޑިބޭސް
ނ ބަޑި ގޮއްވަން އަޅާ ކަޅުކުނޑި މިހަދަނީ ދެއްޔާ ބާރޯޒާއި ކައްސަނދުވާނި އެއްކޮށްގެންނެވެ
ބަޑިކުރެދި
ނ ގަލުގައި މަތާ ޖެހުން ފަދަ ކަންކަމަށް ބޭނުންކުރާ ފަލަ ކުރެދި. މިހުންނަނީ އެއްކޮޅު ފޭއްސައިފައެވެ
ބަޑިކުޅި އުނބު
ނ އިހުގައި ބަޑިކުޅީގެ ބޭސް އަޅާން ގެންގުޅުނު އުނބު މިކަމަށް ބޭނުންކުރަނީ ދިގުކާށީގެ އުނބެވެ
ބަޑިކުޅިމާ
ނ ބަޑިކުޅިގަހުގައި އަޅާ މާ މިމާ ހުންނާނީ ހޮޅިއެއް ހެންނެވެ މީގެ ހުދުމަލާއި ފިޔާތޮށިމަލާއި ރަތްމާ ހުރެއެވެ