radheef.info
ރަދީފު


ނި
އ )ސ ( ނު
ނިލަގަނޑު
ނ (1) ނިލަފަންގެ. (2) އޮޑިދޯނި ފަހަރުގެ ކުޑަ ހިޔާ ހަދަން ބޭނުންކުރާ ފަންގެ. މިއީ އޮޑިދޯނި ބައްތެލި ފަހަރުގެ ފަންހިޔަލުގެ ފުރާޅުމަތީގައި ފެތުރުމަށްޓަކާ ކަށިކޭލު ހޮޅުގެ ފަތިން ދެފަތިގަނޑު ދޭތެރޭގައި ކައިވަތެއްހާ ދުރުމިން ހުންނަވަރަށް ބަނޑުވަރުތަކެއްގައި އައްސައިއަމުނައިފައި އޮންނަ ފަތިތަކެކެވެ
ނިލެމޭހި
ނ )ގ ( ނިލަމެހި
ނިގާރަންލުން
މ (1) ފުރާދުއްވާ އެއްޗިއްސަށް ނިގާރަމުގެ ބޭނުމުގައި ތަކެތި އެރުވުން (2) މަޖާޒު: ނާސްތާކުރުން
ނިގުޅައިލުން
މ ނިގުޅުން މިބަސް ލުއިކޮށްލުމުގެ ގޮތުންނާއި ގަދަކޮށްލުމުގެ ގޮތުން ބޭނުންކޮށް އުޅޭގޮތް
ނިގޫހުދުކާޅު
ނ ކަނޑުކާޅު ޢާއިލާގެ މަހެއް މިއީ ފަތިކޮށް ހުންނަ ކުޑަ މަހެކެވެ މަހުގެ ކުލައަކީ ގަދަމުށިކުލައެވެ ނިގޫފަތުގެ ކުލައަކީ ހުދުކުލައެވެ
ނިގޫހުދުކޮކާމަސް
ނ ކޮކާ މަހުގެ ބާވަތެއް މަހުގެ ކުލައަކީ މުށިކުލައެވެ މިކުލައިގެ ތެރެއިން ނޫކުލައެއްވެސް ފާއްދާފައި ހުރެއެވެ ބަނޑުދަށް ފަރާތުގެ ކޮތަރިބައިގެ ކައިރިފަށާއި ކުޑަކޮތަރިބައިގެ ކައިރިފަށް ހުންނަނީ ނޫކުލައެއްގައެވެ ނިގޫފަތް ހުންނަނީ ދޮންކުލައިގައެވެ
ނިގޫދިގުހިކާ
ނ ހިކާގެ ބާވަތެއް މިމަހަކީ ހިމަދިގު ފެހިކުލައިގެ މަހެކެވެ މިފެހިކުލައިގެ ތެރެއިން ނޫކުލައެއް ފާއްދައިފައި ހުރެއެވެ ހުޅުނބުތަކުގެ ހުރަހަށް ރަތްކުލައިގެ ރޮނގެއް ފާޅުކޮށް ހުރެއެވެ މިމަހުގެ ބޮލުގައި ރަތްދަނބުކުލައިގެ ކުރެހުންތަކެއް ހުރެއެވެ ނިގޫފަތުގެ ދެފަރާތުކައިރި ނަރުވައެއްގެ ސިފައިގައި ދިގުކޮށް ހުރެއެވެ
ނިގޫދޮންނޫމަސް
ނ ފަރުމަހުގެ ބާވަތެއް. މިމަހުގައި ހުންނަނީ ނޫ ކުލައާއި ރީނދޫކުލައެވެ. މަތީ ކޮތަރިބަޔާއި ނިގޫފަތުގައި ހުންނަނީ ރީނދޫކުލައެވެ އެހެން ކޮތަރިތައް ހުންނަނީ ހުދުކުލައެއްގައެވެ ނިގޫފަތް ހުންނާނީ ވަރަށް ބޮޑަށް ކަފިވެފައެވެ
ނިސްބަތްވުން
މ މީހަކާ ނުވަތަ އެއްޗަކާ ނުވަތަ ފަރާތަކާ ގުޅިފައިވުން މިސާލު: މަޖީދީމަގު ނިސްބަތްވެފައިވަނީ ޢަބުދުލްމަޖީދު ރަންނަ ބަނޑޭރި ކިލެގެފާނާ އެވެ
ނިޔަނދުރުމާ
ނ ނިޔަނދުރުގަހުގެމާ
ނިޔަނދުރުފަޅޯ
ނ ނިޔަނދުރުގެ ބައްޓަމުގައި ހުންނަ ފަޅޮލެއް
ނިޔަނދުރުލޭ
ނ ބައެއް މިހުންގެ ނޭފަތުން ދުވަސްދުވަހުން އަންނަލެޔެއް މިލެޔަށް މިނަންކިޔުނީ ނިޔަނދުރު ފަތް ފިސްކޮށްފައި ވަސްގަތީމާ ލޭ މަނާވާތީއެވެ
ނިޔަނެތި
ނއ ނިއަނެތި
ނިޔަރޮދި
ނ ނިޔަފަތިގަނޑާއި ހަމާއި ގުޅޭ ތަނުން ހަމުގެ ކައިރިފަށް
ނިޔައުވުން
މ ނިޔާވުން
ނިޔަމި
ނ ނިއަމި
ނިޔަމިކަން
ނއނ ނިއަމިކަން
ނިޔަފަތި
ނ އިނގިލިތަކުގެ ކަޅުހަން ނިމޭތާ ކުރީގައި ހުންނަ ހަރުތޮށި ގަނޑު
ނިޔަފަތިކަނޑާދަތި
ނ ނިޔަފަތި ކަނޑަން ހަދައިފައި ހުންނަ އާލަތެއް
ނިޔަފަތިމާ
ނ ނިޔަފަތީގައި ޖަހާހުދު ތިކިތިކި