radheef.info
ރަދީފު


ބަ
އ އައްބަ
ތަރުޖަމާނުން
މ (1) އެއްބަހަކުން ލިޔެފައި ހުންނަ އެއްޗެއް އަނެއް ބަހަކަށް ބަދަލުކުރާ މީހުންނާއި އެއްބަހަކުން ދައްކާ ވާހަކަ އަނެއް ބަހަކަށް ބަދަލު ކުރާމީހުން (2) ރަސްމީދާއިރާ އަކުން ނުވަތަ ނުރަސްމީ ފަރާތަކުން ކަމެއް ކުރިގޮތުގެ ތަފްޞީލުދޭން ތިބޭމީހުން
ތަރުޖަމާކުރުން
މ އެއްބަހަކުން ލިއެފައި ހުންނަ އެއްޗެހި ނުވަތަ ދައްކާ ވާހަކަ އަނެއްބަހަކަށް ބަދަލުކުރުން
ތަރުޙީބުދިނުން
މ (1) ބަހުންނާއި ޢަމަލުން ރުހޭކަންފާޅުކުރުން (2) މެހުމާނުންނަށް ކަމޭހިތުމާއެކު އުފާވެރިގޮތުގައި ބައްދަލުކުރުން (3) ފޯރިދިނުން (4) ސާބަސްދިނުން (5) ހިތްވަރު ދިނުން
ތަބާވުން
މ (1) ބޯލެނބުން (2) ކިޔަމަންވުން (3) އަމުރުވެރިކަން ޤަބޫލުކުރުން (4) އަނެކަކު ދައްކާމަގުން ހިނގުން (5) ބަސްޤަބޫލުކުރުން
ތަޅަން
ނ (1) ބަނޑުދޭން ހަނޑޫ އޮއްސައިފައި އޮންނަތަން (2) ވކ ވާހަކަ ދައްކާ އެއްވަނަ ފަރާތަށް ނިސްބަތްވާގޮތަށް ބުނެވޭ "ތެޅުން" މިބަހުގެ ވާކަން މިސާލު: އަހަރެން ކޮންމެ ދުވަހަކު މަކުނު ތަޅަން (3) ތަޅުންގަނޑު
ތަޅައިފޮޅުން
މ ރުޅިއައިސްގެން އެކަކު އަނެކެއްގެ ނުވަތަ އެއްބަޔަކު އަނެއްބައެއްގެ ގަޔަށް އަތްލުން
ތަޅައިގަތުން
މ ތެޅުން މިބަސް ގަދަކޮށް ބުނާގޮތް
ތަޅައިގެންނެވުން
މ (1) ގޯންޏެއްފަދަ އެއްޗަކަށް އެއްޗެއް ބާރުކޮށް އެޅުން (2) ބައިބޯތަނެއްގައި މީހުން ކޮށްޕައި ދުރުކުރުން
ތަޅު
ނ (1) ނަންބަރު ދިމާކޮށްގެން ނުވަގަ ތަޅުދަނޑިފަދަ އެއްޗަކުން ހުޅުވޭގޮތަށް ދޮރާއި ފޮށިފަދަ އެއްޗެހީގައި ހަރުކޮށްފައި ނުވަތަ ލައިފައި ހުންނަ އެއްޗެއް (2) ލަކުޑިފަދަ އެއްޗެހީގައި މަކުޑިކަނޑައިގެން ތަޅުލެވޭގޮތަށް ތައްޔާރުކުރާ ތައްޔާރުކުރުން
ތަޅުއެޅުވުން
މ ކުއްޔަށް ދީފައިވާ ފިހާރައެއްފަދަ ތަނެއްގެ ވެރިފަރާތުން އެފަރާތަށް ނޭނގި އެތަނެއް ނުހުޅުވޭގޮތަށް ބަންދުކުރުން
ތަޅުވައިލުން
މ (1) ހަލުވައިލުން (2) ގުޑުވައިލުން މަޖާޒު: (3) ވާހަކައެއް ފަތުރައިލުން (4) މީހެއްގެ ކިބައިން ވަކިވާހަކައެއް ހޯދަންވެގެން އޭނާލައްވައި ވާހަކަދެއްކުވުން
ތަޅުފަތްގަނޑު
ނ އެލުވާތަޅު ބޭނުންކުރާ ތަންތަނުގައި އަރުގޯލައަށްމަތިން އައިސް އެމުނޭގޮތަށް ހަދައިފައިހުންނަބައި
ތަޅުދަނޑި
ނ (1) ތަޅު ހުޅުވުމަށާއި ތަޅުލުމަށް ބޭނުންކުރާ އާލަތެއް މި ތަފާތު ސިފަސިފައަށް ތަފާތު ގޮތްގޮތަށް ހަދައިފައި ހުރެއެވެ (2) ޗާޓްފަދަ ތަކެތީގައިވާ ކުރެހުންތައް ތަފްޞީލުކޮށްދޭ ބަޔާން (3) ތަޅުދަނޑީގެ ސިފައިގައި ހަދައިފައިވާ އެއްޗެއް
ތަޅުލުން
މ (1) ތަޅުދަނޑިއަކުން ނުވަތަ އެފަދަ އެއްޗަކުން މެނުވީ ނުހުޅުވޭގޮތަށް ތަޅެއް ބަންދުކުރުން (2) ނަންބަރުތަޅުހުންނަ ފޮށިފޮށީގައި ނަންބަރުދިމާ ކުރުމުން މެނުވީތަޅު ނުހުޅުވޭގޮތް ހެދުން
ތަކަ
ނ ދާބަންނަ ރޮދި އަނބުރަން ގެންގުޅޭ އެތި
ތަކަފިލޯށި
ނ ބޮޑުބަޑީގެ ނިވާލިގަނޑު ނެރެންގެންގުޅޭ އެއްޗެއް މިހުންނާނީ ބަޑީގެ ތެރެއަށް ވައްދައި އެނބުރޭވަރުގެ ދޫކޮށް އޮންނަ ދަނޑިއެއްގެ ކޮޅުގައި އެނބުރިފައި އޮންނަ ނަރުގަނޑެއްލައިފައެވެ
ތަކުރުފާނު
ނ (1) ފިރިހެނުންނަށް ކިޔައިއުޅޭ ނަމެއް (2) ތަކުރު މިބަހުގެ މާތްގޮތް (3) މަނިކު ކިޔާމީހަކަށް ކޮއްޔެއްލުމުން ނުވަތަ މަޖިލީހަށް އެރުވުމުން ނުވަތަ ޒިކުރަށް އެރުވުމުން ކިޔާގޮތް
ތަކުބީރު
ނ ﷲއަކުބަރު
ތަކުބީރުކިއުން
މ ﷲއަކުބަރު މިކަލިމަކިޔުން
ތަކޫވައް
ނ ދިވެހިބޭހަށާއި ބައެއް ކާއެއްޗިއްސަށް ލާން ބޭނުންކުރާ އެއްޗެއް މިއީ މަތިކަރާބޭހުގެ ބާވަތެކެވެ