radheef.info
ރަދީފު


ހުން
ނ (1) ހަށިގަނޑު ހޫނުވާ ބައްޔެއް މިބަލީގެ ކިތަންމެ ބާވަތެއް ހުރެއެވެ (2) )އ ކ ( ބަރުއެއްޗެހި ނަގާއިރު ބާރުލާން ބުނާބަހެއް (3) ތިމާޔާ ޒުވާބުކުރާ މީހަކު ދެރަކޮށްލާން އިއްވާއަޑެއް
ލޮނދިވަކަ
ނ ވަކައިގެ ދަނޑިޔާ އެންމެ ކައިރިއަށް ހުންނަ ތުނި ފަށް މިއީ ކުނާ ވިޔުމަށާއި ހިމަނަނު އެޅުމަށް ބޭނުންކުރާ އެއްޗެކެވެ
ލޮނދިތޮށި
ނ ގަސްގަހުން ކަނޑައިލެވޭ ރޯތޮށިގަނޑު
ލޮނދިގަނޑު
ނ ލޮނދިކޮށް ހުންނަ އެއްޗެހީގެ ބައިބައި ނުވަތަ ގުޅަވަރު މިސާލަކަށް: ކުކުޅު ބިހާއި ވެލާބިހުގައި އޮންނަ ލޮނދިގަނޑު
ލޮނު
ނ (1) ކަނޑުފެން. (2) ކަނޑުފެނުގައި ހުންނަ ފެނުގެ ބައި ހިނދިގެން ފުއްފުކަށްވެފައި ހުންނަ ބަޔަށް ކިޔާނަން. މިއީ ކާބޯ ތަކެތީގައި ލޮނުރަހަ ލެއްވުމަށާއި ކާއެއްޗެހި ގިނަދުވަހު ހުންނަ ގޮތަށް ރައްކާ ކުރުމަށް އަޅާ އެއްޗެކެވެ
ލޮނުހަކުރު
ނ މީރާގައި ހިލައިފައި ކުޑަކޮށް ލޮނުލައިފައި ހުންނަ ހަކުރެއް މި ހުންނަނީ އަވީލައިގެންނާއި ދުމަށީގައި ޖަހައިގެން ހިއްކައިފައެވެ މިއީ ގަނޑުގަނޑަށް މުރަނަކޮށް ތަތްކޮށް ހުންނަ ހަކުރެކެވެ
ލޮނުހިންދުން
މ މަސްކޮށައި ރިހަކައްކާ ގޮތަށް ތައްޔާރުކޮށް ފަހުން ރިހަ ކެއްކުމަށްޓަކައި ވަގުތީގޮތުން ކުޑަފެންފޮދެއްގައި ލޮނުލައިގެން މަސް ކައްކައި ރޯފިލުވައިލައިފައި ބެހެއްޓުން
ލޮނުހިލުން
މ ލޮނުވެލި ލައިގެން ރާނައިފައި ހުންނަ ފާރުތަކުން ފުއްފުކަށް ލޮނު ނިކުތުން
ލޮނުހެޔޮވަރުކަން
ނއނ (1) ލޮނުރަހަލާ އެއްޗެހީގައި އެމީހަކަށް ރަނގަޅު ވަރަށް ލޮނުރަހަ ހުންނަކަން (2) މަޖާޒު: މީހެއްގައި ހުންނަ ކޮންމެ މީހަކާވެސް ގުޅޭ މަޖާކަން
ލޮނުބޯދި
ނ )މ ( ބޯދީގެ ބާވަތެއް މިއެމުގެ އެތެރެ ހުންނާނީ ބިއްލޫރި ކޮޅެއް ހެންނެވެ އެތެރޭގެ ކަށިވެސް އެނގޭގޮތަށެވެ މިއީ ވަރަށް ކުޑަ އެމެކެވެ
ލޮނުވެލި
ނ (1) ގޮނޑުދޮށުގެ ފަސް (2) ލޮނުގެ އަސަރު ހުންނަފަސް
ލޮނުވެލިގަނޑު
ނ )ހ ( ގޮނޑުދޮށުން މޫދުގެ ލޮނުގެ އަސަރު ލިބިލިބި ހުންނަ ހިސާބު
ލޮނުމަސް
ނ ފުރެއްދެ ލޮނު އަޅައި ސީރާކޮށް އަވީން ހިއްކައި ނުބައި ނުވާނެގޮތް ހަދައިފައި ހުންނަމަސް
ލޮނުމަސްއެޅުން
މ ރޯކޮށްހުންނަމަސް ފުރެއްދެލޮނު އަޅައި ސީރާކުރަން އެއްޗެއްގައި ބެހެއްޓުން
ލޮނުމަޑު
ނއ (1) ލޮނުރަހަ ކުޑަ. (2) މަޖާޒު: ޙަރަކާތްކުޑަ ނެގިމަޑުވެފައި ހުންނަ ނުވަތަ އޮންނަ (3) ފޯރިއެއްނެތް
ލޮނުމަޑުވުން
މ (1) ބޯއެއްޗެއްސާއި ކާއެއްޗެތީގައި ހުންނަންވާވަރަށްވުރެ ލޮނުގެ ރަހަމަޑުވުން. (2) މަޖާޒު: ހިނގަމުންދާ ކަމެއް ނުވަތަ މަސައްކަތެއްގެ ފޯރީ ކުޑަވުން ނުވަތަ ޖޯޝް ނެތުން
ލޮނުމަޑުމީހުން
ނ މަޖާޒު: ރޫޙު ކުޑަ ޝައުގުވެރިކަން ކުޑަ ފޯރި ނުހުންނަ މީހުން
ލޮނުމެދު
ނ ހަވާދުގެ ތެރޭގައި ހިމެނޭ ބާވަތެއް މިއީ ކުދިފިޔަޔާއި ވައްތަރު ގޮތަކަށް ބޮނޑި ބޮނޑިއަށް އަޑިއަށް ފައިބާ ޒަވި ވަހަކާއި ރަހައެއް ހުންނަ އެއްޗެކެވެ މީގެ ތޮށި ކުދިފިޔާގެ ތޮއްޓަށްވުރެ ބޮލެވެ މި ހުންނަނީ ހުދުކުލައިގައެވެ މިއީ ބޭހަށްވެސް ބޭނުންކުރާ އެއްޗެކެވެ
ލޮނުމެދު ފަޓާސް
ނ އެތެރެއަށް ބަޑިބޭސް އަޅައިގެން ލޮނުމެދު ބޮނޑިއެއްހެން ހުންނަ ގޮތަށް ބޭރުން ކަރުދާސް އޮޅައިފައި ހުންނަ އެއްޗެއް މިއީ އިހުގައި މާލޭގައި ހަދައި އުޅުނު އެއްޗެކެވެ މިގޮއްވަނީ ތަންތާނގައި ބާރަށް ޖަހައިގެންނެވެ
ލޮނުފުއްޕުން
މ އުވަ ނުވަތަ ސިމެންތި ޖަހައިފައި ހުންނަ ފާރުން ލޮނު ހިލުން
ލޮނުފޫޖެހުން
މ ލޮނުގެ އަސަރުން ހަށިގަނޑުގައި ނުވަތަ ފޭރާމުގައި ފޫޖެހުން