radheef.info
ރަދީފު


ޔ
ނ ތާނައިގެ އެކާވީސް ވަނައަކުރު
ތިންފުޅީބެރު
ނ (1) އިހުގައި ހުކުރު ދުވަހު ނުވައެއްޖެހީމާ ނާބުސްޚާނުންޖަހާ ބެރެއް މިބެރުޖަހާނީ ދުންމާރިއާއި ތާޅަފިލި ފުމެމުންނެވެ (2) ހަތްފިޔަވަޅުބެރު
ތިންތިކިބައިނާ
ނ )ސ ( ފޭލިވިޔާއިރު ކޮޅުމަތީގައި ކަސަބާއި ފަށުއިން ޖަހާބައިނުގެ ވައްތަރެއް
ތިންތެލުކެއްކުން
މ ގިތެލާއި ތިލެލާއި ކާށިތެލާއި މިތިންތެޔޮ އެއްކޮށްގެން އެއްޗެއް ކެއްކުން
ތިންގެމައިން
ނ (1) ރަދުން ތަނަކަށް ވަޑައިގަންނަވާއިރު އަރިއަހުގައިދާ ދެދޯނިކޮޅާއެކު ތިންދޯނިވީމާ ކިޔާގޮތް (2) ތިންއަވަށުން
ތިރިކަށުނގަ
ނ ހިކިއިނގުރާއި އަސޭމިރުހާއި ވަކިފުލާ މިތިން ބާވަތަށް އެއްކޮށް ކިޔާގޮތް
ތިރިކުރުން
މ (1) މަތިކުރުމުގެ އިދިކޮޅު (2) ނަގައިފައި ހުރިއެއްޗެއް ބޭލުން މިސާލު: )ހ( ދިދަ ތިރިކުރުން )ށ( ރިޔާތިރިކުރުން (3) އުސްކަން ކުޑަކުރުން މިސާލު: ފާރުތިރިކުރުން (4) ސޭލާއަކުން އުފުލައިފައި ހިފަހައްޓައިފައިހުރި އެއްޗެއް ބިމަށް ނުވަތަ ބޯޓު ތެރެއަށް ގެނައުން (5) އުފުލަިއފައި ހުރި އެއްޗެއް ވައްޓައިލުން މިސާލު: ފަރުދާ ތިރިކުރުން (6) މަޖާޒު: މަތީ މަޤާމުގައި ހުރި މީހަކު ދަށަށް ޖެއްސުން
ތިރިކޭޓް
ނ ނާފަހަރުގެ އެންމެ ތިރިރިޔާ
ތިރީކައިރި
ނ ބޯވަޅުއެޅި ލިބާހުގެ ވަށްބަގިޔާގެ މަތީގައި ކަސަބުން ގަތައިފައި އަޅާފަށް މިފަށް ވަށްބަގިޔާއަށްވުރެ ފުޅާވާނެއެވެ ތިރީކައިރިޔަކީ ބޯވަޅުގައި އޮންނަ އެންމެ ފުޅާ ކަސަބުގަނޑެވެ
ތިބާ
ނ (1) ކަލޭ (2) ތިޔަ
ތިބާހުން
ނ ތިޔަބައިމީހުން
ތިބާހެން
އ (1) ތިޔަހެން (2) ތިޔަގޮތަށް
ތިކި
ނ (1) ދިޔާއެއްޗެއްގެ ޢަދަދު ކުރެވޭ އެންމެމަދު މިންވަރު (2) ލިޔުމުގެ ތެރޭގައި ބޭނުންކުރާ ނިޝާނެއް އެންމެ ޢާއްމުކޮށް މިނިޝާން ބޭނުންކުރަނީ ޖުމުލަ ނިންމާ ތާނގައެވެ (3) ނުކުތާ
ތިކިބުރުން
މ ދިޔާއެއްޗެއްގެ ތިކިތަކެއް ވިހުރުވިގެން ދިޔުން
ތިކިޖެއްސުން
މ (1) ލޮލަށް ނުވަތަ ނޭފަތަށް ނުވަތަ އެނޫންވެސް ތަނަކަށް ދިޔާބޭހެއް ތިކިތިކިންއެޅުން (2) ބަލިމީހަކަށް ނުވަތަ ކުޑަކުއްޖަކަށް ދިޔާއެއްޗެއް ތިކިތިކިންދިނުން (3) ތިކިޖެހުން މިބަސް ކުރުވުމުގެ މާނައިގައި ބުނާގޮތް
ތިއަ
އ ތިޔަ
ތިއަރަ
ނ ތިޔަރަ
ތިއަރީ
ނ (1) އެއްޗެއް އަނެކައްޗަކާ ގުޅޭގޮތް މަޢުލޫމާތުން ދައްކާދެއްކުން (2) ޤަބޫލުކުރާގޮތް (3) ސިޔާސަތު (4) ކަމަކަށް އަމަލު ކުރަންޖެހިފައިވާ ގޮތް (5) ކަމެއް ހިނގާގޮތުގެ އަސްލު ސައިންސް ވެރިން ކިޔައިދީފައިވާގޮތް (6) ބަޙުޘެއް ކުރުމަށްޓަކައި ހިފަހައްޓާ އުޞޫލު (7) ޚިޔާލަށް ކަމެއް ވިސްނިފައި އޮންނަގޮތް
ތިއޭޓަރު
ނ (1) ތަމްސީލު ކުޅެހަދާގެ (2) ބައިސްކޯފު ދައްކާގެ (3) އެތަނެއްގެ އެތެރޭގައި ހަރުފަތް ބަރިއެއްގެ ގޮތަށް ތަޅުންގަނޑު ހަދައި އެތަނުގައި ގޮނޑިޖަހައިފައިވާ ހޯލު (4) ހަސްފަތާލުގައި ބަލިބައްޔާ ބެހޭ ފެޅުންތަކަށް ހަދައިފައި ހުންނަ ކޮޓަރި
ތިމަރަ
ނ (1) ޓިނާއި ޖަސްތުފަދަ ތަކެތިން ހަދާތަކެތި ބެއްދުމަށް ގެންގުޅޭ މަޢުދަނީއެއްޗެއް މިއަލިފާނުން ވިރޭނެއެވެ މިއީ ފެނުބާރު ހިފާވަރަށްވުރެ ބަރުއެއްޗެކެވެ (2) އުރަވަޅީގައި ނަގާބައްޔެއް
ތިމަރަހަނދި
ނ ހަންޖާ ވައްތަރު ނަމަވެސް ހަނދީގެ ބާވަތްތަކާ ޚިލާފަށް ފަތިކޮށް ހުންނަމަހެއް މިއީ ދިވެހިން ކެއުމަށް ބޭނުންކޮށްއުޅޭ މަހެކެވެ މިމަހުގެ ތުނބުގެ ތިރީބައި މަތީބަޔަށްވުރެ ދިގުކޮށް ނުކުމެފައި ހުންނާނެއެވެ މަހުގެ ކުލައަކީ ރިހިއަޅި ކުލައެވެ ކަރުތާފަތުގެ ކުރީބައިގެ ކައިރިފަށް ކަޅުވާނެއެވެ