radheef.info
ރަދީފު


ވާ
ނ (1) "ވައު" ބަލާ! (2) އ. ބައެއް ތަންތާނގައ ި "ވެސް" ގެ މާނައިގައި ބުނެއުޅޭ އަކުރެއް މިސާލު: ތިޔައީވާ ބޮޑުކަމެއްނޫނެވެ (3) ދަތިނޫންކަމެއް ނުވަތަ ބޮޑުނޫން ކަމެއްކަން އެންގުމުގެ މާނައިގައިވެސް މިއަކުރު ބޭނުން ކުރެއެވެ މިސާލު: އޭނާވާ އަތުވެދާނެއެވެ
ޓައީ
ނ (1) ގަމީހުގެ ގިރުވާނުގެ ދަށުން ކަރުވަށައިލައިފައި ގެނެސް ލަގޮނޑިވަޅާދިމާއިން ގޮށެއް ޖަހައިފައި ތިރިޔަށް އެލުވައިލައިފައި ހުންނަ ފޮތިކޮޅެއް މިހުންނަނީ އެއްކޮޅަށް ފަލަކޮށް އަނެއް ކޮޅަށް ހިމަކޮށެވެ (2) ވަކިގޮތަކަށް ޖަހާގޮށެއް
ޓައުން
ނ (1) ރަށް (2) ބޮޑަށް އާބާދުވެފައިވާ އަވަށް
ޓަފުނަނު
ނ ކަނޑުދަތުރުކުރާ އުޅަނދެއް ދުވާވަރުބަލަން ގޮށްޖަހައިފައި ދޫކުރާ ނަނެއް
ޓަފުފުޅި
ނ (1) ފަނަރަ ސިކުންތަށް ހަދައިފައި ހުންނަ ވަގުތުފުޅި މިއީ ދެކޮޅަށް ފަލަކޮށް މެދަށް ހިމަކޮށް ދެކޮޅަށްވެސް ހިމުން ހިލަވެލި އޮހޭގޮތަށް ހަދައިފައިވާ އެއްޗެކެވެ (2) ޓަފުނަނު ދޫކުރާއިރު ވަގުތު ބަލާއެއްޗެއް
ޓަގު
ނ ކަނޑުގައި ދުއްވާ އުޅަނދު ފަހަރާއި ބޯޓް ބައްތެއްޔާއި ބަނޑު ފަހަރު ކަފުޖަހައިގެން ދެމުމަށް ބާރުގަދަ އިންޖީނެއް އަޅައިފައި ހުންނަ އުޅަނދެއް
ޓާމް
ނ ތަޢުލީމީ އަހަރުގައިވާ ދުވަސްތައް ކިޔަވައިދިނުމަށް ބަހައިލައިފައިވާ މުއްދަތުންކުރެ މުއްދަތެއް މިސާލު: މިއަހަރުގެ ފުރަތަމަ ޓާމުގެ ކިޔެވުން ނިމޭނީ އެޕްރީލުމަހުގެ ނިޔަލަށެވެ
ޓިންޓިން
ނ (1) ގަޑިންޖަހާއަޑު (2) ލޯބަނޑިޔާފަދަ އެއްޗެހީގައި ދަގަނޑު ފަދަ މަޢުދަނީ އެތިކޮޅަކުން ޖެހީމާ ގޮވާއަޑު
ޓިކެޓު
ނ ވަކިސިފަޔަކަށް ކަރުދާހުން ތައްޔާރުކޮށްފައި ހުންނަ އެއްޗެއް. މިއީ ކަމަކަށް ނުވަތަ އެއްޗަކަށް އަގުދައްކައިފައިވާ ކަމުގެ ހެއްކެއްގެ ގޮތުން ދޫކުރާ އެއްޗެކެވެ. މިދެއްކުމުން ވަކިތަނަކަށް ވަނުމަށް ނުވަތަ ވަކި އުޅަނދަކުން ނުވަތަ ވަކިއެއްޗަކުން ދަތުރުކުރުމަށް ހުއްދަ ލިބެއެވެ
ޓީބީ
ނ (1) ކެއްސުންބަލި (2) އިނގިރޭސި ލަފުޒެއް ކަމުގައިވާ ޓިއުބަރކިއުލޯސިސް މިބަސް ކުރުކޮށް ކިޔާގޮތް
ޓީމު
ނ (1) އެއްކަމެއްގައި ބައިވެރިވާ މީހުންނަށް ޖުމްލަކޮށް ބުނާގޮތް (2) ކުޅިވަރެއްގައި އެއްކޮޅުން އަރާމީހުންނަށް ޖުމްލަކޮށް ބުނާގޮތް
ޓެނިސް
ނ (1) ކޯޓުއަޅައިގެން ކުޅޭކުޅިވަރެއް މިކުޅިވަރުގައި ދެމީހުންނަށް ނުވަތަ ހަތަރު މީހުންނަށް ބައިވެރިވެވެއެވެ ކޮޅެއްގައި އެކަކު ނުވަތަ ދެމީހުންނެވެ ޓެނިސްކޯޓުގައި ހުންނަނީ މެދުގައި ދާގަނޑެއް ދަމައިފައެވެ މިއީ ބޯޅައަކުން ދާގަނޑުމަތިން ކުޅޭކުޅިވަރެކެވެ ކުޅެން ގެންގުޅެނީ ރެކެޓެވެ (2) ރަބަރާއި ފޮތިން ހަދައިފައިހުންނަ ފައިތިލަ ފޮރުވޭ ކަހަލަ ފައިވާނެއް
ޓެންޑަރު
ނ ކޮންޓްރެކްޓެއް ހޯދުމަށް އެދި ފޮނުވާ ލިއުމެއް މީގައި އަގުގެ ތަފްޞީލު ބަޔާންކުރެވިފައި ހުރެއެވެ
ޓެންޓު
ނ (1) ފޭލިގެ. (2) ތަރަފާލު ނުވަތަ ބޯފޮއްޗަކުންހަދާ ވަގުތީ ގޮތުން ހިޔާވަހިކަން ލިބިދޭތަނެއް. މިތަން ކޮޅަށްޖަހަނީ ލުއި ދަނޑީގެ ނުވަތަ ހޮޅީގެ ބޭނުންކޮށްގެންނެވެ ވެއްޓުނަނުދީ ހިފަހައްޓަނީ ނަނު ނުވަތަ ވާޖަހައިގެންނެވެ
ޓެރޭމު
ނ އެއްތަނުން އަނެއްތަނަށް ދަތުރުކުރެވޭގޮތަށް ހަދައިފައިވާ ގާޑިޔަލެއް މިދަތުރުކުރަނީ މަތީގައި ދަމައިފައިވާ ދަގަނޑު ނަރު ތަކެއްގެ އެހީގައެވެ
ޓެކުސް
ނ (1) ވާރު (2) ބޯބޯމަތިން ނުވަތަ ވަކިކަމެއްކުރާ ބައެއްގެ އަތުން ގަވާއިދެއްގެ މަތިންސަރުކާރަށް ނަގާ އެއްޗެއް
ޓެލިޑްރާމާ
ނ ޓެލެވިޒަން މެދުވެރިކޮށްގެން ދައްކާގޮތަށް ކުޅެފައިވާ ބައެއް ކަހަލަ ތަމްސީލު ނުވަތަ ޑްރާމާ
ޓެލެކުސް
ނ (1) މުވާޞަލާތުގައި ބޭނުންކުރާ ޓައިޕްރައިޓަރެއް ކަހަލަ މެޝިނެއް. މިހުންނަނީ އޮޓޮލެޓިކް އެކްސްޗޭންޖާ ނަރުގެޒަރީއާއިން ގުޅިފައެވެ. އެތަން މެދުވެރިކޮށް ތަންތަނަށް މެސެޖާއި ޚަބަރު ފޮނުވައި ޚަބަރާއި މެސެޖް ލިބޭގޮތަކަށް މީގެ ބޭނުން ކުރެވެއެވެ (2) ޓެލެކްސް މެޝިން މެދުވެރިކޮށް ފޮނުވާ ނުވަތަ ލިބޭ ލިޔުން
ޓެލެކޮމިއުނިކޭޝަން
ނ (1) ކޭބަލާއި ރޭޑިއޯމެސެޖާއި ތެލިފޯނާއި ތެލެ ގްރާފާއި ޓެލެވިޒަނާއި ރޭޑިއޯފަދަ ވަސީލަތްތައް ބޭނުންކޮށްގެން ދުރުތިބީންނާ ކުރާ މުވާޞަލާތު (2) އެފަދަ މުވާޞަލާތާބެހޭ ޢިލްމު
ޓެލެޕުރިންޓަރު
ނ މުވާޞަލާތީ ގުޅުންތަކުގައި ބޭނުންކުރާ އާލަތެއް މިއީ ލިބޭ ސިގުނަލްތައް އަކުރުތަކެއްގެ ސިފައިގައި ޓައިޕްކޮށްދޭ މެޝިނެކެވެ
ޓޭޕުރެކޯޑަރު
ނ ދަގަތްފާނުގެ ބާރު އެކުލެވިފައިވާ ފީތާއަކަށް އަޑުރެކޯޑު ކުރެވޭ ގޮތަށް ހަދައިފައި ހުންނަ އާލަތެއް މިއިން އަޑު އެހޭނެއެވެ