radheef.info
ރަދީފު


ސަ
ނ ހައެއް
ބެޓެރީ
ނ އިލެކްޓްރިކް ބާރުން ދިއްލާ ބައެއް އެއްޗިއްސާއި އިލެކްޓްރިކް ބާރުން ހިނގާބައެއް އެއްޗެއްސަށްލައްވަން ނުވަތަ ބޭނުންކުރަން ހަދައިފައި ހުންނަ އެއްޗެއް. މިހުންނަނީ ކަރަންޓް އުފައްދައިދޭ ބާވަތްތަކާއި ނުވަތަ އެބާރު ހިފަހައްޓައިދޭ ބާވަތްތައް އެތެރެއަށް އަޅައިފައެވެ މީގެ ތަފާތު ވައްތަރުތައް ހުރެއެވެ
ބެޗުން
މ (1) ސަލާމަތްވުން (2) ރެކުން
ބޭނޑު
ނ ކަނޑުމަތީ ދޫންޏެއް. މިއީ ފިޔަގަނޑު ވަރަށް ތޫރިކޮށް ހުންނަ ދޫންޏެކެވެ. މިދޫނީގެ ފިޔައިގެ މަތީ ފަރާތާއި ބޮލާއި ކަނދުރާ މަތީގައި ހުންނާނީ ކަޅުކުލައާއި ގާތް ގަދަ މުށިކުލައެވެ. ބަނޑުދޮށް ހުންނާނީ ހުދުކުލައިގައެވެ. ފަޔާއި ތުނބުގައި ހުންނަނީ ކަޅުކުލައެވެ. މިދޫނީގެ ބޮޑުމިނަކީ ގާތްގަނޑަކަށް ފަނަރަ ނުވަތަ ސަތާރަ އިންޗިއެވެ
ބޭރުބަންޑާރަ
ނ އިހުގައި ސަރުކާރުގެ ނާފަހަރުން ބަންގާޅަށް ފޮނުވައިދޭ އަމިއްލަ ފަރާތްތަކުގެ ކާށްޓާއި ކުފުރާ
ބޭރުކިހިލި
ނ ދަނޑިކޮށީގެ ދެމީހުން ކުޅީގައި ޖަހާއެތި ފަހަރެއް މިއެތި ފަހަރުން އަނެކަކު ރެކޭނީ ބާސް ކީއްޔަށް ވާގޮތަށް ދަނޑި ހިފަހައްޓައިގެން ހުރެ އެއިން ޖައްސައިގެންނެވެ
ބޭކާރުވުން
މ (1) ބޭނުންނެތުން (2) ފައިދާއެއް ނެތުން (3) މަސައްކަތެއް ނެތިފައި ހުރުން
ބޭތެލްމާލު
ނ ސަރުކާރުގެ ޚަޒާނާ
ބޭސް
ނ (1) ބަލި ފަސޭހަކުރުމަށް ނުވަތަ ލުއިކުރުމަށް އެތެރޭން ނުވަތަ ބޭރުން ބޭނުންކުރާ ތަކެތި (2) ބަޑިބޭސް (3) ރޭޑިޔޯއާއި ޓޯޗު ފަދަ އެއްޗަށްސައްލައްވާ ބެޓެރީ
ބޭސްވެރިކަން
ނ (1) ދިވެހިބޭސް ކުރުމުގެ މަސައްކަތް (2) ނއނ ދިވެހި ބޭހުގެ މަޢުލޫމާތު ހުރިކަން
ބޭސްލުން
މ (1) މީދާ މަރަން ކޮކަޑިލުން. (2) )ސ.( ބޭސް އެޅުން ނުވަތަ ބޭސް ވެށުން. (3) ޓޯޗާއި ރޭޑިޔޯ ފަދަ އެއްޗެއްސަށް ބެޓެރީލުން
ބޮނބިކަޅިހި
ނ ބޮނބިން ހަދައިގެން ކިއްސަރު ވަޑާމުގައި ބޭނުންކުރާ ކަޅިހި
ބޮނބިފަތްކަޅިހި
ނ އޮޑިދޯނިފަހަރު ބަނުމުގައި ބޮނބިފަތްކަފާފާއޮންނަ ހިލަތޮށިގަނޑުން ހަދައިގެން. ކިއްސަރު ވަޑާމުގައި ވަޑިންގެންގުޅޭ ދެލިޖައްސައިގެން ފާހަގަލާ ކަށަވަރު
ބޮނބިގަނޑު
ނ (1) ބޮނބީގެ އަރިއެއް (2) ފޭލިއުގުޅަން ހަދައިފައި އޮންނަ ޚާއްސަ ބޮނބިކޮޅު (3) ތަންތަން އުނގުޅާން ހަދައިފައި އޮންނަ ބޮނބި އަރިއެއްގެ ބުރިވަރެއް
ބޮނދާލުން
މ ދަނޑީކޮށީ ކުޅިޖަހާއިރު ހަދާގޮތެއް މިއީ ދެދަނޑިބުރީގެ ދެކޮޅު ގޮތަކަށް ޖައްސައިލައިފައި ދެމީހުން އޮރިވެލައިގެން ހަދާގޮތެކެވެ
ބޮނދުބުޑަށްސައިކިޔުން
(1) ރާޒުވާކުޅުމުގައި ބޮނދަށް ރައްކާނުވެވޭގޮތަށް ބޮނދާ އެންމެކައިރީގެ ޔަކަށް ސައިކިޔުން (2) މަޖާޒު: މީހަކަށް ސަލާމަތް ނުވެވޭވަރުގެ ބޮނޑިއެއްދިނުން
ބޮނޑިކުޅުން
މ އެތެރޭގައި ހޮއި ނޯންނަގޮތަށް ރަބަރުން ހަދައިފައި އޮންނަ ބޯޅަޔަކުން ކުޅޭ ކުޅިވަރެއް ކުޅުން. މިކުޅިވަރުކުޅޭނީ މީހުން ދެބަޔަށް ބަހާލައިގެންނެވެ. ކުޅޭނީ ބިންމަތީގައި ބޯޅަޖަހައިގެން މައްޗަށް އެރީމާ އަތުން ކަނދު ހުރަސްކޮށް ޖަހައިގެންނެވެ. މީގައި ސައްޕު ޖަހާނީ ފައިންނެވެ. އަތްމަތި ފޯލީގައި އަތް ޖެހިއްޖެނަމަ ނުބައިވެފައިތިބި މީހުން ދިރޭނެއެވެ
ބޮޅު
ނ (1) ވަށްކޮށް ދެކޮޅު ޖައްސައިފައި އޮންނަފަށް. (2) ރިހާކުރާއި ކަރު ހަކުރު ފަދަ އޮލައެއްޗެހި އިނގިޔަށް އޮޅައިލައިގެން ނެގޭމިންވަރު. (3) އުޔާއި ފަށުތްވާއި ބާދަލާފަދަތަކެތި އެކިމިންވަރަށް އޮޅައިފައި އޮންނަ ފަށްތައް މިހުންނާނީ މެދުން ގޮށެއް ޖަހައިލައިފައި ނުވަތަ އެއްޗަކުން އައްސައިލައިފައެވެ
ބޮޅުޖެހުން
މ (1) އުއި ފަށުވި ކަސަބު ފަދަ ތަކެތި ބޮޅުބޮޅަށް އޮޅައިފައި ގޮށްޖެހުން (2) ދިޔާ ހަކުރުފަދަ އޮލަ ތަކެތިން އިނގިލި ގުދުކޮށްލައިގެން ނެގޭވަރަކަށް ނެގުން
ބޮއިކަނދު
މ ދަތުވަލުގައި އައްސަން ގެންގުޅޭ ލަކުޑިގަނޑު
ބޮލަށްކޮށްޕި
ނ (1) ބޮލުގައި އަޅާން ކައިރީގައި ރޫޖައްސައިފައި ގޮނިކޮށް ފޮތިން ފަހައިފައި ހުންނަ އެއްޗެއް. (2) މޫނު ފިޔަވައި ބޮލާއި ކަނދުރާޔާއި ކަރާއެކު ނިވާވާނޭހެން ބޮލަށް ފައްތާން ވިޔެފައި ހުންނަ އެއްޗެއް