radheef.info
ރަދީފު


ތީ
އ (1) ތިޔައީ )ދުރުގައިވާ އެއްޗަކީ ކޮން އެއްޗެއްކަން ބުނެދިނުމުގެ ގޮތުން ބޭނުންކުރާ ބަހެއް.( މިސާލު: ތީ އަހަރެންގެ ގަލަން. (2) ހިނގީތީ ހިނގިކަން ދައްކައިދިނުމުގެ ގޮތުން ބޭނުންކޮށްއުޅޭ އަކުރެއް. މިސާލު: ނޭންގީތީ ނާދެވުނީ. (3) ޔަތީ މިއަކުރު ކުރުކޮށް ބުނާގޮތް މިސާލު: ނޭންގީތީ ނާދެވުނީ
ކަނޑުދަތުރު
ނ ކަނޑުމަތީ ކުރާދަތުރު
ކަނޑުގުރުވަ
ނ ގުރުވައިގެ ބާވަތެއް. މިއީ ކުދިކުދި ހުޅުނބުތަކެއް ހުންނަ ހަންގަނޑުބޯ ރީތި މަހެކެވެ. މަހުގެ ދިގަށް ކަޅު ނުވަތަ ގަދަމުށި ކުލައިގެ ފުޅާ ރޮނގުތަކެއް ހުރެއެވެ. ތުނބާއި ކޮތަރިތަކާއި މަހުގެ މަތީބައި ހުންނަނީ ދޮންރީނދޫ ކުލައިގައެވެ. ކޮތަރިތަކާއި ނިގޫފަތުގައި ކަޅުކުލައިގެ ލައްތަކެއް ހުރެއެވެ މަހުގެ ބަނޑުދަށް ފަރާތުގައި ހުންނަނީ ރިހި ހުދުކުލައެވެ
ކަނޑުގެރި
ނ ވާލަންމަސް ޢާއިލާގެމަހެއް. މިމަހުގެ ސިފައާއި އުޅުން ވާލަންމަހާއި ވަރަށް ވައްތަރުވާނެއެވެ. މިބާވަތުގެ ފިރިހެންމަހުގެ ނިތްމަތިން މަހުގެ ކުރިއަށްވާ ގޮތަށް ދަޅެއް ފަޅާފައިހުރެއެވެ. އަންހެންމަހުގެ ނިތްމަތި ހުންނަނީ ގޮތްބެއްހެން އުސްވެފައެވެ. މަހުގެ މަތީބައިގެ ކުލައަކީ ގަދައަޅިކުލައެވެ ބަނޑުދަށްފަރާތް ހުންނަނީ ފަނޑުހުދު ކުލައެއްގައެވެ މަހުގެ އަނގަ ކުޑަވާނެއެވެ ހަންގަނޑު ބޯވެފައި ކުދިކުދި ހުޅުނބުތަކެއް ހުރެއެވެ
ކަނި
ނ (1) އަލިފާނުން ބުރައިގެންދާ ކުދިކުދި އަލިފާންކޮޅު. (2) އަލިފާނުގެ ތެރެއިން ވަރަށް ކުޑަމިން ވަރެއް. (3) ދެއެއްޗެއް ޖެހިގެން ނުވަތަ ކޭރުވިގެން އުފެދޭ އަލިފާންކޮޅު. (4) ލޮލަށް ލިބޭ ހާނީއްކައަކުން ނުވަތަ ކުރި ބާރަކުން ފެންނަހެން ހީވާ އަލިއަލިކޮޅު. (5) އެންމެ ހިމަފޮދު ވާރޭގެތިކި. (6) ބައްތިއާއި ވޮށްފަދަ ދިއްލާ އެއްޗެހީގެ ފީތާ އަނދާފައިހުންނަ ދެލިކޮޅު. (7) އެކިއެކި ބޭނުމަށް ގެންގުޅޭ ކޮޅު ދެކަތްޕަށް ހުންނަ ދަނޑި. (8) ބައެއްޒާތުގެ މަސްބާނަން އަރާން މޫދުގައި ޖަހާ ދުނބުރި ކަފިގަނޑު. (9) އަންނައެއްޗެހީގެ ކަށިފަތީގެ އެއްމެކައިރިފަށް. )01( ދޮރުގެ ދެފަރާތުގެ ދެގަނޑެތި. (11) ގޭގެ މަތިވަޑާންގަނޑުގައި ގޮތްގޮތަށް ވިއްދައިފައި ހުންނަ އެއްޗެހި. (21) ހަތަރެސްކަން ރިޔަލުގެ ތިރީކޮޅުގެ ދެކަން. )31( މާމުޔާއި ހަކުރު ފަދަ ތަކެތި ހިސާބަކަށް ވާނުބައި )41( ދިއްލައިފައި ހުންނަ ބައެއް އެއްޗެއްހީގެ ހުޅުގަނޑުވާ ކުޑަ
ކަނިކުރަދި
ނ ކަނިއަޅާން ގިލަމަތީ ހުރަހަށް އަޅައިފައި އޮންނަ ކުރަދިގަނޑު
ކަނިކުރުން
މ (1) ބައްތިފަދަ ތަކެތީގެ ހުޅުގަނޑު ކުޑަކުރުން. (2) ބޮކިފަދަތަކެތީގެ އަލިމަޑުކުރުން. (3) މާމުޔާއި ހަކުރުފަދަ ތަކެތި ބަހަށްޓައިގެން ނުބައި ކުރުން
ކަނިކެނޑުން
މ (1) ވޮށުގެ ފުކުންނާއި ބައްތީގެ ފީތާއިން އަނދައިފައި ހުންނަތަންކޮޅު ކަނޑައިވަކިކުރުން (2) އަންނަ އެއްޗެހީގެ ކައިރިފަށް ކެނޑުން (3) ކަނިއަޅައިފައި ހުރިވާގަނޑު އުފުރައިގެން ދިއުން
ކަނިވުން
މ (1) ބައްތިފަދަ ތަކެތީގެ ހުޅުގަނޑު ކުޑަވުން (2) ހަކުރާއި މާމުއިފަދަ ތަކެތި ހިސާބަކަށް ނުބައިވުން
ކަނިފަށް
ނ ވިލާތުބުޅިޔާއި ކަންއިލި ފަދަތަކެތީގެ ތުނޑުގެ ކައިރީން ފޭކޮށްފައި ކައްވާދަކަށް ހުންނަތަންކޮޅު
ކަނޮޅި
ނ މިޔަރުގެ ބާވަތެއް. މިއީ ބޯވަށްކޮށް ހުންނަ އުރަހަ ގިނަ ކަޅުކުލައިގެ މިޔަރެކެވެ ލޯހުންނާނީ ބޮލުގެ ދެއަރިމަތީގައެވެ
ކަންނެޔޮ
ނ ބޯއަޅަން ނުވަތަ ތަންމަތީގައި ބަހައްޓަން ގެންގުޅޭ ފޯލިކޮށް ހުންނަ އެއްޗެއް. މިގިނައިން ހުންނަނީ ފޮތިންފަހައި އެތެރެޔަށް ކަފަ ނުވަތަ އެހެން ކޮންމެވެސް އެއްެޗެއް ލައިފައެވެ
ކަންބަރާ
ނ އޮޑިއަޅާވައު ކަނިކުރެދީގެމަތީގައި އަތްއަތަށްނުޖެހި އޮންނަ ގޮތަށް ހައްޔަރުކުރުމަށް ފެންފިލާގެދަށުން ދިރުނބާކޮޅުން ނެރެފައި އޮންނަ ވާގަނޑެއް
ކަންބާ
ނ އެއްފަތީ މުންޑު
ކަންކަށި
ނ (1) ކޯތާފަތުގެ މަތިން މޫނުގެ އަރިމަތި (2) ފުރާދުއްވާ ތަކެތީގެ ދެކޮޅުގެ ބޭރުފަރާތް
ކަންވަނުން
މ ނިޔަފަތީގެ ކަން އެއިނގިލީގެ މަސްގަނޑު ތެރެއަށް ހެރުން
ކަންފަތްގަނޑު
ނ (1) މަހުގެ ކަރުތާފަތާ ކައިރީގައި ދެއަރިމަތީގައި ހުންނަ ކުޑަ ކޮތަރި (2) މުޅޯށިފަދަ ބައެއް ތަކެތީގެ ދެފަރާތުގައި ހިފާން ނެރެފައި ހުންނަ ތަން
ކަންފިލާ
ނ ދޮރުގެ ދެކަނިދޭތެރެ ނުވަތަ ދެތަނބު ދޭތެރޭފަދަ ތަންތާނގެ މަތީގައި ހަރުކޮށްފައި ހުންނަ ވަނާލީފިލާ
ކަރަންޓުލުން
މ ކަރަންޓުގެ ބޭނުން ކުރުމަށްޓަކައި ވައިރުކޮށްގެން ދާއިމީ ނުވަތަ ވަގުތީވައިރަކަށް ކަރަންޓުދިނުން
ކަރުލުން
މ (1) ސަރުބަތާއި ދިވެހި ހަކުރުފަދަ ތަކެތީގައި ގަނޑުގަނޑަށާއި ފުއްފުކަށް ހަކުރު އުފެދުން (2) ބޮނޑިއާއި މެޓާ ފަދަ ތަކެތި ހިލައި ވަރުވެގެން ބާލަން ވީމާ ދޯބުރާލިހަކުރު ނުވަތަ ނަބާޒު ހަކުރު މުގުރައިފައި އެޅުން (3) ދިވެހި ހަކުރު ކަރުލާގޮތް ހެދުން
ކަރުސާތު
ނ ނާފަހަރުގެ ކުނބާއި ކޯއްޓޭތަކުގެ މަތީބުރީގެ ފޫފެތެން ތިރީބައިގައި ހުންނަތަން